އެޗްޕީއޭގެ އުސޫލާ އެއްގޮތަށް އިންތިހާބު ބާއްވަން ތައްޔާރުކުރި ޓެންޓުތައް މިހާރު ވަނީ ނިމިފައި. ލިކަމެކް ނަމަކަށް ކިޔާ ކުންފުންޏަކާ ހަވާލުކުރި މި މަސައްކަތަށް 3.7 މިލިއަން ރުފިޔާ ހޭދަކުރި.
މިފްކޯ ކުރިމަތީގައި ހަދާފައި ހުރި އެންމެ ބޮޑު ޓެންޓު: މިތަނުގައި 1،200 އަށް ވުރެ ގިނަ މީހުންނަށް ގައިދުރުކަމާ އެކު މަޑުކުރެވޭނެ -- ފޮޓޯ: ނިޝާން އަލީ/ މިހާރު
08 އެޕްރީލް 2021 - 13:45
15 comments
ލޯކަލް ކައުންސިލް އިންތިހާބަށް ތައްޔާރުވާން މާލޭގެ ތިން ސަރަހައްދެއްގައި ބަހައްޓަން ހަދާފައިވާ ބިޔަ ފަސް ޓެންޓުގައި ދެ ފާހާނާ އާ އެކު އޭސީ ވެސް ހަރުކޮށްފި އެވެ.
އަންނަ ހޮނިހިރު ދުވަހު ބާއްވާ މި އިންތިހާބުގައި ވޯޓު ލާ މަރުކަޒުތަކުގެ ގޮތުގައި އެ ފަސް ޓެންޓް ބޭނުންކުރާނެ އެވެ. އެ ޓެންޓްތައް ހެދީ އީސީގެ ރައީސް އަހުމަދު ޝަރީފް "މިހާރު" އަށް ވިދާޅުވި ގޮތުގައި އެޗްޕީއޭގެ ގައިޑްލައިނާ ގުޅިގެން، އިތުރު ސެންޓަރުތައް ބޭނުންވާތީ އެވެ.
މިއީ މިކަހަލަ ޓެންޓްތަކެއް ހަދައިގެން ވޯޓު ލާ ފުރަތަމަ ފަހަރެވެ. މި ޓެންޓްތައް ބަހައްޓަނީ އިންތިހާބު ބާއްވަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ނެރުނު އުސޫލުގައި، ވޯޓު ފޮށިތަކަށް ވޯޓު ލާ މީހުންގެ އަދަދު މަދުކުރަން އަންގާފައި އޮތުމުންނެވެ.
ކާނިވަލް ސަރަހައްދުގައި ހަދާފައި ހުރި ޓެންޓުތައް -- ފޮޓޯ: ނިޝާން އަލީ
"ކޮންމެ ވޯޓު ފޮއްޓަކަށް ވޯޓު ލާން ޖެހޭ މީހުންގެ އަދަދު މަދުކުރަން އެޗްޕީއޭ އިން އެދެމުން، ވޯޓު ފޮށިތަކުގެ އަދަދު ވެސް އިތުރުކުރަން ޖެހުނު. އެ ފޮށިތައް ބަހައްޓާނެ ތަންތަން ވެސް ހަދަން ޖެހުނު. މިއީ އެ ޓެންޓްތައް،" ޝަރީފް ވިދާޅުވި އެވެ.
ޝަރީފް ވިދާޅުވީ މި މަސައްކަތަށް 3.7 މިލިއަން ރުފިޔާ ހޭދަ ކުރާ ކަމަށެވެ. ޒަމާނީ އަދި ބިޔަ އެ ޓެންޓުތަކުގައި ހުރީ އޭސީ ހަރުކޮށްފަ އެވެ. އަދި ކޮންމެ ޓެންޓެއްގައި މަދުވެގެން ދެ ފާހަނަ ހަދާފައި ވެ އެވެ. އީސީން ބުނީ އެ ޓެންޓްތައް މިއަދު އީސީ އާ ހަވާލުކުރަން ޖެހޭ ކަމަށެވެ.
ޓެންޓް ހަދާ ކުންފުނިން ބުނީ، ޓެންޓުތަކުގެ މަސައްކަތް ހުރީ ނިމިފައިވާ ކަމަަށާއި އެ ތަކެއްޗާ ހަވާލުވާން އީސީއާ ގުޅައިފައިވާ ކަމަށެވެ.
މިފްކޯ ކުރިމަތީގައި އޮތް ހުސްބިމުގައި ތިން ޓެންޓެއް ބަހައްޓަ އެވެ. އެއް ޓެންޓްގައި 20 ވޯޓު ފޮށި، އަދި އަނެއް ޓެންޓްގައި އަށް ވޯޓު ފޮށި އަދި އަދި އަނެއް ޓެންޓްގައި ދެ ވޯޓު ފޮށި ވެސް ބަހައްޓަ އެވެ.
ކާނިވާ ސްޓޭޖް ކުރިމަތީގައި ބަހައްޓާ ޓެންޓްގައި ފަސް ވޯޓު ފޮށި ބަހައްޓާ އިރު ދަރުމަވަންތަ ސްކޫލް ބިމުގައި ބަހައްޓާ ޓެންޓްގައި ފަސް ވޯޓު ފޮށި ބަހައްޓަ އެވެ. އެއީ ޖުމްލަ 40 ވޯޓު ފޮއްޓެވެ.
އިންތިހާބުގައި ވޯޓު ލާން ދާ މީހުންނަށް ތައްޔާރުކޮށްފައިވާ ޓެންޓުތަކުގެ ބޭރުން ނަގާފައިވާ ފޮޓޯއެއް -- ފޮޓޯ: ނިޝާން އަލީ/ މިހާރު
އެތަން ހަދާފައި ވަނީ ގައިދުރުކަމާ އެކު ގިނަ މީހުންނަށް މަޑުކުރެވޭނެ ގޮތަށެވެ. ލިކަމެކް އިން ބުނީ، އެންމެ ބޮޑު ޓެންޓުގައި ގައިދުރުކަމާ އެކު 1،200 މީހުންނަށް މަޑުކުރެވޭނެ ކަމަށެވެ.
އިލެކްޝަން ނިމޭ ދުވަސް ނޫން އަނެއް ދުވަހު އެ ހުރިހާ ޓެންޓެއް ރޫޅާލާނެ އެވެ.
މިދިޔަ އަހަރު ބާއްވަން ހަމަޖެހިފައިވާ ލޯކަލް ކައުންސިލް އިންތިހާބާއި އަންހެނުންގެ ތަރައްގީ ކޮމިޓީގެ އިންތިހާބު، މި އަހަރުގެ އޭޕްރިލް މަހަށް ފަސްކުރަން ޖެހުނީ ކޮވިޑް-19ގެ ބަލިމަޑުކަމާ ގުޅިގެނެވެ. އިންތިހާބު އެންމެ ފަހުން މި ބާއްވަނީ ސިއްހީ ކުއްލި ނުރައްކަލުގެ ހާލަތެއްގައި އިންތިހާބު ބޭއްވޭނެ ގޮތަށް ގާނޫނު އިސްލާހުކުރުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލާކޫލް
08 April 2021
އިލެކްޝަން ނިމޭ ދުވަސް ނޫން އަނެއް ދުވަހު އެ ހުރިހާ ޓެންޓެއް ރޫޅާލާނެ އެވެ. ހަމަ މިގޮތައް މިހާރު އޮތް ލުއިތައް ވެސް ރޫޅާލާ ނެ ދޯ ، ވޯޓް އައް ދޯ އަސްލު ލުއިތައް ދިނީ ޔަގީން ކަކޮއްލަން އަހާލީ
ބްލަޑް
08 April 2021
އެކްޓިވިސްޓުން ކޮޅަކައް ލާރިކޮޅެއް ދިނީ. ޕެންޑެމިކެއްގެ އެންމެ ނުރައްކާ ދަނޑިވަޅުގަ ހާހުން ރައްޔިތުން އެއްތަނަކަށް ޖަމާކޮށްފަ އޭސީ ކޮށްފަ ހުރިތަނެއްގެ ރައްކާތެރިކަމަކީ ކޮބައިތޯ؟ ވޯޓު މިލަނީކީ އަލަކަށް ނޫން .
ދަރަނި ދަންތުރަ
08 April 2021
ރައްޔިތުންގެ ފައިސާތަށް ތަޅާބުރުއްސަނީ ކިތަށް މިލިޔަން ކަޓުވާލިބާ ބޭކާރުކަމެއް....
ރަދީފްއޮފިޝިއަލް
08 April 2021
ބައެއްގެ ޖީބުތަކަށް އެނގުންވާނެކަން ކަށަވަރުވެ ޔަގީންވޭ.ވ.ވެދުން
ފުތާބެއްޔާ
08 April 2021
މިވެސް ކޮންމެސް އެއްޗެކޭ ކިޔައިގެން ވައްކަމެއް ކުރެވޭތޯ ކުރާ ކަންކަން
ވަހީދު
08 April 2021
އޭސީ ހަރު ކުރުމަކީ މާކަ ބޮޑުކަމެއްނޫން. އެކަމަކު ފްރޮންޓް ލައިނުގައި މަސައްކަތް ކުރާ މީހުންނަށް އެލެވެންސެއް ދޭން ޖެހުނީމަ ފައިސާ ނުހުރޭ.
ޙިނި
08 April 2021
މިކަހަލަ ކަންކަމުގަ ދިވެހިންގެ ފޮނިދެންކުމާ ބޭކާރުހަރަދުކުރުން ހަމަ އެއްވަނަ، އެކަމު ނިންދަން ވަންނަން މިޖެހެނީ ތަނަވަސް މީހެއް ވިއްޔާ އަލިފާން ފޮއްޓެއް ވަރުތަނެއްގަ އަދި ފަގީރެއް ވިއްޔާ ސަންދޯކެއްގެ ޖާގައިގަ، ކައްކާ އައިބޮއި ނިމުނީމަ ހަމަ އެ މޭޒުމަތީ ފިލާވަލުހަދާ، ދެން ނިމުނީމަ އެތާ އަރާ އޮޝޯވެ ނިދަން މިޖެހެނީ. ހިއްހަމަ ޖައްސާލަން ބޭނުމިއްޔާ މިޖެހެނީ ފުރާޅުގަ ގަސްއިންދަން.
ސަރަކޭ
08 April 2021
އެހެންވެ ބުނަނީ ލާމަރުކަޒީ ނިޒާމަކީ ގައުމަށް ނުތަކާވަރ ހަރަދުބޮޑު ނިޒާމެކޭ. ކައުންސިލް ނެތަސް ސަރުާރުން ކޮށްދިނީމަ ތަރައްގީ ކުރެވޭނެ.
ޝަ ރީފު ބޭ
08 April 2021
ފާޚާނާ ހުންނާނީ ސައުންޑު ޕްރޫފު ކޮށްފައި ބާރަށް ދުއްވާލިޔަސް އަޑު ބޭރަކަށް ލީކެއް ނުވާނެ!
1828
08 April 2021
މިހެންވަންޏަ ޚަރަދު ބޮޑުވާނެ. މާލޭ މީހުން ވޯޓްލާނީ އޭސީގެ ފިނީގައި ތިބެގެން. ރާއްޖެތެރޭ މީހުން މެންދުރުގެ ގަދަ ހޫނުން ޓިނުތަށް އައްވަށް ދޮންވެފައިވާ ގަދަ ހޫނުގައި ތިބެގެން. ތަފާތު ނުކުރާށޭ.