ފަރެސްމާތޮޑާ އެއާޕޯޓް ހަދަން 144 މިލިއަން ރުފިޔާއަށް އެމްޓީސީސީއާ ހަވާލުކޮށްފި

ފަރެސްމާތޮޑާގެ އެއާޕޯޓު ހެދުމުގެ އެއްބަސްވުމުގައި ނެޝަނަލް ޕްލޭނިން މިނިސްޓްރީގެ ޑިރެކްޓާ ޖެނެރަލް ފާތިމަތު ޝާނާ (ކ) އާއި އެމްޓީސީސީގެ ސީއީއޯ އާދަމް އާޒިމް ސޮއިކުރައްވަނީ -- ފޮޓޯ: ނިޝާން އަލީ/ މިހާރު

ލަމްޔާ އަބްދުﷲ، މިހާރު

10 ނޮވެމްބަރ 2020 - 14:00

11 comments

ގދ. ފަރެސްމާތޮޑާ އެއާޕޯޓު ހަދަން 144 މިލިއަން ރުފިޔާ އަށް އެމްޓީސީސީއާ މިއަދު ހަވާލުކޮށްފި އެވެ.

ދިވެހިރާއްޖޭގެ އަޑުގެ ސެނަކޯ މާލަމުގައި ބޭއްވި ރަސްމިއްޔާތެއްގައި، ނެޝަނަލް ޕްލޭނިން އެންޑް ހައުސިން މިނިސްޓްރީގެ ފަރާތުން މި މަސައްކަތުގެ އެއްބަސްވުމުގައި ސޮއިކުރެއްވީ ޑިރެކްޓަ ޖެނެރަލް ފާތިމަތު ޝާނާ ފާރޫގެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އާދަމް އާޒިމެވެ.

ޑިޒައިން އެންޑް ބިލްޑް އުސޫލުން އެމްޓީސީސީއާ ހަވާލުކުރި މި މަޝްރޫއު ދޮޅު އަހަރުން ނިންމަން 144،833،139ރ. ހޭދަކުރާނެ އެވެ.

މި ރަސްމިއްޔާތުގައި އާޒިމް ވިދާޅުވީ، ހއ. ހޯރަފުށި އެއާޕޯޓު ހެދުމުގެ މަސައްކަތް މިހާރު ވަނީ ގާތްގަނޑަކަށް ނިމިފައި ކަމަށެވެ. އެހެންވެ، ވަރަށް އަވަހަށް ފަރެސްމާތޮޑާގެ އެއާޕޯޓް މަސައްކަތް ފަށާނެ ކަމަށް ވިދާޅުވި އެވެ.

"ހޯރަފުށީ އެއާޕޯޓު މަސައްކަތް މިދަނީ އެއްކޮށް ހަމަ ނިމެމުން، އެހެންވީމާ އަޅުގަނޑުމެންގެ އެއާ ޕޯޓު މަސައްކަތް ކުރަމުންދާ ޓީމު ވަރަށް އަވަހަށް ފަރެސްމާތޮޑާއަށް މޯބަލައިޒް ވެގެން ދާނެ،" އާޒިމް ވިދާޅުވި އެވެ.

ފަރެސްމާތޮޑާގެ އެއާޕޯޓަށް ހިއްކާފައިވާ ބިމުގައި 1،200 މީޓަރުގެ ރަންވޭއެއް އަޅާނެ އެވެ. ޕްލޭނިން މިނިސްޓްރީގެ ޑިރެކްޓާ ޖެނެރަލް ޝާނާ ވިދާޅުވީ އެމްޓީސީސީއާ ހަވާލުކުރި މަސައްކަތުގައި އެއާޕޯޓުގެ ޓާމިނަލް ބިލްޑިން އެޅުން ވެސް ހިމެނޭ ކަމަށެވެ.

މި މަޝްރޫއަށް ފައިސާ ދައްކާނީ ދިގު މުއްދަތަކަށް ބަހާލައިގެން ކަމަށް ވެސް ޝާނާ ވިދާޅުވި އެވެ.

މި ރަސްމިއްޔާތުގައި ހަ ރަށެއްގެ ބިން ހިއްކުމުގެ މަޝްރޫއު އާއި އިތުރު ތިން ރަށެއްގެ ބަނދަރު ހެދުމުގެ މަޝްރޫއު ވެސް އެމްޓީސީސީއާ ހަވާލުކުރި އެވެ.

ގދ. ފަރެސްމާތޮޑާ އެމްޓީސީސީ އާދަމް އާޒިމް (މާލޭގެ މޭޔަރު) ހައުސިން، ލޭންޑް އެންޑް އާބަން މިނިސްޓްރީ

11 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަރުކެހި

10 November 2020

މަނިކުފާނު ތިޔަބޮޑެތި ބިޔަހަރަދު ނިކަން ރާއްޖެތެރޭގެ ރަށްތަކަށްކޮއްލަދީބަލަ މިދަޑިވަޅުގާ ނިކަން ފެންވަރުގެ ހޮސްޕިޓާތަކެއް އަޅުއްވަދީބަލަ މިވަގުތައްއެންމެ ބޭނުންވަނީ ހޮސްޕިޓާތައް މަނިކުފާނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަހޭނާ.

10 November 2020

ކޮބާ އަސްލަމްބެ؟ އަމި އްލަ ރަށަށް ކަމެ އްކޮށްދޭން ބިރުގަންނަނީޔޯ ކިޔާތީ އިވޭ. ތިޔަ އެއ އަރޕޯޓެ އް އަޅާތާ 5 އަހަރު ވެ އްޖެ. ހިސާބުގަޢި އޮތްހާ ފަޅުރަށްތަ އް ދު އްވާލުމަށްފަހު ޖަހާ ސަކަރާތެ އް އަދިވެސް ނުނިމޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނުބޭބެ.

10 November 2020

މިރަށް އެއަރޕޯޓްއަޅަންހިއްކާނިމުނުތާ އަހަރެއްމިވީ. ކީއްވެމިހުރިހާކަމެއް ނުނިމެނީ.ޓާމިނަލްއަދިނެތްދޯ. ބަޖެޓްހަމަޖެހުނީތޯ. އަމިއްލަރަށްވީމަތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެންބެ.

10 November 2020

މިނިސްޓަރުކަމުގަ ހުރެގެންމިހާ ލަސްވާނެކަމަކަށް މަށެއްހިއެއްނުކުރަން. ޔާމީނުވެރިކަމުގަހުރިނަމަ މިހާރު މިރަށަށް ފްލައިޓްޖައްސާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމާ

10 November 2020

މިއީ ވަކިމީހަކު މޮޅުވެގެން ފޮނިކަނޑަންވީ ކަމެއްނޫން. އެމްޓީސީސީ އަކީ ސަރުކާރުކުންފުންޏެއް. ކޮންމެމީހަކު އެމްޑީ ކަމުގެހުރިކަމުގަވިއަސް ސަރުކާރުން ޓެންޑަރނުކޮށް ޕްރޮޖެކްޓްދޭނެ. ނަތީޖާނެރުމަކީ މިހާރުވެސްނުނިމިހުރި މަސައްކަތްތައް ނިންމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިރުމާ

10 November 2020

ކޮބައިތޯ މ މުލީގައި އަޅުއްވަން ރައީސްސޯލިހު ވައުދުވެލެއްވި އެއާރޕޯޓް. ޚޮބައިތޯ ނާލާފުށީގެ ކޯޒްވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

10 November 2020

ގިނަމީހުން ތުހުމަތު ކުރާގޮތުގަ ޕްލޭނިންގ މިނިސްޓަރގެ ގެސްޓްހައުސް ވިޔަފާރި ފުޅާކުރަން ތިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީލ

10 November 2020

ގދ އަތޮޅަށް 3 އެއާޕޯޓު. ހުވަދު އަތޮޅުގަ 4 އެއާޕޯޓު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބޫޖީ

11 November 2020

ދިވެހިރާއްޖޭގެ ޖޯގްރަފީގޮތުން ހުވަދު އަތޮޅަކީ ގ އަތޮޅު. މިހާރު ގ އަތޮޅެއްނޯވޭ. މިހާރު އޮންނަނީ ގއ. އަތޮޅާއި ގދ. އަތޮޅު. ޔައުނީ، ހުވަދުއަތޮޅުއުތުރުބުރި އާއި ހުވަދުއަތޮޅުދެކުނުބުރި. މި ދެބުރި އެއްކޮށްލީމާ ހުވަދު އަތޮޅަށްވަނީ. އެހެންކަމުން ހުވަދުއަތޮޅުގައި 7 އެއާޕޯޓްް އެބަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑޭ

10 November 2020

ހޯރަފުށީ އެއާރފޯޓް އަވަސް އަރުވާލައިފަ ނިންމާ ލުމުގެ ހިތި ނަތީޖާ މާ ދުރޫން މުސްތަގްބަލެއްގަ ފެންނާނެ. ކުލަޑިން ޖަހަށް ޖެހޭ ތަނުގަވެސް ޓިނު ޖަހާފަ. މި ދެން ބޮނޑްވަރު.