ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ރާއްޖޭގެ ދަރަނިތައް އަންނަ އަހަރު ނިމެންދެން ފަސްކުރަން ޝާހިދު ގޮވާލައްވައިފި

ރާއްޖޭގެ ފޮރިން މިނިސްޓަރު ޝާހިދާއި ރާއްޖޭގައި ހުންނަވާ ޗައިނާގެ ސަފީރު ސަލާމް ކުރައްވަނީ: ދަރަނިތައް އަނބުރާ ދެއްކުން އަންނަ އަހަރު ނިމެންދެން ފަސްކުރަން އޭނާ ގޮވާލެއްވި -- ފޮޓޯ/ފޮރިން މިނިސްޓްރީ

މުއިއްޒު އިބްރާހިމް، މިހާރު

14 ނޮވެމްބަރ 2020 - 11:10

26 comments

ކޮވިޑް-19 އާ ގުޅިގެން ކުރިމަތިވެފައިވާ އިގުތިސާދީ ހީނަރުކަމާ ހެދި، ރާއްޖޭގެ ދަރަނިތައް އަނބުރާ ދެއްކުން އަންނަ އަހަރު ނިމެންދެން ފަސްކޮށްދޭން ފޮރިން މިނިސްޓަރު އަބްދުﷲ ޝާހިދު އިއްޔެ ގޮވާލައްވައިފި އެވެ.

އޭނާ އެކަމަށް ގޮވައިލެއްވީ "ޖީ77 އެންޑް ޗައިނާ" ގެ ޚާރިޖީ ވަޒީރުން ބޭއްވި ބައްދަލުވުމެއްގަ އެވެ.

އެ ބައްދަލުވުމުގައި ޝާހިދު ވިދާޅުވީ، ކޮވިޑް-19 އާ ގުޅިގެން ކުރިމަތިވެފައިވާ ހާލަތުން އަރައިގަތުމަށްޓަކައި ދަރަނިތައް ދެއްކުމުގައި ލުއި އިންތިޒާމުތަކެއް ހޯދަންޖެހޭ ކަމަށާއި ޖީ20 ގެ ގައުމުތަކުން ދޫކުރި ދަރަނިތައް ދެއްކުން މި އަހަރު ފަސްކޮށް ދީފައި އޮތުމުން އެކަމަށް ޝުކުރު އަދާކުރައްވާ ކަމަށެވެ. އަންނަ އަހަރު ވެސް އިގުތިސާދު މުޅިން ރަނގަޅު ނުވާނެ ކަމަށް ލަފާ ކުރެވޭތީ އަންނަ އަހަރު ނިމެންދެން ދަރަނިތައް އަނބުރާ ދެއްކުން ފަސްކޮށްދޭން ޝާހިދު ގޮވައިލެއްވި އެވެ.

އޭނާ ވިދާޅުވިގޮތުގައި، ތަރައްގީ ވަމުން އަންނަ ގައުމުތަކަށް ދޭ މާލީ އެހީ އާއި ދަރަނިތަކަށް ދޭ ލުއިތަކަކީ އެއްވެސް ޝަރުތަކާ ނުލައި ދޭންޖެހޭ ލުއިތަކެކެވެ. ކޮވިޑް-19 ގެ ސަބަބުން ސަޕްލައި އާއި ކުރި އަސަރުތަކުގެ ސަބަބުން ކުރިމަތިވާ އިގުތިސާދީ ގެއްލުން ވަރަށް ބޮޑު ކަމަށާއި ރާއްޖެ އިން މަސައްކަތް ކުރަނީ ތަރައްގީގެ ދާއިރާ އިން ލިބިފައިވާ ކުރިއެރުންތައް ކޮވިޑް-19 އާ ގުޅިގެން ގެއްލިގެން ދިޔަ ނުދިނުމަށް ކަމަށް ވެސް އެ ބައްދަލުވުމުގައި ޝާހިދު ވިދާޅުވި އެވެ.

ދަރަނިތައް ދެއްކުން ފަސްކުރަން ޝާހިދު ގޮވައިލެއްވިއިރު، ކޮޮވިޑް-19 އާ ގުޅިގެން ދުނިޔޭގެ މާލީ ބޮޑެތި އިދާރާތަކާއި ޗައިނާ އާއި އިންޑިއާ ފަދަ ގައުމުތަކުން އޮތީ ދަރަނިތައް ދެއްކުމަށް ލުއި ގޮތްތަކެއް ހަމަޖައްސައި ދީފަ އެވެ. ދަރަނި ދެއްކުން އިތުރަށް ފަސްކުރުމާ މެދު މަޝްވަރާ ކުރަން ތައްޔާރު ކަމަށް ޗައިނާއިން ކުރިން އޮތީ ބުނެފަ އެވެ.

އަބްދުﷲ ޝާހިދު (ކުރީގެ ފޮރިން މިނިސްޓަރު) ސަރުކާރު ލޯނު ދިވެހި ސަރުކާރު

26 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަތަން އިސްކުރަންޖެހޭ

14 November 2020

އެމްޑީޕީ އާ ލީޑަޝިޕެއް ބޭނުން. އިންޑިޔާގެ ނުފޫޒުން ރައްޖެ މިނިވަން ކުރަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

14 November 2020

ޗައިނާ އޮތީ ރައްޖެއަ އެހީވާން ތައްޔާރަ. އިންޑިޔާގެ ބަހައް ހެއްލި އިންޑިޔާއިން އެމްޑިޕިޔައް ހަރަދު ކުރާމަތިން. ޗައިނާ ދުރުކޮއްލީ މީ ވަރައްދެރަވަރު ކަމެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

14 November 2020

ނަޝީދު އަޑީގަ ހުރެ ޗައިނާ ކަހަލަ ރައްޖެއަ ނުހަނު އެހީވާ ޤައުމަކާ ދިމާލައް ފާޅުގާ ހުތުރު ގޮތަކައް އެއްޗެތިކިއުމަކީ ވަރައް ނޭދެވޭ ހަޑި މުޑުދާރު އަމަލެ. އެމްޑީޕީން މިކަހަލަ މީހުން ލައިގެން ޕާޓީގެ މަގްބޫލުކަން ގެއްލޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޒުހި

14 November 2020

ލޯނު ނުނަގާ އުފެއްދުންތެރިކަން އިތުރުކޮށް ޖަރަދުކުޑަކޮށްގެން އުޅެންދަސްކޮށްބަލަ. އަދިވެސް ތިޔަނަގަނީ ހަމަ ލޯނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 November 2020

ފައިސާ ހަރަދު ކުރި މީހުން ނާ ދިމާ އަށް ހިތު ހުރި އެއްޗެއް ބަޔަކު ލައްވާ ކިއުއްވާފަ ދެން ތިޔަ އަމާން ދެނީ އެވެ. އެމްޑީޕީގަ ވެރީންގެ ގޮތުގަ ބަސްބުނަން ގިނަ އިން ހުރީ އެކްޓިވިސްޓުންނެވެ. ސިޔާސި މީހުންނެއް ނޫނެވެ. އެކަން ބަދަލު ކުރާން އެމްޑީޕީ އިން އާބަޔަކު ނިކުންނަން ޖެހެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

14 November 2020

ކޮން ގޮވާލުމެއްތޯ؟ ދަރަނި ދިން ފަރާތްތަކާ ވާހަކަ ދައްކަން ހުރި ބޭފުޅާ ނޫންތޯ ތިއީ؟ ދެން އެފަރާތްތަކާ ވާހަކަ ދައްކަންވީ ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާމްދި ކާނޫ

14 November 2020

ލޯނު ދެއްކުން ފަސްކުރާ ވާހަކަ ދައްކާއިރު، މިވެރިން އަދިވެސް އިތުރު ލޯނުތަށް ނަގަމުންދަނީ! އިހަށް ދައުލަތުގެ ހަރަދު އަހަރުން އަހަރަށް އިތުރުވާ އިތުރުވުން ހުއްޓުމަކަށް ގެނެސް ދައުލަތުގެ ހިންގުމުގެ ހަރަދު އެބަޖެހޭ ކުޑަކުރަން! ދިވެހި ދައުލަތް ދުވަހަކުވެސް މާލީ ގޮތުން މިހާވަރަށް ދަރާފައިނުވޭ! ސިޔާސީ މީހުން ހީވަނީ އަވާމެންދުެއްގަ އުޅޭހެން! ވައި ޑޯންޓް ޔޫ ފޭސް ދަ ރިއަލިޓީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާކު

14 November 2020

ދަރަނި ދެއްކުން ފަސްކުރަން ގޮވާލުމުގެ ބަދަލުގަ ދަރަނި ދެއްކުން ލަސްކޮއްދެން އެދުން ތަންކޮޅެއް ރީތިވާނެ ކަންނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

14 November 2020

ޗައިނާ ސަރުކާރުގައި ހަަމަ އެކަނި އެދިލަން ޖެހޭނީ. 05 އަހަރަށް ވިޔަސް ޗައިނާ ސަރުކާރުން 'ދިވެހި ރައްިތުންނަށް' ޓަކައި ހަމަ ކޮންމެ ފަދަ ކަމެއްވެސް ކޮށްދީފާނެ. އެއީ އިންޑިއާހައި ފަގީރު ޤައުމެއް ނޫނޭ. އެކަން ދަންނަންވީ އެމްޑީޕީ ސަރުކާރު.