ބީއެމްއެލް އިން ހިއްސާއަކަށް 15ރ. ބަހަނީ

ބީއެމްއެލްގެ އަހަރީ އާންމު ޖަލްސާ

ފާތިމަތު ޝަނާ މުހައްމަދު، މިހާރު

01 އެޕްރީލް 2021 - 16:26

މިދިޔަ އަހަރު ބީއެމްއެލަށް ލިބުނު ފައިދާއިން ހިއްސާއަކަށް 15 ރުފިޔާގެ މަގުން ޖުމްލަ 80.7 މިލިއަން ރުފިޔާ ބަހަން ބޭންކްގެ އަހަރީ އާންމު ޖަލްސާއަށް ހުށަހަޅަން ޑިރެކްޓަރުންގެ ބޯޑުން ނިންމައިފި އެވެ.

ކޮވިޑް-19އާ ގުޅިގެން ކުރިމަތިވި އިގުތިސާދީ ވެއްޓުމުގެ އަސަރު ގައުމީ ބޭންކަށް ވެސް ކުރި އެވެ. ނަމަވެސް މިދިއަ އަހަރު ޓެކްސް އަށް ކެނޑުމަށް ފަހު 325 މިލިއަން ރުފިޔާގެ ފައިދާއެއް ލިބުނެވެ. މިއީ 2019 ވަނަ އަހަރާ އަޅާބަލާއިރު 68 ޕަސެންޓަށް ވުރެ ބޮޑު ވެއްޓުމެކެވެ.

ބީއެމްއެލްއަށް 2019ގައި ސާފު ފައިދާއަށް 960 މިލިއަން ރުފިޔާ ލިބުނެވެ. އެ އަހަރު ހިއްސާއަކަށް 26ރ. ބަހާފައިވެ އެވެ.

ބީއެމްއެލް ސީއީއޯ އަދި މެނޭޖިން ޑައިރެކްޓަރު ޓިމް ސޯޔާ ވިދާޅުވީ ކާމިޔާބު ނަތީޖާއެއް 2019 ގައި ދެއްކުނު ނަމަވެސް، ކޮވިޑް-19ގެ ސަބަބުން ކުރިން އަންދާޒާކުރެވިފައި ނުވާ މިންވަރަކަށް ވިޔަފާރި ހުއްޓުމަކަށް އައުމުން 2020ގެ އާމްދަނީ ވަރަށް ބޮޑަަށް ދަށްވި ކަމަށެވެ. އެކަމުން އަރައިގަތުމުގައި ހެޔޮ ބަދަލުތަކެއް ފެންނަ ކަމަށް ވެސް އޭނާ ވިދާޅުވި އެވެ.

ސޯޔާ ވިދާޅުވި ގޮތުގައި ކޮވިޑްގެ ވެއްޓުމުން އަރައިގަނެ، ފައިދާ އިތުރުކުރަން ހަރުދަނާ ފިޔަވަޅުތަކެއް ވެސް މިހާރު އަންނަނީ އަޅަމުންނެވެ.

އޭނާ ވަނީ މި ދަތި ވަގުތު ވެސް ބުރަކޮށް މަސައްކަތްކުރަމުން އަންނަ މުވައްޒަފުންނަށާއި ބޭންކްގެ ކަސްޓަމަރުންނަށް ޝުކުރު އަދާކުރައްވައިފަ އެވެ.

"ކަސްޓަމަރުން އެދޭ ފަދަ ހިދުމަތްތަކެއް ފޯރުކޮށްދިނުމަށާއި ޕްރޮޑަކްޓްތަކުގެ ފެންވަރު އިތުރަށް ރަނގަޅުކުރަން އަޅުގަނޑުމެން ކެނޑިނޭޅި މަސައްކަތް ކުރަމުންދާނަމެވެ،" ސޯޔާގެ ބަޔާނުގައި ވިދާޅުވި އެވެ.

ބީއެމްއެލް ބޭންކިން

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

01 April 2021

ބީއެމްއެލް ޕަބްލިކް ބެންކްގެ ބޯޑްގައި (ސީދާ ފައިސާގެ ނުފޫޒުން) އާންމު ޙިއްސާދާރުން ތަމްސީލު ކުރާން ވަކި އާއިލާއެއްގެ މީހަކު އިންނަތާ އެތައް ޒަމާނެއްވެ އެންމެފަހުން އެ އާއިލާއިންވަނީ ވާދަވެރި ބެންކެއްވެސް ހުޅުވާފަ. # ފިނޭންސް މިނިސްޓްރީ އަށާއި މަރުކަޒީ ބެންކަށް އަދި ދިވެހި ބެންކްގެ ބޯޑަށާއި ސީނިއަރ މެނޭޖްމަންޓަށް ނުބައި މިކަން ބޮޑުކަމަކަށްނުވި. އިސްތިހާރުތައް ދީގެން މީޑިޔާގެ ރުހުން ހޯދާފައިވިޔަސް ބެންކްގެ ކަސްޓަމަރުން ބެންކަށް ކުރާ އިތުބާރު ކުޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 April 2021

ބެންކްގެތެރޭގައިހުރި މައްސަލަތައްހައްލުކޮށް ބެންކްގައި ފައިސާރައްކާކޮށްފައިވާ މީހުންގެއެކައުންޓްގައިހުރި އެމީހުންގެ އަމިއްލަފައިސާއާއި ބެންކުންދޫކޮށްފައިވާ އެކިކަހަލަ ކާރޑް ބޭނުންކޮށް ހިންގާ މުއާމަލާތް ތަކުގެ ރައްކާތެރިކަން ބެންކްގެ ހިދުމަތް ހޯދާ މީހުނަށް ކަށަވަރުކޮށްދިނުމަށްޓަކާ ޕަބްލިކް ބެންކްގެ އެންމެ ބޮޑު ޙިއްސާދާރުގެ ޙައިސީއްޔަތުން ސަރުކާރާއި އަދި މަރުކަޒީ ބެންކުން މިކަންކަމުގެ އޮޑިޓެއްކޮށް ބެންކަށް މިކަންކަން ރަނގަޅު ކުރާން ނޯޓިސްދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2021

01 April 2021

ނަސީބެއް ތި 15 ރުފިޔާގަނޑުވެސް ދިންކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 April 2021

ބީއެމްއެލް އަކީ "އަހަރުމެންގެ ބޭންކް" ގެ ނަންބޯޑް އަޅުވައިގެންތިބެ އަހަރުމެނަށް އެތަނަކާއި ކައިރިވުމަށް އެންމެއުދަގޫ ގޮތް ހަދާފައިވާ ނުފޮރުއްޕާނެއް ފަދަ ތަނެއް. # ބެންކްގެ އެންމެ މުހިންމު ހިސާބުގައިތިބި ފްރޮންޓް ޑެސްކްތަކުގައި ތިބި ކުދިންނަކީ އެއްވެސް ވަރަކަށް ކަސްޓަމަރ އޮރިއެންޓެޑް ކުދިންނެއް ނޫންކަމަށާއި އެކުދިންނަކީ ރޮލާ ތިބި ބައެއްކަމަށް ބުނެ އިސް މީހެއްގެ ކާރީގައި އެވާހަކަ ދެއްކިޔަސް އެމީހުންވެސް އެ އަޑު އަހާކަށް ބޭނުމެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

01 April 2021

ބީއެމްއެލްގެ ކޯލް ސެންޓަރަށް ގުޅައިގެން ކަސްޓަމަރުން 20 ނުވަތަ 30 މިނިޓް ކިޔުގަ ހުންނަން ޖެހުން އެއީ މި ތަރައްގީ ޒަމާނުގަ ބަލައިގަނެވޭ ފަދަ ކަމެއް ނޫން.މިކަމަށް އަވަސް ހައްލެއް ގެނެސް ދިނުން އެދެން.