އާބިޓްރޭޝަނުން ނިންމި ގޮތާ ގުޅޭގޮތުން ސަރުކާރުގެ ބަޔާން ނޫސްވެރިންނަށް އަނިލް، އިއްވަވަނީ. --ފޮޓޯ: ނިޝާން އަލީ
27 އޮކްޓޯބަރ 2016 - 13:14
89 comments
އިބްރާހިމް ނާސިރު އިންޓަނޭޝަނަލް އެއާޕޯޓް ހިންގަން ދިވެހި ސަރުކާރާ އެކު އިންޑިއާގެ ޖީއެމްއާރުން ވެފައިވާ އެއްބަސްވުން އުވާލުމާ ގުޅިގެން ބަދަލުގެ ގޮތުގައި ދައްކަން އާބިޓްރޭޝަނުން ކަނޑައެޅީ 208 މިލިއަން ޑޮލަރާއި ހަތަރު އަހަރުގެ އިންޓްރަސްޓް ކަމަށް ދިވެހި ސަރުކާރުން މިއަދު ބުނެފި އެވެ.
ހަތަރު އަހަރުގެ އިންޓްރަސްޓް އާ އެކު އެއީ ޖުމްލަ 250 މިލިއަން ޑޮލަރު (ގާތްގަނޑަކަށް 3.8 ބިލިއަން ރުފިޔާ) ވަރު ކަމަށް ދިވެހި ސަރުކާރުން ބުނެ އެވެ. ރައީސް އޮފީހުގައި ބޭއްވި ޕްރެސް ކޮންފަރެންސެއްގައި ބަންޑާރަ ނައިބު މުހަންމަދު އަނިލް ވިދާޅުވީ ސިންގަޕޫރުގެ އާބިޓްރޭޝަނުން އަންގާރަ ދުވަހު މައްސަލަ ނިންމައި، އޭގެ ތަފުސީލުތައް ރޭ ފޮނުވާފައިވާ ކަމަށެވެ. ބަދަލުގެ ގޮތުގައި ދައްކަން ޖެހުނީ ޖީއެމްއާރުން އެދިފައިވާ ވަރަށް ވުރެ ވަރަށް ބޮޑުތަން ކުޑަ އަދަދެއް ކަން އޭނާ ފާހަގަކުރެއްވި އެވެ.
ޖީއެމްއާރުން އެދިފައިވާ ބަދަލަކީ 1.4 ބިލިއަން ޑޮލަރެވެ. ސަރުކާރުން ދައްކަން ޖެހުނީ، އަނިލް ވިދާޅުވި ގޮތުގައި، ޖީއެމްއާރުން ހޯދަން ހުށަހެޅި އަދަދުގެ ގާތްގަނޑަކަށް 18 ޕަސެންޓާ އެއްވަރުގެ އަދަދެކެވެ.
"ދިވެހި ސަރުކާރާއި އެމްއޭސީއެލްގެ ފަރާތުން މި ފައިސާ ޖީއެމްއާރަށް ދެއްކުމަށްޓަކައިި ޖީއެމްއާރާއެކު މަޝްވަރާތައް މި ވަނީ ފަށައިފައިފަ އެވެ،" ނޫސްވެރިންނަށް ސުވާލުކުރަން ފުރުސަތު ނުދީ އަނިލް އިއްވެވި، ބަޔާނުގައިވެ އެވެ.
"އަދި މި އަދަދަކީ ޖީއެމްއާރާއެކު ކުރެވުނު އެއްބަސްވުން އުވާލުމާ ގުޅިގެން ދިވެހިރާއްޖެ އިން ބަދަލުގެ ގޮތުގައި އެ ފަރާތަށް ދައްކަންޖެހޭނެ ކަމަށް އެޕްރީލް 2014 ގައި މީޑިއާއާ ބައްދަލުކުރައްވައި ރައީސުލްޖުމްހޫރިއްޔާ އަބްދުލްގައްޔޫމް އަންދާޒާ ކުރައްވާފައިވާ 300 މިލިއަން އެމެރިކާ ޑޮލަރަށް ވުރެ ބޮޑު ނުވާނެ ކަމަށް ވިދާޅުވެފައިވާ އަދަދާ ގާތްކުރާ މިންވަރެއް ކަން ފާހަގަކުރަމެވެ."
އެމްއޭސީއެލްގެ ބަޔާން އާދިލް އިއްވަވަނީ. --ފޮޓޯ: ނިޝާން އަލީ
އޭނާ ވިދާޅުވި ގޮތުގައި ބަދަލުގެ ގޮތުގައި ދައްކަން މި ޖެހުނީ އިދިކޮޅު ސިޔާސީ ފަރާތްތަކުން ބުނަމުން ދިޔަ މިންވަރާ ވެސް މުޅިން އިދިކޮޅު އަދަދެކެވެ. އިދިކޮޅު ފަރާތްތަކުން ބުނަމުން ދިޔައީ، 800 މިލިއަން ޑޮލަރު ކަމަށް އޭނާ ވިދާޅުވި އެވެ.
އޭނާ ވިދާޅުވީ ޖީއެމްއާރު އަތުން ނަގައި އެމްއޭސީއެލް އިން އެއާޕޯޓް ހިންގަން ފެށި ފަހުން އެއާޕޯޓް ތަރައްގީކުރަން ބޮޑެތި މަޝްރޫއުތަކެއް ފަށާފައިވާ ކަމަށެވެ. އެ މަޝްރޫއުތަކާ އެކު އެއާޕޯޓުގެ ހިންގުން ހަރުދަނާކޮށް، އެތަނަށް ލިބޭ އާމްދަނީ ވެސް އިތުރުކޮށްފައިވާ ކަމަށް އަނިލް ވިދާޅުވި އެވެ.
ޖީއެމްއާރާއި އޭރު އެމްޑީޕީގެ ސަރުކާރުން 28 ޖޫން 2010 ގައި އެކުލަވާލި އެއްބަސްވުން ދެ އަހަރު ވަރު ފަހުން ރައީސް މުހަންމަދު ވަހީދުގެ ސަރުކާރުން އުވާލީ، އެ އެއްބަސްވުމަކީ ދިވެހި ރައްޔިތުންގެ މަސްލަހަތާއި އެއާޕޯޓް ހިންގާ ކުންފުންޏަށް ވެސް ގެއްލުން ވާ އެއްބަސްވުމަކަށް ވާތީ އެވެ.
އަނިލް ވިދާޅުވީ ޖޫން، 18، 2014 ގައި ޓްރައިބިއުނަލުން ކަނޑައެޅި ފުރަތަމަ ފައިނަލް އެވޯޑުގެ ތެރޭގައި ދިވެހި ސަރުކާރާއި އެމްއޭސީއެލްގެ ފަރާތުން ކޮންސެޝަން އެގްރިމެންޓް ބާތިލްކޮށްފައިވާތީ އެ ފަހަރު ނިންމީ ޖީއެމްއާރަށް ބަދަލު ދައްކަން ޖެހޭނެ ކަމަށެވެ. ނަމަވެސް ޖީއެމްއާރަށް ބަދަލުގެ ގޮތުގައި ދައްކަން ޖެހޭ މިންވަރު ޖީއެމްއާރުގެ ފަރާތުން އެއާޕޯޓް ތަރައްގީކުރަން ކޮށްފައިވާ ހަރަދަށް ގައިދުކުރެވިގެން ދިޔަ ކަމަށް ވިދާޅުވި އެވެ.
"މިފަދައިން ނިންމި ސަބަބަކީ މި ސަރުކާރުން ވަކާލާތު ކުރި ގޮތަށް، ދިވެހި ސަރުކާރާއި އެމްއޭސީއެލްގެ ފަރާތުން ކޮންސެޝަން އެގްރީމެންޓް ބާތިލްކުރެވުނު ހާލަތަށް ރިއާޔަތްކުރާއިރު އެއީ ގައުމުގެ އާއްމު މަސްލަހަތަށް ރައްކާތެރި ކުރުމުގެ ގޮތުން ނިންމަން ޖެހުނު ނިންމުމެއް ކަމަށް ޓްރައިބިއުނަލް އިން ކަނޑައެޅި އެވެ،" އަނިލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޖނno
28 October 2016
ދައްކަން ޖެހުނީ އޭ... ކީއްވެ "އެންމެ" އޭ ނުބުނީ.... 2 ލާރި ވިއްޔަ ދައްކަންތިޖެހުނީ...
މޯޑު
28 October 2016
މިކަމަށް ތާއީދުކޮށް މަސައްކަތް ކުރި އެންމެންގެ ދަރިފަސްކޮޅަށް ދާންދެން މިފައިސާ ހަމަކުރަން މަޖުބޫރުކުރަން ޖެހޭ. އަދި އެއީ ދެވަނަ ދަރަޖައިގެ ރައްޔިތުންނަށް ހަދާ ދައުލަތަށް ޖިޒީދެއްކުމުގަ ދެމިތިބެން ޖެހޭނެ.
އަހުމަދު
28 October 2016
1234 ވިސްނާ. މިއުޅެނީ ޖީއެމްއާރަށްވި 1400 މިލިޔަން ޑޮލަރުގެ ގެއްލުން އެމީހުނަށް ނުލިބުން އެއީ ވަކިކަމެއް. ދިވެހިންގެ އަތުން އަތުން ކަމަކާ ނުލާ މިވަރުގެ ބޮޑު ފައިސާތަކެއް ވެއްޔާ މޮޑެވުމަކީ ކިހާވަރެއްގެ ބޮޑު އަނިޔާއެއް.
GAN Island
27 October 2016
http://economictimes.indiatimes.com/industry/indl-goods/svs/construction/gmr-wins-arbitration-against-government-of-maldives-gets-compensation-of-270-million/articleshow/55094693.cms މިވަނީ ކިހިނެއް ؟
1234
28 October 2016
ތިއޮތީ އިންޑިޔާ މީހުންނަށް އޮޅުން އަރާފަ. ޖީއެމްއާރު 250 މިލިއަން ޑޮލަރު ވިން ވީކީ ނޫން. 1 ބިލިއަން ޑޮލަރުގެ ލޮސްއެއް ވީ.
ކަރެކްޝަން
27 October 2016
ވަރަށް ބަރާބަރު. އަހަރަކު ހަތް މިލިޔަން މީހުންނަށް ހިދުމަތް ދެވޭވަރުގެ އެއަރޕޯޓެއް ހެދުމަކީ ޖީއެމްއާރަށް ކުރެވޭނެކަމެއް ނޫން.
އަލީ
27 October 2016
ޖީއެމްއާރުން އެއަރ ޕޯޓް ހިންގަމުން ދާނަމަ މީގެ ދިހަ އަހަރު ފަހުންވެސް އޮންނާނީ ކައްޕަޅި އެއަރޕޯޓެއް.
ބަފާބެ
27 October 2016
ގައިމު އާޒިމާުބުނި އެއްވެސް އެއްޗެއް ދައްކާކަށް ނުޖެހޭނެޔޯ މިހާރު އަނިން މިބުނީ އަނެއްކާ އަނެއްވާހަކަ އޭޖީން ނިކުމެ ދޮގުހަދަންފެށީމަ ހަމަ ހިނިއަންނަނީ
ފިލުވާލާތި
27 October 2016
ކީކޭ. ޖީއެމްއާރަށް 250 މިލިއަން ޑޮލަރޭ. ދޭންވީއޭ. މަމެންގެ ސަރުކާރުން ނޭ އަދި ދޭންވީ. ނުވާނެ ތިކަމެއް. ނުވާނެ ނުވާނެ ނުވާނެ. ޖީއެމްއާރުން އުޅޭ ރަށު ތެރޭން ކޮންމެވެސް އެހެން ކަމަކާއި ގެން އުޅެވޭތޯ ބަލާ މޭޒު ދަށުން ދަމާ ކުޅެގެން. މަމެން ތަމެން ޖީއެމްއާރަށް މިފަހަރު 250 މިލިއަން ޑޮލަރު ދޭނީ އަލިފުދާލުގެ ސަލާމަތީ މަޖްލީހުގެ ޕާރމަނެންޓް މެމްބަރުންގެ އިއްތިފާގުން އެކަން ފާސް ކޮށްގެންނެވެ. އެނޫންނަމަ 2500 އަހަރަށް ބަހާލައިގެން އަހަރަކަށް ޖެހޭ އަދަދު ޖީއެމްއާރަށް ދެވޭނީ އެއީ ޖީއެމްއާރަށް ދޭ އަދަދުގެ 95 އިން ސައްތަ ރޯޔަލްޓީ އެއްގެ ގޮތުގައި ސަރުކާރަށް ދީގެންނެވެ. އަދި ޖީއެމްއާރަށް ދެވޭނީ ވެސް އިންޑިއާ ރުފިޔާ އެވެ. އެފައިސާ ވެސް ޖީއެމްއާރަށް އިންޑިއާ އަށް ނުގެންދެވޭނެއެވެ. އެފައިސާ ޖެހޭނީ އިންޑިއާ ބޭންކް މެދުވެރިކޮށް ޑޮލަރަށް ހަދާ އެފައިސާ ދިވެހި ފައިސާ އަށް ހަދާ ރާއްޖޭން އެފައިސާ އަށް ވާ މުދާ ގަންނަން އިނގޭ. އެނޫން ގޮތަކަށް ނޯންނާނެ މިފައިސާ ޖީއެމްއާރަށް ދެވޭނެ އެއްގޮތެއްވެސް. ޖީއެމްއާރަށް ޖެހޭނެ އަލާ ފިލުވާލަން މިފަހަރު.
އަލާފިލާފިއެއްނުން
27 October 2016
ޕެއް!
ރަންރީދޫ ޓުވިޓަރޭ
27 October 2016
ތަމެންގެ ބިއުޓިފުލް އޯސަމް ސަރުކާރު ވެއްޓެނީ.....ޕަކާސް
ނުވެއްޓޭނެ
28 October 2016
އޭއި ޓްވިޓަރޭ ނުވެއްޓޭނެ އިނގޭ. މަމެންގެ ބިއުޓިފުލް ސަރުކާރު ނުވެއްޓޭނެ އިނގޭ..
ތުއްޕުޅު
28 October 2016
ތަންދޮރުނޭގެނީދޯ؟ އެފައިސާ ދައްކަންޖެހޭނީ އެހެންގޮތެއް ނޯންނާނެ ކުރިންވެސް އެގްރީމެންޓް ސައްހަތޯ ބަލަން 4 މިލިޔަންޑޮލަރު. ދެއްކީ.
މެންޓަލިސްޓް
27 October 2016
ކުރީން އޮންނާނެ 170 މިލިއަންޑޮަލަރުވެސް ދިވެހިދައުލަތުން ދައްކަންވެފައި ހަމަ ތިޔަމައްސަލާގައި ،،، ދެން މިހާރު ގެއްލުމުގެ ބަދަލުގައި 250 މިލިއަން ،،، ވީމާ އެކު ޖުމްލަ ކިހާވަރެއްތޯ ؟ މިހާރުވެސް އެމް.އެމް.އޭ އޮތީ ޓީބިލްއަށް ބިލައަނުން ދަރާފައި ، މިފްކޯއޮތީ 300 މިލިއަންއަށް ދަރާފައި ، އެމް،ޓީ،ސީސީއޮތީ ވެސް އެހާލުގައި ،،، ސަރުކަރުން އެތަނަށް ދައްކަން ޖެހޭ ޕޭމަންޓްތަށް ނުދައްކާ ،،، އަނެއްކޮޅުން ވެރިކަންކުރާ ޕާޓީ ޕީޕީއެމްވެސް އެއޮތީ އަތަށްގޮވާފައި ،،، ވީމާ އަޅުގަނޑު ދަންނަވާލަން ބޭނުމީ އިކޮނޮމިސްޓް އަކީ އިނގިރޭސިން ބަނގުރޫޓްވުަމަށް ކިޔާ ނަމެއްތޯ ؟؟ ހަމަނޭންގޭތީވެ އަހާލީ ،،،
އަދުނާނު
27 October 2016
އަލިބެ 1.4 ބިލިޔަނެއްނޫން. 250 މިލިޔަން ޑޮލަރަކީ ގާތްގަނޑަކަށް 4000 މިލިޔަން ރުފިޔާއަށް. ބުރިޖު އެހަދަނީ 230 މިލިޔަންޑޮލަރަށް. އަހަރެމެން މިތިބީ ބުރިޖަށް އެދާޚަރަދާ މެދު ކަންބޮޑުވެފަ. ބުރިޖުވާ ފެންނަން އޮންނާނެ. އެހެނަސް މި 4500 މިލިޔަނަކީ ކަނޑަށް އަޅާލި އެއްޗެއް. މިފައިސާއިން މާލޭ ސަރަހައްދުގެ އިޖުތިމާއީ މައްސަލަ ބޯހިޔާވަހިކަން ރައްޔިތުންނަށް ހިލޭކޮށްދެވުނީސް. އަދިވެސް ޗުއްޕު ކިޔަވަންވީތަ.
އަލީ
28 October 2016
މޮޅު ވާހަކަ ނުދައްކާ. އެއަރ ޕޯޓް ތަރައްގީ ކޮށް ނިމުނީމަ އެއް އަހަރުން ތިބުނި ވަރަށްވުރެ ބޮޑަށް ސަރުކާރަށް ފައިސާ ވަންނާނެ. ޖީއެމް އާރު އޮތްއިރު ސަރުކާރަށްވެސް ޖެހޭ ބައެއްފަހަރު ޖީއެމްއާރަށް ލާރި ދައްކަން. ދެން ދައުލަތަށް ކޯއްޗެއް ލިބޭނީ.