އައްޑޫން ޓޫރިޒަމަށް ދޫކުރާ އިތުރު ބިންތަކަށް ކުރިމަތިލާން ހުޅުވާލައިފި

އަހުމަދު އަދްޝަން، މިހާރު

13 އޮކްޓޯބަރ 2020 - 17:31

އައްޑޫގައި ގެސްޓް ހައުސް އާއި ސިޓީ ހޮޓާ ތަރައްގީކުރަން ބިން ހޯދަން ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު އައްޑޫ ސިޓީ ކައުންސިލުން ދެވަނަ ބުރަށް ހުޅުވާލައިފި އެވެ.

މިދިޔަ އަހަރުގެ އޮކްޓޯބަރު މަހުގެ ތެރޭގައި ވެސް އައްޑޫގެ ޓޫރިޒަމް ޒޯންތަކުން ކުއްޔަށް ބިން ހޯދަން ހުޅުވައިލި އެވެ.

ދެވަނަ ބުރުގެ ދަށުން ހިތަދޫގެ ޓޫރިޒަމް ޒޯނުގެ ތެރޭގައި ހިމެނޭ މާމެން ބީޗް ސަރަހައްދުން 30 ބިން ދޫކުރަން ހަމަޖެހިފައިވާ އިރު އޭގެ ތެރޭގައި ހިމެނެނީ 2،400-10،000 އަކަފޫޓްގެ ބިންތަކެވެ. އަދި ބިންތައް ހާއްސަކޮށްފައި ވަނީ 10-60 އާ ދެމެދުގެ އެނދުގެ ފެސިލިޓީތަކަށެވެ. އެއީ 26 ގެސްޓްހައުސް އާއި ހަތަރު ސިޓީ ހޮޓަލަށެވެ.

ފޭދޫ ސަވާ ބީޗް ސަރަހައްދުން 24 ބިން ދޫކުރަން ހަމަޖެހިފައިވާ އިރު އޭގެ ތެރޭގައި ވެސް ހިމެނެނީ 2،400-10،000 އަކަފޫޓްގެ ބިންތަކެވެ. އެއީ ގެސްޓް ހައުސްތަކަށް ހާއްސަ 20 ބިމާއި ސިޓީ ހޮޓާތަކަށް ހާއްސަ ހަތަރު ބިމެވެ.

މީގެ އިތުރުން މަރަދޫ ވެންބޮޅޮފިށި ޒޯނުން ދޫކުރަން ހަމަޖެހިފައި ވަނީ 10،000 އަކަފޫޓްގެ އެއް ބިމެވެ. އެއީ 60 އެނދުގެ ސިޓީ ހޮޓަލަކަށެވެ.

ހުޅުދޫ ކަވިއާ ބީޗުން 25 ބިން ދޫކުރަން ނިންމާފައިވާ އިރު، އޭގެ ތެރެއިން 20 ބިން ހާއްސަކޮށްފައި ވަނީ ގެސްޓްހައުސްތަކަށެވެ. އަދި ބާކީ ސިޓީ ހޮޓާތަކަށެވެ. ހުޅުދޫން ވެސް ދޫކުރަން ހަމަޖެހިފައި ވަނީ 2،400-10،000 އަކަފޫޓްގެ ބިންތަކެވެ.

މީދޫ ކޯގަން ބީޗުން 16 ބިން ދޫކުރާ އިރު، 13 ބިން ހާއްސައީ ގެސްޓްހައުސްތަކަށެވެ. އަދި އަނެއް ތިން ބިން ސިޓީ ހޮޓާތަކަށް ހާއްސަކޮށްފައިވާ އިރު، ބިމުގެ ސައިޒް އުޅެނީ 2،400-10،000 އަކަފޫޓާ ދެމެދުގަ އެވެ.

އައްޑޫގެ ޓޫރިޒަމް ޒޯންތަކުން ބިންތައް ދޫކުރަނީ 50 އަހަރުގެ މުއްދަތަށެވެ. ބިންތައް ހޯދަން ޝައުގުވެރިވާ ފަރާތްތަކަށް ބިޑް ހުށަހެޅުމުގެ ފުރުސަތު މި މަހުގެ 14 އިން އަންނަ މަހުގެ 12 އާ ހަމައަށް އޮންނާނެ އެވެ. ކައުންސިލުން ބުނިގޮތުގައި ބިޑް ޑޮކިއުމެންޓް ދިވެހިންނަށް 2،000ރ. ވިއްކާ އިރު، ބޭރު މީހުންނަށް ވިއްކާނީ 300 ޑޮލަރަށެވެ.

މި މަޝްރޫއާ ގުޅޭ ޕްރީ-ބިޑް މީޓިން އޮންލައިންކޮށް ބާއްވާނީ މި މަހުގެ 29 ގައި އޮންނާނެ އެވެ. އަދި އޭގައި ބައިވެރިވުމަށްޓަކައި މި މަހުގެ 27 ގައި ރަޖިސްޓްރީވާން ޖެހެ އެވެ.

https://www.facebook.com/adducitycouncil/posts/1943386289136955

ބިޑް ހުޅުވުން ކުރިއަށް ގެންދަން ނިންމާފައި ވަނީ ޑިސެމްބަރު މަހުގެ 14-17 އަށެވެ.

އައްޑޫގައި ސިޓީ ހޮޓަލާއި ގެސްޓްހައުސް ހިންގަން ޝައުގުވެރިވާ ފަރާތްތަކަށް ދެވަނަ ބުރެއްގެ ދަށުން ބިން ހޯދަން ފުރުސަތު ހުޅުވާލި އިރު، މިކަމަކީ އައްޑޫގެ ޓޫރިސްޓް އެނދުގެ އަދަދު 8،000 އިތުރުކުރުމަށް މި ސަރުކާރުން އިއުލާންކޮށްފައިވާ މަޝްރޫއުގެ ދަށުން ކުރިއަށް ގެންދާ ކަމެކެވެ.

އައްޑޫގައި މި ވަގުތު ތިން ރިސޯޓާއި ސިޓީ ހޮޓަލެއްގެ އިތުރުން ގިނަ ގެސްޓްހައުސްތަކެއް ވެސް ތަރައްގީކޮށްފައިވެ އެވެ. އައްޑޫގެ ތިން ރިސޯޓަކީ ޝަންގްރިއްލާ ވިލިގިލި ރިސޯޓް އެންޑް ސްޕާ އާއި ކެނަރީފް ރިސޯޓްގެ އިތުރުން ސައުތު ޕާމް ރިސޯޓެވެ. އައްޑޫގައި ހިންގާ ސިޓީ ހޮޓަލަކީ ގަމުގެ އީކްއޭޓަ ވިލެޖެވެ.

ސ. ފޭދޫ ސ. ހިތަދޫ އައްޑޫ ސ. މަރަދޫ އައްޑޫ ސިޓީ ކައުންސިލް ޓޫރިޒަމް ޓޫރިޒަމް މިނިސްޓްރީ ސ. ހުޅުދޫ ސ. މީދޫ

21 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބިރު. . / ކާށިދޫ

14 October 2020

މިއީ އައްޑޫ ތަރައްޤީ ކުރާންޖެހޭ ގޮތް. ގިނަ އަދަދެއްގެ ބޮޑެތި ސިތީ ހޮޓާ ތިތަނުގައި އަޅާ ތަންކޮޅެއް ބަޖެޓް ރޫމް ވެސް ވިއްކަބަލަ. ލިންކްގައި އިން ކޮންސެޕްޓް މަށަށްވެސް ވަރަށް ކަމުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމަ444

14 October 2020

ހުރިހާ ކައުންސިލަރުންނަށް އަޑިންނާއި މަތިން މަންފާވާގޮތަށް ބައިއަޅާގޮތަށް ތިބިންތައް ދޫކުރެވިގެން ދިއުމަކީ އިންތިހާއަށް ދެރަވަރުކަމެއް...އާ ކައުންސިލް އައުމުގެ ކުރިން އައްޑޫގެ ބިން ތަޅާހުސްކޮށްލަނީ....ބައިބައިވެ ބޮޑުތަނުން ފޭލިވެފައިވާ ކޮރަޕްޓު ކައުންސިލަރުން ތިބެގެން ދުވަހަކު އައްޑޫ ރަނގަޅެއްނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮންޑާ

14 October 2020

ސަރުކާރުން ތި ފަދަ މަޝްރޫއު އެއް މިދުވަސްކޮޅު ހިންގަން ނިއްމެވި ނިއްމުން ގޯސް. މުޅިރާއްޖޭގެ ޓޫރިޒަމް އިންޑަސްޓްރީ މިއިންދުވަހަކު ނުދާވަރަށް ގެއްލުންވަމުންދާއިރު އާއި އަދި އިންޑަސްޓްރީގެ ތަޖްރިބާ ކާރުންގެ ބަސް ތިފަދަ ބޮޑު މަޝްރޫއުއެއް ފެއްޓުމުގެ ކުރިންބޭނުންވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންތާ ؟

14 October 2020

އިންޑަސްޓްރީގެ ތަޖުރިބާ ކާރުން އިހައްދުވަހު އެމީހުން އެތައް ޒަމާނެއްވަންދެން ގެންގުޅުނު ދިވެހި މުވައްޒަފުންނާއި ދޭތެރޭ ކަންކުރިގޮތް މޮންޑާ އަށް ނޭގެނީތޯ އެމީހުންގެ ކިބައިން ލަފާ ހޯދަން ތިބުނަނީ ؟؟ ތިމާ ގެންގުޅުނު މުވައްޒަފުންނަށް އެތައް މަސް ދުވަހެއްގެ މުސާރަނުދީ އެމީހުން ރަށުން ބޭރުކޮށް ފޮނުވާލި ބައެއްގެ ކައިރިން އަހާނެ ލަފައެއް އޮންނާން ކަމަކަށް ނުދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު

14 October 2020

އެންމެ ކުޑަމިނުން އިއުލާން ގަނޑު ވެސް ދިވެހި ބަހުން ނުލިޔެވުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީފާ

14 October 2020

ސަރުކާރާ ނުލާ ޕްރޮޖެކްޓްތައް ހިންގަން އުޅުނީމާ ކޮންމެ އެއްޗެއް ޗޮކުން ދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

14 October 2020

ނިޔަތް ރަނގަޅުނަމަ ފުރަތަމަ ތަރައްޤީ ކުރާންޖެހެނީ ގޭން އެއަރޕޯޓް. # އަދި ގޭންއެއަރޕޯޓްގައި 80މ ގެލަން ޖެޓްފިއުލް ސްޓޯރޭޖް ހަދައި ތެޔޮވިއްކަން އެސްޓީއޯ އާއި ހަވާލުކޮށް ޑިފެންސްފޯހުގެ ބޭނުމަށް ނަގާފައިވާ ސަރަހައްދުގައި 1000 އެނދުގެ 5 ތަރި ހޮޓަލެއް އެއަރލައިން ލައުންޗާއި އިންފްލައިޓް ކޭޓަރިންގެ ހިދުމަތާއިއެކު 90 އަހަރަށް އިންވެސްޓަރ ފައިނޭންސް އުސޫލުން މިކަންކަން ތަރައްޤީކޮށް ހިންގާނެ ބަޔަކު ހޯދާން ބައިނަލްއަޤުވާމީ ފަރާތްތަކަށް ހުޅުވާލަންޖެހޭ. އޭގެފަހުންތިކަމާއިއުޅެލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 October 2020

ދައުލަތާއި ސިޓީގެ ރައްޔަތުންނަށް އަދި އައްޑޫސިޓީއަށް އުމްރާނީ އެއްވެސް ތަރައްޤީއެއް ފައިދާއެއް ނުވާގޮތަށް މިސިޓީގެ ބިންތައް މާލޭގެ ބޮޑުންގެ ބަނޑުދަށަށްލުމަށް ދޫކޮށްގެން ނުވާނެ. # މިހާރުވެސް ވިލާކޮލެޖަށް ދޫކޮށްފައިވާ 25 ހާހަށް ވުރެ ބޮޑުބިމުގައި އެއްވެސް ކަމެއްނުކޮށް އޮތީ ޖަންގައްޔަކަށްވެފަ. އައްޑޫގެ ރައްޔަތުންނަށް ސާފުބޯފެން ފޯރުކޮށްދިނުމަށްޓަކާ ކޮކަކޯލާ ކުންފުންޏަށް ދޫކުރި ބިންވެސް އޮތީ އެފަދަ ގޮތަކަށް. އެމީހުން އައްޑުއަށް ވިއްކަނީ މާލޭން ފެންގެނެސްގެން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޤީގަތް

14 October 2020

އައްޑޫގައި ކުއްޔަށް ދީފައި ހުރި ގިނަ ބިންތަކުން ދައުލަތަށް ލިބެންޖެހޭ ކުލި އެއްގޮތަކަށްވެސް ނުދައްކާ. އަދި މޭޔަރާއި އާއިލީ ގޮތުން ގުޅުން އޮތް ފަރާތް ތަކަށް މިފަދަ އެތައް ބިންތަކެއް ދީފައިވޭ. ކުލި ނުދައްކާ ބިންތައް އެފަރާތް ތަކުން ވަކިކޮށް ކުލި ހޯދަން ދައުވާ ކުރާން ޖެހޭ. އަދި އެފަދަ ފަރާތް ތަކަށް އިތުރު ބިންތައް ދިނުން ހުއްޓާލަންވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫސިޓީ

13 October 2020

އައްޑޫސިޓީ ދިރިއުޅުމަށްޓަކައި ދޫކުރުމަށް ހަމަޖެހިފައިވާ 50 ބަންޑާރަ ގޯތި ބޭނުންވާ ފަރާތްތަކަށް ގޯތިދޫކުރުމަށް ހަމަޖެހިފައިވަނީ ހުޅުދޫ އިން 2000 އަކަފޫޓްގެ 50 ގޯއްޗާއި މީދޫ އިން 2000 އަކަފޫޓްގެ 50 ގޯއްޗެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުކުރު

13 October 2020

"ދުނިޔޭގެ އެންމެބޮޑު ފުލޯޓިން ސޯލާޕެނަލް އައްޑޫގަ ހަދައިފި، މާވަރުގަދަ އިންޖީނުގެއެއް ހަދައިފި، ހުރިހާމަގެއްގަ ތާރުއަޅައިފި، އެތަައްހާސް އެނދެއްޖަހައިފި، ރާއްޖޭގެ އިގުތިސޯދީ އިންޖީނަށް ހަދައިފި"... މިކަހަލަ ކަރާޓީ ސުރުހީތައް ފެނިގެން ގޮސް ބަލާލިއިރު ދަނޑެއްގަ ރޯލަރުއަޅަން ހިންގާ ދޮޅުލައްކަ ޑޮލަރުގެ މަޝްރޫއެއްނޫނީ އެއްވެސްކަމެއް ނުކުރޭ. އެކަމަކު ދެކުރޮޅި ދުއްވާ ކުދިކުދި ރަށްރަށުގެ މަގުތައް ހަދާނިންމައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާޑި އައްލާ.

13 October 2020

އައްޑޫގައި ކުރާން އުޅޭ އެއްވެސް ކަމެއް ސަރުކާރު އެއްވެސް ޕްލޭނެއްގައި ނުހިމަނާ ބަޖޭޓް ކުރުމެއް ބޭރުގެ އެހީއެއް ނުވަތަ ލޯނެއް ނެގުމެއްނެތި މިފަދަ ގޮތަކަށް އިއުލާން ކޮށްލުމުން ހަމަ އެ މަޝްރޫޢު ހިގައިގަންނަނީތޯ ؟