މާލެ ޕޯޓުސަރަހައްދުގައި ކޮންޓެއިނާތަކެއް ބަހައްޓަފައި: ކުޅުދުއްފުއްޓާއި ހިތަދޫ ޕޯޓުން ވެސް ވަނީ ޑެމަރޭޖް ނުންގަން ނިންމާފައި--ފޮޓޯ: އަހުމަދު އަވްޝަން / މިހާރު
28 މެއި 2020 - 22:23
5 comments
ކޮވިޑް-19 ފެތުރޭތީ އިއުލާން ކޮށްފައިވާ ސިއްހީ ނުރައްކަލުގެ ހާލަތުގެ މުއްދަތުގައި ކުޅުދުއްފުއްޓާއި ހިތަދޫ ޕޯޓުން ވެސް ބައެއް ފީތައް ނުނަގަން ނިންމައިފައިވާ ކަމަށް މޯލްޑިވްސް ޕޯޓްސް ލިމިޓެޑުން (އެމްޕީއެލް) މިއަދު ބުނެފި އެވެ.
އެމްޕީއެލުން ނެރުނު ބަޔާނެއްގައި ބުނީ ކުޅުދުއްފުށި ޕޯޓްސް ލިމިޓެޑާއި ހިތަދޫ ޕޯޓްސް ލިމިޓެޑުގެ ބޯޑުން އެގޮތަށް ނިންމީ މި ހާލަތުގައި މުދާ ގެންނަ ފަރާތްތަކަށް ލުއިތަކެއް ދޭން ކަމަށެވެ.
އެ ކުންފުނިތަކުން ދިން ލުއިތަކުގެ ތެރޭގައި މިދިޔަ އޭޕްރިލް މަހުގެ 15 ވަނަ ދުވަހުން ފެށިގެން އަންނަ ޖޫން 20 ވަނަ ދުވަހުގެ މުއްދަތަށް އެ ޕޯޓުތަކަށް ބާލާފައިވާ ހުރިހާ މުދަލެއްގެ ތެރެއިން އޭޕްރިލް 15އާ ހަމައަށް ޑެމަރޭޖް ނާރާ މުދަލުން ޑެމަރޭޖް ނުނަގަން ވަނީ ނިންމައިފަ އެވެ. އަދި މި މުއްދަތުގެ ތެރޭގައި އެމްޓީ ކޮންޓެއިނާ ސްޓޯރެޖް ފީ ނުނަގަން ވެސް ކުޅުދުއްފުށީ ޕޯޓުންނާއި ހިތަދޫ ޕޯޓުން ވަނީ ނިންމައިފަ އެވެ.
ވިޔަފާރިވެރިން ގެންނަ މުދާ ބޭލުމަށް ފަހު ވަކި މުއްދަތަކަށް ޕޯޓުގެ ސްޓޯރޭޖުގައި ހިލޭ ބެހެއްޓޭނެ އެވެ. އަދި މުއްދަތު ހަމަވުމުން މުދާ ކްލިއާ ނުކުރާ ނަމަ އިތުރުވާ ކޮންމެ ދުވަހަކަށް ޑެމަރޭޖް ފީއެއް ނަގާނެ އެވެ. ނަމަވެސް މި ދަނޑިވަޅު ޑެމަރޭޖް ފީ ނުނަގަން ނިންމައިފައި ވަނީ ރާއްޖޭގައި މިހާރު އޮތް ހާލަތުގައި މުދާ ކްލިއާ ކުރުމުގައި ލަސްތަކެއް ވެދާނެ ކަމަށް ބަލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަދުހަމް79
30 May 2020
އެހެން ބުނަނީ،. ގިނަ އެޖެންޓުން އަދި ވެސް ޑެމަރޭޖް ނަގާ
ޭޘާނީ
29 May 2020
24 މެއި 2020 ގައި، ކުންފުނީގެ ހުރިހާ ޑިޕާޓުމަންޓުތަކަށް، ކުންފުނީގެ ސީއީއޯ ބިއުރޯއިން ފޮނުވި މެމޯގައި ބުނެފައި ވަނީ “އޭޕްރީލް މަހުން ފެށިގެން ކުންފުންޏަށް ލިބޭ އާންމުދަނީ ދަށަށްދާ ކަމަށް.”އެހެންކަމުން، މީގެ ކުރިން ވެސް ވަޒީފާއަށް ނުނެރޭ އެންމެހައި މުވައްޒަފުންނަށް ވެސް ލިބެމުންދިޔަ އިނާޔަތުގެ ތެރެއިން، ކޮންމެ މަހެއްގެ މައްޗަށް 8 ދުވަހުގެ އިނާޔަތް ނުދޭން ނިންމާފައިވާ ވާހަކަ. އެއީ ދުވާލަކަށް -/280 ރުފިޔާ! ވީއިރު، ޑެމެރޭޖް ކަނޑާލަން ޖެހެނީ ކީއްވެ؟
ކީސް
29 May 2020
މަގެނާތަކެތިން މާލެގައޮހުންނަ ޕޯޓުން ނެގި ރިސިޕްޓްވެސް އެބައޮތް އަޕްލޯޑްކޮށްލެވޭނަ މަ ކޮށްލީ މުސް
ހުސެންް
29 May 2020
ހުސް ދޮގު އިހައް ދުވަހު މަ ޑެމަރޭޖައް ޕޭކޮފިން 19000ރ.... މީ ވަރައް ބޮޑި އަނިޔާއެއް ސަރުކާރުން ދިން... ޑެމަރޭޖް ނުވެޔެ ކިޔާފަ
ޜުސްތުމް
29 May 2020
ޢެމްޕީ އެލް އިން ބަޔަކު ގެނައި ކާރެއް ނުބާލާ ހުސްކޮންޓެއިނަރެއްކަމުގަ އަލުން ބޯޓަށްލާ ފޮނުވާލައިފަ އެވާހަކަ ސިޓީއަކުން އަދި ފޯނުކޮށްފަ ހުށަހެޅުމުން އެއަށް ޖަވާބެއްނުދޭ އަދިވެސް!