ވަރުވާއަށް ދޫކުރަން އިއުލާންކުރި ދިގުލާބަދޫ: ކުރީގެ ގަވާއިދުގެ ދަށުން ވަރުވާއަށް ދިން ރަށްތައް ސަރުކާރަށް ނެގިދާނެ -- ފޮޓޯ: ރިފްއަތު ނަައީމް
19 އޮކްޓޯބަރ 2016 - 14:26
12 comments
ފަޅު ރަށްތައް ދޫކުރުމާ ބެހޭގޮތުން ކުރިން އަމަލުކުރި ގަވާއިދުގެ ދަށުން ދޫކޮށްފައިވާ ފަޅު ރަށްތައް ސަރުކާރަށް އަތުލެވޭ ގޮތަށް ފަޅު ރަށްރަށާ ބެހޭ ގަވާއިދަށް އިސްލާހު ގެނެސްފި އެވެ.
ފަޅު ރަށްރަށާ ބެހޭ ގަވާއިދު އޮންނަ ގޮތުން ވަރުވާއަށް ދޫކޮށްފައިވާ ފަޅު ރަށެއް ސަރުކާރަށް ނެގޭނީ ރަށް ދޫކުރި ޝަރުތަކާ ޚިލާފުވުމުން ނުވަތަ ދައުލަތުގެ ބޭނުމަކަށް ނުވަތަ ރާއްޖޭގެ ސަލާމަތަށް އަޅަންޖެހޭ ފިޔަވަޅަކަށްޓަކައި ނުވަތަ އެ ރަށް ދޫކޮށްފައިވާ ފަރާތުން އެދިގެން ނުވަތަ އެ ފަރާތް މަރުވުމުންނެވެ.
އެކަމަކު ގަވާއިދަށް މިއަދު ގެނެސް، އަމަލުކުރަން ފެށި އިސްލާހު ބުނާގޮތުން ފަޅު ރަށްތައް ދޫކުރުމާ ބެހޭގޮތުން ކުރިން އަމަލުކުރި ގަވާއިދުގެ ދަށުން ވަރުވާ އަށް ދޫކޮށްފައިވާ ރަށްތައް، އެ ގަވާއިދުގެ ދަށުން ދޫކުރުމަށްޓަކައި ފިޝަރީޒް މިނިސްޓްރީ އަށް އަތުލެވިދާނެ އެވެ.
މިހާރު އަމަލުކުރާ ގަވާއިދު ބުނާގޮތުން ކުރީގެ ގަވާއިދުގެ ދަށުން ވަރުވާއަށް ދޫކުރި ރަށްތަކުގެ އެއްބަސްވުންތައް ދެމިއޮންނާނެ އެވެ. އެކަމަކު މިއަދު ގެނައި އިސްލާހުގެ ސަބަބުން އެއްބަސްވުމުގެ ޝަރުތަކާ ޚިލާފް ނުވިޔަސް އަދި ރަށް އަތުލަންޖެހޭ އެހެން ސަބަބެއް ނެތަސް އެފަދަ ރަށެއް އަތުލުމުގެ ބާރު ފިޝަރީޒް މިނިސްޓްރީ އަށް އޮންނާނެ އެވެ.
މީގެ އިތުރުން ޕާޓްނާޝިޕްތަކަށާއި ކޯޕަރޭޓިވް ސޮސައިޓީތަކާއި ކައުންސިލްތަކަށް ވެސް ފަޅު ރަށްތައް ވަރުވާ އަށް ދެވޭ ގޮތަށް ކަމަށް މިއަދު ގެނައި އިސްލާހުގައި ވަނީ ހިމަނައިފަ އެވެ. ކުރިން އޮންނަ ގޮތުން ވަރުވާ އަށް ރަށް ދޫކުރެވެނީ 18 އަހަރު ފުރިފައިވާ މީހުންނާއި ކުންފުނިތަކާއި ޖަމްއިއްޔާތަކަށް އެކަންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
20 October 2016
ކޮންމެސް ވަރުގަދ ބޭފުޅަކު، މީހެއްގެ ރަށެއް ކަޓުވަލަން އުޅޭހެން ހާދަ ހިވެޔޭ
އަހުމަދު
20 October 2016
ތިޔަ ބަދަލުގެ ސަބަބުން ކޮރަޕްޝަނަށް މަގުފަހިވާނެއެވެ. ޕާޓީ ކުދިންނަށް ރަށްތައް ދިނުން އިތުރުވެގެން ދާނެއެވެ. މިރާއްޖޭގެ ހުރިހާކަމެއްހެން މިދަނީ ފަސާދައާއި ދިމާލަށެވެ.
އަލީ ހާސިމް
20 October 2016
އިލްޔާސް އިބްރާހިމް އަތުން އަރިއަދޫ އަތުލަން ތަ ތި އުޅެނީ
އަތޮޅުވާރު
20 October 2016
ފަޅުރަށްތަށް ބޭނުން ކުރެވެއްޖެހޭނީ އަތޮޅު ތަރައްގީއަށް
ބަތްކައްކާ
20 October 2016
މަށަށްފެނޭ ހައިބަތު ބޮޑު އޯސަމް އެންޑް ފްލޯލެސް ސަރުކާރަށް މީހުންގެ ގޯތިނަގަންށާއި އިނދެގެން އުޅޭމީހާވެސް ބޭނުންވާއިރަކު ނެގޭނެ ގޮތަށް ގަވާއިދު މޮޑެން.
އަޔަންމޭން
20 October 2016
އޯސަމް އެންޑް އޯލްވޭސް ވިކެޑް ސަރުކާރުން ތިކަންވެސް ކުރާނެހެން ހީވަނީ!!
އަލްޖިބްރާ
19 October 2016
މިޤައުމު ބޭރުބަޔަކަށް ވިއްކާވެސް ލެވިދާނެ ؟ ލާރިލިބޭނެ ! ވިއްކާލަން ވީނު ؟
އޮޅުވާލިވަޒީރު
19 October 2016
މާދަމާ މިގައުމު އެހެން ބަޔަކަށް ދެވޭގޮތަށް ހަދާފަ ނިންމާލާފަ ވެސް ދެން ފެއަށް ޖެހެންވެއްޖެ ނޫންތަ؟
ބޫ
19 October 2016
ބަހާނެ އިތުރު ރަށެއް ނެތުނީމާ ބޭ އިންސާފުންވެސް އަތުލަނީދޯ؟
modaf
19 October 2016
މިގައުމުގަ މިމީހުން އަތްނުބާނާ އެއްވެސް ކަމެއް ނެތް ދަރަޖަޔަށް ގޮއްސަ މިއޮތީ. ހުރިހާ ކަމެއް ގަޑުބަޑުކޮށް މުޅި ގައުމު އޮޅުންބޮޅުން ކޮއްފި. މުޅި ގައުމުގަ ގާއިމް ވެފަ އޮތް ސިސްޓަމް ޚަރާބު ކޮއްލައިފި.
ބަކުރު އެންޑް ޒުބޭރް
19 October 2016
ދެން ހާދަ އޮޅުންބޮޅުން ބޮޑުވާނޭ. ދީފާ އޮތް ރަށެއްވެސް ކައުންސިލުން ދީފާނެ ބަޔަކަށް. އަނެއްކާ މިހާ ކަންކަން އޮޅޭ ޒަމާނެއްގާ މިހެންހެދީމާ ހައްތާހާ އޮޅޭނިއްޔެއްނު.