އެމްޕީއެލްގެ ސީއީއޯ ޖުނައިދު ވާހަކަ ދައްކަވަނީ: މެރީޑިއަމް އަތުން ތެޔޮ ހޯދުން ހުއްޓާލީ ގެއްލުންވާތީ ކަމަށް އެމްޕީއެލުން ބުނޭ --ފޮޓޯ/މިހާރު
25 އޮކްޓޯބަރ 2016 - 17:43
13 comments
މެރީޑިއަމް ކުންފުނި ފިޔަވައި އެހެން ބައެއްގެ އަތުން ތެޔޮ ނުގަންނަން މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ މައްޗަށް ސިވިލް ކޯޓުން ނެރުނު އަމުރަށް މިވަގުތު ބަދަލު ގެނެވެން ނެތް ކަމަށް ސިވިލް ކޯޓުން މިއަދު ނިންމައިފި އެވެ.
ޕީޕީއެމް ޕީޖީ ގްރޫޕުގެ ޑެޕިއުޓީ ލީޑަރު ރިޔާޒް ރަޝީދުގެ މަސްލަހަތު އޮންނަ ކުންފުންޏެއް ކަމަށްވާ މެރީޑިއަމް ފިޔަވައި އެހެން ބައެއްގެ އަތުން ތެޔޮ ނުހޯދަން އެމްޕީއެލްގެ މައްޗަށް ކޯޓުން ވަގުތީ އަމުރެއް ނެރުނީ އެމްޕީއެލަށް ތެޔޮ ހޯދަން މެރީޑިއަމާ އެކު އެއްބަސްވުމެއް ހެދުމަށް ފަހު، އެއަށް އަމަލު ނުކޮށް އެހެން ބައެއްގެ އަތުން ތެޔޮ ހޯދަމުންދާތީ އެކަން ހުއްޓުވަން މެރީޑިއަމުން ހުށަހެޅި މައްސަލައެއްގަ އެވެ.
ކޯޓުން މިމަހުގެ 10 ވަނަ ދުވަހު ނެރުނު އަމުރުގައި އަންގާފައިވަނީ އެ މައްސަލަ ނިމެންދެން މެރީޑިއަމް ފިޔަވައި އެހެން ބައެއްގެ އަތުން ތެޔޮ ނުހޯދުމަށެވެ.
އެ އަމުރު ރިވިއުކޮށްދޭން އެމްޕީއެލް އިން ސިވިލް ކޯޓުގައި އެދުމުން އެ ކޯޓުން އިއްޔެ ނިންމާފައިވަނީ އެ އަމުރަށް ބަދަލު ގެންނަންޖެހޭ ސަބަބެއް ނެތް މިވަގުތު ފެންނަން ނެތް ކަމަށާއި އެހެންވެ އަމުރު އަދިވެސް ދެމިގެންވާ ކަމަށް ނިންމާ ކަމަށެވެ.
ކުރީގެ އަމުރަށް ބަދަލު ގެނެވެން ނެތް ކަމަށް ސިވިލް ކޯޓުން ނިންމިއިރު އެމްޕީއެލް އިން ކުރިން ވަނީ އެ އަމުރު ހައި ކޯޓުގައި އިސްތިއުނާފް ކުރަން ހުށަހަޅައިފަ އެވެ. އެމްޕީއެލް އިން ބުނެފައިވަނީ މެރީޑިއަމް އަތުން ތެޔޮ ގަތުމުން އެ ކުންފުންޏަށް ގެއްލުންވާ ކަމަށާއި އެހެން ބައެއްގެ އަތުން ތެޔޮ ހޯދަނީ އެހެންވެގެން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިންގް ސާމް
25 October 2016
އެމްޕީއެލް ތެރޭގައި ހިންގާ ޖަރީމާތައް ބަލާ އެކަމަށް އަޅަންޖެހުނު ކޮންމެ ފިޔަވަޅެއް އަޅަމުންދާތީ އެމްޕީއެލް ހިންގުމާ މިހާރު ހަވާލްވެފައި ހުރި ސީއީއޯ ޖުނައިދު އަށް އައްސަރިބަހާ ސާބަސް ދަންނަވަން
ގެޓަކިން
25 October 2016
ކޮންކަހަލަ ކުރިއެރުމެއްބާ ފެންނަނީ؟ ނޭގޭތީ އަހާލެވުނީ. ތެލުގެ ކަންތަކުގައި ބުނެލަން އޮތީ ޖުނޭދުގެ އަމަލު އެހުރީ، އަހަރެން ދެކޭގޮތުގައި ސީއީއޯ އެއްގެ މަގާމުގައި ހުންނަމީހެއްގެ ފަރާތުން ފެންނަންޖެހޭ ކަހަލަ ގޮތަކަށް ނޫނޭ ބުނެވޭނީ. ސަބަބަކީ ކުންފުންޏާ ރިޔާޒާއި ކުރެވުނު އެގްރީމެންޓަށް ކުންފުނީގެ އެންމެ އިސްމީހާގެ ގޮތުން އިހްތިރާމް ކުރަން ޖެހޭނެ. ނުކޮށް އެހެން ބައެއްގެ އަތުން އެއާ ކަޑައެޅިގެން ޚިލާފަށް ތެޔޮގަތުމަކީ ޒިންމާދާރު އަމަލެއް ނޫން. ކުންފުންޏަށް ގެއްލުންވާނަމަ ކޮންޓްރެކްޓް އުވާލެވޭނެ އުސޫލުން އުވާލެެއްވުން ކީއްތޯ؟ ރިޔާޒާއި ވާހަކަ ދައްކައިގެން ހައްލެއް ލިބޭތޯ ބެއްލެވުނުބާ؟ އެގްރީމެންޓް އުވާލާފައި އެކަން ރިޔާޒަށް އަންގާފަ އެހެން ފަރާތަކުން ތެޔޮގަތްނަމަ ރަގަޅުވެފަ ބަރާބަރުވީސް. މިހާަރު މިވީގޮތަކީ އުފެދުމުގައިވެސް ރިޔާޒުގެ އެގްރީމެންޓް ބާތިލް އެއްޗަކަށް ހެދުނީ!!
ކިންގްބްރޯ
25 October 2016
އެހެންވެތޯ ކޯޓުން ފޮނުވި ޗިޓާއި ހަވާލު ނުވީ؟
ވަސީމް
25 October 2016
އެމްޕީއެލް ސީއީއޯ ޖުނައިދު ޙަވާލުވިފަހުން އެމްޕީއެލްއައް އަންނަ ކުރިއެރުން ފެނިފަ ބައެއް ބޭފުޅުން ހިތްދަތިވެގެން އުޅޭކަހަލަ
ސަކީނާ
25 October 2016
އަސްލުގައި އެމްޕީއެލްގެ ޒިންމާ މިކަމުގައި އެވަނީ އަދާކޮށްފައި. ތެޔޮއަގުުހެޔޮ ކުރެވޭތޯޯ މަސައްކަތް ފައި އެއޮތީ. ޖުނެއިދުގެެ ނިންމުން ތައް އަޅުގަނޑަށް ބަރާބަރު.
ރަބަރޭ
25 October 2016
ތިހުންނަނީ ގުޅިގެން އަބުރާ ގޭސްގަޑެވެ.
ޕައްލަންބެ
25 October 2016
ބެލެވޭގޮތުގައި މިއީ މިސަރުކާރުގެ އެހެން ކަންތަށް ހިނގާހެން މިދބައިމީހުން ރާވައިގެން ކުރާކަމެއް. ކުރީގެ އާޓިކަލްގަ އޮތް މިޖުނައިދު ތިޔަތޮޔޮ ކުަންފުންޏަށް ކޮންޓްރެކްޓް އާކޮއްދިންވާހަކަ. ބޮޑެތި ކުންފުނި ތަކުން އަބަދުވެސް ކޮންޓެރެކްޓް ހަަދަނީ މާކެޓް ރޭޓުގައި ތެޔޮގަންނަން. ހުރިހާ ދިވެހިންނަކީ ނަޓުން ނެއް ނޫން ދޯ ؟
ޝާޙް
25 October 2016
ކުންފުންޏަށް ފައިދާ އާއި މަސްލަހަތު ހުރިގޮތްތަށް ހޯދަވައި ދެއްވުމަށް ތިޔަކުރައްވާ މަސައްކަތަށްޓައި ސެލިއުޓް އަރުވަން . އަދި ޖުނައިދު ތިޔަކުރައްވާ ހެޔޮ މަސައްކަތަކީ ހަމައެކަނި އެމްޕީއެލްގެ މަންފާ އާއި ލާބަޔަށްޓަކައި ކުރެވޭ މަސައްކަތަކައްވުރެބޮޑަށް ގައުމުގެ އިގްތިސާދަށްޓައި ކުރެވޭ ހަރުނާ މަސައްކަތެއްކަން ޔަޤީން..ގައުމަށް ބޭނުންވަނީ ތިޔަފަދަ އިގްތިސޯދީ ސިކުނޑި ތަކެއް އަދި ކުރިމަތިލާންކެރޭ ހިތަވަރުގަދަ ހިންގުންތެރީން ..
ގަމާރުކޮއި
25 October 2016
ސަނާކިޔަން ވެއްޖެއްޔާ އެމީހަކު ރުބަޔަށްވެސް ލާނަންދޯ؟
ސަރީފް
25 October 2016
އެމްޕީއެލް އަށް ތެޔޮނަގަންވާނީ އަގުހެޔޮ ބައެއްގެއަތުން އެރަނގަޅުވާނެ ޔަހުޔާއައް ވިޔަސް ކާސިމައް ވިއަސް އަގު ހެވިއްޔާ. ވަރައްސަލާމް
އަލިދީދީއައްޑޫސިޓީ
25 October 2016
ކުންފުންޏަކަށް އެކުން ފުނި ބޭނުންވާ ތަނަކުން ތެޔޮ ގަނެވޭކަށް ނެތް. ޕާޓީ އަކަށް އެޕާޓީގެ ރައީސްގެ އެއްވެސް ބާރެއް ހިންގޭކަށް ނެތް. ވާވާ. މިއޮތީވާ ގައުމެއް. ސާބަހޭ. ފައިސާ ނުފެނިފައިތިބި އެމްޕީންނަށް.
ޙަސަންދީ
25 October 2016
ޖުނައިދު ތިޔަ ކުރައްވަނީ ބޭކާރު މަސައްކަތެއް، ދެންވެސް ތިޔަ މަޤާމް ދިފާޢު ކުރައްވަން ބޭނުންފުޅުވާނަމަ ފަތިސް ދަޅައިގަ ތިޔަ ސަރަހައްދައް ލޯރިއައް ވަދެ 2ލީޓަރު އަޅާފަ 30000 ލީޓަރައް ބިލްކުރެވޭގޮތް ވާނެ ގޮތެއްބަލާ ....
ހާސިމް
25 October 2016
ޖުނައިދު ބުނިއަޱު އެހި މީހަކުބުނީ ބޮޑު އަގުގަތެޔޮ ނާޅައިގެން ޖުނައިދު އަނދާ ހުލިވިޔަސް ބޮޑު އަގުގަތެޔޮ އަޅައިގެން އެމްޕީއެލް އަނދާހުލިވާކައް ނުކެރޭނެއޭ. ދިވެހިި ރައްޔިތުންގެ ފައިސާ އެހާ ދޯދިޔާކޮން ދިޔަކަނުދޭނަމޭ