ރާއްޖޭގެ ފަޅު ރަށެއް: ގިނަ ފަޅު ރަށްތަކެއް ވަރުވާއަށް ދޫކުރަން ވަނީ ނިންމާފައި-- ފޮޓޯ: އަނަސް އަހުމަދު
03 ނޮވެމްބަރ 2016 - 21:03
3 comments
ގއ. އަތޮޅުގެ 20 ރަށެއް ވަރުވާ އަށް ދޫކުރަން ނިންމައި އެ ރަށްތައް ވަރުވާ އަށް ހިފަން ބޭނުންވާ ފަރާތްތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.
ފިޝަރީޒް މިނިސްޓްރީން ކޮށްފައިވާ އިއުލާނެއްގައިވާ ގޮތުން ގއ. އަތޮޅުން ވަރުވާ އަށް ދޫކުރަން ނިންމާފައިވަނީ ކޮޑަފުއްޓާއި ބޭރުހުއްޓާއި ބޮޑުފުށްޓާއި ޅޮއްސާއި ކޯއްޑޫ އާއި އުހުރެހާ އާއި ފެންރެހާ އާއި ފެންރެހާހުއްޓާއި އޮޑަގައްލާ އާއި މައްތިދޫ އާއި ގަލަމަދޫ އާއި މާކަނާރަޓާގެ އިތުރުން، ކޮޑަގެފުއްޓާއި އިދިމާ އާއި ބަބެރާހުއްޓާ އާއި މާފެހެލާ އާއި މެދުރެހާ އާއި ދެއްވަލާބާދޫ އާއި ދިގުދޫ އަދި މިނިމެންސާ އެވެ.
ބީލަމުގެ އުސޫލުން ދޫކުރާ އެ ރަށްތަކުގެ ބިޑް ފޯމް ގަތުމުގެ ފުރުސަތު މި މަހުގެ 20 ވަނަ ދުވަހުގެ ނިޔަލަށް އޮންނާނެ ކަމަށާއި ފޯމް ހުށަހަޅަންޖެހޭ މުއްދަތަކީ މި މަހުގެ 28 ވަނަ ދުވަސް ކަމަށް އެ އިއުލާނުގައިވެ އެވެ.
މީގެ ކުރިން ގދ. އަތޮޅުގެ 50 ރަށަކާއި ބ. އަތޮޅާއި އދ. އަތޮޅުގެ ފަސް ރަށެއް ވެސް ވަރުވާ އަށް ދޫކުރަން ވަނީ އިއުލާންކޮށްފަ އެވެ.
ވަރުވާ އަށް ދޫކުރަނީ ފިޝަރީޒް މިނިސްޓްރީގެ ދަށުގައި ހުންނަ ރަށްތަކުގެ ތެރެއިން ދައުލަތުގެ ބޭނުމަށް ނަގާފައިވާ ރަށްތަކާއި ކުއްޔަށް ދޫކުރާ ރަށްތައް ފިޔަވައި އެ މިނިސްޓްރީން ކަނޑައަޅާ ރަށްތަކެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޭއަސްލު ފ.މިނިސްޓަރ
03 November 2016
މީގެ ތެރެއިން ދެއްވައްލާބަދުއާއި މައްތިދޫ އަކީ ގިނައަދަދެއްގެ ކަނޑުމަތީ ދޫނި އުޅޭރަށްތަކެއް. ޝައިނީ އެއްވެސް ވަރަކަށް މިއިން ކަމަކަށް ވިސްނާ ނުލާ، ޚާއްސަކޮށް ފިޝަރީޒް މިނިސްޓަރަކަށްހުރެ މިވަރު ކަމެއް ކުރާއިރު މީގެ ސަބަބުން މި ސަރަހައްދުގެ މަސްވެރިކަމަށް ކުރާނޭ ނޭދެވޭ އަސަރަކަށް ނުބަލާ މިކަން ކުރުމުން ފިޝަރީޒް މިނިސްޓްރީގެ "އަސްލު" މަޤްސަދު މިއޮތީ ވަގަށް ގެންގޮއްސަ!
ހޮޅި
03 November 2016
ރިސޯރޓް ތަށް ހަދަން، ދޫނުކުރަނީ ތަރައްގީވެދާނެތީ ...، އަދި މިހާރު ތިބިމީހުން ނޫން އެހެންބަޔަކު މުއްސަނދި ވެދާނެތީ ...
GAN Island
03 November 2016
ހުވަދޫ އަތޮޅުގައި އޮތް 200 ވަރަކަށް ފަޅުރަށަކީ ރާއްޖޭގެ އެހެން އެއްވެސް ތަނެއްގައި ނެތްފަދަ ރީތި ގޮނޑުދޮށްތަކާއި ދިރުން ބޮޑު ފަރުތަކެއްއޮތް ރަށް ތަކެއް. . . ރާއްޖޭގެ ޤުދުރަތީ ރީތިކަން ދެކެލުމަށް އަންނަ ފަތުރުވެރިންނަށް ހުވަދޫ އަތޮޅަށް ދިއުމަށް ވަނީ ހުރަސްތައް ކުރިމަތިކޮށްފައި. . . ބޭނުމަކީ މާލެ ނޫން ސަރަހައްދަކަށް އިޤްތިސޯދު ފުޅާވެގެން ދިޔަ ނުދިއުމާއި ''މާލޭގައި ކުއްޔަށް އުޅެން މަޖުބޫރުކޮށްފައިވާ އަތޮޅު ތަކުގެ ރައްޔިތުންނަށް'' އާމްދަނީ ހޯދުމުގެ ފުރުސަތު ހަނިކުރުން. . . މާލެ އަތޮޅުގައި ރިސޯޓް ހަދާނެ ފަޅުރަށެއް ނެތުމުން ''ކަނޑު ފަޅު ހިއްކައިގެން'' ރިސޯޓް ހަދަން ވެސް މިސަރުކާރުން އެއްބަސްވާއިރު ''މޮޅު އިކޮނޮމިސްޓަށް'' އެންމެ ލާރިއެއް ޙަރަދު ނުކޮށް ލިބިފައިވާ ޤުދުރަތީ ރީތި ރަށްތަކެއް ހުވަދޫ އަތޮޅުގައި ހުރިއިރު އެރަށްތައް ރިސޯޓް ހަދަން ކަމުނުދިޔައީ ''ދެކުނުގެ ރައްޔިތުން އަނެއްކާވެސް ކުރީގެ ވިސްނުމަށް'' ހިގައިދާނެ ކަމުގެ ބިރު އޮތީމަތޯ ؟؟ . . ސަރުކާރު ހިތް ރުހޭ ބަޔަކަށް ތިޔަ ރަށްތައް ''މަޖާ ކުރަން'' ދޫކުރުމުގެ ބަދަލުގައި ''ދައުލަތަށާއި ރައްޔިތުންނަށް އާމްދަނީ ލިބޭނެ ގޮތަށް'' ޓްއަރިޒަމް ތަރައްޤީ ކުރުމަށް ބައިނަލް އަޤުވާމީ ޓެންޑަރ އަށް ހުވަދޫ އަތޮޅުގެ 50 ރަށް ހުޅުވާލަން ވީނޫންތޯ ؟؟ . . އޭރުން އައްޑޫ ގޭން އެއަރޕޯޓަކީ ވެސް ކާމިޔާބު ޕްރޮޖެކްޓެއް ކަމުގައިވެ އަދި އޭގެ ސަބަބުން ދެކުނުގެ 3 އަތޮޅުގެ ތަރައްޤީ ރަނގަޅު މިސްރާބަކަށް ދަތުރު ފަށާނެ.