އިބްރާހިމް ނާސިރު އިންޓަނޭޝަނަލް އެއާޕޯޓްގެ ސީޕްލޭންގެ ސަރަހައްދުގެ މަތިން ނަގާފައިވާ ފޮޓޯއެއް: އެމްއޭސީއެލް އިން ބުނީ ޖީއެމްއާރަށް ދެއްކި ފައިސާއާ ގުޅިގެން އެއާޕޯޓްގެ ހިދުމަތްތަކަށް އެއްވެސް ހީނަރު ކަމެއް ނާންނާނެ ކަމަށް. ފޮޓޯ: ނިޝާން އަލީ /މިހާރު
16 ނޮވެމްބަރ 2016 - 00:08
29 comments
މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އަކީ މިހާރު ރާއްޖޭގެ އެންމެ ވަރުގަދަ އެއް ކުންފުނި ކަމަށާއި އެއާޕޯޓް ހިންގަން ޖީއެމްއާރާ އެކު ހެދި އެއްބަސްވުން އުވާލުމުން ދެއްކި 271 މިލިއަން ޑޮލަރު (4.1 ބިލިއަން ރުފިޔާ)، އާމްދަނީ އިތުރުކޮށްގެން ކުރިއަށް އޮތް ތިން އަހަރެއްހާ ދުވަހުގެ ތެރޭގައި އަނބުރާ ހޯދޭނެ ކަމަށް ކަމަށް އެ ކުންފުނިން މިރޭ ބުނެފި އެވެ.
އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ) ހިންގުމަށް އިންޑިއާގެ ޖީއެމްއާރާ އެކު ހެދި އެެއްބަސްވުން އުވާލުމުން ބަދަލުގެ ގޮތުގައި ދޭން ޖެހުނު 271 މިލިއަން ޑޮލަރު މިއަދު ވަނީ އެއްކޮށް ދައްކައި ހަލާސްކޮށްފަ އެވެ. އެ ފައިސާ ދެއްކީ ދައުލަތުގެ ބަޖެޓުގެ ބޭރުން، އެމްއޭސީއެލް އިންނެވެ.
އެ ކުންފުނީގެ މެނޭޖިން ޑިރެކްޓަރު އާދިލް މޫސާ މިރޭ "މިހާރު" އަށް ވިދާޅުވީ ޖީއެމްއާރަށް ހަތަރު ބިލިއަނެއްހާ ރުފިޔާ އެއްފަހަރާ ދެެއްކި ނަމަވެސް ކުންފުނީގެ އޮޕަރޭޝަނަށް އެއްވެސް ބަދަލެއް ނާންނާނެ ކަމަށެވެ. އަދި ހިދުމަތްތަކުގެ އަގުތަކަށް ކޮންމެހެން ގެންނަން ޖެހޭ ބަދަލެއް ނޫނީ ނުގެންނާނެ ކަމަށް ވެސް އޭނާ ވިދާޅުވި އެވެ.
"މިކަމާ ގުޅިގެން ކުންފުނީގެ ސާވިސް ލެވެލް ދަށެއް ނުވާނެ. އަޅުގަނޑުމެން ކުރިއަށް އޮތް ތަނުގައި އިސްކަންދޭނީ ކުންފުނީގެ ހަރަދުތައް ކުޑަކުރަން. އަދި ވިޔަފާރި ފުޅާކުރެވެން ހުރި ދިމަދިމާލުން ފުޅާކުރަން މަސައްކަތް ކުރާނަން،" އާދިލް ވިދާޅުވި އެވެ.
އޭނާ ވިދާޅުވީ އާ ޓާމިނަލްގެ މަސައްކަތް ނިމުމުގެ ކުރިން ވެސް ކުންފުންޏަށް ލިބޭ އާމްދަނީ އިތުރުކުރުމުގެ ގޮތުން ޑިއުޓީ ފްރީގެ ޖާގަ އިތުރުކުރަން ނިންމާފައިވާ ކަމަށެވެ. އަދި ކުންފުނީގެ ހަރަދުތައް ކުޑަކުރުމަށް އެޅެން ހުރި ފިޔަވަޅުތައް އަޅަމުން ދާނެ ކަމަށް ވެސް އާދިލް ވިދާޅުވި އެވެ.
"މިހާރު ބޮޑަށް މި ބަލަނީ އަގުތައް އެއްވަރެއްގައި ހިފަހައްޓަން. މިހެން ދެންނެވި ނަމަވެސް ބައެއް ކަހަލަ އަގުތަކަށް ބަދަލު އަންނާނީ ދުނިޔޭގެ ބާޒާރަށް އަންނަ ބަދަލުތަކާ ގުޅިގެން. އަދި މިކަމާ ގުޅިގެން މުވައްޒަފުންނަށް ލިބޭ އެއްވެސް އިނާޔަތަކަށް ހީނަރުކަމެއް ނާންނާނެ،" އޭނާ ވިދާޅުވި އެވެ.
އާދިލް ވިދާޅުވީ ޖީއެމްއާރަށް އެއްފަހަރާ އެހާ ބޮޑު އަދަދެއްގެ ފައިސާ އެމްއޭސީއެލް އަށް ދެއްކުނީ ކުންފުނި މިދިޔަ ތިން އަހަރެއްހާ ދުވަހުގެ ތެރޭގައި ކުރި މަސައްކަތުން ކަމަށެވެ. އަދި އެ ފައިސާ ދެއްކުނީ ކުންފުންޏަކީ މާލީ ގޮތުން ވަރުގަދަ ކުންފުންޏަކަށް ވުމުން ކަމަށް ވެސް އާދިލް ވިދާޅުވި އެވެ.
"މިވަރުގެ ބޮޑު އަދަދެއް އެއްފަހަރާ ދެއްކޭނީ ކިހާ ވަރުގަދަ ކުންފުންޏަކަށް ވީމަކަން އެ އޮތީ އެނގެން. މި ފައިސާ ދެއްކިއިރު އަޅުގަނޑުމެން މި ދަނީ ބޮޑެތި މަޝްރޫއުތަކެއް ހިންގަން އެެތައް ސަތޭކަ މިލިއަން ޑޮލަރުގެ ލޯނު ނަގަން އިކުއިޓީ ވެސް އަމިއްލަ އަށް ދައްކަމުން. މީގެ އިތުރުން މީރާ އިން ދޭ ރަންލާރި އެވޯޑު ވެސް އަޅުގަނޑުމެން އެ ވަނީ ހޯދާފައި،" އޭނާ ވިދާޅުވި އެވެ.
އާދިލް ވިދާޅުވީ އެ ކުންފުނިން ހިންގާ ބޮޑެތި މަޝްރޫއުތަކުގެ އިތުރުން މިދިޔަ ތިން އަހަރެއްހާ ދުވަހުގެ ތެރޭގައި އެކި މަޝްރޫއުތަކަށް 95 މިލިއަން ޑޮލަރު ކުންފުނިން ހަރަދުކޮށްފައިވާ ކަމަށެވެ. އެކަމަށް ހޭދަކުރީ ވެސް ކުންފުނީގެ އަމިއްލަ ހަރަދުގައި ކަމަށް ވެސް އޭނާ ވިދާޅުވި އެވެ.
"މިހާރު މި ވަރުގެ ބޮޑު އަދަދެއް ދެއްކުމުން އަޅުގަނޑުމެންގެ ކޭޝްފްލޯ އަށް ވަރަށް ބޮޑަށް ފަރުވާތެރިވާން ޖެހޭނެ. އަޅުގަނޑުމެން މި ބަލަނީ މި ދެއްކި ފައިސާ ކުރިއަށް އޮތް ތިން އަހަރެއްހާ ދުވަހުގެ ތެރޭގައި އަނބުރާ ހޯދޭނެ ކަމަށް،" އޭނާ ވިދާޅުވި އެވެ.
ރައްޔިތުންގެ މަޖިލީހަށް މިދިޔަ ހަފުތާގައި ހުށަހެޅި އަންނަ އަހަރުގެ ދައުލަތުގެ ބަޖެޓުގައި ގޮތުން އެމްއޭސީއެލް އިން ޑިވިޑެންޑްގެ ގޮތުގައި އަންނަ އަހަރު ސަރުކާރަށް 561.6 މިލިއަން ރުފިޔާ ދައްކާނެ އެވެ. އަދި 2018 ވަނަ އަހަރު އެ ކުންފުނިން 841.5 މިލިއަން ރުފިޔާ، 2019 ވަނަ އަހަރު 940.5 މިލިއަން ރުފިޔާ ޑިވިޑެންޑްގެ ގޮތުގައި ދައްކާނެ ކަމަށް ވެސް ބުނެފައިވެ އެވެ. މިއީ ސަރުކާރު ހިއްސާވާ ކުންފުނިތަކުގެ ތެރެއިން ސަރުކާރަށް އެންމެ ބޮޑު ޑިވިޑެންޑެއް ދައްކާ ކުންފުންޏެވެ.
އެކަމަކު ބަޖެޓުގައިވާ ގޮތުން މިދިޔަ ދެ އަހަރު އެ ކުންފުނިން ސަރުކާރަށް ޑިވިޑެންޑް ދައްކާފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންދީނި
16 November 2016
ތިޔައީ އެއްވެސް ކަމެއްނޫނެއްނު......ކޮންމެވެސް ނަމެއްގައި ރައްޔިތުން އަތުން ލާރިގަނޑެއް ހޯދާ، އޭޒް ޔޫޝުއަލް....
އަލްޖިބްރާ
16 November 2016
" އުދުހޭ " އަށް ސުވާލެއް ކޮށްލަން ބޭނުން ! ޗައިނާމީހުން މިތަނުން ފައިބައިގެ ދާނެކަމަށް ހީފުޅު ވޭތޯ ؟
ބޭނުމީ މިނިވަންނަން / އައްޑޫ ސިޓީ
16 November 2016
ތެދެއް ތިބޭފުޅުން ތިކަން ކުރާނެ. އަދި ތިކަންތައް ކުރުމަށް ކަންކުރައްވާނެ ގޮތް ވެސް އަހަރުމެންނަށް އިގޭ. . . މާނަ އަކީ އައްޑޫ ގަމުގެ އެއަރޕޯޓް މަސްމާރުކޭޓަކަށް އަދި ހަނިމާދޫ އެއަރޕޯޓް ކޭނަރިން ފެކްޓަރީ އަކަށް ބަދަލު ކޮށްލާނަމޭ. . . މިނޫން ގޮތަކަށް ތިކަމެއް ނުވާނެ. މި ޤައުމުގެ ރައްޔިތުންގެ ތެރެއިން އަތޮޅޔތެރޭގެ ރައްޔިތުންނަށް އޮތް ރައްކާތެރިކަމެއްނެތް. މާލެ އަށް ހިޖުރަ ކުރުމަށް ވުރެ އިންޑިޔާ ލަންކާ އަށް ބަދަލު ވިޔަސް މާރަނގަޅު.
އަލްޖިބްރާ
16 November 2016
ތިން އަހަރު މާލަހެއްނު ؟ 1އަހަރުންވެސް ލިބިދާނެ ! ނުވިއްކާ ހުރި ރަށްތައް ވިއްކާލާ ، ރައްޔިތުން އަތުން ކޮންމެވެސް ނަމެއްކިޔާފާ ފައިސާތަކެއް ދަމާލަން ފެށީމާ ވަރަށް އަވަހަށް ތިޔަފައިސާ ލިބި ، ބޮޑުންގެ ޖީބުތައް ފުރިދާނެ !
ރުފިޔާ
16 November 2016
އެބުނާ 271 މިލިއަން ރުފިޔާއައް ހެދީމާ މަގޭ ކަލްކީގެ ޑިސްޕްލޭ ފުރިއްޖެ. ލޮލް. ދެން މި ކޯޓް ކޭސް އިން ވިންވީ ކޮންބައެއްބާ؟ ހަމަ ނޭގޭތީ އަހާލީ.
ޑޮލަރު
16 November 2016
ބިލިއަން ޑޮލަރުގެ ބޮޑު ޢަދަދެއް ދައްކަން ޖެހިދާނެ ކަމުގެ ބިރު އޮއްވާ އޭގެ 1/5 ދައްކަން ޖެހުނީމަ ވިން ވީ އޭ ބުނަނީ ކަމަށް ވެދާނު
އެމްސް
16 November 2016
271 މިލިއަން ޑޮލަރަކީ ބައެއްގެ އިޙުމާލުން ކުރަން މަޖުބޫރުވި އިސްރާފެއްކަން ޢާދިލަށް އަދި ނުވިސްނެނީ ނޫނީ މާބޮޑަށް ސިޔާސީވެފަ ހުރެވެނީ ކަމަށް ފެނޭ!
އައިމިނަ
16 November 2016
މިހާތަނަށް ދުވަހެއްގައިވެސް ތިޔަ އެއަރޕޯރޓް ކުންފުންޏަށް ފައިދާވެ ކަމެއްކުރިތަން ފެނިފައެއްނުވޭ ، ރައީސް މައުމޫނުގެ ދައުރުން ފެށިގެން އަދާހަމަޔަށްވެސް އެއަރ ޕޯރޓް ތަރައްގިކޮށް ނުވަތަ މަރާމާތު ކުރާ ކޮންމެ ފަހަރަކު ދައުލަތުގެ ބަޖެޓުން ބޮޑެތި ޚަރަދުކޮށް ނުވިތާކަށް ބޮޑެތި ލޯނު ނަގަންޖެހޭ ،
އަލިދީދީއައްޑޫސިޓީ
16 November 2016
ބަޖެޓުގައިވާ ގޮތުން މިދިޔަ ދެ އަހަރު އެ ކުންފުނިން ސަރުކާރަށް ޑިވިޑެންޑް ދައްކާފައެއް ނުވެ އެވެ. ދެން ކިހިނެއްތޯ ކޮންމެ ދުވަހަކު 250،000.00 ޑޮލަރު ހޯދާފައި، 3 އަހަރުތެރޭ، މި 271 މިލިއަން ޑޮލަރު ނެގިތަނަކަށް އެފައިސާ ދައްކަނީ. އަޑު އިވޭ ގޮތުން ދައުލަތުގެ ރިޒާރވް އަދި ޕެންޝަންފަންޑު ފަދަ މުހިންމު، ކޮންމެހެން އަތްނުލައި ބަހައްޓަންޖެހޭ ތަންތަނުގައި ހުރި ފައިސާކޮޅު އެއްކޮށްލައިގެން މިއަދަދު ހަމަކުރީ. ސިޔާސީ މެޑަލް ޖެހުމަށް ދައުލަތުގެ ޚަޒާނާ މިގޮތަށް ދޮވެލުމަކީ، ޖީއެމްއާރު އަށް 25 އަހަރަށް އެއަރޕޯރޓު ކުއްޔަށް ދިނުމަށްވުރެ ބޮޑު ޖަރީމާއަކަށް ނުވީ ކީއްވެބާ؟ ފައިސާ ހޯދި ގޮތުގެ ތަފްޞީލު ނުދެވިގެން އެކިމީހުން އެކި ގޮތަށް އެވާޙަކަ މިދައްކަނީ ކީއްވެބާ؟
މުހައްމަދޫ
16 November 2016
ޢެގްރިމެންޓް އުވާލަންވެގެން ވިދާޅުވަމުން ގެންދެވީ ފަސްއަހަރުތެރޭ ފެންވަރުރަގަޅު އެއަރޕޯޓެއް ހައްދަވައިދެއްވަނެކަމަށް 8 އަހަރުވީއިރު ލޯނެއްހޯއްދެވުން ނޫންކަމެއް އަމަލީގޮތުން ފެންނަން ނެތް، ދެން ވިދާޅުވަމުން ގެންދެވީ ސޮއިކުރެއްވި އިރުވެސް ބާތިލް އެއްޗެކޭ އެހެންވުމުން ބަދަލުގެގޮތުގައި އެއްވެސް އެއްޗެއް ދެއްވަން ޖެހިވަޑައި ނުގަންނަވާނޭ ނިމުނުއިރު 271 މިލިއަން ޑޮލަރ ދައްކަންޖެހި ދައްކައިފި، ދެންވިދާޅުވަމުން ގެންދެވީ 270 މިލިއަނެއްނޫނޭ 250 މިލިއަނޭ އެކަމަކު ދައްކަވާ ނިންމަވާވާފަ މިވިދާލުވަނީ 271 މިލިއަން ޑޮލަރ ދައްކައިފީމޭ އެއީ އެމަނިކުފާނު ވިދާޅުވިވަރާ އެއްވަރު އަދަދެކޭ، ދެން ތިވިދާޅުވަނީ ތިންއަހަރު ތެރޭ 271 މިލިއަންޑޮލަރ ލިބިދާނެއޭ........
އުދުހޭ
16 November 2016
ޔާމީނަކަސް އަންނިއަކަސް އެއަރޕޯޓް ޖީއެމްއާރަށް ދީފައޮތީ ހީވެސްނުކުރާހާ ބޮޑު ފައިދާއެއް ޖީއެމްއާރަށް ލިބޭގޮތަށް. ޖީއެމްއާރު ކުންފުނީގެ ތާރީހްގައިވެސް ރާއްޖޭގެ އެއަރޕޯޓަށްވުރެ ފައިދާބޮޑު އެއްވެސް ޕްރޮޖެކްޓެއް އެމީހުން ނުހިންގާ. އެމައުލޫމާތު ކުންފުނީގެ ވެބްސައިޓްގައި އޭރު ހުރި. އެހެންވީމާ އެއަރޕޯޓް އަނބުރާ އަތުލުމަކީ ރަގަޅު ނިންމުމެއް. އަނެއްކޮޅުން އަންނި އޮތީ އެއަރޕޯޓާ އެއްކޮށް އިންޑިޔާގެ 2000 މީހުންނަށް އެއަރޕޯޓްގައި ވަޒަންވެރިވެވޭގޮތަށް އެއްބަސްވެފަ، މާނައަކީ ދިވެހިންނަށް ވަޒީފާގެ ފުރުސަތު ގެއްލުމުގެ އިތުރަށް އިންޑިޔާ ބަޔަކު ވަޒަންވެރިވުން. އެއްގޮތަކަށްވެސް ޔާމީނަށް ތާއީދުކުރަނީއެއްނޫން، ޔާމީނު ހުދުމުހުތާރުކަމާހެދި ތާއީދުކުރެވޭކަށް ނެތް.
ވެއްޓޭ
16 November 2016
ތާއީދެއް ނުކުރޭ އެއްވެސް ވަރަކަށް. މަށާ ބެހޭކަމެއް ނޫނޭ ބުނުފައި ހުންނަނީ ދެއްތޯ؟