ޕާކިން ޒޯންތައް ކުއްޔަށް ދޫކުރުން މަޑުޖައްސާލައިފި

ސޯސަންމަގުގައި ހުންނަ ޕާކިން ޒޯން.- ފޮޓޯ: މިހާރު

މޫސާ ރަޝީދު، މިހާރު

09 ފެބުރުއަރީ 2021 - 12:32

މާލޭގެ ބައެއް މަގުތަކާއި ގޯޅިތަކުގައި ހުރި ޕާކިން ޒޯން ކުއްޔަށް ދޫކުރަން މާލެ ސިޓީ ކައުންސިލުން ކުރި އިއުލާން ބާތިލްކޮށްފި އެވެ.

މާލެ ސިޓީ ކައުންސިލުން މިދިޔަ އާދީއްތަ ދުވަހު ކުރި އިއުލާނެއްގައި ބުނީ މަގުމަތީގައި ހުންނަ ޕާކިން ޒޯންތައް ކުއްޔަށް ދޫކުރުމުގެ މަސައްކަތް މަޑުޖައްސާލީ އެކަމާ ގުޅިގެން އިތުރަށް ކުރަންޖެހޭ ބައެއް މަސައްކަތް ހުރުމުން ކަމަށެވެ. އަދި ވީހާ ވެސް އަވަހަށް އެ ފުރުސަތު އަލުން ހުޅުވާލާނެ ކަމަށް ކައުންސިލުން ބުންޏެވެ.

އެނގިފައިވާ ގޮތުގައި މަގުމަތީ ޕާކިން ޒޯންތައް ކުއްޔަށް ދިނުން މަޑުއްސާލީ އެކަމާ ގުޅޭ ގަވައިދަށް ބަދަލު ގެނައުމަށެވެ. މިހާރު ގަވައިދު އޮތް ގޮތުން މީހަކު ކުއްޔަށް ނަގާފައިވާ ޕާކިން ޒޯނެއްގައި އެހެން މީހަކު ޕާކު ކޮށްފި ނަމަ އެޅޭނެ ފިޔަވަޅެއް ނެތެވެ. އެހެންވެ ކައުންސިލުން އަންނަނީ ފުލުހުންނާ އެކު އެކަމާ ބެހޭ މަޝްވަރާތައް ކުރަމުންނެވެ.

ސިޓީ ކައުންސިލުން މިހާތަނަށް ކުއްޔަށް ދޫކުރަން ނިންމާފައި ވަނީ އަމީނީމަގާ ގުޅިފައި އޮތް 13 މަގާއި ގޯޅިއެކެވެ. އެ ގޯޅިތަކުން، ހަތަރު ފުރޮޅުލީ އުޅަނދުތަކަށް މިފަހަރު ދޫކުރާނީ 292 ޖާގަ ކަމަށާއި އެ ޒޯނުން ޖާގަ ދޫކުރަނީ، ކާރަށާއި 350 ކިލޯއިން ދަށުގެ ޕިކަޕަށް ކަމަށް ކައުންސިލުން ބުންޏެވެ.

މަގުމަތިިން ޕާކިން ސްލޮޓެއް ދޫކުރަނީ މަހަކު 1،500 ރުފިޔާއަށެވެ. އަދި ސްލޮޓްތައް ކުއްޔަށް ދޭނީ މާލޭގައި ރަޖިސްޓްރީކޮށްފައިވާ އުޅަނދުތަކަށް ކަމަށް މާލެ ސިޓި ކައުންސިލުން ބުންޏެވެ. އަދި އެ ޖާގަތައް ގަތުމަށް ސިޓީ ކައުންސިލުން ވަނީ "ޕާކިން ޕޯޓަލް" އެއް ހަދައިފަ އެވެ.

މާލެ ސިޓީ ކައުންސިލް ޕާކިން ޓްރެފިކް

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންތަކުރު

10 February 2021

މީ ވަރަށް ބޭއިންސާފުން ކުރާ ކަމެއް. މިއޮއް ހުރިހާ ދުވަހު ކާރު ޒޯން ވިއްކީ 3000ރ އަށް މިހާރު އެތާހުރި މަގުތަކުގަ ހުރި ޒޯންތަށް ވިއްކާލަނީ ލާރިކޮޅެއް ހޯދަން. ބޮޑު ލޮރީ ޕާކު ކުރަން 1000ރ އަށް ސްލޮޓް ވިއްކާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮށި

09 February 2021

ކޮބާހޭ ތި އުޅަނދުތައް ރަޖިސްޓްރީކުރިއިރު ދެއްކި ގަރާޖު. އެތަނުގަ ޕާކު ކުރަން އަންގާށެވެ. ހަތަރު ފޮރޮޅުލީ އުޅަނދުތައް މަގުމަތީ ޕާކުކުރުން އެއްކޮށް މަނާކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

09 February 2021

ވަރަށްބޮޑު ބޭއިންސާފެއް. މާލޭގެ މަގުތަކުގެ ދެފަރާތުގައި ވަނީ ބޮލަށްތުރާވާފަދަ ގިނަ ސައިކަލްތަށް ސައިކަލްތަކުން މަގު ކުނިވިއަސް އޯކޭވެފައި ކާރެއް ބާއްވާލުމުން ބޮޑު ކުށަކަށްވާންވީ ސަބަބެއްނެތް. ހަމަ މަގު ފުރެންޏާވާނީ އެއްގޮތް. އަދި ކާރުތަކަށްވެސް ތިޔަ ދެނީ މާ ބޮޑު އަގެއް. ކާރެއް 500 އަށް ސައިކަލެއް 200 އަށް އޯކޭކަންނޭންގެ.