މީހަކު ދޯންޏަކަށް ފިޔާ ބަސްތާއެއް އަރުވަނީ:- ފޮޓޯ: ނިޝާން އަލީ/ މިހާރު
26 އެޕްރީލް 2021 - 12:08
11 comments
އެސްޓީއޯއިން ފިޔާ ބަސްތާއެއް ވިއްކާ އަގު 100ރ. އަށް ކުޑަކޮށްފި އެވެ.
ރޯދަ މަސް ފެށުނުއިރު އެސްޓީއޯ އިން 25 ކިލޯގެ ފިޔާ ބަސްތާއެއް ވިއްކަމުން އައީ 200ރ. އަށެވެ.
އެސްޓީއޯއިން ބުނީ ރޯދަ މަސް ފެށުނު އިރު އެ ކުންފުނިން ގެނައި ސްޓޮކް އަދިވެސް ހުސްނުވާ ކަމަށެވެ. އަދި ފިޔާ އަކީ އަވަހަށް ހަލާކުވާ ޒާތުގެ އެއްޗަކަށްވާތީ އަގު ހެޔޮކޮށް ވިއްކަން ނިންމީ ކަމަށް އެ ކުންފުނިން ބުންޏެވެ.
ފިޔާ ބަސްތާއެއްގެ އަގު ހެޔޮ ކުރި ނަމަވެސް ވަކިން ފިޔާ ވިއްކާނީ ކުރިން ވެސް ވިއްކަމުން އައި އަގުގަ އެވެ. އެއީ ކިލޯއެއް 9.50ރ. އަށެވެ.
އެސްޓީއޯއިން ބުނެފައިވާ ގޮތުގައި މި ރޯދަ މަސް ނިމެންދެން ފިޔާ، ބިސް އަދި އަލުވި ހުސްނުވެ ލިބޭނެ އެވެ. އަދި ބާޒާރުގައި އަގު ކޮންޓްރޯލް ކުރެވޭނެ ކަމަށް ވެސް އެ ކުންފުނިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޙްސާސް
27 April 2021
100 ރުފިޔާއަށް ވިއްކާ ފިޔާގެ ކޮލިޓީއަކީ އަނެއްކާ ކޮބާތޯ؟
އޮނަރަބްލް އަފީފު ދީދީ
27 April 2021
ޕަބްލިކް ކުންފުންޏަކުން "ސަޕްލަޔަރަށް މަންފާހޯދާދިނުމަށް" މުދާގަނެ ނުއަގުގައި ވިއްކާ އަދި ބޮޑުބައެއް ރައިޓްއޯފްގެގޮތުގައި އުކާލުމަކީ ކޮރަޕްޝަންގެއަމަލެއް. # އެސްޓީއޯގެ ސަބްސިޑަރީކުންފުނިން އިންޑިޔާ އާއި ކުޅުދުއްފުށި އަދި އިންޑިޔާއާއި އައްޑޫސިޓީ އަށް ކާގޯ ފެރީ އޮޕަރޭޓް ކުރަމުންދާއިރު އެސްޓީއޯގެ ސަރަހައްދީ ފިހާރަތަކަށާއި އެސްޓީއޯގެ ރީޖަނަލް ވެއަރހައުސް ތަކަށް މިތަކެތި ގެންދިއުމުގެ ބަދަލުގައި ޖާގަނެތް މާލެއަށް ގެނެސް ނުއަގުގައި ވިއްކަނީ ކީއްވެ؟!
ކޮރަލް
26 April 2021
ސަރުކާރު ހިއްސާ ވާ އަމިއްލަ ކުންފުނިތަކުގެ މިނިވަން އޮޑިޓެއް ކޮށްލަން ރަނގަ ލެވެ.
ޟަޒްނާ
26 April 2021
420 ރުފިޔާ އަށް ލިބޭ ގެރިކިރު ކޭސް މިއަދު ގަތީ 520 ރުފިޔާއަށް. ސަރުކާރު ނިދާފަ.
ޕިޔާ
26 April 2021
ކުރިން ފިޔާ ކިލޯ އެއް ވިއްކީ 4/50 އަކަށް ނޫން އިނގޭތޯ. 9.50 އަށް.
މޫސާކުއްދާ
26 April 2021
ރޯދަ ހިފަންޖެހުމަކީ ތިމާމީހާ ދޮޅުރޯނާ ވާންޖެހޭ ކަމެއްނޫން! ލިޔެފަހުންނަ އެއްޗެހި ރަނގަޅަށް ކިޔާފަ ކޮމެންޓް ކުރޭ!
އައްބެ
26 April 2021
އެސްޓީއޯއިން ކޮންމެ އަހަރަކުކުރާ ބޮޑު އިސްރާފެއް ތިއީ.
ހިތަދޫ ހުސެން
26 April 2021
އަސްލުވެސް. މި ރޯދަމަހު ސާބިތުވާނެ އެންމެނަށް ރޯދަ މަހު ތަކެތި އަގު ބޮޑު ވަނީ ވިޔަފާރަވެރިންގެ ސަބަބުން ނޫންކަން އެބައެއްގެ އަމިއްލަ ބޭނުން ކުރާވަރު އިތުރު ވީމަކަން. މި އަހަރު ލާރި ނެތީމަ ހަރަދު ކުޑަކުރުމުގެ ސަބަބުން ވިޔަފާރިތަކުން ގެނައި ތަކެތި ނުވިކި އަދިވެސް ކުޑަ އަގުގަ.
ބަޑީ
26 April 2021
އެސްޓީއޯއިން އެފަދަ ބައެއް އަސާސީ އެއްޗިސް ނުގެންނަމަ، އަގުތައް ހުންނާނެވަރު އެންމެނަށްވެސް އެގޭނެ އެކަމު، އެބަޔަކު ތާއީދުކުރާ ބަޔަކު ނޫންބަޔަކު ކޮށްފިއްޔާ، އެކަމަށް އިދިކޮޅުވާންޖެހޭނެ، "ހިތަދޫ ހުސެން" އެބުނާނީތާ މިއަހަރު މީހުން އަތުގަ ލާރިނެތީމަކަމަށް، އެކަމު، އެއްޗެހީގެ އަގު ޑިޕެންޑްވަނީ، ޑިމާންޑް އެންޑް ސަޕްލައިއަށް، ކަނޑޫދޫ މިރުސް އެއީ ރަގަޅު މިސާލެއް.
ހިތަދޫ ހުސެން
26 April 2021
"ބަޑީ" ތި ކިޔެނީ ހަމަ އެކައްޗެކޭ އަހަރެން ކުރު ކޮއްލަން ތިހެން ނުލިޔުނީ.. އަހަރެން މި ދެއްކީ އޯވާ ސްޕްލައި ގެ ވާހަކަ، ތިބޭފުޅާ ތި ދައްކަނީ ވީކް ޑިމާންޑް ގެ ވާހަކަ، މައްސަލަ އަކި ވިޔަފާރިވެރިން ގަސްތުގައި އަގުބޮޑު ކުރާތީ އޭ ކިޔާތީ ދެކޮޅު ނުޖެހޭ ވާހަކަ ދައްކާތީ އަބަދު... ކާބޯ ތަކެތި އެކަނި އެއް ނޫން އިގްތިސޯދުގަ ކޮއްމެ އެއްޗެއްގެ އަގު ކަނޑައަޅޭނީ ސަޕްލައި އަދި ޑިމާނޑުން،
ހޯރަބޭ
26 April 2021
100ރ އަށް ޑާޓާ ބަސްތާއެއް ދޭނަމަ