ހަނިމާދޫ މަގުތަކުގައި ފެން ހިންދާ ނިޒާމް ގާއިމް ކުރުމާށްޓަކައި ވަޅުގަނޑުތައް ކޮނެފައި--ފޮޓޯ:އެމްޓީސީސީ
03 ޑިސެމްބަރ 2020 - 23:40
3 comments
ހދ. ހަނިމާދޫގެ މަގުތައް ހެދުމުގެ މަޝްރޫއުގެ 70 ފަސެންޓު އެމްޓީސީސީން ނިންމާލައިފި އެވެ.
މި މަޝްރޫޢުގެ ދަށުން ކޭބަލް ޖަންކްޝަން ވަޅުލުމުގެ މަސައްކަތުގެ 95 ޕަސެންޓު ވަނީ މިހާރު ނިންމައިފަ އެވެ. ދުވާރު ހެދުމަށް ބޭނުންވާ ގާ އެތުރުމުގެ މަސައްކަތުގެ 85 ޕަސެންޓާއި ހޮޅިވަޅުލުމުގެ މަސައްކަތުގެ 48 ޕަސެންޓު ވަނީ ނިމިފަ އެވެ. އަދި ފެން ހިންދާ ނިޒާމު ގާއިމުކުރުމަށް ބޭނުންވާ ސާމާނު ޕްރޮޖެކްޓް ސައިޓަށް ގެންގޮސްފައިވާތީ، އެ މަސައްކަތް ވެސް އަންނަނީ ކުރަމުންނެވެ.
މި މަޝްރޫއުގެ ދަށުން، ފައިމަގުގައި ހިނގާ ގޮތަށް 16،518 އަކަ މީޓަރުގެ ސަރަޙައްދެއް ހަދާނެ އެވެ. މަގުގައި ދުއްވާ ގޮތަށް 38،916 އަކަ މީޓަރުގެ ސަރަޙައްދެއް ހެދުމާއި ފެންހިންދާ ނިޒާމެއް ގާއިމުކުރުމަށް ނިންމައިފައިވެ އެވެ.
ހަނިމާދޫ މަގުތައް ހެދުންގެ މަސައްކަތުގެ ބޮޑުބައި ނިމިފައި--ފޮޓޯ:އެމްޓީސީސީ
މި ޕްރޮޖެކްޓުގެ ދަށުން 19,679.7 އަކަ މީޓަރުގެ ސަރަޙައްދެއްގައި މަގުމަތީ ނިޝާން ހަރުކުރުމުގެ މަސައްކަތް ވެސް ކުރާނެ އެވެ.
ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗަރު މިނިސްޓްރީން ފަރާތުން އެމްޓީސީސީއާ މި މަސައްކަތް ހަވާލުކުރީ 46.7 މިލިއަން ރުފިޔާއަށެވެ. މި މަޝްރޫއުގެ އަމަލީ މަސައްކަތް އެ ކުންފުނިން ފެށީ މިދިޔަ އަހަރުގެ ޖޫން މަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިމާވެށި
06 December 2020
މިސަރުކާރު އައުމުގެ ކުރީން ވެސް އޮތީ މަސައްކަތް ފަށާފަ އެވެ.
ފަހުދު
06 December 2020
ރިޔާސީ ވައުދުތަކުގެ %1 ގެ %75 މިހާ އަވަހައް ނިންމާލީ؟
ދާލު.ކުޑަހުވަދޫ
04 December 2020
05 އަހަރުން 02 އަހަރު ނިމިއްޖެ. ރިޔާސީ އިންތިހާބުގެ ކެމްޕޭންގައި ކުޑަހުވަދޫއަށް އައިސް އިބްރާހީމް މުޙައްމަދު ޞޯލިޙް ވައުދުވި ކުޑަހުވަދޫ ބާކީ ހުރި މަގުތަކުގައި 'ތާރުއެޅިގެންދާނެ' ކަމަށް. އަދި ހަމައެއްވެސް ކަމެއް ނުކުރޭ. ކުޑަހުވަދޫއަށް ތަރައްޤީގެ އެއްވެސް ކަމެއް ނުކޮށްދީ ދެން ވޯޓް ހޯދަން އަޔަސް އެމްޑީޕީއަށް ދެން ދޭނެ ވޯޓެއް ނޯނާނެ.