ހުޅުމާލޭ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓްގެ ޓަވަރުތައް-- ފޮޓޯ/މިހާރު
15 އެޕްރީލް 2021 - 14:02
12 comments
ހުޅުމާލޭ ދެވަނަ ފިޔަވަހީގައި އިމާރާތް ކޮށްފައިވާ "ހިޔާ" ފްލެޓްތަކުގެ އިތުރު ކެޓަގަރީއެއްގެ ފައިނަލް ލިސްޓް ލިބުނުހާ އަވަހަށް ގުރުއަތުލުން އަލުން ފަށާނެ ކަމަށް ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ) އިން ބުނެފި އެވެ.
ހިޔާ ފްލެޓް ހަވާލު ކުރުމަށް ގުރުއަތުލުމުގެ ކަންކަން ފަށާފައި ވަނީ މިދިޔަ ބުރާސްފަތި ދުވަހު އެވެ.
ބައެއް ޓީވީ ސްޓޭޝަންތަކުން އެ މަންޒަރު ލައިވްކޮށް ދެއްކިއިރު، އެޗްޑީސީން ބުނި ގޮތުގައި އެ ދުވަހު ގުރުއަތުލުން އޮތީ ހަމައެކަނި ނުކުޅެދުންތެރިކަން ހުންނަ ފަރާތްތަކަށް ހާއްސަ ކެޓަގަރީ، އެޗް10 ގެ ދަށުން ފްލެޓް ލިބުނު ފަރާތްތަކުގެ މެދުގަ އެވެ. އެއީ ޓަވަރުތަކުގެ ގްރައުންޑް ފްލޯއިން 188 ފްލެޓެވެ.
އޭގެ ފަހުން ހަފްތާއެއްވީއިރު ވެސް އިތުރު ފްލެޓްތަކުގެ ގުރު ނެގުން ކުރިޔަށް ނުގެންދާތީ، "މިހާރު"ން ކުރި ސުވާލަކަށް ޖަވާބު ދެއްވަމުން އެޗްޑީސީގެ އޮފިޝަލަކު މިއަދު ވިދާޅުވީ އެ މިނިސްޓްރީން ހަމައެކަނި ކުރަނީ ގުރުއަތުލުމުގެ މަސައްކަތް ކަމަށެވެ. އަދި ފްލެޓް ލިބޭ މީހުންގެ ފައިނަލް ލިސްޓް ތައްޔާރު ކުރުމުގެ މަސައްކަތް ކުރަނީ ހައުސިން މިނިސްޓްރީން ކަމަށާއި އެހެން ކެޓަގަރީތަކުގެ ލިސްޓް ލިބޭހާ އަވަހަކަށް ގުރުއަތުލުމުގެ މަސައްކަތް ކުރިޔަށް ގެންދާނެ ކަމަށް އޭނާ ވިދާޅުވި އެވެ.
"މިހާތަނަށް ފައިނަލްކޮށް ނިންމައިފަ ދީފައި އޮތީ އެޗް10 ގެ ލިސްޓް. އިތުރު ލިސްޓެއް ލިބިފައެއް ނެތް. ލިބޭހާ އަވަހަކަށް އަޅުގަނޑުމެން މަސައްކަތް ފަށާނަން،" އޭނާ ވިދާޅުވި އެވެ.
ކުރީ ސަރުކާރުން ކުރިޔަށް ގެންދިޔަ ހިޔާ މަޝްރޫއުގެ 16 ޓަވަރުގެ 6,720 ފްލެޓް ލިބިފައިވާ ފަރާތްތަކުގެ ދާއިމީ ލިސްޓް މި ސަރުކާރުން ވަނީ ނެރެފަ އެވެ. ނަމަވެސް އެ ލިސްޓަށް ވެސް ބައެއް ބަދަލުތައް ގެނައުމަށް ސަރުކާރުން ވަނީ ނިންމައިފަ އެވެ.
އެގޮތުން ދާއިމީ ލިސްޓުގައި ދެމަފިރިންނަށް ފްލެޓް ލިބިފައިވާ ނަމަ އެކަކުގެ އަތުން ފްލެޓް ނެގުމާއި މާލޭގައި ވަކި ވަރަކަށް ވުރެ ބޮޑު ގޯއްޗެއް އޮޮތް ނަމަ އެކަން ބަލައި އެ ފަރާތްތައް ވެސް ލިސްޓުން އުނި ކުރުމަށް ސަރުކާރުން އުފެއްދި ފްލެޓްގެ މައްސަލަތައް ބަލައި ކޮމިޓީން ވަނީ ހައުސިން މިނިސްޓްރީގައި އެދިފަ އެވެ.
ހައުސިން މިނިސްޓްރީން ކުރިން ބުނި ގޮތުގައި ފްލެޓްގެ ގުރުއަތުލުމުގެ މަސައްކަތް ނިމުމަށް ފަހު ފްލެޓް ލިބުނު ފަރާތްތަކާއެކީ އެއްބަސްވުމެއް އެކުލަވާލައި ތަޅުދަނޑު ހަވާލު ކުރާނެ އެވެ. އެއަށް ފަހު ފްލެޓުގައި ދޮރާއި ބޮކި އަދި ތަށިމުށި ޖެހުން ފަދަ މަސައްކަތް ކުރަން ތިން މަސް ދުވަހުގެ މުއްދަތެއް ދިނުމަށް ފަހު މީހުން ފްލެޓަށް ބަދަލު ވާން ފުރުސަތު ދޭނެ ކަމަށް އެ މިނިސްޓްރީން ބުންޏެވެ.
އެޗްޑީސީން އަންނަނީ ފްލެޓް ލިބޭ ފަރާތްތަކާއެކު އެއްބަސްވުން އެކުލަވައިލުމުގެ މަސައްކަތް ވެސް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފްލެޓް ކޮބާތޯ
19 April 2021
ސަރުކާރުގެ އިހްލާސް ތެރިކަން ، ތެދުވެރިކަން އަދި ސާބިތުކަން ނެތީމާ ތިހާ ބޮޑަށް ލަސްވެގެން ތިދަނީ
ދޮން ހަސަނު
15 April 2021
ދިވެހި ރައްޔިތުން ގަޅިހައްދާ މޮޔަހެއްދި ދުވަސް ފާއިތުވެ ހިގައްޖެ. ދިވެހި ރައްޔިތުން މިހާރު ހޭ އަރައިފި. ތިކަންދާނީ ތިހެންކަން މާކުރިންވެސް ދިވެހިންނަށް އިގޭ. ވަނީ، ކުރަނީ، ފެށެނީ ކިޔަމުން ބައިތުލް މާލުން ބަދަލުގެ ގޮތުގައި ގާތްމީހުންނަށް ބައި އަޅަމުންގޮސް 5 އަހަރު ނިންމާލާނެ. ހޮޅި ސަރުކާރެއް މިއީ. ރޯދަޔަށް ސަލްމާން މިސްކިތްވެސް ހުޅުވާ ނުލެވުނު. ދެން ފައިބަންއުޅޭ
ބަރުހަތިޔާރު
15 April 2021
އިންތިހާބުގަ މާލޭ ސިޓީ ކައުންސިލް ގެއްލޭކަން އެނގުނީމަ އެންމެ ފަހުގެ ހަތިޔާރަކަށް ބޭނުންކުރީ ތިޔަ ގުރުއަތުލުން. ބަރު ހަތިޔާރު ބޭނުންކޮށްގެންވެސް ފެއިލް
ޢިބޫ
15 April 2021
ރައްޔިތުންގެ މަޖިލީހުން ގާނޫންއަސާސީއަށް ބަދަލުގެނެސް ލިޔަންވެއްޖެ އެމްޑީޕީގެ ހިއްސާ އޮންނަ ވެރިކަމެއްގަ ހައުސިން މިނިސްޓްރީގަ ތިބެން ޖެހޭނީ އަސްލަމް އާއި އަކުރަމްއާ ދެމީހުން ކަމަށް އޭރަށް ވަރަށް ފުރިހަމަވާނެ.
އޮނަރަބްލް އަފީފު ދީދީ
15 April 2021
ދައުލަތުގެ ޙަޒާނާ މާލޭގެބިންވެރިންގެ އުފަލާއިމަޖަކަށްޓަކާ ތަޅާހުސްކުރުން ހުއްޓާލައިގެންމެނުވީ ޙަޤީގީ މައްސަލައަށް ހައްލު ނުހޯދޭނެ. # ހަމައެކަނި ކެލާ، ހަނިމާދޫ އަދި ލ. އަތޮޅާއި އައްޑޫސިޓީ ހިއްކެންއޮތް އެންމެބޮޑަށް ހިއްކާލައިފިނަމަ މިހާރު ގޯއްޗެއްނެތް އުމުރުން 18-50 އަހަރާއި ދެމެދު ކޮންމެމީހަކަށް 1000 އަކަފޫޓް ގެ ބިމެއް އފ 50 އަހަރު ވަންދެން މިލްކްވެރިކަން ބަދަލު ނުކުރެވޭގޮތަށް ދެވިދާނެ. # ދިވެހިން ބިންވެރިކުރާން މިއަށް ވުރެން ވަކި މޮޅުގޮތެއް ކޮބާ؟
އަހުމަދހ
15 April 2021
ލިސްޓެއް ނުވެސް ދޭނެ. ތިހުރީ މަމެން ޕާޓީ މިނިސްޓަރު. ދެން އަންނަ އިންތިހާބަކަށް ބަލާ.
ދޮންކަލޯބެ
15 April 2021
އަހަރެމެންނަށް ހުވަފެން ނުދައްކައި ފުލެޓުގެ ދިނުމުގެ ކަންކަން އަވަސްކުރޭ. ކެތްތެރިކަން ކޮޅުންލަނީ
މައުމޫނު
15 April 2021
މަތިބަރުސަރުކާރު އިސްތިޔުފާ ތިޔައީ ފުލެޓު އެޅޭނެ ބައެއްނޫން އަޅާފަހުރި ތަންތަންވެސް ނުހުޅުވުނު ޔާމިނު އަޅާފަ ހުރި ކޮންކިރިޓް ކޮޅުގަ 5 އަހަރުން ކުލަކޮޅުވެސް ނުލެވޭނެ އެފަދަ ގާބިލުކަމެއް ނެތް އޭނާގެ ކިބަޔަކު އެކަމައް ބޭނުންވާ އިލްމެއްނެތް އޭނާގެ ކިބަޔަކު އެކަމުގެ ހުނަރެއްނެތް އޭނާގެ ކިބަޔަކު
ރާއްޖެ
15 April 2021
މިހާރު ހުރިހާ ރައްޔިތުންނަށްވެސް އެނގޭ މިއީ ސްލޯ ސަރުކާރެއްކަން.
ނިކް
15 April 2021
އިތުރު ލިސްޓެއް ލިބެން އަދި ނަގާނެ ކުޑަވަރެއްގެ އަހަރެއް.. ސުލޯ ސަރުކާރުން ކުރާ ހުރިހާކަމެއްވެސް އެހާ ސުލޯ ވާނެ.. 2އަހަރާ ބައި މިދިޔައީ ތިކަމަކުން ނުނެއްޓިގެން.. އަލަތު ކައިވެނި ކުރި ޒުވާނުންގެ ލިސްޓު ބާތިލުކުރި ހިތި ވެސް ފެނިއްޖެ މާލޭ ރައްޔިތުންވެސް ހިތި ދައްކައިފި އަދިވެސް އިބުރަތްހާސިލެއް ނުކުރޭ..