ޚަބަރު

ދުނިޔޭން ނެތިދާނެކަމުގެ ބިރު ހީވެފައިވާ މެންގްރޫވްގެ ބާވަތެއް ރާއްޖޭން ފެނިއްޖެ

ހއ. ކެލާގެ ކުޅިން ފެނުނު ބުރުގެރިއާ ހެނެސީ ބާވަތުގެ ގަހެއް.-- ފޮޓޯ: އެންވަޔަރްމަންޓް މިނިސްޓްރީ

އާސިމާ ނިޒާރު، މިހާރު

08 އޮކްޓޯބަރ 2020 - 21:08

26 comments

ދުނިޔޭގައި ވަރަށް މަދުން ހެދޭ އަދި ނެތިދިއުމުގެ ބިރު ހީވެފައިވާ މެންގްރޫވް ގަހުގެ ވައްތަރެއް ރާއްޖެއިން ފެނިއްޖެ އެވެ.

އެންވަޔަރްމަންޓް މިނިސްޓްރީން މިރޭ ނެރުނު ބަޔާނެއްގައި ބުނީ "ބުރުގެރިއާ ހެނެސީ" ގަސް ފެނުނީ ހއ. ކެލާގެ ކުޅިން ކަމަށެވެ. މިދިޔަ މާޗު މަހު ހިންގި އިކޮލޮޖިކަލް ސާވޭގެ ތެރެއިން އެ ބާވަތުގެ ހަތަރު ގަހެއް ފެނިފައިވެ އެވެ.

މައުލޫމާތު ފޯރުކޮށްދިނުމުން، އެ ބާވަތުގެ ގަހެއްކަން ފާހަގަކޮށްދިނީ އައިޔޫސީއެން މެންގްރޫވް ސްޕެޝަލިސްޓް ގްރޫޕް އަދި އެމްއެސްޖީ ރެޑް ލިސްޓް ކޯޑިނޭޓާ ޑރ. ޔޮން އެވެ. ކަމާބެހޭ އިދާރާތަކާއެކު އެ ވައްތަރުގެ ގަހަށް ކިޔާނެ ދިވެހި ނަމެއް ހޯދަމުން އަންނަކަމަށް ބުންޏެވެ.

ހއ. ކެލާގެ ކުޅިން ފެނުނު ބުރުގެރިއާ ހެނެސީ ބާވަތުގެ ގަހުގައި އަޅާ މޭވާ.-- ފޮޓޯ: އެންވަޔަރްމަންޓް މިނިސްޓްރީ

އެ ސާވޭ ހެދީ ހިމާޔަތްކޮށްފައިވާ ސަރަހައްދުގެ ދިރުންތަކާ ބެހޭ މައުލޫމާތު އެއްކުރުމަށް ޔޫއެސްއޭއައިޑީގެ ހިލޭ އެހީގެ ދަށުން ސަރުކާރުން ގެންދާ "ރީޖެނެރޭޓް" ޕްރޮޖެކްޓުގެ ތެރެއިން، އިންޓަނޭޝަނަލް ޔޫނިއަން ފޯ ކޮންޒަވޭޝަން އޮފް ނޭޗާ (އައިޔޫސީއެން) މޯލްޑިވްސްއާ ގުޅިގެންނެވެ.

މިނިސްޓްރީން ބުނީ ކަނޑޫއާއިލާއަށް ނިސްބަތްވާ އެ ގަހުގައި އަޅާ މޭވާ ވައްތަރީ ބޮޑަވަތްކާއާ ކަމަށެވެ. ނަމަވެސް އެ މޭވާ، "ބޮޑަވަކި" އަށްވުރެ ކުރުވެފައި ފަލަ އެވެ.

ހެނެސީ ގަހަކީ ކަނޑޫފަލަށް ނިސްބަތްވާ ގަސްތަކުގެ ތެރެއިން ނެތިދާނެކަމުގެ ބިރު ހީވެފައިވާ ދެ ބާވަތުގެ ތެރެއިން އެއް ބާވަތެވެ. އެއީ އައިޔޫސީއެން ރެޑް ލިސްޓުގައި، ނެތިދާނެ ކަމުގެ ބިރު އެންމެ ބޮޑަށް ހީވެފައިވާ ކެޓަގަރީ ލިސްޓުގައި ހިމެނޭ ބާވަތެކެވެ.

ހއ. ކެލާގެ ކުޅިން ފެނުނު ބުރުގެރިއާ ހެނެސީ ބާވަތުގެ ގަހެއް.-- ފޮޓޯ: އެންވަޔަރްމަންޓް މިނިސްޓްރީ

އޮސްޓްރޭލިއާ، ޕަޕުއާ ނިއު ގިނީ، އިންޑޮނޭޝިއާ، މެލޭ ޕެނިންސުލާ، ތައިލެންޑް އަދި މިޔަންމާއިން އެ ބާވަތުގެ ގަސް ފެނިފައި ވެ އެވެ. އެގޮތުން 2010 ވަނަ އަހަރާ ހަމައަށް ކުރި ސާވޭއިން ދައްކާގޮތުގައި، ދުނިޔޭގައި ހުރީ އެ ބާވަތުގެ ބޮޑުވެފައިވާ 200 ގަހެވެ. އަދި އޭގެ އާބާދީ މަދުވަމުންދާއިރު، ކެލާއިން ބުރުގެރިއާ ހެނެސީގެ ގަސް ފެނުމަކީ އެ ރަށަށް ލިބޭ އިތުރު ހާއްސަ ސިފައެއް ކަމަށް މިނިސްޓްރީން ބުންޏެވެ.

ރާއްޖޭގެ ކަނޑޫފާތަކުން މީގެ ކުރިން 14 ބާވަތުގެ ކަނޑޫފާ ގަސް ފެނިފައި ވެ އެވެ. އަލަށް މި ފެނުނު ބާވަތާއެކު 15 ވައްތަރުގެ ގަސް ފެނިފައި ވެ އެވެ. އެ ބާވަތް ކެލާއިން ރިކޯޑު ކުރެވުނަސް ރާއްޖޭގެ އެހެން ކުޅީފާތަކުން ވެސް ފެނުން އެކަށީގެންވާ ކަމަށް މިނިސްޓްރީން ބުންޏެވެ.

ތިމާވެށި އެންވަޔަރްމެންޓް މިނިސްޓްރީ

26 ކޮމެންޓް, 83 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ީހށނ

10 October 2020

އެންވައިރޮމެންޓަލް މިނިސްޓްރީ އަށް އައްސަރިބަހާއި ސާބަސް! ތިހޯދުން ހޯދި ޓީމަށް މެޑެއްޔާއި އިނާމު ހައްޤު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައްބެ

10 October 2020

ތިޔަ ގަސްތައް ހުންނަތާ އެތައް ދިހަ އަހަރެއްވެއްޖެ. ދެން ތިގަސްތައް ނެތިދާކަށް މާގިނަދުވަހެއްނުވާނެ. ކަޅުބެ މޮހޮއްމަދަށް ނުވިއްޔާ ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެނެސީ

10 October 2020

ފޮޓޯގައި ކަނޑުލާއި، ބޮޑަވަކިއާ ބުރުގޭރިއާ އެއްކޮށް ފެންނަ ގޮތަށް ފޮޓޯނަގާފަ ހިމެނިނަމަ ވަރަށް ފަސޭހަވީސް. މިހާރު ހީވާގޮތުން 80ގެ އަހަރުތަކުގެ ތެރޭ ހުރާގައިވެސް ތި ފެނުނުހެން ހީވޭ. މިދޭތެރެއިން އެކި ސަރަހައްދުގެ ކަނޑޫފާތަކުގެ ބައެއް މަރުވާ ވާހަކަ އިވުނީ. މިހާރު އާ ބާވަތެއް ފެނުނީ. އެއް ވައްތަރަށް ޖާގަ ލިބެން އެހެން ބާވަތެއް ނެތިގެންދަނީބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށީ މުއިއްޒު

09 October 2020

1970ގައި ފެނި ، ޙއ.ފިއްލަދޫ 2 ފަލެއްގައި މިވައްތަރުގެ ކަނޑޫ ހުންނަތާ އެތައްޒަމާނެއްވެއްޖެ؟ މިހާ ބޮޑު ސާރވޭއެއްގަ ބެލީ ކިތައްކަނޑޫފާބާ؟ ކާން ހޮވިއިރު މިވައްތަރު މީ މީހުން އެހާ ގަޔާވާވައްތަރެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުކުރު

09 October 2020

އައްޑޫ މޫދުގަ މޫދުވިނަ ހުންނަކަންވެސް ކުރިން ނޭނގުމެއްގަ އޮންނަނީ. އެކަންވެސް އެނގުނީ އިހައްދުވަހު މާލޭބަޔަކު އައްޑުއަށް ގޮސްގެން އުޅެނިކޮށް އެމީހުނަށް މޫދުވިނަ ފެނިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައިޒޮޕޮޑާ

09 October 2020

ގަހުގެ ރަނގަޅު ފޮޓޯ ގަނޑެއް ނުލިބުނު ދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

09 October 2020

ނެތިނުދާނެ އެއްޗެއް މިދުނިޔެއައް އާދޭތަ؟. ދެންކޮން ބިރެއް ހީވާކައް، ތިގަސްނެތިދިޔައިއްޔާ ވަކި ވާނީކީއް، ހުރިއެއްޗެއްކަންވެސް އަދިކިރިޔާ ތިއެނގުނީ.!!!!!!!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިސާމް

09 October 2020

ތިގަސް ނެތިއްޔާ ލިބޭނެ ގެއްލުން ނޭނގިހުރެ، ތިގަހުން ކުރިއަށް އޮތްތާނގައި ލިބިދާނެ ފައިދާ ނޭނގި ހުރެ މޮޅު ކޮމެންޓް ކުރީމަ އެޅޭނީ ބޮލުގަ މުންޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

09 October 2020

ދުނިޔޭގަ އިންސާނުން ޚަލީފާކުރެއްވީ ތިކަހަލަ ކޮސް ގޮވާކަށް ނޫން. އެހެނިހެން ތަކެތީގެ ބެލެނިވެރިން ކަމުގައި ވުމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

10 October 2020

ތިޔަގަސް ނެތިއްޔާ ވާނީ ފައިދާ ކަމެއް ނޫނީ ގެއްލުމެއް ކަން އެގޭބާ؟. މިހާތަނައް ތިޔަގަހުން ހުރި ކަންއްނޭގިވެސް ވީފައިދާއަ ކީ ކޮބައިތޯ؟.ތމިހާރު ރަށްރަށުގަ ކާންވެސް ބޭނުން ކުރާ އެއްޗެއްނޫން. ދެން މީހަ ކު ދުނިޔަވީ ކަމެއްގައި ކޮމެންޓެއް ކުރާއިރައް ދީނީފަގުޑި އުފުއްލާޖަހާފަ ޚަލީފާއިންނާ ރަސުލުންނާހަމަޔައް ދާންޖެހޭބާ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނދިކޮޅު މީހާ

09 October 2020

ތިޔަ ވައްތަރުގެ ގަސް އެބަހުރި ބައިވަރު ނ. ކެނދިކޮޅުގަ!!!!! އާދޭ ބަލަން.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިޓްރިޖަން

09 October 2020

ކ. ހުރާގަވެސް އެބަހުރި ބައިވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

09 October 2020

މިއީ އެންވަޔަރްމަންޓް މިނިސްޓްރީން މިހާތަނަށް ހާސިލް ކުރެވުނު އެންމެ މުހިންމު އެއްކަން. ރޭގަޑެއްގައި "ބުރުގެރިއާ ހެނެސީ" ގަސް ފެނުނުކަމަށް ނޫސްބަޔާނެއް ނެރޭނީ އެހެންވީމަތާ. އޮކްޓޯބަރ 8 ވަނަދުވަހަކީ "ބުރުގެރިއާ ހެނެސީ" ދުވަސްކަމަށް ފާހަގަކުރަން ފަށަންވީ. ކޭކެއްވެސް ފަޅާލުން ރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންސު3

09 October 2020

ކަނޑުލުގެ ބާވަތެކޭ ކިޔަން ލަދުގަންނަނީ؟ ނަމުގަ މީ ދިވެހިބަސް ކުރިއަރުވާ ބައެއް. ދިވެހިބަސް ކުރިނާރައިގެން ފަޔަށް ހިނިއަރާ، ލޮލަށް ނިދިނައިސްގެން އުޅޭމީހުނަށް ވާވަރު މިއީ.