2019 ވަނަ އަހަރުގެ ސައުތު އޭޝިއަން ގޭމްސްގެ މެޗެއްގެ ތެރެއިން ގައުމީ އަންހެން ކްރިކެޓް ޓީމުގެ ކުޅުންތެރިއަކު.-- ފޮޓޯ: މޯލްޑިވްސް އޮލިމްޕިކް ކޮމިޓީ
08 މާޗް 2021 - 15:18
2 comments
ކްރިކެޓް ބޯޑް އޮފް މޯލްޑިވްސް (ސީބީއެމް) އިން އަންހެނުންނަށް ހާއްސަކޮށްގެން ފުރުސަތުތަކެއް ތަނަވަސްކޮށްދިނުމުގެ މަސައްކަތްތަކެއް ފަށައިފި އެވެ.
ބައިނަލްއަގުވާމީ ގޮތުން މިއަދު ފާހަގަކުރާ އަންހެނުންގެ ދުވަހަށް ހާއްސަކޮށް ސީބީއެމް އިން މީޑިއާގައި އާންމުކުރި ވީޑިއޯ މެސެޖެއްގައި ކްރިކެޓް ބޯޑްގެ ރައީސް މުހައްމަދު ފައިސަލް ވަނީ މި އަހަރުގެ ނިޔަލަށް އެ އެސޯސިއޭޝަނުން އަންހެނުންނަށް ހާއްސަކޮށް ކުރާނެ ކަންތައްތަކުގެ އިތުރުން ކުރިއަށް އޮތް މުސްތަގުބަލަށް ވިސްނައި އަންހެނުންގެ ބައިވެރިވުން ކްރިކެޓްގައި ބޮޑުވާނެ ގޮތަށް ކަންތައްތަކެއް ނިންމަވާނެ ކަމަށް ވިދާޅުވެފަ އެވެ.
އެ ގޮތުން ކްރިކެޓް ބޯޑުން ވަނީ އެ އެސޯސިއޭޝަންގެ މަސައްކަތް ހިނގަމުން އަންނަ ތިން ރީޖަނުގައި މި އަހަރުގެ ނިޔަލަށް ދެ އަންހެން ކޯޗުންނާއި އަންހެން އަމްޕަޔަރުން ތަމްރީނު ކުރަން ނިންމައިފަ އެވެ. ކްރިކެޓްގެ ހަރަކާތްތައް ހިނގާ ރީޖަންތަކަކީ މާލޭގެ އިތުރުން ޏ. ފުވައްމުލަކާއި ލ. ކުނަހަންދޫ އެވެ.
ކްރިކެޓް ބޯޑްގެ ރައީސް ފައިސަލްގެ މެސެޖް.-- ވީޑީއޯ: ސީބީއެމް/ ފޭސްބުކް
ދެން ކްރިކެޓް ބޯޑުން ނިންމާފައިވަނީ އެސޯސިއޭޝަންގެ މެމްބަރުންގެ އެއްބާރުލުމާ އެކު ކްރިކެޓް ބޯޑުގެ ހިންގާ ކޮމިޓީގެ އިތުރުން އެ އެސޯސިއޭޝަންގެ އެކި ސަބް ކޮމިޓީތަކުގެ ތެރެއިން ކޮންމެ ކޮމިޓީއެއްގައި ވެސް އަންހެން މެމްބަރެއް ހިމެނުމެވެ.
ކްރިކެޓް ބޯޑުގެ ކުރީގެ ރައީސް މުހައްމަދު އަފްލާހް (އަފޫ)ގެ ދައުރުގައި އަންހެން ކްރިކެޓް ކުރިއަރުވަން ގިނަ މަސައްކަތްތަކެއް ކުރެއްވި އެވެ. އެ ގޮތުން ޒުވާން ގިނަ އަންހެން ކްރިކެޓް ކުޅުންތެރިން އުފެއްދުމުުގެ ޕްރޮގްރާމްތަކެއް ހިންގައި ރާއްޖޭގެ ފެންވަރުގައި މުބާރާތްތަކެއް ބާއްވާފައިވެ އެވެ. އަދި ބައިނަލްއަގުވާމީ މުބާރާތްތަކަށް ވެސް އަންހެން ކްރިކެޓް ކުޅުންތެރިންނަށް ފުރުސަތު ދިނެވެ. އެ ގޮތުން 2019 ވަނަ އަހަރުގެ ސައުތު އޭޝިއަން ގޭމްސް އަކީ ރާއްޖޭގެ އަންހެން ކްރިކެޓް ޓީމު ކުޅުނު ބައިނަލްއަގުވާމީ ފުރަތަމަ މެޗެވެ.
މިދިޔަ ސެޕްޓެމްބަރު މަހު ކްރިކެޓް ބޯޑުގެ އިންތިހާބު ކާމިޔާބު ކުރެއްވި ފައިސަލް ވަނީ އެ އެސޯސިއޭޝަން ހިންގުމުގައި އާ ޕްލޭންތަކެއް ހަދައި ގިނަ ކަންކަން ބަދަލުކުރުމުގެ މަސައްކަތްތަކެއް ފަށައިފަ އެވެ. އެ ގޮތުން އަންހެން ކްރިކެޓް ކުރިއަރުވަން ހާއްސަ އަހައްމިއްޔަތެއް ދެއްވާނެ ކަމަށް ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރުކްރިކެޓްބޯޑު
09 March 2021
ބަށި ކުޅުނިއްޔާ މާ ތާހިރުވާނެ.. ފަރުހަތު ވާސަސް އިއްސަބޭ..
ބަޑީ
08 March 2021
އަހަރުމެން ކިތަންމެ ބޭނުންވިޔަސް، ޤައުމީ ކިޔަސް، ލެޔާގުޅުވިޔަސް، ބަޔެއް ކަންކަމަކީ އަހަރުމެނަށް އެހާ ފަސޭހަ ކަންކަމަށް ނުވެދާނެ!! މިސާލަކަށް ފުޓްބޯޅަ، ބާސްކެޓް، ވޮލީ ކަހަލަ ބަޔެއް ކުޅިވަރުތަކަކީ، އަހަރުމެނަށް މާފަސޭހައިން އެކަށީގެންވާ ކާމިޔާބަކާ ހަމަޔަށް ދަތުރުކުރަން އެހާ ފަސޭހަ ކުޅިވަރުތަކެއްނޫން އެކަމު، އަވަށްޓެރި ސްރީލަންކާ، އިންޑިޔާ، ބަންގްލާދޭޝްފަދަ ޤައުމުތަކުގެ އެހީގާ ކުރިކެޓް، ބެޑްމިންޓަންފަދަ ކުޅިވަރަކުން ކޮންމެސް ރަގަޅު ވަރެއްވެދާނެ.