އެމިލީ އާއި ސޭތު އެމީހުންގެ އެއްމާބަނޑު ދެބެއިންނާ އެކު
16 ނޮވެމްބަރ 2016 - 05:57
5 comments
މި އެއްމާބަނޑު ދެބެއިންގެ ތެރެއިން ދޮށީ އަދި ހަގީ ކޮން ކުއްޖެއްތޯ ސުވާލު އުފެއްދޭނެ އެވެ. ޑޮކްޓަރުން ބުނަނީ ހަގީ ކުރިން އުފަންވި ކުއްޖާ ކަމަށެވެ. އެއީ ކިހިނެއްވާ ކަމެއްހެއްޔެވެ؟
ސެމުއެލް އާއި ރޯނަން އުފަންވީ ނޮވެމްބަރު 6 ވީ އާދީއްތަ ދުވަހު އެވެ. އެ ކުދިންގެ މައިންބަފައިންނަކީ އެމިލީ އާއި ސޭތު ޕީޓާސަން އެވެ.
އެމެރިކާގެ ކޭޕް ކޮޑް ހޮސްޕިޓަލްގައި މިކުދިން އުފަންވުމުގައި އެންމެ ހައިރާންކުރުވަނިވި ދައުރެއް ކުޅެފައި ވަނީ ވަގުތެވެ. ސެމުއަލް އުފަންވީ ދަންވަރު 1:39 ގަ އެވެ. ރޯނަން އުފަންވީ އޭގެ 31 މިނިޓް ފަހުންނެވެ. އެހެންކަމަށްވާ ނަމަ ދޮށީ ސެމުއަލް އެވެ. އެކަމަކު އެހެން ބުނެވޭކަށް ނެތެވެ.
ރޯނަން އުފަންވި ވަގުތު އެމެރިކާގެ ޑޭލައިޓް ސޭވިން ޓައިމް އެއް ގަޑިއިރު ފަހަތަށް ދިޔައީ އެވެ.
ކޭޕް ކޮޑް ހޮސްޕިޓަލުން އެ ދެބެއިންނާއި އެކުދިންގެ މަންމަ އާއި ބައްޕަގެ ފޮޓޮއަކާ އެކު ފޭސްބުކްގައި ޕޯސްޓްކޮށްފައިވާ މި އަރަތެއް ކަހަލަ ވާހަކައަށް ގިނަ ބައެއްގެ ސަމާލުކަން ލިބުނެވެ.
ކުދިންގެ ބައްޕަ ސޭތު ބުނެފައި ވަނީ މިފަދަ ގޮތެއް ވެދާނެ ކަމަށް ކުރިން ވެސް ހީކުރެވުނު ކަމަށެވެ. ދެ ކުދިން ދެ ދުވަހު އުފަންވެދާނެ ކަމަށް ހީވި ކަމަށް ވެސް ސޭތު ބުންޏެވެ.
ކުދިން ވިއްސުމުގައި އުޅުނު ނަރުހެއް ބުނެފައިވާ ގޮތުގައި އޭނާ ވަޒީފާގައި މިވީ 40 އަހަރުގެ ތެރޭގައި މިފަދަ ކަމެއް މި ނޫނީ ދިމައެއް ނުވެ އެވެ. މިއީ ވަރަށް މަދުން ދިމާވާ ހާލަތެއް ކަމަށާއި ދުރާލައި ރާވައިގެން މިފަދަ ކަމަކާ ދިމާ ނުވާނެ ކަމަށް އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒްނަ
16 November 2016
ޥަރައް ހެއްވާ އެހެން ވީ އިރު ފުރަތަމަ ވިހޭ ކުއްޖާ ވިހި ގަދި ވެސް އެއް ގަޑި އިރު ކުރިޔައް ޖައްސަނ ޖެހޭނެ. ކިތަމެ ވަރެއް ކުރިޔަސް ފުރަތަމަ ވިހޭ ކުއްޖާ ދޮށީ ނޫން ކަމަކަށް ނުވާނެ
ޝަންނަ.
16 November 2016
ތީވަރަށް ހޭނުޖެހޭ ވާހަކައެއް.
އސ
16 November 2016
އިންސާނުން އުފައްދައިގެން ތިޔަ އުޅޭ ޑޭ ލައިޓު ސޭވިންގއަކާ އެހެން އެއްޗަކާ އަޅުވާނަމަ މަންމަ ދަރިއަށްވެސް ވެދާނެ. އެކަމަކު، ގުދުރަތީ ޤާނޫނުން އެކަން ބަދަލެއް ނުކުރެވޭނެ. ކުރިން އުފަންވީމަ އެކުއްޖާއެވީ ދޮށީ، ގަޑި އަވަސް ކުރިއަސް ލަސްކުރިއަސް
ސޯސޯ
16 November 2016
މަށަކަށް އަދި ފަހުމެއްނުވި. އެއްގަޑިއިރު ފަހަތައް ދާގޮތް އެގޭކުއްޖަކު ތަންކޮޅެއް ތަފްސީލު ކޮށްދީބަލަ.
އަލީ
16 November 2016
އެއީ ޑޭލައިޓް ސޭވިންގގެ ސަބަބުން. ވަރަށް ގިނަ ގައުމުތަކުގައި ކުރާކަމެއް މީ. ހޫނު މޫސުމުގެ (ސަމަރގެ) ދުވަސްތައް ދިގުވެފައި ފިނި މޫސުމުގެ (ވިންޓަރގެ) ދުވަސްތައް ކުރުވީމާ ދުވާލުގެ ގުދުރަތީ އަލީގެ ވަގުތުތަކުގެ ބޭނުން ހިފުމަށްޓަކައި ހޫނު މޫސުމުގައި ގަޑި އެއް ގަޑި އިރު ކުރިޔަށް ޖައްސައި، ފިނި މޫސުމުގައި ފަހަތައް ޖައްސަނީ. މިގޮތުގެމަތީން ޑޭލައިޓް ސޭވިންގ ޓައިމް ނިމި 1 ގަޑިއިރު ކަނޑަނީ ނޮވެމްބަރުގެ ފުރަތަމަ އާދީއްތައިގެ ދަންވަރު 2:00 ގައި.