ބާގީ ލުތުފީ: އޭނާގެ މައްސަލައިގެ އަޑު އެހުމެއް މާދަމާ އޮންނާނެ
13 ޖޫން 2020 - 11:47
11 comments
ނޮވެމްބަރު، 3 1988 ގައި ރާއްޖެ އަށް ދިން އުދުވާނީ ހަމަލާގައި އިސްކޮށް ހަރަކާތްތެރިވި އަބްދުﷲ ލުތުފީ ޖަލަށް ލާފައި ވަނިކޮށް ބޭސްފަރުވާ އަށް ރާއްޖޭން ބޭރަށް ފޮނުވުމުން ފިލި މައްސަލާގައި ކުރާ ދައުވާގެ އަޑުއެހުމެއް މާދަމާ އަށް ތާވަލްކޮށްފި އެވެ.
ލުތުފީގެ މައްޗަށް ކުރަނީ މީހުން ބަންދުކުރާ މަރުކަޒަކުން ފިލުމުގެ ކުށުގެ ދައުވާ އެވެ. މި ދައުވާ ކުރިއަށް ގެންދާނީ ކްރިމިނަލް ކޯޓުގެ ތާވަލުގައި އޮތް ގޮތުން، މާދަމާ ހެނދުނު 11:00 ގައި ވީޑިއޯ ކޮންފަރެންސް މެދުވެރިކޮށެވެ.
ގާނޫނުލް އުގޫބާތުގެ 537 ވަނަ މާއްދާގެ ދަށުން މި ދައުވާކޮށް ކްރިމިނަލް ކޯޓަށް ހުށަހަޅާފައިވަނީ އުމުރު ދުވަހުގެ ޖަލު ހުކުމެއް ތަންފީޒުކުރަމުން ދަނިކޮށް ބޭސްފަރުވާ އަށް 2010 ވަނަ އަހަރު ރާއްޖޭން ބޭރަށް ފޮނުވުމުން ފިލި މައްސަލައިގަ އެވެ. މި ކުށުގެ އަދަބަކަށް ގާނޫނުލް އުގޫބާތުގައި ކަނޑައަޅާފައިވާ އެންމެ ބޮޑު އަދަބަކީ ހަތަރު އަހަރަށް ޖަލަށް ލުމެވެ. އެންމެ ކުޑަކޮށް ދެވޭނީ 4 މަހާއި 24 ދުވަހަށް ޖަލަށް ލުމެވެ. ލުތުފީ ފިލައިގެން އުޅުނީ ސްރީ ލަންކާގަ އެވެ. އެކަމަކު ލަންކާގައި ހުންނަ ރާއްޖޭގެ އެމްބަސީ އަށް މިދިޔަ އަހަރު ލުތުފީ ގޮސް ހިމާޔަތް ހޯދުމުން އޭނާ ރާއްޖެ ގެނެސް، މިހާރު ވަނީ އަލުން ޖަލުގައި ހައްޔަރުކޮށްފަ އެވެ. ލަންކާގެ ޕްލޯޓް ޖަމާއަތާ ގުޅިގެން ރާއްޖެއަށް ދިން އުދުވާނީ ހަމަލާގައި 19 ދިވެއްސަކު ޝަހީދުކޮށްލައި، ހިނގި އެ ހާދިސާގައި ލުތުފީ އާއި އިތުރު ބަޔަކު މަރަން ހުކުމްކުރި އެވެ. އެކަމަކު އޭރުގެ ރައީސް މައުމޫން އަބްދުލްގައްޔޫމް ފަހުން ވަނީ ހުރިހާ އެންމެންގެ މަރުގެ އަދަބު އުމުރު ދުވަހުގެ ޖަލު ހުކުމަކަށް ބަދަލުކޮށް ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީޖަން
13 June 2020
މިސޮރުވެސް ގަބީލާ ޕާޓީއެއް ހަދައިގެން ރަށްރަށަށް ދަތުުރުކޮށްލަނިކޮށް ޑިމޮކުރަސީގެ ބާނީއަކަށްވެދާނެ. އޭރުން ދެން ހައްޔަރުކޮށްފިއްޔާ މާލޭ މީހެއްވީމަ ގައުމީކަމަކަށް ހަދައިގެން އުތުރު ރަށްރަށު ގިނަބަޔަކު މަހައްނުގޮސް މުޒާހަރާކުރަން ތިބެދާނެ.
ބޮޑުމީހާ
13 June 2020
މިފަދަ ވަގުތުތަކުގައިވެސް ދައުލަތުގެ ވަސީލަތްތައް ޚަރަދުކުރަން މިޖެހެނީ ބާޢީންނަށް
ވަތަން އިސްކުރަންޖެހޭ
13 June 2020
މަޝައްވެސް ހީވަނީ އެމްމެފަހުން ކުއްވެރިވާނީ ނުއެމްބަރު 3ގެ ޝަހީދުވީ19 މީހުންނާ ލުތުފީ ޖަލައްލާން އުޅުނުމީހުންހެން.
ޝޮކްތެރަޕީ
13 June 2020
ލުތުފީ މަސްސަލަ ނިމޭއިރު ނަޝީދުވެސް ޖަލައް ލަންޖެހޭ. ލުތުފީ ފިލުވަން ކުރި ހުރިހާ މަސައްކަތެއް ކުރުވީ ނަޝީދު.
ކަމާލްކުރޫނީ
13 June 2020
ޖަލަށް ލާންޖެހޭ ވަގުކަލޭގެ މިހާރު އޮތީ ގޮޅީގަ
މަރޭމިރުތާ
13 June 2020
މިހާރުގެ ސަރުކާރުން ޤަބޫލު ކުރާނީ "އެމަނިކުފާނަކީ" ވެސް ޑިމޮކްރެސީ އަށް މަސައްކަތް ކުރެއްވި ބޭފުޅެއްގެ ގޮތުގައި. މި ދައުރު ނިމުމުގެ ކުރިން ލުތުފީ މިނިވަން ކުރާނެ!
ނޫސް ބަލާމީހާ
13 June 2020
ލުތުފީއަށް ޙިމާޔަތްދީގެން ދިވެހިދައުލަތަށް ފުލުވައިގެން ހުންނެވި ހައިކޮމިޝަނަރގެ މައްޗަށް ދައުވާ ނުކުރަަނީތޯ
ނިޔަތް
13 June 2020
މަރުގެ އަދަބުން ލުތުފީ ސަލާމަތް ކުރީ މައުމޫނު. ލުތުފީ ފަދަ ނުައްކާތެރި ހާއިނަކު ބޭސްފަރުވާއަށް ކަމަށް ބުނެ ފިލުވަން ބޭރަށް ދޫކޮށްލީ މަޖިލީހުގެ ރައީސް އަކަށް އެއިންނަ ހިތްނުފުރޭ ނަޝީދު. ވަހީދު އަކަށްވެސް ޔާމީނަކަށްވެސް ހޯދުނު ކަމަކަށް ނުވި މިކަލޭގެ. އެހާވަރަކަށް ހޯދާކަށް ނުވެސް އުޅޭ. ޔާމީނު ވެރިކަމުގަ އުމަރުބޭ އަގެއްކިޔައިގެން އެކަން ވޭތޯ ނުބަލައެކޭ ނޫން. އެންމެފަހުން އިބުރާހިމު ވެރިކަމުގަވެސް އަމިއްލެއަށް އައިސް ހަވާލުީމާ ހައްޔަރު މިކުރެވުނީ.
އަލީ ސަލީމް
13 June 2020
ތިޔަ ކޭސް ދެން ނިމޭއިރު ކުއްވެރިވާނީ 3 ނޮވެމްބަރުގައި ޝަހީދުވި މީހުންނާއި ލުތުފީ ޖަލައްލި މީހުން!
ސިންގަޕޫރު އޮޑި
13 June 2020
މަރުގެ އަދަބު އުމުރު ދުވަހުގެ ޖަލު ހުކުމަކަށް ބަދަލުކޮށް ދެއްވީވެސް މައުމޫނު އަދި ފިލޭނެ ފުރުސަތު ހޯދައިދީ ލުތުފީއާއި އެކު ރާއްޖެ އެރި ހުރިހާ ތަމަލައިން ރާއްޖެއިން ފޮނުވާލީވެސް މައުމޫނު. ތަމަޅައިން ރާއްޖެ އެރި ބޯޓަށް ފައިސާ ދެއްކީ އޭރު ސިންގަޕޫރުގައި ބަހައްޓާފައި ހުރި ވަރުގަދަ މީހާ.... މިޒަމާނުގައި މިފަދަ ފިލްމްތައް ބަލާލަން ފުރުސަތު ލިބޭނެ
އަޝްރަފު
13 June 2020
ނޮވެންބަރ 3 ގައި ދިވެހިން ޝަހީދު ކޮށްލީވެސް މައުމޫނުދޯ؟ ވީއައިޕީ ފެންވަރުގަ ލުތުފީ އެމްބެސީގަ ބެހެއްޓީވެސް މައުމޫނު، މައުމޫނު، މައުމޫނު، ލައްކަ ވަރެއްވެފަތާ ތިޔަހުރީ ދޯ؟ މިޒަމާނުގަ ސިކުޑީގެ ޑޮކްޓަރަށްވެސް ދެއްކޭނެ!