ޑީއެންއާރްގެ ވެބްސައިޓް ޑައުންވެ، އައިޑީ ކާޑު ހެދުމުގައި ދަތިތަކެއް ދިމާވެއްޖެ

ވެލާނާ ބިލްޑިން: ޑީއެންއާރްގެ އޮފީސް ހިންގަނީ ވެލާނާ ބިލްޑިންގައި -- ފޮޓޯ: މިހާރު

ލަމްޔާ އަބްދުﷲ، މިހާރު

13 ސެޕްޓެމްބަރ 2020 - 12:18

ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރު)ގެ ސާވާ ޑައުންވެ، އައިޑީކާޑު ހެދުމުގެ ހިދުމަތަށް މިދިޔަ ބުރާސްފަތި ދުވަހުން ފެށިގެން ދަތިތަކެއް ކުރިމަތިވެއްޖެ އެވެ.

އެ އިދާރާގެ ޑިރެކްޓަރު ފަރީދާ ޔޫސުފް "މިހާރު" އަށް ވިދާޅުވީ އެތަނުގެ ސާވާތައް ޑައުންވެފައި ވަނީ އެތަނަށް އިންޓަނެޓްގެ ހިދުމަތް ދެމުން އަންނަ ދިރާގުގެ މައްސަލައަކާ ހެދި ކަމަށެވެ. އަދި ދިރާގާ ގުޅިގެން އެ މައްސަލަ އަށް ހައްލެއް ހޯދަން މަސައްކަތްކުރަމުން އަންނަ ކަމަށް ވިދާޅުވި އެވެ.

ޑީއެންއާރުގެ ވެބްސައިޓު ޑައުންވި ނަމަވެސް އައިޑީ ކާޑު އަލަށް ހަދާ މީހުން ފިޔަވައި އެހެން އެއްވެސް ބަޔަކަށް ދައްޗެއް ކުރިމަތިނުވާނެ ކަމަށް އޭނާ ވިދާޅުވި އެވެ. އައިޑީ ކާޑުގެ މުއްދަތު ހަމަވި ނަމަވެސް މި އަހަރު ނިމެންދެން ހުރިހާ ހިދުމަތެއް އެއްވެސް ދަތިކަމަކާ ނުލައި ލިބޭނެ ކަމަށް ޑީއެންއާރް އިން ވަނީ މީގެ ކުރިން ބުނެފަ އެވެ.

ކޮވިޑް-19 ކޮންޓްރޯލްކުރަން ސަރުކާރުން އެޅި ފިޔަވަޅުތަކާ ގުޅިގެން، އައިޑީ ކާޑު ހެދުން ޑީއެންއާރުން އެންމެ ފުރަތަމަ ހުއްޓާލީ މިދިޔަ އޭޕްރިލް މަހެވެ. އެއީ ޖޫން މަހުގެ 30 ވަނަ ދުވަހުގެ ނިޔަލަށެވެ. އޮންލައިންކޮށް އައިޑީކާޑު ހެދުމުގެ ހިދުމަތް މިދިޔަ ޖުލައި މަހު ދޭން ފެށުމަށް ފަހު އެ ހިދުމަތް ވެސް މިހާރު ވަނީ މެދުކަނޑާލައިފަ އެވެ.

މި އަހަރު މުއްދަތު ހަމަވެފައި އައިޑީކާޑުން، މި އަހަރުގެ ނިޔަލަށް ހިދުމަތް ލިބޭނެ ގޮތަށް މުއްދަތު އިތުރު ކުރީ މިދިޔަ މަހެވެ. އައިޑީކާޑު ނެތް ނަމަ އުފަންދުވަހުގެ ސެޓްފިކެޓް ނުވަތަ ޕާސްޕޯޓު ނުވަތަ ޑްރައިވިން ލައިސަންސް ބޭނުންކޮށްގެން އައިޑީކާޑުގެ ނަންބަރަށް ބަލާ، ހިދުމަތް ލިބޭނެ ކަމަށް އެ އިދާރާ އިން ވަނީ ބުނެފަ އެވެ.

އައިޑީ ކާޑް

7 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޯގަޅި

14 September 2020

ވެރިކަ މައް އެރިގޮތައް ގައު މު ދޮވެލީކީ ތިޔަހެނެއްނޫން، ޑީ އެން އާރ ގެ ސާވާ ތައް މެއިންޓެއިން ކުރާނެވަރުވެސްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިސާން666

14 September 2020

ރާއްޖޭގެ ސަރުކާރު އޮފީހަކުން ޚިދުމަތް ހޯދުމަކީ ވޭންހުރި ކަމެއް. ޚިދުމަތަށް އެދިއެތަނަށް ދާ މީހާއްށްވުރެ ޚިދުމަތް ފޯރުކޮށްދޭން ދައުލަތުން އެދޭ މުސާރައެއް ދީފަ އިންނަ މީހާގެ ހުންނަ ރުންކުރުގޮތް ފެނުމުން ހިތައްއަރާ އެތަންތަނަށްނުގޮސް ވާނަމައޭ. އޮންލައިންކޮށް މިފަދަ ޚިދުމަތް ލިބެން ޖެހޭ މިޒަމާނުގަ. ސިމްޕަލް ކަންކަން އަދިވެސް ވަރަށްފަހަތުގަ އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއާމިނަ

13 September 2020

އެއްމެ ކުޑަމިނުން ފޯނަށް ޖަވާބު ދެއްވިއްޔާ ކީއްތޯ ވަނީ. މިހާރު މަހަކަށްވުރެ ގިނަވެދާނެ . ޚަބަރެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތާނިކެ

13 September 2020

ކުރީޒަމާނުގައި ސަރުކާރުތަނަކަށް ސިޓީ ލައިފިއްޔާ ޖެހޭ 3 ދުވަސް ތިބެން. މިހާރުވެސް އެހެން ތިބެންޖެހޭ. ވާފަސޭހައެއް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތާނިކެ

13 September 2020

ރާއްޖޭގެ ކަންކަން ފަސޭހަކޮށް ކުރަންވެއްޖިޔާ ހަދަންވީގޮތަކީ ފުލުހުން ލައްވާ އެއްވިއުގަ ގުޅާފާ ހުރީކަމެއް 1 ގަޑިން 2 ގަޑިން ނިއްމަން ހަވާލުކުރަންވީ. ސިވިލްސާވިސް އުވާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްގޮވާ

13 September 2020

ރާއްޖޭގައި ކޮންކަމެއްތޯ ފަސޭހަކޮށް ލިބެނީ. އިންޓަނެޓް މެދުވެރިކޮށް ސަރުކާރުގެ ތަންތަންތަނުން ދޭ ހިދްމަތްތައް ކޮވިޑްތެރޭ ގައި ވަރަށް ފޯރިއާއިއެކު ފެށި އެކަމަކު މިހާރު އެކަން ކަން މަޑުން ހުއްޓެން ފަށައިފި. އަދި އުދަގޫ ޖެއްސުން ނޫންކަމެއް ކުރަން ނޭގޭ. މިއަދު އޮންލައިންއިން އިކޮނޮމިކް މިސްޓަރީއަށް އެމްޕްލޯޔަރ ބަދަލުކުރަން ހުށައެޅީމާ ބުނަނީ 21 ދުވަސް އޮއްނަންޖެހޭކަމަށް. ކުރިން 3ދުވަސް އޮތަސް ބަދަލުކުރެވޭ.