ފަންނީ މީހުން ފްލެޓް އެއްބަސްވުމުގައި ސޮއިކުރިޔަސް ތިން މަސް ތެރޭ އެހެން މަޝްރޫއަކަށް ބަދަލުވެވޭނެ

ހިޔާ ޕްރޮޖެކްޓުގެ ދަށުން އިމާރާތްކޮށްފައިވާ ފްލެޓުތަކެއް.-- ފޮޓޯ: އަހުމަދު އަވްޝަން އިލްޔާސް /މިހާރު

އާސިމާ ނިޒާރު، މިހާރު

19 އެޕްރީލް 2021 - 11:04

ހިޔާ މަޝްރޫއުން ފަންނީ މީހުންނަށް ލިބިފައިވާ ފްލެޓްގެ އެއްބަސްވުމުގައި ސޮއިކުރި ނަމަވެސް ބޯހިޔާވަހިކަމުގެ އެހެން މަޝްރޫއަކަށް ބަދަލުވާން ބޭނުން ނަމަ ތިން މަސް ދުވަހުގެ މުއްދަތެއް އޮންނާނެ ކަމަށް ހައުސިން މިނިސްޓްރީން މިއަދު ބުނެފި އެވެ.

އެ މިނިސްޓްރީން މީގެ ކުރިން ވަނީ ޑޮކްޓަރުންނާއި ޓީޗަރުން އަދި ނަރުހުންގެ ތެރެއިން ހުޅުމާލޭގެ ހިޔާ ފްލެޓް ލިބިފައިވާ މީހުންނަށް ސަރުކާރުގެ ކުރިއަށް ހުރި ހައުސިން މަޝްރޫއަކުން ފްލެޓް ހޯދުމުގެ ފުރުސަތު މިއަދުގެ ނިޔަލަށް ހުޅުވާލައިފި އެވެ. މިހާރު އޮތް ގޮތުން ނަމަ އެއީ ހައުސިން ޑިިވެލޮޕްމަންޓް ކޯޕަރޭޝަން (އެޗްޑީސީ) އިން ތަރައްގީކުރާ "ވިނަރެސް" 1344 ހައުސިން ޔުނިޓުންނެވެ.

ހައުސިންގެ އެހެން މަޝްރޫއަކަށް އެދުމުގެ މުއްދަތު އިތުރުކޮށް މިނިސްޓްރީން ކުރި އިއުލާނުގައި ބުނީ އެކަމާ ގުޅިގެން އިތުރު މައުލޫމާތު ހޯދުމަށާއި ހުޅުވާލާފައިވާ މުއްދަތު އިތުރުކޮށްދިނުމަށް ގިނަ ފަރާތްތަކުން އެދެމުން އަންނަ ކަމަށެވެ. އެހެންވެ، އެ މުއްދަތު އިތުރުކޮށްފައިވާ ކަމަށް ބުންޏެވެ.

އެއާއެކު، ހިޔާ މަޝްރޫއުގެ ފްލެޓު ލިބޭ މީހުންގެ ގުރުއަތުލުމާއި އެއްބަސްވުމުގައި ސޮއިކުރުމުގެ ކަންކަން ކުރިއަށްދާތީ، އެއްބަސްވުމުގައި ސޮއިކުރުމަށް ފަހު ވެސް ތިން މަސް ދުވަހުގެ ތެރޭގައި، ބޯހިޔާވަހިކަމުގެ އެހެން މަޝްރޫއަކަށް ބަދަލުވުމުގެ ފުރުސަތު އޮންނާނެ ކަމަށް މިނިސްޓްރީން ބުންޏެވެ.

Hiyaa flat dhookollaa fanneee meehun, aa flat akah hushahelhumuge furusathu dheefi

The most trusted news source in the Maldives

Mihaaru

"ސަރުކާރުގެ ކުރިއަށް ހުރި ހައުސިން މަޝްރޫއުގެ ދަށުން މި ވަގުތު އެންމެ އަވަހަށް ލިބެން އޮތް ފުރުސަތަކީ އެޗްޑީސީން ތަރައްގީކުރާ "ވިނަރެސް" 1344 ހައުސިން ޔުނިޓް އިން އެ ފްލެޓުތަކުގެ އަގާ އެއްގޮތްވާ ގޮތުގެ މަތިން ފްލެޓު ލިބުމުގެ ފުރުސަތެވެ،" އިއުލާނުގައި ބުންޏެވެ.

އެ ފުރުސަތާ ގުޅޭ ގޮތުން އަންނަ ހޮނިހިރު ދުވަހުގެ ރޭ ބާއްވާ ނިއުސް ކޮންފަރެންސްގައި އެޗްޑީސީން މައުލޫމާތު ދޭނެ އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ހުޅުމާލޭގެ ދެ ވަނަ ފިޔަވަހީގައި އިމާރާތްކޮށްފައިވާ 7،000 ފްލެޓުގެ މަޝްރޫއުގައި ޑޮކްޓަރުންނާއި ނަރުހުން އަދި ޓީޗަރުންނަށް ވެސް ހާއްސަ ކެޓަގަރީއެއް ހިމެނި އެވެ. އެކަމަކު އެ މީހުންނަށް ސޯޝަލް ހައުސިންގެ ބަދަލުގައި އާމްދަނީގެ ހާލަތަށް ބަލައިގެން ބޯހިޔާވަހިކަން ދިނުމަށް ރައްޔިތުންގެ މަޖިލީހުން ސަރުކާރަށް ހުށަހަޅާފައިވެ އެވެ.

ހައުސިން މިނިސްޓްރީ މުހައްމަދު އަސްލަމް، ނޭޝަނަލް ޕްލޭނިން މިނިސްޓަރު އެޗްޑީސީ ހިޔާ ފްލެޓްތައް

14 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްލާހު

21 April 2021

ސަރުކާރުން ތެޅެނީ ލިބިފައިވާ ފްލެޓް ދޫކޮއްލާނެ ފަރާތެއް ނުވެގެންނެވެ. މިހިރީ މިސަރުކާރަށް ރައްޔިތުން އިތުބާރު ނުކުރާވަރެވެ. ލިބިފައިވާ ތަނެއް ދޫކޮއްލެވޭނީ ސަރުކާރުން ތަނެއް ދެއްކީމާތާއެވެ. ހައްތާ މިދައްކަނީ ކުރިޔަށް ހުރި މަޝްރޫޢެއް ގެ ވާހަކަ އެވެ. ޙަޤީޤަތަކަށް ވާނެ ދުވަހެއް ދެނެވޮޑިގެންވަނީ ﷲ ސުބުޙާނަހޫވަތަޢާލާ އެެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަަސަނާ

20 April 2021

މިވަރުގެ ކަމުނުދާ ވެރިކަމެއް ނުދެކެން ރައްޔިތަކަށް ފައިދާވާނެ އެއްކަމެއް ނުކުރޭ ހުސް ދަޅަދެއްކުމާ ވައްކަން ކުރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޅީޟަ

20 April 2021

ފުލެޓެއް އެޅުނީކީ ނޫން އަޅާފައި ހުރި ފުލެޓްތައް ހަވާލު ކުރެވުނީކީ ނޫން މީ ދެން ކީއްކުރަން ވެރިކަމަށް އައި ބައެއްތަ ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަވާލުދާރު

20 April 2021

މި ވެރިކަން ނިމިދާއިރުވެސް މިމީހުން އުޅޭނީ ތިކަހަލަ ސަކަރާތެއްގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިކް

20 April 2021

ތި ވިނަރެހަކީ މިޑްލް ކްލާސް ފުލެޓުތަކެއް އެކަމަކު ލަކްޒަރީ ފުލެޓަކާ އަގު އެއްވަރު.. ފުރަތަމަ ކުންފުނިތަކަށް ހުޅުވާލީ ނުވިކުނީމަ މިހާރު ސޯޝިއަލް ހައުސިންގެ މީހުންގެ ބޮލު އަޅުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޖަމް ދި މޯރީ

19 April 2021

މޮޔަ ނުގޮވާ ތި ފްލެޓްތައް ދޭން އުޅެބަލަ. ކިހާ ބޮޑުވެއްޖެ ކަމެއް މިއޮތް ރަމަލާން މަހު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިކަލްދް

19 April 2021

މިހާރު ރުފިޔާ ޗާޕްކުރަނީ، ދެން ޑޮލަަރ ލިބޭނީ 20 މަތިންނެއްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރާގޯރީ

19 April 2021

ކޮބާތޯ 18-40 އަހަރުގެ ކެޓަގަރީން އުނިކުރި 275 ފުލެޓްގެ ހައްގުވެރިންގެ ކުށަކީ. 1000 ފުލެޓް ކެޓަގަރީން 275 ފުލެޓް އުނިކޮށް ދާއިމީ ލިސްޓް ނެރުނީމަ ހައްގުމިންވަރު ކަށަވަރުވޭތޯ؟ ތިޔައްކިޔާނީ ބޭއިންސާފު އަދި ތިޔައްކިޔާނީ އަސްލުއަނިޔާވެރިވުން. އެ 275 ފުލެޓް ވަކިބަޔަކަށް ދިނުމުން އަނިޔާވެރިވެވުނީ ޖުމްލަކޮށް ދިވެހި ޒުވާނުންނަށް. އެމް.ޑީ.ޕީ.އަކީ ޒުވާނުންނަށް އަނިޔާކުރާބައެއް. ތީފުކެއްބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ހަސަނު

19 April 2021

މިއޮތީ ވާ ސަރުކާރެއް. ހަމަ ދުވަސް ޖެހޭ އިރަށް އަނެއްކައި އަނެއް ހާސަރު. ރައްޔިތުންނަށް ޖެހިފައޮތް ބލވެ. ވެރިކަމެއްނޫން. މި ސަރުކާރަށް ވޯޓް ދެވުނީތީ މިހާރު ދެރަވޭ.