ދާއިމީ ލިސްޓުތައް ނެރެން ނިންމާފައި ވަނީ ކޮންމެ ކެޓަގަރީއަކުން ވެސް ފްލެޓް ކަށަވަރުވާ މީހުން ވަކިން އެނގޭ ގޮތަށް. ހިޔާ މަޝްރޫއަށް ހުށަހެޅި 25،000 ފޯމުގެ ތެރެއިން ފްލެޓް ލިބެނީ 6،720 މީހުންނަށް.
ފްލެޓް ކޮމިޓީ މުވައްޒަފުންތަކެއް މަސައްކަތުގައި: ދާއިމީ ލިސްޓުތައް ނެރެން ތައްޔާރުވެއްޖެ ކަމަށް ކޮމިޓީން ބުނޭ. --ފޮޓޯ/މިހާރު
27 ޖެނުއަރީ 2021 - 12:55
30 comments
ހިޔާ މަޝްރޫއުގެ ދަށުން ފްލެޓަށް އެދުނު ހުރިހާ ކެޓަގަރީތަކެއްގެ ވަގުތީ ލިސްޓްތަކާ ގުޅޭ ގޮތުން ހުށަހެޅި ޝަކުވާތަކަށް ޖަވާބު ދީ ނިމިއްޖެ ކަމަށާއި ދާއިމީ ލިސްޓު ނެރެން ތައްޔާރުވަމުން އަންނަ ކަމަށް ފްލެޓް ކޮމިޓީން މިއަދު ބުނެފި އެވެ.
ކުރީގެ ސަރުކާރުގައި ހުޅުވާލި މަޝްރޫއުން ފްލެޓް ދިނީ ނާއިންސާފުން ކަމަށް ކުރި ތުހުމަތުތައް ބަލަން މި ސަރުކާރުގައި އުފެއްދި ފްލެޓް ކޮމިޓީން މިއަދު ބުނީ ވަގުތީ ލިސްޓުތައް ނެރުމުން 8،000 އަށް ވުރެން ގިނަ ޝަކުވާ ހުށަހެޅި ކަމަށެވެ. އަދި ދިރިއުޅުމުގެ ހާލަތަށް ޕޮއިންޓް ދިން މިންގަނޑު އާއްމުކޮށް ޝަކުވާ ހުށަހަޅަން މިދިޔަ މަހުގެ ތެރޭގައި ހުޅުވާލުމުން 1،000 އަށް ވުރެން ގިނަ ޝަކުވާ ހުށަހެޅި ކަމަށެވެ.
"ހުށަހެޅި ކޮންމެ ޝަކުވާއެއް ވަކިވަކިން ބަލާފައި އަޅުގަނޑުމެން ޖަވާބުދިފައި ވާނީ،" ކޮމިޓީގެ މެމްބަރު ތޯހާ އަހްމަދު ވިދާޅުވި އެވެ.
އެއްވެސް މީހަކަށް ކޮމިޓީގެ ޖަވާބު ނުލިބި އޮތްތޯ ލިސްޓު ނެރުމުގެ ކުރިން އިތުރަށް ކަށަވަރު ކުރަމުން އަންނަ ކަމަށް ވެސް އޭނާ ވިދާޅުވި އެވެ.
ކުރީގެ ސަރުކާރުން ހިޔާ މަޝްރޫއުގައި އިމާރާތްކޮށްފައިވާ ޓަވަރުތައް: ކޮމާޝަލް ކަންތައްތަކަށް ގްރައުންޑް ފްލޯ ހާއްސަކުރުމުން 7،000 ފްލެޓްގެ އަދަދު މިހާރު ވަނީ 6،720 އަށް މަދުވެފައި.-- ފޮޓޯތައް: އަހުމަދު އަވްޝަން އިލްޔާސް /މިހާރު
ކޮމިޓީން ބުނި ގޮތުގައި ދާއިމީ ލިސްޓު ނެރޭނީ ހިޔާ މަޝްރޫއުގައި ހުޅުވާލި 12 ކެޓަގަރީ އާއި ސިވިލް ސާވިސް މުވައްޒަފުންގެ ތެރެއިން ފްލެޓް ކަށަވަރުވާ މީހުން ވަކިން އެނގޭ ގޮތަށެވެ. ހިޔާ މަޝްރޫއުގެ ފްލެޓުގެ އަދަދަކީ 7،000 ކަމަށް ކުރީގެ ސަރުކާރުން ކަނޑައަޅާފައި ވިޔަސް ފްލެޓްތަކުގެ ގްރައުންޑް ފްލޯ، ޓަވަރުތަކުގައި ދިރިއުޅޭ މީހުންގެ އަސާސީ ބޭނުންތަކުގެ ވިޔަފާރި އަށް މި ސަރުކާރުން ޚާއްސަކުރުމުން އެ އަދަދު ވަނީ 6،720 ފްލެޓަށް ބަދަލުވެފަ އެވެ.
ސިވިލް ސާވިސް ކެޓަގަރީ ހިމަނައިގެން ހިޔާ މަޝްރޫއަށް 25،000 އަށް ވުރެން ގިނަ މީހުން ފޯމު ހުށަހެޅި އެވެ.
މި ސަރުކާރުގައި ފްލެޓް ކޮމިޓީ އެކުލަވާލީ ފްލެޓްތައް ދީފައިވާ ގޮތުގެ ގިނަ ޝަކުވާތަކެއް ކުރަން ފެށުމުންނެވެ. ކޮމިޓީގެ މަސައްކަތުގައި ދެ އަހަރެއްހާ ދުވަސް ހޭދަވީ އެހާ ގިނަ އަދަދެއްގެ ފޯމު ވަކިވަކިން ބެލުމުގެ އިތުރަށް ފޯމު ހުށަހެޅި ހުރިހާ ގެތަކަށް ގޮސް ދިރިއުޅުމުގެ ހާލަތު ބަލައިގެން ޕޮއިންޓް ދީ ލިސްޓުތައް އެކުލަވާލުމުން ކަމަށް ކޮމިޓީން ބުނެ އެވެ.
ފްލެޓް ކޮމިޓީން ދިރިއުޅުމުގެ ހާލަތު ބެލި ގޮތާ ގުޅޭ ގޮތުން ޝަކުވާތަކެއް ދަނީ ކުރަމުންނެވެ. އެކަމަކު، ކޮމިޓީން ތަކުރާރުކޮށް ބުނަނީ މިންގަނޑެއް އެކުލަވާލައި ހާލަތު ބަލާފައި ވާނީ އިންސާފުވެރިކޮށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިކްލިން
29 January 2021
ބުރަ ގިނަދުވަސްނެގި ބަލައިގަނެވޭ މަސައްކަތެއް. ސާވޭކުރަން ގެއަކަށް ނުގޮސް ފުލެޓް ބަހާލި ފަސްއަހަރުގެ ކުދިންނަށް ހަޖަމެއް ނުވާނެ
ދިވެހި މީހާގެ ދަރި
27 January 2021
ދިރި އުޅޭ ކޮޓަރި ހުރީ ރެދުލާފަ ވާރޭވެސް ވެހެނީ ބޮލައް އެކަމުވެސް 69 ޕޮއިންޓް ލިބުނީ މަންމަ ބައްޕަ ދެ ދަރިން ގޮވައިގެން މި ކޮޓަރީގަ އުޅޭތާ 17 އަހަރު ވެއްޖެ.ފްލެޓް ޔަގީންވަނީ ކުދިން ނުކުޅެދޭ ކުދިންނަށް ހެދީމަ..
ތެދު
27 January 2021
މިހުރިހާ މައްސަލައަކީ ޝަރުޠުތައް ކަޑަވުމާއި ތަނެއްދޮރެއްނޭންގޭ ކެޓަގަރީތައް. ވެދާނެ ގަސްދުގައި ކުރިކަމަކަށް. މިސާލަކަށް އެއް އާއިލާއަށް އެބަހުރި 5 ފްލެޓް. އެއީ ދަރިފުޅި ޓީޗަރަކަށްވެފަ. ޢަނެއްދަރި ނަރުހަކަށްވެފަ އަނެއްދަރި ކުންފުންޏެއްގަ އުޅެފަ މަންމަ އެކަނިވެރި މަޔަކަށްވެފަ. މިއީ ހަގީގަތް. ޢެކަމަކު ބައެއް އާއިލާތަކަށް އެކަކަށް ވެސް ފްލެޓެއްނުލިބޭ. ދެން އެކަނިވެރި މަޔެކޭކިޔާފަ ރަށުގަ ދިރިއުޅޭއިރުވެސް މާލެ ސަރަހއްދުން ފްލެޓް.
ދޮން ހަސަނު
27 January 2021
އަހަރެން ޝަކުވާ ހުށައެޅީ ދެމަފިރިން ލިސްޓްގައި އޮވެގެން. ޖަވާބަކަށްވީ ދެމަފިރިންނަށްވެސް ފްލެޓް ޙައްޤުވާތީއޭ ލިސްޓްގައި އޮތީ. އެކަމު ދެމަފިރިން ކަމުގައި ވާނަމަ ހަވާލު ކުރާނީ އެއް ފްލެޓޭ. (ބުނަން މިއުޅެނީ އެތަނުން އެކަމު ދެފަރިން ކަމުގައި ވާނަމަ އެތަނުން އެކަކު ލިސްޓުން އުނި ކުރީމާ، ލިސްޓްގެ ތިރިން ލައްވާ ނުލާ އެކަކު މައްޗަށް އަރާނެތާއޭ. ދެމަފިރިން ޖަހާ ލިސްޓް އާންމު ކޮއްފިނަމަ އެއީ ތިރިން ކިރިޔަ ކިރިޔާ ލައްވާ ނުލާ ދާމީހާގެ ޙައްޤު ގެއްލެނީތާއޭ)
އަބްދޫ
27 January 2021
ދާއިމީ ލިސްތް ކުރިންވެސް ވަނި ނެރެ ގެޒެޓް ކުރެވިފާ.އެލިސްޓް ބާކީ ކޮށްފަ ނެރޭ ލިސްޓުގަ ހުންނަ އާނަންތަކަށް ބަދަލު ދޭންޖެހެނީ އައު ލިސްތް ތައްޔާރު ކުރާ މީހުން. ހަނދާބް ބަހައްތަވަންޖެހެ ކަމަކީ ހައުސިން މިނިސްޓްރީން ކުރިން ފްލެޓް ދިންމީހުންނޫންބަޔަކށް ފްލެޓް ދީފިނަމަ އެމީހުންއެތަނުންނެރެވޭނެކަން ފްލެޓް ކޮމިޓީއާ ދައުވަކުރެވޭނެކަން،
އެޗް 8
27 January 2021
އެޗް 8 ކެޓަގަރީގަ ލިސްޓުގަ އެބަތިބި ދިރިއުޅުގެ ހާލަތު ވަރަށް ރަންގަޅު އެކަމަކެ ވެސް ހޮވިފަ ތިބި މީހުން، އަސްލު އެންމެ ދަތި ކޮށް އުޅޭ މީހުންނަށް ދޭން ޖެހޭނީ
ޙަމީދު79
28 January 2021
އަޅުގަނޑަކީވެސް މާލެ ރަށްވެހިންގެ ކެޓަގަރީ މީހެއް.ހާލަތު ބަލަން އައި މީހަކަށް އެނގޭނެ ހައްޤުވާނެކަން.ލިސްޓުގަ ނެތިއްޔާ ވަރަށް ދެރަވާނެ.
އަހުމަދު ނިޒާމު
27 January 2021
އަހަރެން ހުށެހެޅި ޟަކުވާތަކަށް ޖަވާބު ނުލިބޭ އަދިވުސް ބޮބާއިންސާފު
ޖަވާބުދީނިމިއްޖެ
27 January 2021
ޖަވާބުދީ ނިމިއްޖެޔޭ ބުނީމާ އަންނަނީ ހިނި.
ާަުހުއްޓު
27 January 2021
ޙުރިހާ ސަކުވާ އަކަށް ޖަވާބެއް ނުދޭ. ޢިންތިޒާރު މިކުރަނީ ތި ޖަވާބަކަށް. ޢަޅުގަނޑު ސަކުވާ ކުރިން އަދިވެސް ޖަވާބެއް ނާދޭ.
ބޯހަލާކުވޭ
27 January 2021
އަހަރެމެން ނޫޅެން ކޮންމެހެން ކުރި ޝަކުވާއަށް ޖަވާބެއް ނުލިބިގެން. އެސިޓީ އަހަރެމެން އަތުގައި ބާއްވައިގެން ވާނެ ފައިދާއެއް ނެތް. ޝަކުވާކުރީ ކަންކަން ރަނގަޅުކުރުވަން. ދިރިއުޅުމުގެ ހާލަތު ބެލިއިރު ބެލީ ގޭގައި ރެނދުލާފައި ހުރިތޯ. މިއީ ޔޫރަޕެއް ނޫން. ގޭގައި ރެނދުލިޔަސް ނުލިޔަސް އަހަރެންގެ ދިރިއުޅުން ބަދަލުވޭތަ؟ ބައެއް ގެތަކުގެ ވެރިން ގަވާއިދުން މަރާމާތުކުރާއިރު އަނެއްބައި ގެތައް ހުންނާނީ ބޮލަށް ވެއްޓެންދެން. އޭގެ ސަބަބުން ކުއްޔަށް ބަދަލެއް ނާދޭ!