ގަމު ހޮސްޕިޓަލުގައި، ސީޓީ ސްކޭންގެ ހިދުމަތް ދިނުން މިއަދު ރައީސް (ވ) ފައްޓަވައިދެއްވާއިރު، އަރިހުގައި ހެލްތު މިނިސްޓަރު ނަސީމް މަޑުކޮށްލައްވައިގެން
03 ޑިސެމްބަރ 2020 - 19:20
17 comments
ކޮވިޑް-19ގެ ބަލިމަޑުކަމާ ގުޅިގެން މާލެ ލޮކްޑައުން ކުރުމުން، ހިދުމަތްތައް ރަށްރަށުގައި ދިނުން ނުވަތަ ލާމަރުކަޒު ކުރުމުގެ މުުހިއްމުކަން އެނގިވަޑައިގެންފި ކަމަށް، ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ލ. ގަމު ހޮސްޕިޓަލުގައި ސީޓީ ސްކޭންގެ ހިދުމަތް ތައާރަފް ކުރުމާއި މަރުކަޒީ އިންޖީނުގެ އެއް ނެޓްވޯކަކުން ގުޅާލުމާއި ޒޯން ސްޓޭޑިއަމް ފުޓުބޯޅަ ދަނޑު ހުޅުވުމަށް މިއަދު އެ ރަށުގައި ބޭއްވި ރަސްމިއްޔާތެއްގައި ވާހަކަފުޅު ދައްކަވަމުން ރައީސް ވިދާޅުވީ ބަލިމަޑުކަމުގެ ސަބަބުން ވެރިރަށް ލޮކްޑައުންކުރުމުން، ރަށްރަށުން ހިދުމަތްތައް ހޯދާ މީހުންގެ އަދަދު އިތުރުވެއްޖެ ކަމަށާއި އެހެންވެ، ހިދުމަތްތައް ލާމަރުކަޒު ކުރުމަކީ މިހާރު ކޮންމެހެން ވެސް ކުރަން ވެއްޖެ ކަމެއް ކަމަށެވެ.
"ސަރުކާރުގެ އަމާޒަކީ ވެސް އެއީ. ރައްޔިތުންނަށް ތަކުލީފަކަށް ނުވެ، ވީހާ ވެސް ގާތުން މީހުންނަށް ހިދުމަތް ދިނުން،" ރައީސް ސޯލިހު ވިދާޅުވި އެވެ.
އެ މަނިކުފާނު ވިދާޅުވި ގޮތުގައި މިއަދު ގަމުގައި ފުރިހަމަ އެވީ، ލާމަރުކަޒީ ނިޒާމު ހަރުދަނާ ކުރުމުގެ ސިޔާސަތުގެ މުހިއްމު ތިން މަޝްރޫއެކެވެ.
ގަމު ރީޖަނަލް ހޮސްޕިޓަލް ޓާޝަރީ ފެންވަރަކަށް ބަދަލު ކުރުމަށް އެ ހޮސްޕިޓަލުގައި މިއަދު ސީޓީ ސްކޭންގެ ހިދުމަތް ދޭން ފެށި އިރު، އެއީ އައިޖީއެމްއެޗުގައި ހުންނަ ފެންވަރުގެ މެޝިނެކެވެ. މާލޭގެ އިތުރުން ދެން ސީޓީ ސްކޭންގެ ހިދުމަތް ލިބޭނީ އައްޑުއިންނާއި ހދ. ކުޅުދުއްފުށިންނެވެ.
ހެލްތު މިނިސްޓްރީން ބުނާގޮތުން، ގަމު ހޮސްޕިޓަލް ޓާޝަރީ ހޮސްޕިޓަލަކަށް ބަދަލުކުރުމުން، އޭގެ ފައިދާ، އެ ސަރަހައްދުގައި ދިރިއުޅޭ ބައި ލައްކައަށް ވުރެ ގިނަ މީހުންނަށް ކުރާނެ އެވެ. އެއީ ލ. އަތޮޅުގެ އިތުރުން މ. އަތޮޅާއި ފ. އަތޮޅާއި ދ. އަދި ތ. އަތޮޅުގެ މީހުން ހިމަނައިގެންނެވެ.
ރައީސް ވިދާޅުވީ ޓާޝަރީ ހޮސްޕިޓަލަކަށް ބަދަލުވުމާއެކު އެހެން ހިދުމަތްތައް ވެސް އެތަނުގައި ތަރައްގީ ވާނެ ކަމަށެވެ. އިންޑިއާ ސަރުކާރުގެ އެހީގައި، ކެންސަރަށް ފަރުވާ ދޭ ހޮސްޕިޓަލް އެޅުމަށް ވެސް މިހާރު ނިންމާފައިވަނީ ގަމުގަ އެވެ. ރައީސް ސޯލިހު ވިދާޅުވީ އެކަމާ ގުޅޭ ލިޔެ ކިޔުންތައް މީގެ ދެ ދުވަސް ކުރިން އިންޑިއާ ސަރުކާރާ ހިއްސާކޮށްފައިވާއިރު، މާލަސްތަކެއް ނުވެ އޭގެ އަމަލީ މަސައްކަތް ފެށޭނެ ކަމަށެވެ.
އެ ރަސްމިއްޔާތުގައި ރައީސް ވަނީ، ގަމާއި ލ. އަތޮޅުގައި ހިންގުމަށް ހަމަޖެހިފައިވާ، ލާމަރުކަޒު ކުރުމުގެ ގިނަ މަޝްރޫއުތަކެއް އިއުލާން ކުރައްވާފަ އެވެ. އެގޮތުން މުކުރިމަގު އަވަށާއި ތުނޑީއަވަށު ބަނދަރުގެ މަސައްކަތާއި މަގު ހެދުމާއި ބޯފެނުގެ ނިޒާމުގެ މަސައްކަތް ކުރިއަށް ދާ ގޮތް އޮޅުންފިލުވައިދެއްވި އެވެ.
ރައީސް ސޯލިހު އިއުލާން ކުރެއްވި ގޮތުގައި، މި ސަރުކާރުގެ އަމާޒަކީ އިގްތިސޯދީ ހަބެއްގެ ގޮތުގައި ގަމާއި ފޮނަދޫ ތަރައްގީ ކުރުމެވެ. އަދި ލޯކަލް ޓޫރިޒަމް ކުރިއެރުވުމާއި ސަރުކާރާއި ބޭރުގެ ފަރާތްތަކުގެ އެހީގައި ކުރިއަށް ގެންދިޔުމަށް ހަމަޖެހިފައިވާ އެހެން މަޝްރޫއުތަކާ ގުޅޭގޮތުން ވެސް އެ މަނިކުފާނު ވާހަކަފުޅު ދެއްކެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
05 December 2020
ލޮކްޑައުންގެ ސަބަބުން އެންގުނީ ސަރުކާރުގެ ދޯލަޅިކަމާއި ނާގާބިލުކަން
ޢިމްސާ
04 December 2020
ހެޔޮނުވަނެ މިޤައުމު އެއްފަސްކޮށްބަލަ. 20 ވަރަކަށް ރަށް ތަރަށްޤީ ކުރީމާ ނިމޭނެ. ކުދި އާބާދީތަށް ބޮޑެތި ބިންތަކަށް ބަދަލުކޮށްބަލަ
އީލައި
04 December 2020
ލާމުއަތޮޅުން ފެށިގެން ދެކުނު ރާއްޖެއާ ވަކިވާން ފެންނަނީ. ލާމު، ހުވަދު، ފުވައްމުލަށް، އައްޑޫ ގަ އެބަހުރި އަމިއްލަ ގައުމެއްގެ ގޮތުގާ ކުރިއަށް ދިއުމުގެ ޕޮޓެންޝިއަލް. މާލެ ވެރިރަށް ގޮތުގާ އޮތްހާ ދުވަހަކު މީން ތަނެެއް ތަރައްޤީ ނުކުރާނެ.
މޮހޮދޮފުތާ
04 December 2020
ކޮޅުމަޑުލުން އައްޑުއަށް ތިކަން ކުރާން އަހަރުމެން ތާއީދު. ތ އަތޮޅުން ފެށީގެން އައްޑުއަށް ހުރި އަތޮޅު ތަކުގައި ދިރިއުޅެނީ ދާދި އެއްގޮތަށް ވާހަކަ ދައްކާ ދެކުނުމީހުން. އާއިލީ ގޮތުންވެސް ގުޅި ލާމެހިފައިވާ އަވއްޓެރިން.
އަލްޖިބްރާ
04 December 2020
ކޮބާ އަދުރޭ ؟ މިއީވެސް ޔާމީނު ކޮށްނިންމާފަ ހުރިކަމެކޭ ގޮވާކަށް ނުވޭތަ ؟
ވަތަން އިސްކުރަންޖެހޭ
04 December 2020
ރާއްޖެ އިންޑިޔާއަ ދީގެން ދިވެހިންގެ މިނިވަންކަމައް ބުރޫ އަރުވާފަ މޮޅުވާހަކަ ނުދައްކާ.
ޝޮކްތެރަޕީ
04 December 2020
ކަލޭމެންނަކީ މި ޤައުމު ދޫކޮއްދާނެ ބައެއް. ނޫރާނީމާ ފޮޅުވާފަ.
އޮނަރަބްލް އަފީފު ދީދީ
04 December 2020
އިއްޒަތްތެރި ރައީސް. ތިގޮތަށް ވާހަކަދައްކަވާއިރު އިންސާނުންނަކީ 4 މޮށްގަނޑު ޖަހައިގެންއުޅޭ އެއްޗިއްސާއި ޙިލާފަށް "ބުއްދި ދެއްވާފައިވާ މަޙްލޫޤެއްކަން" ހަދުމަ ފުޅުގައި ބަހައްޓަވާންޖެހޭނެ. # ތިޔަ ވިދާޅުވާ "ލާ" މަރުކަޒުގެ ވާހަކަ ތިޔަ ދައްކަވަނީ އަރަބި ބަހުގައި އޮންނަ "ލާ" ގެ ލަފުޒުގެ މާނައިގަތޯ. # އިހައްދުވަހު ސްޕޭންގެ ކެތަލޯނިއާގައި ހިގިކަންތަކާއި އަދި މީގެ 60 ހަކަށް އަހަރު ކުރިން "މާލޭސަރުކާރުގެ ދަށުން ނެއްޓިގަތުމަށް" ދެކުނު ރައްޔިތުން ބޭނުންވި ސަބަބާއި މެދުވެސް ވިސްނާލަންވާނެ.
މުޑަހަންޖާ
03 December 2020
މާލެއިން ބޭރަށް ގޮއްސިއްޔާ މުޅިންވެސް އަމާޒުތައް ހުންނާނީ. ބުޅަލެއް ފެނުނަސް އަމާޒެއް، ގަހެއް ފެނުނަސް ކޮންމެވެސް އަމާޒެއް. ތިވާހަކަ ދައްކާއިރުވެސް ބަޖެޓުގެ ދެބައިކުޅަ އެއްބައި އެއްރަށަކަށް، އަނެއްބައި 200 ރަށަށް އެއޮތީ.
ސިމްޕަލް
03 December 2020
ރައީސް، މިނޫނީ އެއްވެސް ގައުމެއް އެބައޮތްތޯ، 2 ކިލޯ މީޓަރ ހަމަނުވާ ބިންކޮޅަކަށް ގައުމުގެ އެންމެން ތޮއްޖައްސައިގެން އުޅޭ ބަޔަކު؟ "ލާމަރުކަޒު" ސަރުކާރުން ކިޔާތާ މިހާރު 30އަކަށް އަހަރަށްވުރެ ގިނަވެދާނެ. ނަތީޖާއެއް ފެންނާކަށް ނެތް. މިބަސް ބޭނުންކުރުން ހުއްޓާލުމަށްފަހު، ރައްޔިތުންނަށް ބޭނުންވާ މުހިންމު ޚިދުމަތްތައް ރައްޔިތުންނާ ވީހާވެސް ގާތުން، ލިބޭނެ ގޮތަށް، އަދި މާލެއަށް އައުން މަޖުބޫރުވުން ހުއްޓުވަން މަސައްކަތްކުރައްވާ ވާހަކަ ވިދާޅުވެދެއްވާ.
ސީނު.
04 December 2020
ތިކަން ބަދަލު ކުރާން އަހަރުމެން އުޅެގެން ނޫނީ ތިކަން ބަދަލެއް ނުކުރެވޭނެ. މާލޭ މީހުންގެ އަޅުވެތިކަމުން ނެއްޓެންޖެހޭ.
އޮނަރަބްލް އަފީފު ދީދީ
03 December 2020
އެހެންވެގެންތޯ ކޮވިޑް ތެރޭގައި ކ.އަތޮޅު މާލެ ކޮރޯނާ ސްޕެރެޑަކަށް ވުމާއިއެކު ރާއްޖޭގެ ބޯޑަރ ބަންދުކުރީ؟؟! އަދި މިހާރުވެސް އެ ރަށަކީ ކޮވިޑްގެ ހާއްޔެއްގެ ގޮތުގައި އޮތް އިރުވެސް ހަނިމާދުއާއި ގޭންއެއަރޕޯޓް ބައިނަލް އަޤުވާމީ ދަތުރު ތަކަށް ހުޅުވާލުމުގެ ބަދަލުގައި "އެއްރަށްދައުލަތް ސިޔާސަތުގެ ދަށުން" ކ.އަތޮޅު މާލޭ އެއަރޕޯޓް ހުޅުވާލައިގެން ޓްއަރިސްޓުން ގެންނާންފެށީ ޑިސެންޓްރްލައިޒު ކުރާން ބޭނުންވެފައިވާލެއް ބޮޑުކަމުންތޯ؟ އެންމެނަކީ ކޮހުންނެއްނޫން. އަދި ކަނޑުކޮހުންނަކީވެސްމަދުބައެއް.