ފިލިޕީންސްގެ ރައީސް ރޮޑްރިގޯ ޑުޓާޓެ. --ފޮޓޯ:އޭޕީ
27 މެއި 2020 - 16:32
13 comments
މެނީލާ (މެއި 27) - ބައެއް ގައުމުތަކުގައި ސްކޫލްތައް ހުޅުވި ނަމަވެސް ފިލިޕީންސްގެ ސްކޫލްތައް ހުޅުވައި ދަރިވަރުން ކިޔަވަން ގެންދާނީ ކޮރޯނާވައިރަހަށް ވެކްސިނެއް އުފެއްދުނު ދުވަހަކުން ކަމަށް އެ ގައުމުގެ ރައީސް ރޮޑްރިގޯ ޑުޓާޓެ ވިދާޅުވެއްޖެ އެވެ.
"ވެކްސިނެއް ނުލިބެނީސް ދަރިވަރުން ސްކޫލަށް ފޮނުވުން ވާނީ ބޮޑު މުސީބާތަކަށް،" ގައުމީ މުޚާތަބް ކުރައްވައި ޑުޓާޓެ ވިދާޅުވި އެވެ. "ދަރިވަރުން ގާތްގާތުގައި ތިބެން ޖެހޭއިރު ސްކޫލްތައް ހުޅުވަން އަޅުގަނޑު ހުއްދައެއް ނުދޭނަން. ރައްކާތެރިކަން ޔަގީން ނުވަނީސް ސްކޫލްތައް ހުޅުވުމުގެ ވާހަކަ ދެއްކުމަކީ ބޭކާރު ކަމެއް."
ފިލިޕީންސްގެ ސްކޫލްތައް މާޗް މަހު ބަންދުކުރުމުން 25 މިލިއަން ދަރިވަރުންގެ ކިޔެވުން ވަނީ މެދުކެނޑިފަ އެވެ. ސްކޫލްތައް ހުޅުވަން ކުރިން ނިންމާފައި ވަނީ އޮގަސްޓް މަހު ފަހުކޮޅު އެވެ.
"އަޅުގަނޑަކަށް ފުރަތަމަ ކަމަކީ ސްކޫލްތައް ހުޅުވުމަށް ވުރެ ވެކްސިން. ވެކްސިނެއް ލިބިއްޖެ ނަމަ އޯކޭ. އެއްވެސް ކުއްޖަކު ގްރެޖުއޭޓް ނުވިއަސް އޯކޭ،" ޑުޓާޓެ ވިދާޅުވި އެވެ.
ކޮރޯނާވައިރަހަށް އަދި މިހާތަނަށް ވެކްސިނެއް އުފެއްދިފައެއް ނުވެ އެވެ. އެންމެ އަވަހަށް ވެސް ވެކްސިނެއް ލިބޭނެ ކަމަށް ބެލެވެނީ މި އަހަރުގެ ފަހުކޮޅު ނުވަތަ އަންނަ އަހަރު އެވެ.
ފިލިޕީންސް އިން މިހާތަނަށް ވަނީ 14,669 މީހުން ކޮރޯނާވައިރަހަށް ޕޮޒިޓިވްވެ 886 މީހުން މަރުވެފަ އެވެ. ފިލިޕީންސް ވަނީ މި މަހުގެ ނިޔަލަށް ލޮކްޑައުންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޭޔަރ
28 May 2020
ލީޑަރުންނަށް ރޯލްމޮޑެލްއެއް
ނާޢިމް
28 May 2020
ކަލޭނޭ!
އަލްޖިބްރާ
27 May 2020
މިވަގުތު ސްކޫލްތަޢް ހުޅުވިއަސް ކުދި ދަރިން ސްކޫލަށް ފޮނުވާކަށް އެއްބަހެއް ނުވާނަން !
ފުއްޓަރު
27 May 2020
ތީ މާ ހަމަ ޖެހޭ މީހެއް ނޫން. ތީ ހަމަ ދެވަނަ ޑޮނަލްޑް ޓްރަމްޕް. ނުހެއްލޭތި އެކަކުވެސް.
ރަދުން
27 May 2020
ކިޔަވައިނުދީ ބޮޑުފީނަގަމުންދާއިރުވެސް ރައީސް އެ ހުންނަވަނީ ބީރުކަންފަތެއްދީގެން. ފިންލޭންޑް ސްކޫލް.
COOOL
27 May 2020
ކީއްކުރަން އެތަނަލަށްލީ. ސަރްކާރުން ހިލޭކިޔަދޭ
ސަންޑޭ
29 May 2020
ޖޫން މަހުން ފެށިގެން ސްކޫލް ތަކަށް ދައްކާނެ ފީއެއް ނޯނާނެ. ދިރާސީ އަހަރު ފެށެނީ، 2021 ޖޫން ކަމަށް ވަންޏާ 2021 ޖަނަވަރީ އިން ފެށިގެން ކިޔަވައި ދިނުމަށް ފުރުސަތު އޮއްވައި، އޮންލައިންކޮށް ކިޔަވައި ދެނީއޭ ކިޔާފަ ކޮން ކަމެއްތޯމީ!
ޢަލިބެއްޔާ123
27 May 2020
މިއީ ދިވެހި ރާއްޖޭގެ ނިންމުމެއްނަމަ ރައީސް ޞާލިޙަށްވުރެ ދެއުޅިއެއް ނުވާ ފިނޑި އިންސާނަކު ނުހުންނާނެ.
ގިޔާސް
28 May 2020
ރައްޔިތުން ހަމަ ރަތަށް އަރާނެ، ދަރިންގެ މުސްތަޤްބަލާމެދު ނުވިސްނާ ރައީސެއް ވެރިކަމުގަ ބަހައްޓައިގެންވެސް ނުވާނެ ކަމަށާ ހަމަ މިހާރުން މިހާރަށް އިސްތިއުފާދޭން ޖެހޭނެ ކަމަށް ގޮވާލާ މުޒާހަރާވެސް ކުރާނެ.
މުހައްމަދު
27 May 2020
ނަމޫނާ އަކަށް ބަލާ
އާދަމް ބާއީ
27 May 2020
ޑުޓާޓޭ ހަބޭސް. މީނާވަރުގެ ލީޑަރަކު ނުލިބޭނެ.
ކަސަބު
27 May 2020
ރަނގަޅު
އިފުމާއަ
27 May 2020
ސޯ ސްމާޓް