ފޮރިން މިނިސްޓަރު އަބްދުﷲ ޝާހިދު ރަސްމިއްޔާތެއްގައި ވާހަކަދައްކަވަނީ. އޭނާ ވިދާޅުވީ މޫސުމަށް އަންނަ ބަދަކުތަކާ ގުޅޭ ގޮތުން ހަރުދަނާ ފިޔަވަަޅު އަޅަން ޖެހޭ ކަމަށް. ފޮޓޯ: ފޮޮރިން މިނިސްޓްރީ
13 ޑިސެމްބަރ 2020 - 11:08
14 comments
ދުނިޔޭގެ ފިނިހޫނުމިން މިހާރު ހުރި ވަރަށް ވުރެ 1.5 ޑިގްރީ ސެލްސިއަސް މަތިވިޔަ ނުދިނުމަށްޓަކައި ހަރުދަނާ ފިޔަވަޅުތައް އަޅަން ޖެހޭ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.
މޫސުމަށް އަންނަ ބަދަލުތަކުގެ ގެއްލުން ކުޑަކުރުމަށްޓަކައި ގާއިމު ކޮށްފައިވާ ބައިނަލްއަގުވާމީ މުއާހަދާ "ޕެރިސް އެގްރިމެންޓް" އަށް ފަސް އަހަރު ފުރުމާ ގުޅިގެން ކުރެއްވި ޓްވީޓެއްގައި ޝާހިދު ވިދާޅުވީ، ފިނިހޫނުމިން މަތިވިޔަނުދޭން ކުރާ އުއްމީދު ކޮވިޑް-19 ގެ ބަލިމަޑުކަމުން އަރައިގަންނައިރު، އާކުރަން ޖެހޭ ކަމަށާއި އެކަމަށްޓަކައި ހަރުދަނާ ފިޔަވަޅު އަޅަން ޖެހޭ ކަަމަށެވެ.
ޕެރިސް އެގްރިމެންޓަކީ 196 ގައުމަކުން ސޮއިކޮށްފައިވާ ބައިނަލްއަގުވާމީ މުއާހަދާ އެކެވެ. އެ މުއާހަދާގައި ގައުމުތަކުން ސޮއިކުރަން ފެށީ ޑިސެމްބަރު 12، 2015 ގަ އެވެ. އެކަމަކު، އެ މުއާހަދާ އަށް އަމަލުކުރަން ފެށީ ނޮވެމްްބަރު 24، 2016 ގަ އެވެ. މުއާހަދާ އަށް ގައުމުތަކުން އެއްބަސްވީ ސިނާއީ މަސައްކަތްތައް ފެށުމުގެ ކުރިން ދުނިޔޭގެ ފިނިހޫނުމިން ހުރި ވަރަށް ވުރެ ދެ ޑިގްރީ ސެލްސިއަސް މަތިވިޔަ ނުދޭން މަސަައްކަތް ކުރުމާއި ފިނިހޫނުމިން މަތިވާ ވަރު 1.5 ޑިގްރީ ސެލްސިއަސްގައި ހިފެހެއްޓޭތޯ ބެލުމަށެވެ.
އެހެންވެ، އެކަން ހާސިލުވާ ވަރަށް ގްރީންހައުސް ގޭސްތައް މަދުކުރުމަށާއި މި ގަރުނުގެ މެދަކާ ހިސާބަށް ދިއުމުގެ ކުރިން، އެ ލަނޑުދަނޑި ހާސިލުކުރަން ވެސްް އެ މުއާހަދާގައި ވެ އެވެ.
Today marks the 5th anniversary of the #ParisAgreement. The #Maldives reaffirms our commitment to stronger #ClimateAction.
— Abdulla Shahid (@abdulla_shahid) December 12, 2020
We must raise ambition and take bolder actions to limit the rise of the global temperature to 1.5°C, as we recover from the #COVID19 pandemic.@UNFCCC
މޫސުމަށް އަންނަ ބަދަލުތައް ކުޑަކޮށް، އެފަދަ ބަދަލުތަކުގެ ގެއްލުން ކުޑަކުރަން ބައިނަލްއަގުވާމީ ގޮތުން ކުރަމުން އަންނަ މަސައްކަތުގައި ޕެރިސް އެގްރިމެންޓަކީ ފާހަގަކޮށްލެވޭ މުއާހަދާ އެކެވެ. އެއީ ގިނަ ގައުމުތަކަކުން ސޮއިކުރި އެފަދަ ފުރަތަމަ މުއާހަދާ އެވެ.
ޕެރިސް އެގްރިމެންޓަށް ފަސް އަހަރު ފުރުން ފާހަގަކުރަން އިއްޔެ ބޭއްވި ވާޗުއަލް ސަމިޓްގައި އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރެސް ގޮވައިލެއްވީ ގައުމުތަކުން ކްލައިމެޓް އިމަޖެންސީ އިއުލާނުކޮށް، ކާބަން ބޭރުކުރާ ވަރު މަދުކުރަން މަސައްކަތް ކުރުމަށެވެ.
އޭނާ ވިދާޅުވިގޮތުގައި، ކާބަން މަދުކުރަން ގައުމުތަކުން މިހާރު ވައުދުވެފައިވާ މިންވަރަކީ ފިނިހޫނުމިން 1.5 ޑިގްރީ އަށް މަތިކުރެވޭ ވަރަށް ވުރެ މާ ކުޑަ މިންވަރެކެވެ. މިހާރު މަސައްކަތް ކުރާ ގޮތަށް ކުރާ ނަމަ ސިނާއީ ޒަމާނުގެ ކުރިން ހުރި ވަރަށް ވުރެ ތިން ޑިގްރީ ސެލްސިއަސް އަށް ފިނިހޫނުމިން މަތިވެ، ބޮޑު ކާރިސާއަކާ ކުރިމަތިވެދާނެ ކަމުގެ އިންޒާރު އދ. ގެ ސެކްރެޓަރީ ޖެނެރަލް ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުޅި
14 December 2020
ބޮޑެތި ގައުމުތަކުން އާމްދަނީ ހޯދަން ކުރާކަންކަން ނުހުއްޓާނެ ކިތަންމެ ވަރަކަށް ގޮވިއަސް. އަދި ހަމައެފަދައިން ތިޔަހެން ގޮވަމުން ފަޅުތައް ހިއްކާތީ އިޚްލާޞްތެރިނިޔަތްނެތްކަން ހާމަވޭ. އެބަޔަކުން ފައިސާހޯދަން ދުނިޔެ ހަލާކުކުރަންވީމާ ހަމަ އެކަންކުރަނީ
ބޯހަދާބ
14 December 2020
ދެން މުޅި ޖައްވުގަ ސަތަރި އަޅަންވީނޫންތޯ ދިއްދޫ މީހުން ބޯތަށީގަ އެޅިހެން
އިބިރިހިންބެއްޔާ
13 December 2020
އޯހ. ސުރުޚީީ ކިޔާފައި މަށަށް ހީވީީ އެންމެބޮޑު ގައުމުގެ ސަފީރާއި 2 ވަނަ ރަދުންގެ ހޫނުގަޑުގެ ވާހަކަ ކަމަށް
ފޮނިޓައްޕު ހަސަނު
13 December 2020
ޝާހިދު އަށް ނުހަނު އިޚްތިރާމް ކުރަން ނަމަވެސް ތިޔަ ވިދާޅުވި ބަހަށް މަވެސް އެއްޗެއް ބުނެލާލަން. ގްރީން ހައުސް ގޭހާއި، އެއެއްޗަކާއި މީޗެއްގެ ވާހަކަ މައުމޫނުގެ ވެރިކަމުގައި މައުމޫނުވެސް އަނގަ ހުއްޓާނުލައި ދެއްކި، އަދި ރައީސް ނަޝީދު ވެސް ހަމަ އެވަރަށް އެވާހަކަ ދެއްކެވި. މިވީތަނަށް ކުރި ކަމެއް ނުފެނޭ ފެންނަނީ ތިލަފުށިން މެދު ނުކެނޑި ދުން އަރާތަން. ރާއްޖެ އަންނަ ޓޫރިސްޓުން އަތުން އަހަރަކު 42 މިލިއަން ޑޮލަރު ގްރީން ޓެކްސް ގެގޮތުގައި ނަގާ. ކުރަނީ ކޮން ކަމެއް.
އަރުވާލި އާދަނުގެ ސިޔާސީ ހާސަރު
13 December 2020
2023 ތޯ؟؟؟
ބަރުޒަންޖީ
13 December 2020
ކޮބާ ކުލައިމެޓް ކަންކަން ބަލަހައްޓަން ހަވާލު ކޮއްފަހުރި ހުސޭނު؟ އޭނަ މިކަމާ ވާހަކަ ދެއްކުން މަނަލީތަ ނޫނީ ކޯލިއޭޝަނުގެ މިނިސްޓަރެއްވީމަ އޭނައައްވެސް ދީފަހުރީ ބައިކުޅަބައި ބާ!
US Dollar
13 December 2020
އާދޯ؟ ތިވާވެއްޓާ ބެހޭ މިނިސްޓްރީއާ ތިކަން ހާވާލުކުރޭ. މަނިކުފާނު ހުންނަވާ
އައްބެ
13 December 2020
އަވަހަށް ރާއްޖޭގެ ބަދިގެ ތަކުގައި ގޭސް ބޭނުންނުކޮށް މަޑުގިނީގައި ކައްކާނެ ބޯޓުދެލި ހޯދުމަށް އިންޑިޔާއިން ލޯނު އެހީ ވަރަށް މުހިންމު، އެއިރުން ޗައިނާގެ ލޯނުގެ ދަންތުރައިން ނެއްޓި އިންޑިޔާގެ އުނގަށް ވެއްތޭނީ.
ބަބުރަންޖީ ހާޖީ
13 December 2020
ތިޔަކަހަލަ ވާހަކަނުދައްކާ. ތީ އަންނި ދައްކަންޖެހޭ ވާހަކަ. އޭނާ ދައްކާންޖެހޭ ވާހަކައެއް އެހެންމީހެއް ދެއްކީމާ އޭނާ ކޯފާވާނެ.
ސިމްޕަލް
13 December 2020
މަނިކުފާނުވެސް ނޫސްތަކުގެ ފަލަސުރުޚީން ޖާގަހޯއްދަވާ މިންވަރު ވަރަށް ގިނަވެއްޖެ ދެއްތޯ؟ 2023އާ އެއްވެސް ގުޅުމެއް އެބައޮތްތޯ؟ މަނިކުފާނު ސިޔާސީ ޕޯޑިއަމްތަކުގައި ދައްކަވާ ވާހަކަތަކަކީ ވަރަށް ޖޯޝާއި ފޯރީގައި ދައްކަވާ ވާހަކަތައް. "އިއްޒަތްތެރި މެންބަރުން އިށީންނަވާ. އިއްޒަތްތެރި މެންބަރުން އިށީންނަވާ". މި މޭރުމުން 2013 ގައި އެމް.ޑީ.ޕީއާ ގުޅިވަޑައިގެން ފުރަތަމަ ދެއްވި ތަގުރީރު އަޅުގަޑުގެ "އެންމެ މޮޅު ދިވެހި 5 ސިޔާސީ ތަގުރީރު" ގައި ހިމަނައިފައިވަނީ.