ވިޔަފާރި / ރޯދަ މަސް 2021

ރޯދަމަހަށް އެސްޓީއޯ އިން ފިޔާ، އަލުވި، ބިހުގެ އަގުހެޔޮ ކޮށްފި

ލޮރީއަކުން ބިސް ކޭސްތަކެއް ބާލަނީ. - ފޮޓޯ: ނިޝާން އަލީ/ މިހާރު

އިދުހާމް ނައީމް، މިހާރު

31 މާޗް 2021 - 13:08

އެސްޓީއޯ އިން ކުރިއަށް އޮތް ރޯދަމަހަށް ޚާއްސަ ކޮށްގެން، ފިޔާ އަލުވި އަދި ބިހުގެ އާ ސްޓޮކެއް ގެނެސް އަގުހެޔޮ ކޮށްފި އެވެ.

އެ ކުންފުނިން ގެނައި މި ބަދަލާއެކު މިހާރު ފިޔާ ކިލޯއެއް ލިބޭނީ 9.50ރ. އަށެވެ. ބިހެއް 1.40ރ. އަށް ލިބޭއިރު އަލުވި ކިލޯއެއްގެ އަގަކީ ނުވަ ރުފިޔާ އެވެ.

އެސްޓީއޯ އިން ރޯދަމަހަށް ޚާއްސަ ކޮށްގެން ބިސް ކޭހެއް ވިއްކާނީ 265ރ. އަށެވެ. އަލުވި ބަސްތާއެއްގެ އަގު އުޅެނީ 185ރ. ގަ އެވެ. ފިޔާ ބަސްތާއެއް ވިއްކާނީ 200ރ. އަށެވެ.

Perishables new stock will now be available for Wholesale & Retail 😊 pic.twitter.com/So91UAt13D
— STO Supermart (@sto_supermart) March 30, 2021

ފިޔާ އަލުވި އަދި ބިސް އަގުހެޔޮ ކުރިކަން އަންގައި އެސްޓީއޯއިން ކުރި ޓްވީޓެއް--

ކަލަންޑަރުގައިވާ ގޮތުން މި އަހަރުގެ ރޯދަމަސް ފަށާނީ އަންނަ މަހުގެ 13 ގަ އެވެ.

އެސްޓީއޯ ފިޔާ، އަލުވި، ބިސް ރޯދަ މަސް 2021

3 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޭވިހަޑި

31 March 2021

ކޮންމެ އަހަރެއްގެ ރޯދަމަހާ ދިމާކޮށްގެން ވެސް އެސްޓީއޯ އިން ފިޔާ، އަލުވި އަދި ބިހުގެ އަގު ހެޔޮ ކުރެ އެވެ. މީގެ ސަބަބުން ބާޒާރުގައި ވެސް މި ތަކެތީގެ އަގު ކޮންޓްރޯލް ކުރެވެ އެވެ. ތިހުރިހާ ކަމެއް އެނގިހުރެ ކީތްވެތަ ދާއިމީކޮށް ރައްޔިތުންނަށް އަގުހެޔޮކޮށް ތަކެތި ލިބޭނޭގޮތް ހަދާނުދެވެނީ. މިހާރު ތެލުގެ އަގުވެސް އިންތިހާއަށް ބޮޑުވެއްޖެ. ކީތްވެތަ މިކަންކަމަށް ސަމާލުކަމެއް ނުދެވެނީ.