އިރުފުށި
06 ޖުލައި 2020 - 10:56
15 comments
ނ. އިރުފުށި ރިސޯޓް ހިންގުމުގެ މައްސަލާގައި ސަން ޓްރެވަލްސްއަށް 16 މިލިއަން ޑޮލަރު ދައްކަން ހިލްޓަން އިންޓަނޭޝަނަލްގެ މައްޗަށް ސިވިލް ކޯޓުން ކުރި ހުކުމް ހައި ކޯޓުން މިއަދު ބާތިލްކޮށްފި އެވެ.
އިރުފުށި ހިންގުމުގެ މަައްސަލާގައި ސަން ޓްރެވަލްސް އަށް 16 މިލިއަން ޑޮލަރު (255 މިލިއަން ރުފިޔާ) ދައްކަން ސިވިލް ކޯޓުން ހުކުމް ކުރުމުގެ ކުރިން، އެ އެއްބަސްވުން 2013 ވަނަ އަހަރު ބާތިލްކުރި މައްސަލާގައި ސިންގަޕޫރުގެ އާބިޓްރޭޝަނުން އޮތީ ހިލްޓަންއަށް 24 މިލިއަން ޑޮލަރު (370 މިލިއަން ރުފިޔާ) ދައްކަން ސަން ޓްރެވަލްސްގެ މައްޗަށް އަންގައިފަ އެވެ.
ސިވިިލް ކޯޓުގެ ހުކުމް ހިލްޓަންގެ ފަރާތުން އިސްތިއުނާފްކުރުމުން ހައި ކޯޓުން މިއަދު ކުރި ހުކުމުގައިވަނީ ހިލްޓަން އާއި ސަން ޓްރެވަލްސްއާ ދެމެދު ހެދިފައިވާ އެއްބަސްވުމުގެ ދަށުން ދެ ފަރާތުގެ ދެމެދުގައި އެއްވެސް މައްސަލައެއް ދިމާވެއްޖެ ނަމަ އެކަމެއް ހައްލު ކުރަން ޖެހެނީ ސިންގަޕޫރު އާބިޓްރޭޝަން މެދުވެރިކޮށް ކަމަށެވެ. އަދި އެއްބަސްވުން ބާތިލްކުރި މައްސަލަ އާބިޓްރޭޝަނުން ނިންމާފައި ވަނިކޮށް ސަން އިން ސިވިލް ކޯޓަށް ހުށަހެޅި މައްސަލާގައި ފާހަގަކުރީ ވެސް އާބިޓްރޭޝަނުން ގޮތް ނިންމާފައި ހުރި ކަންތައްތަކެއް ކަމަށް އެ ހުކުމުގައިވެ އެވެ.
ހުކުމުގައިވާ ގޮތުން އެ އެއްބަސްވުމުގައި ސޮއިކުރުވީ އޮޅުވާލައިގެން ކަމަށް ސަން ޓްރެވަލްސް އިން އާބިޓްރޭޝަންގައި ފާހަގަ ކުރިޔަސް، އެކަން ސާބިތުވާން ނެތް ކަމަށް އާބިޓްރޭޝަނުން އޮތީ ނިންމައިފަ އެވެ. އެހެންވެ، އެއީ ސިވިލް ކޯޓަށް ބެލޭނެ މައްސަލައެއް ނޫން ކަމަށް ވެސް ހައި ކޯޓުގެ ހުކުމުގައިވެ އެވެ.
އެ މައްސަލަ ބެއްލެވި އިސް ފަނޑިޔާރު ޝުޖާއު އުސްމާނާއި ފަނޑިޔާރު އަލީ ސަމީރާއި ފަނޑިޔާރު ހުސައިން ޝަހީދުގެ އިއްތިފާގުން ނިންމެވީ ސިވިލް ކޯޓުގެ ހުކުމް ބާތިލް ކަމަށެވެ.
ދުނިޔޭގެ މަޝްހޫރު ހޮޓެލް ޗެއިން ކަމަށްވާ ހިލްޓަންއާ އެއްކޮޅަށް ހައި ކޯޓުން އެ މައްސަލަ ނިންމިއިރު، ހިލްޓަންއާ އެއްކޮޅަށް އާބިޓްރޭޝަނުން ނިންމި ނިންމުން ތަންފީޒު ކުރަން ހުށަހެޅި މައްސަލައެއް ވެސް ކޯޓުތަކުގައި ދަނީ ހިނގަމުންނެވެ. އެ މައްސަލަ ހިލްޓަން އިން ސިވިލް ކޯޓަށް ހުށަހެޅުމުން އެ ކޯޓުން ނިންމާފައި އޮތީ އެ މައްސަލަ އެ ކޯޓަށް ނުބެލޭނެ ކަމަށެވެ. އެކަމަކު ހައި ކޯޓުން ނިންމާފައިވަނީ އެ މައްސަލަ ބަލަން ޖެހޭނީ ސިވިލް ކޯޓުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން ފިކުރީ
06 July 2020
ކޯޓުތައް އިސްލާހުވާކަމުގެ ކުލައެބަ ފެނޭ
ކޮރަލް
06 July 2020
ތިޔަ ހުކުމް އެހެން ގޮތަކަށް 2023 ގަ ބަދަލު ވެދާނެ ކަމަށް ފެނެ އެވެ.
އުދުހޭ
06 July 2020
ވަރަށް ސާފުކޮށް ފެންނަން އޮތް މައްސަލައެއް މިހާ ގިނަ ދުވަހަށް ދިގުލައިގެން ދިޔަކަމީ ދެރަކަމެއް. އެހެންނަމަވެސް ހައިކޯޓުގެ ކުހުމް އިންސާފުވެރިކަމަށް ހިތުގެ އަޑިން ގަބޫލުކުރަން. މިހާ ސާފުކޮށް އޮތް މައްސަލައެއްގަ ދަށުކޯޓުން އެގޮތަށް ހުކުން އައި ސަބަބެއް ޖޭއެސްސީން ބަލަންޖެހޭ. ކޯޓުތަކަށް ވިޔަފާރިވެރިން ނުފޫޒު ފޯރުވާ ވާހަކައަކީ މިގައުމުގަ އާ ވާހަކައެއްނޫން.
ލުތުފީ
06 July 2020
ބާރުއޮތް ދުވަހު ހިތިހުރިގޮތަކަށް ކަންކުރީމަ ވާނެގޮތް ތިވަނީ.
ހަސަނު
06 July 2020
މި މައްްސަލަ ސިވިލްކޯޓުގާ ކުރިއަށް ދިޔަ ގޮތް ވެސް ބަލަންޖެހޭ.. މި ކަހަލަ ސާފު މައްސަލައެއްގާ ދަށު ކޯޓުން އެފަދަ ހުކުމެއް ކުރި ސަބަބު ބަލާންޖެހޭ. އަދި އެ ހުކުން ކުރި ފަނޑިޔާރާ އަދި ގާނޫނީ ވަކީލުން ގާނޫނަށް އަލުން އަހުލުވެރި ކުރުވާންޖެހޭ...
1234
06 July 2020
އަސްލު އެގްރީމެންޓް ރަގަޅަށް ނުކިޔާ ސޮއިކުރީމަ ދެރައީ ؟
ށާޑު
06 July 2020
ޝިޔާމުގެ ބަހެއް ނެތް.
ރޯސްޕާން
06 July 2020
ސިޔާމު ބުނީ ތިމަންނަގެ އަހު ވެރިކަމުގައި ނެތީމަ ކޯޓު އަތް އަބުރާލެވޭގޮތް ނުވިއްޔޯ
ފުންއަސަރު
06 July 2020
ވެއްޓޭއިރު ހަމަ ވެއްޓޭނީ. ނަގަހައްޓާނޭ ހަމަ އެކަކުވެސް ނުވާނެ. އެކަމަކު މިދުވަހަށް ނިމުން އައިސް، ފައިތިލަ ސާބިތުވާ ހިސާބުން ތިހުރިހާ ކަމެއް ހުދުކާފޫރަށްވެ ނިމޭނެ. މަމެންނަކީ ހަމައެކަނި ދުނިޔޭގެ ކަންހިނގާގޮތް ބަލަމުންދާބައެއް. މަމެންނަށް ކޮށްދެވޭނެ ކަމެއް ނޯންނާނެ. ޔެ އަންދާ ގާނޫނުހޭ.
ލުތުފީ
06 July 2020
މަމެން ކޮންމެހެން ކަމެއްކުރާކަށް ނުޖެހޭދޯ. އެގްރިމެންޓުގައި ވަކިގޮތަކަށް އަމަލުކުރަން އޮއްވައި އެއާ ޚިލާފަށް ކޮންޓްރެކްޓް ބާޠިލް ކުރީ ކީއްކުރަން.
ކަލީމް
06 July 2020
ތިހާ ސާފުކޮށް އެކަން އެގެން އޮތް އިރު ސިވިލް ކޯޓުން ތިހުކުމެއް ތިޔާ އިދިކޮޅަށް ކުރިކަމީ އެކަން ކުރި ގާޒީންގެ ނަޒާހަތްތެރިކަން ނެތް ކަން އަންގައިދޭ ކަމެއް. ކޯޓުތަކުގައި ކޮރަޕްޝަން ވަރަށް ބޮޑު ކަން އަންގައިދޭ ކަމެއް.
ހިތި ރަހަ
06 July 2020
އަތަ-މާ އާއި ސަން އަކީ އެއްގޮތަށް އުޅޭ ބައެކެވެ. ނުފޯރާ ފުލުން ފޫގަޅާ ގެނެވެ.