ރައްކާތެރިކަމުގެ ފިޔަވަޅާ އެކު މަސައްކަތް ލަސްވާތީ މަޖޫރީން ހަޅުތާލުކޮށްފި

މަޖޫރީންތަކެއް މުޒާހަރާ ކުރަނީ-- ފޮޓޯ: މިހާރު

އިދުހާމް ނައީމް، މިހާރު

09 މާޗް 2021 - 09:57

އެމްޕީއެލްގައި އަލަށް އެޅި ރައްކާތެރިކަމުގެ ފިޔަވަޅުތަކަށް ފަހު ހެނދުނު މަސައްކަތް ފެށުން ލަސްވާ ކަމަށް ބުނެ މަޖޫރީން އެމްޕީއެލް ސަރަހައްދުގައި މިއަދު ހަޅުތާލުކޮށްފި އެވެ.

މަޖޫރީއަކު "މިހާރު" އަށް ބުނީ މުޒާހަރާ ކުރީ އެމްޕީއެލް އިން ކުރަންޖެހޭ ބައެއް މަސައްކަތްތައް ނުނިމި ހުންނާތީ ކޮންމެ ދުވަހަކު ވެސް މަސައްކަތް ލަސްވާތީ ކަމަށެވެ. އެކަމަކު މިހާރު ވަނީ މުޒާހަރާ ހުއްޓާލުމަށްފަހު އަލުން މަސައްކަތް ފަށައިފަ އެވެ.

ވިޔަފާރި ބަނދަރަށް މަޖޫރީން ވަންނަނީ ހެނދުނު 9:00 ގަ އެވެ. ނަމަވެސް މަޖޫރީން ބުނީ އެމްޕީއެލުން ކުރަންޖެހޭ ބައެއް މަސައްކަތްތައް ނުނިމި ހުންނާތީ މަޖޫރީން މަސައްކަތް ނުކޮށް ގިނަ އިރުތަކެއް ވަންދެން ތިބެންޖެހޭ ކަމަށެވެ. މިގޮތަށް ކަންތައްތައް ދިމާވާތާ ދުވަސް ކޮޅެއް ވެދާނެ ކަމަށް "މިހާރު" އާ ވާހަކަ ދެއްކި މީހާ ބުންޏެވެ.

"މިފަހަކަށް އައިސް ކޮންމެ ދުވަހަކު މަސައްކަތް އެބަ ލަސްވޭ. ޝަކުވާ ކުރީމަ ވެސް އަމިއްލަ ޒިންމާއިން ރެކެން މަސައްކަތްކުރަނީ،" އޭނާ ބުންޏެވެ.

މި މުޒާހަރާގައި ހަތަރު މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.

މުޒާހަރާކުރި މަޖޫރީއަކު ފުލުހުންގެ ބެލުމުގެ ދަށަށް ގެންދަނީ-- ފޮޓޯ: މިހާރު

މިކަމާ ގުޅޭގޮތުން އެމްޕީއެލް އިން ބުނީ މަޖޫރީންގެ މަސައްކަތް ލަސްވަނީ ކޮންޓެއިނާ ޝިފްޓުކުރާ ވަގުތު އެ މީހުން ޕޯޓުތެރެއަށް މިހާރު ނުވައްދާތީ ކަމަށެވެ. މިއީ މަޖޫރީންގެ ރައްކާތެރިކަމަށް ސޭފްޓީ ގައިޑްލައިނަށް ގެނައި ބަދަލެއް ކަަމަށް ވެސް އެމްޕީއެލް އިން ބުންޏެވެ.

"ގައިޑްލައިނަށް ގެނައި ބަދަލާ އެކު މިހާރު ކޮންޓެއިނާ ޝިފްޓުކުރާއިރު މަޖޫރީން ނުވައްދާނެ. އެ ގަޑީގައި ބޮޑެތި ވެހިކަލްތައް ދުއްވާނެ. އެހެންވެ އެމީހުންގެ ރައްކާތެރިކަމަށް ނުވައްދަނީ،" އެމްޕީއެލްގެ އޮފިޝަލަކު ބުންޏެވެ.

އެމްޕީއެލް ސަރަހައްދުގައި މިއަހަރު ތެރޭ ހިނގި ހާދިސާތަކެއްގައި ދެ މީހަކު ވަނީ މަރުވެފަ އެވެ. އެގެ ފަހުން އެމްޕީއެލުން ވަނީ ރައްކާތެރިކަމުގެ ފިޔަވަޅުތައް ވަރުގަދަކޮށްފަ އެވެ. މިގޮތުން، ގެނައި ބަދަލުތަކުގެ ތެރޭގައި ކޮންޓެއިނާ ޝިފްޓުކުރާ ވަގުތު މަޖޫރީން ނުވެއްދުން ހިމެނެ އެވެ.

މީގެ އިތުރުން މަޖޫރީންނަކީ ގައިޑްލައިންތަކާއި ރައްކާތެރިކަމުގެ ފިޔަވަޅުތަކަށް އަހުލުވެރިވެފައިވާ ބައެއްކަން ކަށަވަރު ކުރުމަށް ހާއްސަ ޓްރެއިނިން އެއްވެސް އެ ކުންފުނިން ވަނީ ފަށައިފަ އެވެ. ހަ މަސް ފަހުން މި ޓްރެއިނިން ނުނިންމާ މަޖޫރީންގެ ހުއްދަ ބާތިލުވާނެ އެވެ.

މުޒާހަރާ އެމްޕީއެލް މަޖޫރީން

10 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޑު މަޑު މިތުރު

09 March 2021

މަޖޫރީން މީ ވަރަށް މަތީ އުޅޭބައެއް އެމީހުންގެ ލޮރީއެއްގައި ސްޓިކާ ޖަހަންވެސް ޕޮލިހުން ޖެހިލުންވޭ. ބޮޑު ލޮރީ ޕާކު ކުރަން 1000ރ އަށް ސްލޮޓްވެސް ދޭން ޖެހުން، ކާރު ސްޅޮޓް ދެނީ 3000ރ އަށް. ކޮބާ އިންސާފު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

09 March 2021

ބަލަ މަޖޫރީންނެއްނޫނެ ޓްރެއިންކުރަންވީ، އެމް.ޕީ.އެލް.ގެ މުވައްޒަފުން ޓްރޭންކުރަންވީ، ކަމެއްގޯސްވީމަ ، ގޯސްކޮއް ހިނގީމާ އޭގެ ސަބަބުން އާއްމު އުނދަގުލަކަށްވާގޮތަށް ގަވާއިދު ހެދުމަކީ ކަމެއް އިސްލާހުކުރަން ނޭންގުން، ތަނުގެ މުއައްޒަފުން ޓްރޭންކުރޭ، އޭރުން އެކްސިޑެންޓްތަށް މަދުވާނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޒްލާ

09 March 2021

ތީ ވަރަށް ގައްޑާ މީހުން އުޅޭ ސަރަހައްދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖޫރީ މޭން

09 March 2021

ދެން މަޖޫރީން އަންނަންޖެހޭ ވަގުތު ޖެހުމުގެ ކުރިން ތަންތަނަށް އުފުލަންޖެހޭ ބަރު އެއްޗިހި އުފުލާ ނިންމީމާ ނިމުނީއެއްނުދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމަންމޭން

09 March 2021

ހަޅުތާލު ކުރުމަކީ ޤާނޫނުއަސާސީ އިން ކަށަވަރު ކޮށްދީފައި ވާ އަސާސީ ޙައްޤަކަށްވާއިރު، އެކަން ކުރި މީހުންގެ ތެރެއިން މަޖޫރީއަކު ފުލުހުން ހައްޔަރުކުރީ ކީއްވެތޯ މިއީ އުފެދޭ ވަރަށްބޮޑު ސުވާލެއް. މިހާރުންވެސް ޚަބަރު ގެނެސްދޭއިރު ކިޔާ މީހާ ބޮޑު ސުވާލު ގޯންޏެއް ތެރެއަށް ވައްޓާލާފަ ޚަބަރު ނިންމާލީމަ ޒިންމާދާރު ނޫސްވެރިކަންކުރާ ކަމަކަށްނުވާނެ. މިއަށްވުރެ ރަނގަޅު ވިސްނާ އެ ފޮޓޯ ނުޖަހާ މީހަކު ހައްޔަރު ކުރި ވާހަކަ ނުލިޔުނު ނަމަ. އޭރުން އިތުރު ސުވާލެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

09 March 2021

މަޖޫރީންނޭ ކިޔަނީ ކަމެއް ވީމަ.އެމްޕީއެލްގެ ސީއީއޯގެ ގޮނޑީގަ އިންނަ މީހާގެ ވިސްނުން މަޖޫރީންގެ ސިކުނޑިން ނިކުންނާނެކަމަށް ފިނިކޮޓަރީގަ ތިބި މީހުން ގަބޫލުކުރާނަމަ އެއީ އެމީހުންގެ ހުރި އުނިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެރެދި ބެއްޔާ

09 March 2021

ފާއިތުވެ ދިޔަ ސަރުކާރުތަކުގައި އެމްޕީއެލްއަކީ ސިޔާސީ އެކްޓިވިސްޓުން ނާއި އަދި ގޭންގް/ޑްރަގް ކްދިންނަށް ވަޒީފާ ދީ ސިޔާސީ ފައިދާ ނަގަން އޮތް ތަނެއް. މިއަދު އެކަމުގެ ނަތީޖާ މިފެންނަނީ. ނަމަވެސް ޝާހިދު އަލީ މިތަނާއި ހަވާލުވެ މަސައްކަތުގެ ރައްކާ ތެރިކަމަށް ފިޔަވަޅުއެޅުމަކީ މިތަނަށް ލިބުނު ކުރިއެރުމެއް! ސޯލިހު އަށް އަށް ދަންނަވަން މިތަން ރަގަޅުކުރުމަށް ޕްރޮފެޝަނަލް ބަޔަކާއި ހަވާލުކޮށް ތަން ރިސްޓްރަކްޗަރ ކޮށް ކުނިބުނި ހޮވާ ބޭރުކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޖޫރީ

09 March 2021

ރަންގަޅު ނޯންނާނެ އެއްގޮތްވެސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެރެދި ބެއްޔާ

09 March 2021

24 ގަޑި އިރު މުޒާހިރާ ކުރިޔަށް ބަލާނެކަމެއް ނެތް . މަސައްކަތުގެ މާހައުލުގައި ރައްކާތެރިކަމަށް ފިޔަވަޅު އަޅުއްވާ ގަވާއިދުތަށް ހައްދަވާ ތަންފީޒުކުރައްވާ ! އިތުރު ހާދިސާ އަކަށް ފުރުސަތު ނުދެއްވުމަށް ދަންނަވަން!