ބައެއް ބާވަތުގެ ކުށް ސާބިތުވުމުން ވަކީލު ކަމުގެ ހުއްދަ ހިފަހައްޓަން ނިންމައިފި

ބާ ކައުންސިލްގެ އެގްޒެކެޓިވް ކޮމިޓީގެ މެމްބަރުންތަކެއް: ބައެއް ބާވަތުގެ ކުށް ސާބިތުވުމުން ވަކީލުކަމުގެ ހުއްދަ ހިފެހެއްޓޭ ގޮތަށް ވަނީ ހަމަޖައްސާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

03 ޖެނުއަރީ 2021 - 16:52

10 comments

ވައްކަމާއި ފޯޖަރީ އާއި މަކަރާއި ހީލަތް ހެދުން ފަދަ ބައެއް ބާވަތުގެ ކުށް ސާބިތުވެއްޖެ ނަމަ، ވަކީލު ކަމުގެ ހުއްދަ ވަގުތީ ގޮތުން ސަސްޕެންޑްކުރާ ގޮތަށް ބާ ކައުންސިލުން ހަމަޖައްސައިފި އެވެ.

ވަކީލުކަމުގެ ހުއްދަ ދިނުމުގެ ގަވާއިދު އޮންނަ ގޮތުން ޖިނާއީ ބޮޑު ކުށެއް، ވޭތުވެދިޔަ ފަސް އަހަރު ސާބިތުވެފައި ނެތުމާއި ސާބިތު ދަރަންޏެއް އޮތް ނަމަ ހުކުމާ އެއްގޮތަށް ފައިސާ ދެއްކުމަކީ ވަކީލު ކަމުގެ ހުއްދަ ދިނުމުގެ ޝަރުތެކެވެ. އެކަމަކު އެއިން ޝަރުތެއް އުނިވެއްޖެ ނަމަ، އަމަލު ކުރާނެ ގޮތެއް ކުރިން އެ ގަވާއިދުގައި ނޯވެ އެވެ.

އެ ގަވާއިދަށް ބާ ކައުންސިލުން މިއަދު ގެނައި އިސްލާހުގައިވާ ގޮތުން ވަކީލުކަމުގެ ޝަރުތެއް އުނިވެއްޖެ ނަމަ، ވަކީލުކަމުގެ ހުއްދަ ހިފަހައްޓާނެ އެވެ. އަދި ވަކީލުކަމުގެ ޝަރުތެއް އުނި ނުވިޔަސް، ބައެއް ބާވަތުގެ ކުށްތައް ސާބިތުވެއްޖެ ނަމަ، ވަކީލު ކަމުގެ ހުއްދަ ހިފަހައްޓާނެ ކަމަށް އެ އިސްލާހުގައިވެ އެވެ. އެގޮތުން ވައްކަމާއި ޓެކުމާއި ޚިޔާނާތް އަދި ފޭރުމުގެ ކުށް ބަޔާންކުރާ ގާނޫނުލް އުގޫބާތުގެ 210 ވަނަ ބާބުގެ ދަށުން ކުށެއް ނުވަތަ ފޯޖަރީ އާއި މަކަރުވެރި އަމަލު ހިންގުމުގެ ކުށް ބަޔާންކުރާ 310 ވަނަަ ބާބުގެ ދަށުން ކުށެއް ސާބިތު ވިޔަސް، ވަކީލު ކަމުގެ ހުއްދަ ހިފަހައްޓާނެ ކަމަށް އެ އިސްލާހުގައިވެ އެވެ.

އެ އިސްލާހުގައިވާ ގޮތުން އެފަދަ ހާލަތްތަކުގައި ވަކީލު ކަމުގެ ހުއްދަ ހިފެހެއްޓުމަށް ފަހު އަލުން ދޫ ކުރެވޭނީ އެ މީހެއްގެ މައްޗަށް ސާބިތުވި ކުށުގެ ހުކުމް ތަންފީޒުކޮށް ނިމުމުން ނުވަތަ އެ ހުކުމެއް މަތީ ކޯޓަކުން ބާތިލް ކުރުމުންނެވެ. އެކަމަކު އެއީ ޖިނާއީ ބޮޑު ކުށެއް ނަމަ، ހުކުމް ތަންފީޒުކޮށް ނިމުނުތާ ފަސް އަހަރުވުމުން ނޫނީ ވަކީލުކަމުގެ ހުއްދަ އަލުން ދޫ ނުކުރާނެ ކަމަށް ވެސް އެ އިސްލާހުގައިވެ އެވެ.

މީގެ އިތުރުން ސާބިތު ދަރަންޏެއް އޮތް ނަމަ، ހުކުމާ އެއްގޮތަށް ފައިސާ ދައްކަމުންދާ ކަން ސާބިތުކޮށް ނުދެނީސް ވަކީލު ކަމުގެ ހުއްދަ އަލުން ދޫނުކުރާނެ ކަމަށް އެ އިސްލާހުގައިވެ އެވެ. އަދި ޝަރުތެއް އުނިވެގެން ހުއްދަ ހިފެހެއްޓުމަށް ފަހު އަލުން ދޫކުރެވޭނީ އެ ޝަރުތެއް ފުރިހަމަވާ ކަން ސާބިތުކޮށް ދިނުމުން ކަމަށް އެ އިސްލާހުގައި ބުނެފައިވެ އެވެ.

ވަކީލުން ބާ ކައުންސިލް

10 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

04 January 2021

ގަސދުގައި މީހުންގެ ހައްގަށް އަރާގަނެ، ނުހައަގުން މީހުންގެ ހައްގަށް އަރާގަންނަ ވަކީލުންނަށް ހަދަންޖެހޭ ގޮތެއްވެސް ތިޔަގަވާއިދުގަ ލިޔެބަލަ؟ އެއްވެސް ކަމެއް ނުކޮށް މިޙުންގެ ހައްގު އަތުލައި ވަކީލުންގެ ވާހަކަވެސް ތިޔައިގަ ލިޔެބަލަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލުން ގެ ޖީބު ގެ ވިޔަފާރި ހުއްޓުމަކަށް

04 January 2021

ވަކީލުން ގާނޫނާއި ގަވައިދު ނަގަހައްޓަން ލާޒިމު ކުރާ ތަނބު ތަކެއް ގެ ގޮތުގައި ރައްޔިތުން ދެކުނަސް ކުއްވެރިން ވަކިން ވަކީލު ގާތު ކުއްކުރި ފަރާތް ކަމުގައި ގަބޫލުކޮށް ކޮށްފައިވާ ކުށުން ގާނޫނު ލާޒިމުވާ ހައްގު އަދަބުން ބަރިއްޔަވުމުގެ ގޮތުން ފައިސާ ގެ ޗެކެއް ނުވަތަ އެނޫންވެސް އަގުހުރި މުދަލަކަށް ވަކީލުން ގާނޫނާއި ހުވާ ވިއްކާލުން އެއީ މިގައުމުގައި އަލަކަށް ހިނގަމުން ދާކަމެއް ނޫންކަން ދަނަނާނެ ގިނަ މުއައްސަސާ ތަކެއްވޭ.ސާބަސް ބާ ކައުންސިލަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

03 January 2021

5 އަހަރު މާ މަދު.. ވައްކަމާ ޓެކުމާ މަކަރާ ހީލަތް ހަދާ އެކަން ސާބިތުވެއްޖެ މީހަކު ކުރި ކަމުގެ ކުޑަ ބޮޑުމިނަށް ބަލާ އެންމެ މަދު ވެގެން 10 އަހަރު، ދިގުވެގެން މުޅި އުމުރަށް ބާތިލު ކުރާންޖެހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

03 January 2021

ވަރަށް ރަނގަޅު ނިންމުމެއް. މީގެ އިތުރުން ކުށް ސާބިތުވުމުން ދައުވާ ނުކުރަނީ ކީއްވެތޯވެސް ހިތަށްއަރާ. ޖ.އސ.ސ އިން މަޖްލީހަށް ފޮނުވާ ހިސާބުން އެބަ އިސްތިއުފާދޭ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލޯލޯ

04 January 2021

"ކުށް ސާބިތު" ވަނީ ދައުވާކޮށްގެނެއް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މުހައްމަދު

03 January 2021

ކުއްވެރިއަކު ކުއް ނުކުރާކަމަށް ދައްކަން ޤާނޫނީ ލޫޕް ތަކުން އެވެރިން ނެރެން މަސައްކަތް ކުރާ މީހުންގެ ހުއްދަ ތައް ބާތިލު ކުރަން ފެނޭ. އެހެން ނޫނީ ވާ ގޮތަކީ ސަރުކާރު ބަދުނާމު ކުރަނީ. އަހަރެމެން ލޯބިން ގެންގުޅޭ ސަރުކާރު ޤާނޫނީ ވަކީލެއްގެ ސަބަބުން ދެރަބަހެއް ލިބެން ނޭދެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލާ

03 January 2021

ނުކުރާ ކުށެއް ސާބިތުވެގެން މީހަކު ޖަލަށް ދާން ނުޖެހޭނެކަމުގެ ޔަގީންކަންދެނީ ގާނޫނީ ވަކީލުން. ގާނޫނީ ވަކީލުންގެ ހިއްވަރާއެކުވެސް ކުށް ސާބިތުވާ މީހާއަކީ ޝައްކެއްނެތި ކުށްކޮށްގެން ހުރިމީހެއްކަން އެންމެންނަށްވެސް އެނގޭނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލުމުގެ ހައްދު

03 January 2021

މިއީ ދުނިޔޭގެ އެއްވެސް ތަނަކުން ބަލައިގަނެފައިނުވާ ބާ ކައުންސިލެއް. އެންމެ ކުޑަމިނުން ކައިރީ އޮތް ޕާކިސްތާނުގެ ބާ ކައުންސިލްވެސް ދުނިޔޭގެ ބޮޑެތި ބައެއް ގައުމުތަކުން ބަލައިގަނޭ. މިމީހުންނަކީ މަހުޖަނުން ލީގަލް ޕްރޮފެޝަން ކޮންޓްރޯލްކުރަންވެގެން މަގާމަށް އައިސްތިބި ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާސޫ

03 January 2021

ބާ ކައުންސިލަކީ މިގައުމުގައި ވަކާލާތުކުރުމާއި ވަކީލުންނާއި ވަކީލުންގެ ކަންތައްތައް ބަލަހައްޓާ ދިވެހިރާއްޖޭގައި ރަޖިސްޓްރީކުރެވި ގާނޫނީ ޝަޚްޞެއްގެ ހައިސިއްޔަތު ލިބިފައިވާތަނެއް. ބައިނަލް އަޤްވާމީ ބާ ކައުންސިލެއްނޫން. އަދި އެހެންވާކަށްވެސް ނުޖެހޭ.