މުދަލު ޒަކާތުގެ ގޮތުގައި މިއަހަރު 900ރ. ބަހަން ނިންމައިފި

ފިތުރު ޒަކާތް ބަލައި އިސްލާމީ މަރުކަޒު ކައިރިގައި ބަޔަކު މަޑުކޮށްލައިގެން: ފަގީރުންގެ ގޮތުގައި ރަޖިސްޓްރީ ވެފައިވާ މީހުންނަށް މުދަލު ޒަކާތުގެ ގޮތުގައި 900 ރުފިޔާ ބަހަން ވަނީ ނިންމައިފަ.--ފޮޓޯ:އިސްލާމީ މަރުކަޒު

އާސިމާ ނިޒާރު، މިހާރު

09 ނޮވެމްބަރ 2016 - 14:10

2 comments

މުދަލު ޒަކާތުގެ ގޮތުގައި ފަގީރުންނަށް މި އަހަރު 900 ރުފިޔާ ބެހުމަށް އިސްލާމިކް މިނިސްޓްރީން ނިންމައިފި އެވެ.

އިސްލާމިކް މިނިސްޓްރީން ބުނީ، ފަގީރުންގެ ގޮތުގައި ރަޖިސްޓްރީ ވެފައިވާ މާލޭ ސަރަހައްދުގެ މީހުންނަށް މި މަހުގެ 21 ވަނަ ދުވަހުން ފެށިގެން 24 ވަނަ ދުވަހާ ހަަމައަށް މުދަލުގެ ޒަކާތް ބަހަން ފަށާނެ ކަމަށެވެ. އަދި ރަށްރަށުގައި ދިރިއުޅޭ ފަގީރުންނަށް މުދަލުގެ ޒަކާތް ބަހާނެ ދުވަސްތަކާއި ގަޑިތައް ހަމަޖައްސާނީ އެ ރަށެއްގެ ކައުންސިލުން ކަމަށް މިނިސްޓްރީން ބުންޏެވެ.

ފަގީރުންގެ ގޮތުގައި މިއަހަރު 12،335 މީހުން ރަޖިސްޓްރީވެފައިވެ އެވެ. އެއީ މާލޭ ސަރަހައްދުން 2،399 މީހުންނާއި އަތޮޅުތަކުން 9،936 މީހުންނެވެ.

ނަމަވެސް ޒަކާތު ފަންޑަށް މިިދިޔަ އަހަރު ލިބުނު ޖުމްލަ ފައިސާގެ އަދަދެއް އަދި ސާފުވާ ގޮތެއް ނުވެ އެވެ.

ފަގީރުންގެ ގޮތުގައި ބަލަނީ ދުވާލެއްގެ މައްޗަށް ބޮލަކަށް 44 ރުފިޔާ ނުލިބޭނަމަ އެވެ.