ރައީސް، މިއަދު ނޫސްވެރިންނާ ވާހަކަފުޅު ދައްކަވަނީ
15 އޮކްޓޯބަރ 2020 - 12:04
17 comments
ދަނޑުވެރިކަމަށް އެހީތެރިވުމަށް ދޫކޮށްފައިވާ ބިންތަކާއި އަލަށް ދޫކުރާ ބިންތަކުން ކުރިއަށް އޮތް ތިން އަހަރު ތެރޭގައި ކުލި ނުނެގުމަށް ރައީސް އިބްރާހިމް މުހައްމަދު ސޯލިހު ނިންމަވައިފި އެވެ.
ދަނޑުވެރިންގެ ދުވަހުގެ މުނާސަބަތުގައި ރައީސް ދެއްވި ހިތާބުގައި ވިދާޅުވީ، މިއީ ދަނޑުވެރިކަން ފުޅާކޮށް، އެ ދާއިރާ އަށް އެހީވުމަށް ނިންމެވި ނިންމެވުމެއް ކަމަށެވެ. އެގޮތުން، ތިން އަހަރަށް ކުލި ނުނެގުމާއި އިތުރު ހަ ފަޅު ރަށެއް ދަނޑުވެރިކަމަށް ކުއްޔަށް ދޫކުރަން އިއުލާނު ކޮށްފައިވާ ކަމަށް ވެސް ރައީސް ވިދާޅުވި އެވެ.
ކޮވިޑް-19އާ ގުޅިގެން ރާއްޖޭގެ އިގުތިސޯދު އަޑިގަނޑެއްގައި އޮތް އިރު މި ހާލަތުން އަރައިގަތުމަށްޓަކައި ދަނޑުވެރިކަން އިތުރަށް ތަރައްގީ ކުރުމަށް ހިންގާ މަޝްރޫތަކަށް ބޭރުގެ އެހީދޭ ޖަމިއްޔާތަކުން އެހީ ހޯދުމުގެ މަސައްކަތް ވެސް ކުރަމުން އަންނަ ކަމަށް އެ މަނިކުފާނު ވިދާޅުވެފައި ވެއެވެ.
މިއަދަކީ ރާއްޖޭގައި ފާހަގަކުރާ ދަނޑުވެރިންގެ ދުވަހަށް ވާއިރު، މާދަމާއަކީ ބައިނަލްއަގުވާމީ ކާބޯތަކެތީގެ ދުވަސްކަން ފާހަގަކުރައްވައި ރައީސް ވިދާޅުވީ ގައުމެއްގެ ފުއްދުންތެރިކަމާއި އަމިއްލަވަންތަކަން ބިނާވާ އެންމެ މުހިންމު އެއް ކަމަކީ އެ ގައުމެއްގައި ކާބޯތަކެތީގެ ޔަގީންކަން އޮންނަ ވަރު ކަމަށެވެ. ސަރުކާރަކުގެ ސިޔާސަތަކީ ގައުމަށް ދިމާވާ ކޮންމެ ހާލަތެއްގައި ވެސް ދިވެހިންނަކީ ކާބޯތަކެތީގެ ޔަގީންކަން އޮތް ބަޔަކަށް ހެދުން ކަމަށް ވެސް ރައީސް ވިދާޅުވި އެވެ.
މި ސަރުކާރުން ދަނޑުވެރިކަމަށް ދޭ ސަމާލުކަން ފާހަގަކުރައްވައި، އެ މަނިކުފާނު ވިދާޅުވިގޮތުގައި، ދަނޑުވެރިކަމަށް އެތެރެކުރާ ތަކެތިން އިމްޕޯޓު ޑިއުޓީ ވެސް ވަނީ ކަނޑާލައިފަ އެވެ. ދަނޑުވެރިންނަށް ލޯނު ލިބޭނެ އިންތިޒާމު ހަމަޖެއްސުމާއި ދަނޑުވެރިންނަށް ތަމްރީން ޕްރޮގްރާމްތައް ވެސް ބާއްވާފައިވާ ކަމަށް ވެސް އެ މަނިކުފާނު ވިދާޅުވި އެވެ.
ރައީސް ވިދާޅުވިގޮތުގައި، ދަނޑުވެރިންނަށް ދިމާވާ އެންމެ ބޮޑު އެއް ގޮން ޖެހުމަކީ ދަނޑުތަކުގައި ހައްދާ ތަކެތި ތާޒާކަމާ އެކު، ހަމަ އަގުގައި ވިއްކަން ބާޒާރަށް ނެރުމުގައި ދިމާވާ ދަތިތަކެވެ. މިކަން ހައްލުކުރުމަށްޓަކައި މިިދޔަ އޭޕްރިލް މަހު ސަރުކާރުން އެގްރޯ ނޭޝަނަލް ކިޔާ ކުންފުންޏެއް އުފައްދާފައިވާ ކަމަށް އެ މަނިކުފާނު ވިދާޅުވި އެވެ.
މި އަހަރުގެ ދަނޑުވެރިންގެ ދުވަހުގެ ޝިއާރެއްގެ ގޮތުގައި ސަރުކާރުން ކަނޑައަޅާފައިވަނީ "ފަރުދީ ދަނޑުވެރިކަން – ކާނާގެ ޔަގީންކަން،" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޖިލިސް
15 October 2020
ހދ. ވައިކަރަމުރައިދޫ އެއީ ކީއްކުރާރަށެއްތޯ ރައީސް ނަޝީދާ ސުވާލް ކޮށްލަބައްލަވަ؟ އަދި އެރަށް އޮންނަނީ ކޮންބަޔަކަށް ކަންވެސް އޮޅުންފިލުވަދީބަލަ
އަރުވާލި އާދަނުގެ ސިޔާސީ ހާސަރު
15 October 2020
ސޯލިހް ވެރިއެށްގެ ދީލަތި އޯގާތެރި ނިންމެވުމެއް. މަރުހަބާ ރައީސް މަރުހަބާ ޒަހާ ވަޒީރު މަރުހަބާ ދަނދުވެރިން
ސިކުނޑި
15 October 2020
ރަނގަޅުކަމެއް ކޮށްގެނެއް ދިވެހީންނެއް އަގުވަޒަނެއް ނުކުރާނެ! ނުކުރެވޭނެ ކަމެއް ނުވަތަ ބުހުތާނު ދޮގެއް ހަދައިފިތަ؟ ވަރަށް ފޯރި ހުންނާނެ! ރަށްތައް ދޫކުރީ ދަނޑުވެރިކަން ކުރަން! ބަޔަކު އުސޫލާ ޚިލާފަށް މަސައްކަތް ކުރުމަކީ އެ ދޫކުރާގެ ވުޒާރާގެ މައްސަލައެއް ނޫން! އެހެންނޫނަސް ދަނޑުވެރި ކަމަކީ، ބުރަ މަސައްކަތެއް! ދިވެހީން ކުރަން ރަނގަޅު މަސައްކަތެއް!
ބޮޑޭގެ ބޮޑޭ
15 October 2020
ހދ. ވައިކަރަމުރައިދޫ އެއީ ކީއްކުރާރަށެއްތޯ ރައީސް ނަޝީދާ ސުވާލް ކޮށްލަބައްލަވަ؟ އަދި އެރަށް އޮންނަނީ ކޮންބަޔަކަށް ކަންވެސް އޮޅުންފިލުވަދީބަލަ.
ވިސްނަވާށެވެ
15 October 2020
ނުކުޅަދާނަ ވަޢުދުތަށް ވެފައި އިބޫ ރައީސް ކަން ހޯއްދެވީ ވެސް ފުރިހަމަ އުއްމީދެއް އޮތީމާ ނޫން ތޯއެވެ؟ އެކަމަކު އެ ވަޢުދު ތަށް ނުފުއްދޭ ނޫން ތޯއެވެ؟ ދަނޑުވެރިކަން ކުރުމަށް ބޮޑު ކުއްޔަށް ފަޅުރަށް ހިފާ މީހާ ވެސް ބިޔަ ޕްރޮޕޯޝަލެއްގެ ދަށުން ބޮޑުކުއްޔަށް ފަޅުރަށެއް ނަގަނީ ފޮނި އުއްމީދާ އެކުގައެވެ. އެކަމަކު އުއްމީދު ހާސިލް ނުކުރެވެނީ ސަބަބު ތަކާ ހުރެއެވެ.
ދަނޑުމަތީން
15 October 2020
ބޭރު ކުންފުނި ތަކުން ރާއްޖޭގައި ދަނޑުވެރި ކަމަށް އިންވެސްޓްނުކުރާ ސަބަބަކީ ކޮބާތޯއެވެ؟ ދަނޑުވެރިކަން ކުރުމަށް ފަޅުރަށެއް ހިފި މީހަކު ސަލާމަތް ވެފައި އެބަ އޮތްތޯ އެވެ.ރާއްޖޭގެ މަހުޖަނުން ދަނޑުވެރި ކަމަށް އިންވެސްޓް ނުކުރަނީ ކީއްވެތޯއެވެ. ޖަވާބަކީ ކުރަންޖެހޭ ޚަރަދާއި ރިސްކް ބޮޑުކަމާއި މާކެޓް ނެތުމާއި ބިމުގެ ކުއްޔާ ޗާޖް ތަށް ބޮޑުވުމާއި ސަރުކާރުގެ ހަރުދާ ސިޔާސަތެއް މިކަމުގައި ނެތުމެވެ.
ސުމެއްގެ ކަމެއް
15 October 2020
މިހާރު ފަޅުރަށެއް ކުއްޔަށް ދޭގޮތަށް ފަޅުރަށެއް ކުއްޔަށް ނަގާގެން ދަންޑުވެރިކަން ކޮށްގެން ދެކޮޅެއް ނުޖެހޭނެއެވެ. ކުރާ އިންވެސްޓްމަންޓް އާއި ވޯތެއް ނޫނެވެ. ކުއްޔަށް ދިން ފަޅުރަށް ތަކުގައި ކަމެއް ނުކުރެނީ އެހެން ވެގެން ނެވެ. ހަތަރު ދަނޑުން އެއްދަނޑު ވިއްސާރަ އަށެވެ. އަނެއް ދަނޑު ސަރުކާރަށެވެ. އަނެއްދަނޑު މެނޭޖްމެންޓް ކޯސްޓް އަށެވެ. އަނެއް ދަނޑު ގެރިގުއި ވިއްކާ ފިހާރަ ތަކަށެވެ. ރަށް ވެރި ފަރާތަށް އޮންނާނީ ދެއަތެވެ.
އުއްމީދެއް ނެތް ކަމެއް
15 October 2020
އިންޑިއަސްޓްރިއަލް އުސޫލުން ދަނޑުވެރިކަން ކުރު.ަށް މިހާރު ފަޅުރަށް ދޫކުރާ އުސޫލުން ފަޅުރަށެއް ކުއްޔަށް ހިފާގެން އެ ހިފި ފަރާތެއް ފަނާވުން ނޫން ކަމެއް ނުވާނެއެވެ.ކ.ވިލިގިނލި ވަރުގެ ފަޅު ރަށެއް އަހަރަކު ދެލައްކަ ރިފިޔާ އަށް ކުއްޔަށް ހިފާގެން އެކްއިޒަންފީ ގެ ގޮތުގައި 7 ލައްކަ ރުފިޔާ ދައްކާފައި ރަނިން ލޯސް ލައްކަ ޚަރަދު ކޮށްފައި 5އަހަރު ތެރޭ ދިހަ މިލިޔަން އިންވެސްޓް ކުރުން ގޮތަށް 21 އަހަރަށް ދޮންވެލި ފަޅުރަށެއް ހިފާ މީހަކު ވާނީ ހަނާ އެވެ.
ހާސަރު
15 October 2020
ދަނޑުވެރިކަން ކުރުމުގެ ނަމުގަ ނަގާފަ އެކަށީގެންވާ ގޮތެއްގާ ދަނޑުވެރިކަން ނުކުރާ ރައްތައް ނަގަންވީ . ނަގާފަ އެއްބަޔަކަށް ދިނުމުގެ ބަދަލުގައި ގިނަބަޔަކަށް ބިން ދޫކުރަންވީ . އަދި އެރަށްތަކުގާ އަސާސީ ޚިދުމަތް ގާއިމްކުރަންވީ. މިބުނީ ކުޑަވަރެއްގެ ފާލަމަކާ، ބޯފެނާ ކަރަންޓް ލިބޭނެ ގޮތަކާ ދުއްވާ އެއްޗެއްގެ ޚިދުމަތް އަގު ނަގައިގެން ނަމަވެސް ދޭންވީ. ކިތަންމެ ބަޔަކު އޭރުން ދަނޑުވެރިކަން ކުރާނެ.
ޑރ. ރާމީ ހަސަން މަނިކު
15 October 2020
މިހިރީ އިބޫ ގެ އޮޅުވާލުން ހުރި މިންވަރު. ކުޑަކުއްޖަކަށް ވެސް ނޭންގެނީތަ މި ރަށްތައް ދަނޑުވެރިކަން ކުރުމަށް ބޭނުން ނުކުރާ ކަން. ރައްޔިތުން ބުނާގޮތަށް ރައްޔިތުންގެ ކަންތައް ތިމަންނާ ކުރާނަމޭ ކިޔައިގެން އިބޫ ވަޢުދުވީ. ރަށްތައް މިގޮތަށްދޫކުރުމަކީ ދެކޮޅު ނުޖެހޭ ކަމެކޭ މަޖްލިހުގައި ނަޝީދު ވެސް ވިދާޅުވި. މަޖްލިހުގެ ރައީސް ދައްކާ ވާހަކައަކާއި އިބޫ ދައްކާ ވާހަކަ އަކާ ދިމައެއް ނުވޭ. ގެއްލުން ކަނޑައެޅިގެން ލިބޭ ކަމެއްކަން އިބޫ އަށް އިނގިހުރެ، އެކަމެއް ކުރުމަކީގެއްލުންދިނުން.
ޑރ. ރާމީ
15 October 2020
އިނގިހުރެ، ފާޅުގައި، މީހުންގެ ލޯމަތީގައި، މީހުން ބަލަބަލާ ތިއްބާ ޤައުމަށް ބޮޑެތި ގެއްލުންދިން ރައީސްއަކު އިބޫ ނޫނީ ނެތްކަން މިކަމުން އިނގި، ފާޅުވެއްޖެ. ޔާމިނު ވިއްޔާ ޤައުމަށް ގެއްލުން ދިން ކަމުގެ ހެކި ހޯދަން ޖެހޭތާ.