ޕްލޭނިން މިނިސްޓަރު މުހައްމަދު އަސްލަމް ރައްޔިތުންގެ މަޖިލީހުގެ ޖަލްސާގައި ވާހަކަދައްކަވަނީ. --ފޮޓޯ/މަޖިލިސް
02 މާޗް 2021 - 14:38
51 comments
ކުރީގެ ސަރުކާރުގައި ހުޅުވާލި ހިޔާ މަޝްރޫއުގެ ފްލެޓްތައް މި ސަރުކާރުން ދިން ގޮތާ މެދު ޝަކުވާ ބޮޑުވެފައި ވަނިކޮށް ހައުސިން މިނިސްޓަރު މުހައްމަދު އަސްލަމާއި ފްލެޓް ކޮމިޓީގެ މެމްބަރު ތޯހާ މުހައްމަދު މަޖިލީހަށް ހާޒިރުކުރަން މިއަދު ފާސްކޮށްފި އެވެ.
މި ދެ ބޭފުޅުންގެ އިތުރުން އެޓާނީ ޖެނެރަލް އިބްރާހިމް ރިފްއަތާއި މާލޭގެ މޭޔަރު ޝިފާ މުހައްމަދު ވެސް މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީއަށް ހާޒިރުކުރަން ހުށަހެޅުއްވި ހޯރަފުށީ ދާއިރާގެ މެމްބަރު އަހްމަދު ސަލީމެވެ. އެ ބޭފުޅުންނަށް ވަޑައިގެންނެވޭ ނަމަ މާދަމާ ކޮމިޓީ ބާއްވަން އޮތީ ނިންމައިފަ އެވެ.
ހިޔާ މަޝްރޫ އާއި މި ސަރުކާރުގެ ބޯހިޔާވަހިކަމުގެ ސިޔާސަތާ ގުޅޭ ގޮތުން އެ ކޮމިޓީން އަންނަނީ ދިރާސާއެއް ވެސް ކުރަމުންނެވެ. އެ ދިރާސާ އަށް އާއްމުން ހިޔާލު ހުށަހަޅަން ވަނީ ހުޅުވާލައިފަ އެވެ.
ހިޔާ މަޝްރޫއުގައި ކުރިމަތިލީ 23،000 އަށް ވުރެން ގިނަ މީހުންގެ ފޯމު މި ސަރުކާރުގެ ފްލެޓް ކޮމިޓީން އަލުން އިވެލުއޭޓްކޮށް ދާއިމީ ލިސްޓުތައް ވަނީ އިއުލާންކޮށްފަ އެވެ. ކުރީގެ ސަރުކާރުގައި ފްލެޓްތައް ބޭއިންސާފުން ބަހާލި ކަމުގެ ތުހުމަތާ އެކު އަލުން ބެލި ނަމަވެސް މިހާރުގެ ލިސްޓުތަކާ މެދު ވެސް ޝަކުވާ ބޮޑެވެ.
އެކަމަކު ފްލެޓް ކޮމިޓީން ބުނެފައިވާ ގޮތުގައި ކުރިން ލިސްޓް ހެދީ ދިރިއުޅުމުގެ ހާލަތުގެ ބައިން ވެސް އުސޫލެއް ނެތި ޕޮއިންޓެއް ދީގެންނެވެ. އެކަމަކު އެ ކޮމިޓީން ދިރިއުޅުމުގެ ހާލަތުގެ 30 ޕޮއިންޓް ދިނީ ގޭގެއަށް ގޮސް ހާލަތު ބަލާފައި ކަމަށާއި މިފަހަރުގެ ލިސްޓުގެ ކުރީގައި ތިބޭނީ އެންމެ ހައްގުވެރިން ކަަމަށެވެ.
މިނިސްޓަރު އަސްލަމް ވިދާޅުވެފައިވާ ގޮތުގައި ހުޅުމާލޭގެ ދެ ވަނަ ފިޔަވަހީގައި އަޅާފައިވާ ފްލެޓްތައް އަންނަ މަހުގެ ތެރޭގައި ހަވާލުކުރަން ފަށާނެ އެވެ. ފިނިޝިން ނުނިންމައި ދޭ އެ ތަންތަނުގައި ދިރިއުޅެވޭނީ ގާތްގަނޑަކަށް ތިން މަސް ފަހުންނެވެ. އެ މުއްދަތުގައި ކުލި ނުނަގާނެ ކަމަށް އެޗްޑީސީން އޮތީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަތުފު
03 March 2021
މިހާރު ރައީސް ޞޯލިޙް އުފެއްދި ފުލެޓްކޮމެޓީއަށްވެސް އިތުބާރެއްނެތް ފުލެޓްކޮމެޓީއަށް ކުރެވުނު ޚަރަދަކީ ބޭކާރު ޚަރަދަކަށް ވެއްޖެ ދެން މަޖްލީހުން ކުރިންވެސް ފުލެޓްތައް ކަންކަން ދިރާސާކުރިނަމަ ކީއް
ނަތުފު
03 March 2021
ހާދަ ވޭނެކޭ ތިޖައްސަނީ ދާއިމީ ލިސްޓްގައި އިންނަތާ މިހާރު ދެ ވެރިކަން މިނިމެނީ އަދިވެސް ލިބޭގޮތެއްނުވޭ މި ސަރުކާރުން މިހާރު ދާއިމީ ލިސްޓްނެރެފައިވާގޮތަށް އަވަހަށް ފުލެޓް ހަވާލުކޮށްބަލަ އަނެއްކާ ލަސްކުރަންވެގެން މަޖްލީހުން ދިރާސާކުރަނިއްޔޯ ކީއްކުރާނީ އަވަހަށް ފުލެޓްދޭނެކަމަށް މިހާރު އުއްމީދުގެއްލިއްޖެ އާދޭސް ކޮށްފަ މިބުނީ އެންމެމަށް ރަގަޅުގޮތެއް ފާޑުނުކިޔާނެގޮތަކަށް ތިކަމެއްނުވާނެ
ވަސް
03 March 2021
ހޫންކަލެއަށް ލިބުނީމަ ދެންތިބިމީހުންގެ ހައްގުތައްލިބުނީއެއްނޫންއިގޭ
ލުތުފީ
03 March 2021
5 އަހަރުގެ ދައުރެއް ނިންމާލީ ދައުލަތުގެ އެއްވެސް މުއައްސަސާއެއް މަޖިލީހަށް ހާޒިރުކޮށް، ޖަވާބުދާރީ ކުރަންފުރުޞަތުނުދީ. މިއަދު ސަލީމް މެން ބޭނުންވީމަ، މިނިސްޓަރުވެސް އަދި އެހެން މީހަކުވިޔަސް މަޖިލީހަށް ހާޒިރުކޮށް ޖަވާބުދާރީ ކުރެވޭ. މިހިހިރީ ފެންނަންހުރި ހަގީގަތް.
ޞބބވ
03 March 2021
ހަހަހަ ޖަވާބުދާރީ ކުރުވީމަވީ ދޯ ކަމެއްނުވިޔަސް. އެމްޑީޕީ ފިކުރުގެވިސްނުން ހަހަހަހަ... އެހެންވެބުނަނީ އެމްޑީޕީއަށް ކުރެވޭނީ މުޒާހަރާއޭ. އެމްޑީޕީއަކަށް ގައުމު ތަރައްގީއެއް ރައްޔިތުންގެ އެންމެބޮޑު ޒަރޫރީ ބޭނުންކަމަށްވާ ބޯހިޔާވަހިކަން ހޯދައެއްނުދޭވޭނޭ. އެމްޑީޕީއަކަށްނުވާނެ ތިކަމެއް. މިހާރުފުދިއްޖެ ދެންފައިބާ
ޟނބހ
03 March 2021
ކެނެރީގޭ ނަޟީދު ބޭނުމީ ވެރިކަން. އޭނަޔަށް މިޤައުމު ހިބައިން ދީ
ޑިރާސާ
03 March 2021
މިހާރު އާ ގޮތަކަށް ރައްޔިތުން ގުބޯ ހައްދަނީ ޖަވާބު ކުރުވަނީ ނަމުގައި ހިތްނޭދޭ މީހާ ބޭރުކުރުމާއި، ރައްޔިތުން ގެކަންބޮޑުވުންތައް ހުންނަ ކަންކަމާއި ހަވާލުވެ ހުންނަ ގެނެސް ސުވާލުކުރާތަން ރައްޔިތުންނަށް ދައްކާލުން،،، އެއީ ދައްކާލުމެއް ކަންކުރަނީ އަންނި ބޭނުންވާ ގޮތަށް. ކަންކުރިގޮތަށް މާބޮޑު ބަދަލެއްވެސް ނުގެންނާނެ. މިއީ ޕޮލިޓިކްސްގެ ވައްތަރެއް.. ރައްޔިތުން ހެލާތިބޭތި..
އާދޭސް
03 March 2021
ރަށްރަށުގަ އުޅޭ ފުލުހުންސިފައިންއަށް ހުޅުމާލެ ސޯޝަލްހައުސިންގ އިން ފްލެޓް ލިބުނުވާހަކަ އެބަޖެހޭ މިއަސްލަމްގެ ސަމާލުކަމަށްގެންނަށް. "މިހާރު" ނޫހުން މިވާހަކަނޫހުގަ ޖަހާދީބަލަ. އާދޭސްކުރަން
ބުރަދާ
03 March 2021
ޗަރުކޭސީ ދުނިޔެ
ޒަންމަތު
02 March 2021
ކަމެއްކުރަން ދަންނަ ބައެއްނޫން. ޔާމިނު ދައުރުގެ ފުލެޓު ބަހަންއުޅެ މި ފަސްއަހަރޔ ނިމެނީ.. އުމްރާނީ ތަރައްޤީ ސުމެއް. ދެން ކޮން ތާހިރު ދިރިއުޅުމެއް ފަތިހެެއް ކިޔާކަށް
ދުންމާ
03 March 2021
ޔާމީނަށް ކަންކުރަން ކިހާވަރަކަށް އެނގޭތީ 5 އަހަރު ނިމެނިކޮށް ުލެޓުގެ ބިންގާ އެޅުނީ މިނޫނަސް ނިންމާލެވުނު އެއްވެސް ކަމެއް ނެތް. އެއްވެސް އެއާޕޯޓެއް ނުނިމޭ، ބުރިޖު ނުނިމޭ، ހޮސްޕިޓަލް ނުނިމޭ. މިސަރުކާރުން ހުރިހައި ކަމެއްގެ ހިތި ފިލުވަނީ
އަނާ1
02 March 2021
ކުރިން ދިނީ ގޯސްކޮއްވީމަ ކެޓަގަރީ އުވާލުން އެއީ އިންސާފުބާ؟ ކަން ކަން ނުވާ ތާގަ ބޭކާރު ޖަލްސާ ބާއްވައި މިހަދަނީ. 3 ފަހަރު ދިރިއުޅުމުގެ ހާލަތުބެލި. ނަމަވިސް ފުލެޓް މިލިބެނީ އެކްޓިވިސްޓުން ނާއި އެމީހުންގެ އަނބިންނަށް. ނަމަވެސް މަޖުލީހުގަ އިނގިލި މިދިއްކުރަނީ ކުރީ ސަރުކާރައް. ހިޔާލު ނުހޯދިޔަސް އެބަ އެނގޭ ކެޓަގަރީ ބާތިލްކުރުމަކީ އަނިޔާކަން.
ފަތިސް ހަނދުވަރު
02 March 2021
އެމްޓީސީސީގެ ހިޔާ ފްލެޓް ބޯމައްޗަށް ނާރާސަބަބު މިހާރުން ބަލާލަދިބަލަ.