ޖެންޑާ މިނިސްޓަރު އައިޝަތު މުހައްމަދު ދީދީ އދ.ގެ ހައިލެވެލް މީޓިންގައި ވާހަކަފައްކަވަނީ. އޭނާ ވިދާލުވީ ކޮވިޑްގެ ސަބަބުން އަންހެނުންނަށް ގޮންޖެހުން އިތުރުވެއްޖެ ކަމަށް.
02 އޮކްޓޯބަރ 2020 - 11:23
20 comments
އަންހެނުންނަށް ކުރިއްސުރެ ކުރިމަތިވެފައިވާ ގޮންޖެހުންތައް ކޮވިޑް-19ގެ ސަބަބުން އިތުރުވެފައިވާ ކަމަށް ޖެންޑާ މިނިސްޓަރު އާއިޝަތު މުހައްމަދު ދީދީ މިއަދު ވިދާޅުވެއްޖެ އެވެ.
"ފޯތު ވޯލްޑް ކޮންފަރެންސް އޮން ވުމެން" އަށް 25 އަހަރު ފުރުމުގެ މުނާސަބަތުގައި އދ. އިން ބޭއްވި މަތީ ފެންވަރުގެ ބައްދަލުވުމުގައި އައިޝާ ވިދާޅުވީ، ކޮވިޑްގެ ބަލިމަޑުކަމުން އަރައިގަތުމުގެ މަސައްކަތްތަކުގައި އިތުބާރާ އެކު ބަރޯސާ ވެފައި ވަނީ އެކަމުގައި އިސްކޮށް އުޅޭ އަންހެނުންނަށް ކަމަށެވެ. އެ މަސައްކަތްތަކުގައި ކުރިމަތިވާ ހުރިހާ ދައްޗަކާ ކުރިމަތިލައި، ހިތްވަރާ އެކު ހަނގުރާމަކުރަނީ އަންހެނުން ކަމަށް ވެސް އޭނާ ވިދާޅުވި އެވެ.
"ނެޝަނަލް އިމަޖެންސީ އޮޕަރޭޝަން ސެންޓަރާއި ހެލްތު ޕްރޮޓެކްޝަން އެޖެންސީގައި އިސްކޮށް މަސައްކަތް ކުރުމުން ފެށިގެން، ވަރުބަލިކަމެއް ނެތި ލެބޯރެޓަރީގައި މަސައްކަތްކޮށް، ސާމްޕަލްތައް ނަގައި ޓެސްޓްކޮށް، ވަގުތީ ހިޔާތައް މެނޭޖުކޮށް، މުޖުތަމައުގައި ނާޒުކު ހާލަތުގައި ތިބި މީހުންގެ ކަންތައްތައް ބަލަހައްޓަމުން ގެންދަނީ އަންހެނުން،" އާއިޝާ ވިދާޅުވި އެވެ.
އަންހެނުންނަށާއި އަންހެންކުދިންނަށް ބޭނުންވާ ޖިސްމާނީ އަދި ނަފުސާނީ ސިއްހީ އެހީތެރިކަން ކުރިން ވެސް އެކަށީގެންވާ ވަރަށް ނުލިބި އޮއްވައި، ކޮވިޑްގެ ސަބަބުން ސިއްހީ ނިޒާމަށް ބާރުބޮޑުވެފައިވާ ކަމަށް މިނިސްޓަރު ވިދާޅުވި އެވެ. އެ ދަތިތަކުން އަރައިގަތުމަށްޓަކައި ރާއްޖެ ކަހަލަ ކުދި ޖަޒީރާ ގައުމުތަކަށް ދަރަނި ފަސްކޮށްދިނުން ފަދަ އެހީތެރިކަން ދުނިޔޭގެ މާލީ އިދާރާތަކުން ދިނުމަކީ މިހާރު ކޮންމެހެން ބޭނުން ކަމެއް ކަމަށް ވެސް އޭނާ ވިދާޅުވި އެވެ.
އަންހެނުން ބާރުވެރިކުރުވަން މިހާރުގެ ސަރުކާރުން ކޮށްފައިވާ ބައެއް މުހިއްމު ކަންތައްތައް ވެސް މިނިސްޓަރު އަލިއަޅުވައިލެއްވި އެވެ. އެގޮތުން ސުޕްރީމް ކޯޓްގެ ބެންޗަށް ފުރަތަމަ އަންހެން ދެ ފަނޑިޔާރުން އައްޔަން ކުރުމާއި ލޯކަލް ކައުންސިލްތަކުގައި އަންހެނުންނަށް ގޮނޑިތައް ހާއްސަ ކުރުން އަދި ދިވެހި ސަފީރުންގެ 50 ޕަސެންޓަކީ އަންހެން ބޭފުޅުން ކަމަށް ހެދުމަކީ ސަރުކާރުން ކޮށްފައިވާ މަސައްކަތްތައް ކަމަށް ވިދާޅުވިއެވެ. \
އާއިޝާ ވިދާޅުވި ގޮތުގައި ރައީސް އިބްރާހީމް މުހައްމަދު ސޯލިހުގެ ސަރުކާރުން ސްޓްރެޓެޖިކް އެކްޝަން ޕްލޭން 2019-2023 ތައްޔާރު ކޮށްފައި ވަނީ ބެެއިޖިން ޑެކްލަރޭޝަނާއި ސަސްޓެއިނަބްލް ޑިވެލޮޕްމެންޓް ގޯލްސް އަށް ރިއާޔަތް ކޮށްގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަވީރާ
03 October 2020
ޖެންޑަރ މިނިސްޓްރި އަކީ ކަމުނުދާ މީހުން އެހެލަން އޮތް ތަނެއް. އެތަނަށް ރަނގަޅަށް ބަލާލީމަ ރީއްޗަށް އެކަން އެއޮތީ ފެންނަން
އަބްދުއްالله
03 October 2020
އައިޝްތޫ
އަންހެން ފިރިހެން
03 October 2020
ކީއްވެބާ %50 އަންހެނުން ޖަންގްޝަން ވަޅުގަނޑު ސާފުކުރާ ވަޒީފާއަށް ހަމަޖައްސަން ޤާނޫނެއް ފާސްނުކުރަނީ. ގައިމު އެދާއިރާގައި އެއްވެސް އަންހެނަކު ނެތް. އަންހެނަކު ނެތީމަ ކަންނޭގެ ޖަންގުޝަންތަކުން އެހާގިނައިން ނަޖިސް ބޭރުވަނީ. ނިކަން މިކަމާ ވިސްނަބަލަ މިނިސްޓަރު.
އަންހެން ފިރިހެން ހަމަހަމަ
03 October 2020
އަހަރުމެން އަންހެނުން ނިކުމެދާނަން ޖަންކްޝަން ސާފުކުރަން. އަހަރުމެން ޖަންކްޝަން ސާފުކުރަން އޮންނަ އިރު ކަލޭމެން ފިރިހެނުންނަށް ކެރޭނެތަ ދަރިން ބަލާ ގޭތެރެ ސާފުކޮށް ކައްކާ ހަދަން؟
އަންހެން ފިރިހެން
03 October 2020
އަހަންނަށް ހީވަނީ މިދާވަރުންދަންޏާ އަންހެނުންނާ ފިރިހެނުން ޖެހޭނެހެން. އެހެންޏާފަނެ، ގޮންޖެހުން ކުރިމަތިނުވާ ބައެއްކޮބާ. ކޮން އަންހެނުން އަންހެނުން ނެކޭ ކިޔާކަށްތަ؟ އަހަންނަށް ފެންނަނީ ހުރިހާ ފިރިހެނުން ގޭގަ ތިބެން. ދެން މި އުޅޭ އަންހެން ވެރިން މުޅިޤައުމުގަ ކުރަންހުރި ކަންކަން ކޮށް މިންމަފާނެނު. ފިރިހެނުންނާހެދިއެއްނު ކަމެއް ނުވެގެން މި އުޅެނީ.
އަންހެނެއް
03 October 2020
ފިރިހެނުން ގޭގައި ތިއްބިއްޔާމު ރަނގަޅީވެސް.
އަންހެން ފިރިހެން
03 October 2020
އާނ! އޭރުންތާ ބަންގްލަދޭޝް މީހުންކައިރިޔަށް ދެވޭނީ. ހިސާބަށްވުރެ ކޮސްވީމަ އެއްޗެއްގަ އޮންނަ މާނައެއް ނޭނގޭނެ. ފިރިހެނުން ބޭރުގަ އުޅޭތީ ، މަވެސް ބޭރުގަ އުޅެން. މަންޖޭ! އަންހެނުންނާ ފިރިހެނުން ހަމަހަމަވަނީ ކުރާ ކޮންމެ ކަމަކަށް ކަމެއް ކޮށްގެނެއް ނޫނޭ. އެކަމަކު އެ ހަމަހަމަކަން އަންނަނީ އެބަޔަކާ ހަވާލުވެފައިވާ ޒިންމާތަކުގެތެރެއިން. ކީއްކުރާނީ، ފަހުޒަމާންވީމަ މި ހުރިހާކަމެއްވެސް ފެންނާނެ.
ގިންތިމިންތި
03 October 2020
ތިޔަ ޖެންޑަރ މިނިސްޓްރީ އަކީ ވަރަށް ސިޔާސީ މީހުންގިނަ މަތިބަރު ތަނެއް. ކުރަންހުރި މަސައްކަތަށް ބަލާއިރު ހުރިހާ މަސައްކަތެއް ކުރަނީ ހަމައެކަނި ސިވިލް ސަރވަންޓުން. އެއްވެސް ސިޔާސީ މީހަކު ކޮންޕިއުޓަރުން ކީއްކުރަން އަތުން ނަމަވެސް ގަނޑެއްގަ އެއްޗެއް ލިޔެނުލާނެ. ހުސްވެރިން. ދެން ކިހިނެއް ގޮންޖެހުން ހައްލުވާނީ
އިނގިލި
02 October 2020
މީ ކީއްކުރާ މިނިސްޓްރީއެއް
ޒާޔާ
02 October 2020
ރަނގަޅު ވާހަކައެއް ބަލިޖެހިފަތިބި މީހުންގެ uއަކީ ފިރިހެނުން. އެވެސް މަސައްކަތްކުރާ އުމުރުގެގިނައީ. ޝިފާއެއްނެތް މިބަލިޖެހޭ މީހުންނަކަށްނޫން ބަލިފެތުރޭތީ އުނދަގުލާއި ގޮންޖެހުން ދިމާވަނީd. - އަންހެން ދަރިއެއް -
ޕަބޭ
02 October 2020
އެން.މެ ކަމެއް ނުވާ ހުސް އަނގަ ތަޅާ މިނސްޓަރު.
ަގައިމު
02 October 2020
މިސަރުކާރުގެ ގިނަ މިނިސްޓަރުން ވަރަށް ގިނައިން ދައްކާ ވާހަކައެެއް ގޮންޖެހުންތަކުގެ ވާހަކަ. ބަލަ ތިބޭފުޅުންނަށް ހީވަނީތޯ ގައުމެއްގެ ޕޮލިސީ ލެވެލްއަކީ ހިހޫތަނުން ކައިލުމޭ.
ނަޝީދު.
02 October 2020
އާ ފިރިހެނުންނަށް އެއްވެސްވަރަކަށް ގޮންޖެހުމެއް ނެތް. ވަރަށް އަރާމުގަ އެބައިމީހުން އެބަ އުޅޭ.