މުހައްމަދު އިބްރާހީމް، ސިފައިންގޭގެ ފުރަތަމަ އެޖުޓަންޓް ޖެނެރަލް

ޗީފް އޮފް ޑިފެންސް ފޯސް މޭޖަ ޖެނަރަލް އަބްދުﷲ ޝަމާލް (ވ)، ކާނަލް މުހައްމަދު އިބްރާހިމަށް އެޑްޖަންޓް ޖެނެރަލް ކަމަށް އައްޔަނުކުރުމާ ގުޅޭ ލިޔުން މިއަދު ހަވާލުކުރައްވަނީ -- ފޮޓޯ: އެމްއެންޑީއެފް

ލަމްޔާ އަބްދުﷲ، މިހާރު

07 ޖުލައި 2020 - 18:11

7 comments

އެމްއެންޑީއެފްގައި އެޖުޓަންޓް ޖެނެރަލްގެ މަގާމު އުފައްދައި، އެ މަގާމަށް ކާނަލް މުހައްމަދު އިބްރާހިމް މިއަދު އައްޔަން ކުރައްވައިފި އެވެ.

ސިފައިންގެ މައި މަރުކަޒުގައި ބޭއްވި ހާއްސަ ހަފުލާއެއްގައި، މުހައްމަދު އިބްރާހީމާ، އެ މަގާމު ހަވާލުކޮށްދެއްވީ ޗީފް އޮފް ޑިފެންސް ފޯސް މޭޖަ ޖެނަރަލް އަބްދުﷲ ޝަމާލެވެ.

MNDF Adjutant General ge magaamah Colonel Mohamed Ibrahim ayyankuravvaifi. Miadhu MNDF Headquarters gai beyvvi khaassa rasmiyaathehgai mi magaam havaalu kohdhevee @CDFofMNDF pic.twitter.com/W0lJ6qT4jH
— Maldives National Defence Force (@MNDF_Official) July 7, 2020

އެމްއެންޑީއެފް އިން މިއަދު ކުރި ޓްވީޓެއް

އެޖުޓަންޓް ޖެނެރަލްގެ މަގާމުގައި ހުންނަވާ ބޭފުޅެއްގެ ޒިންމާތަކުގެ ތެރޭގައި ސިފައިންގޭގެ ސެރަމޯނިއަލް ޑިއުޓީތައް އަދާކުރުމާއި ސިވިލް އަދި ޕަބްލިކް އެފައާޒާއި ގާނޫނީ އެހީތެރިކަމާއި އަސްކަރީ ފުލުހުންގެ ހިދުމަތް ފޯރުކޮށްދިނުން ހިމެނެ އެވެ.

މިއީ ރިސޯސް އާއި ފައިނޭންޝަލް މެނޭޖްމަންޓް ދާއިރާގެ ހިދުމަތްތައް ދޭން އުފެއްދި ސަޕޯޓް ސާވިސްއެއް ކަމަށް އެމްއެންޑީއެފް އިން ބުންޏެވެ.

އެޖުޓަންޓް ޖެނެރަލަކަށް ފުރަތަމަ ފަހަރަށް އައްޔަން ކުރެއްވި މުހައްމަދު އިބްރާހީމް އެންމެ ފަހުން ހުންނެވީ އެމްއެންޑީއެފް ސެންޓްރަލް އޭރިއާގެ ކޮމާންޑަރުގެ މަގާމުގަ އެވެ. އޭނާ ސިފައިންގެ ޚިދުމަތުގައި އުޅުއްވާ 20 އަހަރަށް ވުރެ ގިނަ ދުވަސް ވެދާނެ އެވެ.