ޕާކިން ޒޯނެއްގައި އުޅަނދުތަކެއް ޕާކުކޮށްފައި: އަމީނީ މަގުގެ ދެކުނުގައިވާ މަގުތަކާއި ގޯޅިތަކުގައިވާ ޕާކިން ޒޯނުތައް ކުއްޔަށް ދޫކުރަން ވަނީ ނިންމާފައި
30 ޖެނުއަރީ 2021 - 13:38
25 comments
އަމީނީ މަގުގެ ދެކުނުގައިވާ މަގުތަކާއި ގޯޅިތަކުގައިވާ ޕާކިން ޒޯނުތައް ކުއްޔަށް ދޫކުރަން ނިންމައިފި އެވެ.
މާލޭ ސިޓީ ކައުންސިލުން ބުނީ އަމީނީމަގުގެ ދެކުނުން ގުޅިފައި ހުރި ގޯޅިތަކުން، ހަތަރު ފުރޮޅުލީ އުޅަނދުތަކަށް މި ބުރުގައި ދޫކުރާނީ 292 ޖާގަ ކަމަށެވެ. މި ޒޯނުން ޖާގަ ދޫކުރަނީ، ކާރަށާއި 350 ކިލޯއިން ދަށުގެ ޕިކަޕަށެވެ. އެގޮތުން އަމީނީ މަގާ ގުޅިފައި އޮތް 13 މަގާއި ގޯޅިން ޖާގަ ވަނީ ކަނޑައަޅައިފަ އެވެ.
މަގުމަތިިން ޕާކިން ސްލޮޓެއް ދޫކުރަނީ މަހަކު 1،500 ރުފިޔާއަށެވެ.
މާލޭ ސިޓީ ކައުންސިލުން ބުނި ގޮތުގައި މި ޕާކިން ސްލޮޓްތައް ކުއްޔަށް ދޭނީ މާލޭގައި ރަޖިސްޓްރީކޮށްފައިވާ އުޅަނދުތަކަށެވެ. އަދި ޕާކުކުރަން ޖެހޭނީ، އެ ސްލޮޓަކަށް ރަޖިސްޓްރީކުރި އުޅަނދުތައް އެކަނި ކަމަށާއި އެހެން އުޅަނދެއް ޕާކުކުރުމަކީ މަނާ ކަމެއް ކަމަށް ވެސް ކައުންސިލުން ބުންޏެވެ.
އަމީނީމަގާ ގުޅިފައިވާ މަގުތަކާއި ގޯޅިތަކުން ހަތަރު ފުރޮޅުލީ އުޅަނދުތަކަށް ޖާގަ ގަތުމަށް ހުށަހަޅާނީ ސިޓީ ކައުންސިލްގައި އެކަމަށް ހާއްސަކޮށްފައިވާ "ޕާކިން ޕޯޓަލް" މެދުވެރިކޮށެވެ. ޖާގަ ހޯދުމުގެ ފުރުސަތު ހުޅުވާލަން އޮތީ މާދަމާ މެންދުރު ފަހު އެވެ. ޖާގަތައް ހުސްވަންދެން އެ ފުރުސަތު އޮންނާނެ ކަމަށް ވެސް ސިޓީ ކައުންސިލުން ބުންޏެވެ.
މާލޭގެ ބައެއް ސަރަހައްދުތަކުން، ވަކި ވަގުތުތަކަށް ޕާކުކުރަން ބޭނުންވާ ފަރާތްތަކަށް، "ޓައިމް ޕާކިން" ޖާގަތައް މާލޭ ސިޓީ ކައުންސިލުން އަންނަނީ ހަމަޖައްސައިދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއަބޫ
31 January 2021
ކަލޭމެން ވެރިކަމުން ފައިބާއިރު ރަތްއިތުން އަތުގަ އިސްތައްޓެއްވެސްނުބާއްވާތި،ގަބުރުސްތާނުންކައްވަޅުވެސް ވިއްކަންފަށާދެން
ބަނގަލާޕިކަޕު
31 January 2021
ބިދޭސީންނަށް ކޮއްތުއުފުލާ ބަނގަލާ ޕިކަޕު(ކުރީގެ ނަމުންނަމަ ބައިސްކަލު)ތައް ކޮންޓުރޯލު ނުވެގެން އެކްސިޑެންޓުތައް ހިނގާތަން ބަޔަކަށް ފެންނާނެނަމަ ހާދަހާ ރަނގަޅޭ ހިތަށް އަރަ. އެވެސް ޖޫރިމަނާ ލިސްޓަށް އިތުރުކޮށްލަން ފެނެ.
ނަސީ
31 January 2021
ސައިކަލުތައްވެސް އެބަޖެހޭ ޕާކިންފީއެއް ނަގަން
ރުޅިގަދަ
31 January 2021
ބަަލަ އަދިވެސް ގެ އަޅާއިރު ގޭގެ ތިރީ ބުރީގައި ޕާކް ކުރެވޭންޖެހޭ ގޮތަށް ހަދަަން ނުވޭތަ. އެތަންތަން ކުއްޔަށް ދޭއިރު އެތާ އުޅޭ ބަޔަކަށް ޕާކިން ލިބެންޖެހޭނެ. ކުލިދައްކާފަ، ޕާކިންގ ފީ ދައްކާފަ، ޖޫރިމާނާ ދައްކާފަ. ވެރިކަމެއް ވާ މިއޮތީ.
ހަސަންދީ
30 January 2021
އަޅުގަޑުމެން އެންމެ މަޝްހޫރު ކުރާ ސިންގަޕޫރުގައިވެސް ހިލޭ ޕާކިން އެއް ނުލިބޭ މި ކުޑަކުޑަތަން ކޮޅުގައިވެސް ޕާކިންއަށް ފީނެގެންޖެހޭ ވަރަށް ރަގަޅު ނިންމުމެއް ...
ޝަބީރީ
31 January 2021
ސިންގަޕޫރާއި އެއްގޮތް ކުރަން ޖެހޭނީ ހަމަ އެކަނި ޕާކްކުރުމުގަ އެކަނިތަ؟؟ ކޮބާ އެތަން ތަނުގަ ހުންނަ ޕަބްލިކް ފުރީ ސާރވިސްތައް؟ކޮބާ އެތަނުގަ އޮތް ހެލްތް އަދި ހައުސިންގް ސްކީމްތައް؟؟ހީވަނީ ސިންގަޕޫރު ހިތުދަސްކޮށްފަ އޮތް ހެން؟ އަނގައެއް އޮތީމަ ކޮންމެ ވާހަކައެއްވެސް ދެއްކިދާނެ!!!
އާރީ
30 January 2021
ރަށްއިތުން ފެލާގެން ވެރިކަން ކުރަށް ތަ ތި އުޅެނި
ގުދުގުދާބެއްޔާ
30 January 2021
ސިޓީކައުންސިލުންތަ؟ ނުވަތަ އެޗްޑީސީއިންތަ ކުއްޔަށްދެނީ! މިހާރު މާލޭމީހުންނަށް ދެތަން އޮޅިފައިވާތީ ހަމަ އަހާލީ! ހުޅުމާލެ/މާލެ/ވިލިގިލި/ތިލަފުށި/ގުޅީގަޅު ހިމެނޭގޮތައް މިތަންތަނުގެ ބިމުގެ މިލްކްވެރިކަން އަންނި އާއި އަސްލަންޓޭ އަޑީގައި ތިބެގެން އެޗެޑީސީއަށް ލާމަރުކަޒީގާނޫނާ ޚިލާފައްދީނިންމާފައިވާތީ ހަމަ އަހާލަންޖެހުނީ!
ދޮންބެއަލީ
30 January 2021
ޕާކިން ފީ އާޢި އަހަރީ ރޯޑް ވާދިނަސް އިންސުވަރެސް ފީ ދެއްކީމަ ދުވާލަކު 5 ދަތުރު ލިބޭ ދުވަސް ވަރެއްގައި ހުންނާނީ 4 ފުރޮޮޅުލީ ދުއްވާ އެއްޗެހިން އާމުދަނީ ހޯދާ ޑްރައިވަރުންގެ ދިރިއުޅުން ހަމަ ޖެހިފަ މިދުވަސް ވަރު އިތުރު ފީއެއް އޮތިއްޔާ ނަގާ...ދެން ބުނާނެ އޮޅިގެންނޭ....ނުސީދާކޮން ސަރުކާރުން ރަށްރަށު މީހުން މާލެއިން ބޭލުމުގެ ނުބައިރޭވުމެއް...
އަބްދުﷲ 1
30 January 2021
ދެފުރޮޅުލީ އެއްޗެހި ފާކު ކުރީމަ މާލޭގައި ތަންވަނީ ގިނަތަ؟. އެހެން ހީވާން ފަށައިފި. ސައިކަލް ޕާކިންގ މިހާރުވެސް ގިނައީ. ހީވަނީ ސައިކަލް އެތެރެކޮށް ވިއްކާ މީހުންގެ ވިޔަފާރި ދައްވެދާނެތީ އުޅޭހެން. ކާރު ރަޖިސްޓްރީ ކުރަންވީމަ ގަރާޖު. ކާރު ޕާކުކުރަން ޒޯން ގަންނަން. ސައިކަލް ރަޖިސްޓްރީ ފްރީ، ޕާކިންގ ފްރީ. މީ ހަމަޖެހޭ އުސޫލެއްކަމަށް ނުބެލެވޭ.
ދިވެއްސެއ
30 January 2021
މިއިން ޕާކިން ސްލޮޓެއް ކުއްޔަށް ލިބުމުގެ ޝަރުތެއްގެ ގޮތުން ވެހިކަލް ރަޖިސްޓްރީ ވެފައިވާ ގަރާޖެއް، ކޮންމެ ގަޑިޔަކުވެސް ވެހިކަލް ގަރާޖަށް ވެއްދޭނެ ހާލަތެއްގައި ހުރުން ލާޒިމް ކުރުން ކިހިނެއްތޯވާނީ؟ އެހެންނޫންނަމަ ތި ޕާކިން ސްލޮޓްތައް ކުއްޔަށް ހިފާނީ ޓްރާންސްޕޯޓުގައި ނެތްގަރާޖެއްގެ ނަން ޖަހައިގެން ކާރު ރަޖިސްޓްރީކޮށްގެން އުޅޭ ބައިގަޑު.