17 އޯގަސްޓް 2020 - 16:50
ރާއްޖޭގައި އުޅޭ ބަންގްލާދޭޝް މީހުންގެ ތެރެއިން 5،000 އަށް ވުރެ ގިނަ މީހުން، ކޮވިޑް-19 ފެތުރެން ފެށި ފަހުން މޯލްޑިވިއަނުން ބަންގްލާދޭޝް އަށް ގެންގޮސްފައިވާ ކަމަށް އެ އެއާލައިނުން މިއަދު ބުނެފި އެވެ.
ގައުމީ އެއާލައިން މޯލްޑިވިއަން އިން ކުރި ޓްވީޓެއްގައި ބުނީ، އެ އެއާލައިން އިން ބަންގްލަދޭޝްއަށް 30 ރިޕަޓްރިއޭޝަން ފްލައިޓު މިހާތަނަށް ބާއްވާފައިވާ ކަމަށެވެ. އެ ދަތުރުތަކުގައި ބަންގްލާދޭޝްގެ 5،733 މީހަކު ގެންގޮސްފައިވާ ކަމަށް ޓްވީޓްގައިވެ އެވެ.
Our 30th #repatriation flight to #Dhaka has left from @VelanaAirport with 200 Bangladeshi nationals.
— Maldivian (@MaldivianAero) August 17, 2020
As of today #Maldivian has repatriated a total of 5733 Bangladeshi passengers.#NationalAirline 🇲🇻 pic.twitter.com/XprXkw8Vzb
މޯލްޑިވިއަން އިން މިއަދު ކުރި ޓްވީޓެއް
ކޮވިޑް-19 އިން ރައްކާތެރިވުމަށްޓަކައި މާލެ ސަރަހައްދު ލޮކްޑައުންކުރުމުން ވަރަށް ގިނަ ބިދޭސީންނަށް އެކަމުގެ ނޭދެވޭ އަސަރު ކުރި އެވެ. ވަޒީފާ ގެއްލި ހާލުގައި ޖެހުމުން އެނބުރި ގައުމަށް ދާން ބޭނުންވި ބިދޭސީން ގިނަ އެވެ.
ރާއްޖޭގައި މިހާތަނަށް 5،785 މީހުންނަށް ކޮވިޑް ޖެހިފައިވާ އިރު، އޭގެ ތެރެއިން 2،019 މީހުންނަކީ ބަންގްލަދޭޝް މީހުންނެވެ. މި ބަލި ޖެހުނު 22 މީހަކު މަރުވެފައިވާ އިރު، އޭގެ ތެރޭގައި ބަންގްލަދޭޝް ހަ މީހުން ހިމެނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އަކީނޯ
18 August 2020
މަދެއް ނުވޭ ގެގޮސް އެކޮޅުން މިކޮޅަށް ގެންނަވަރު އެގެން ޖެހޭ.