ކުރީގެ ރައީސް ޔާމީންގެ ވެރިކަމުގައި އެ މަނިކުފާނު ސަޕޯޓަރުންނާ ސަލާމް ކުރައްވަނީ.---ފައިލް ފޮޓޯ
29 އެޕްރީލް 2021 - 19:37
65 comments
މަނީ ލޯންޑަރިންގެ ކުށް ސާބިތުވެ ފަސް އަހަރަށް ޖަލަށް ލާފައިވާ ކުރީގެ ރައީސް އަބްދުﷲ ޔާމީން ދެންމެ ގެއަށް ބަަދަލުކޮށްފި އެވެ.
ކަރެކްޝަނަލް ސާވިސް އިން ކުރި ޓުވީޓެއްގައި ބުނީ "ކ. މާފުށީގައި ހަލުވިކަމާއެކު ކޮވިޑް-19 ފެތުރެމުންދާ މި ދަނޑިވަޅުގައި މާފުށީ ޖަލުގެ އޮފިސަރުން ޕޮޒިޓިވްވަމުން ދާތީ، އެ ޖަލުގައި ހުކުމް ތަންފީޒު ކުރައްވަމުން ގެންދަވާ ކުރީގެ ރައީސް އަބްދު ﷲ ޔާމީން އަބްދުލްގައްޔޫމް ވަނީ ވަގުތީ ގޮތުން ގޭބަންދަށް ބަދަލު ކުރެވިފަ" ކަމަށެވެ.
ނަމަވެސް އެ މަނިކުފާނު ގެ އަށް ބަދަލުކުރީ ކިހާ ދުވަހަކަށް ކަމެއް އަދި މިކަމުގެ ފަހަތުގައި ކަނޑައަޅާފައިވާ ޝަރުތުތަކެއް ކަރެކްޝަނަލް ސާވިސްއަކުން ނުބުނެ އެވެ.
މަނީ ލޯންޑަރިންގެ ކުށް ސާބިތުވުމުން، ޔާމީން ޖަލަށްލައި ޖޫރިމަނާކުރަން ކްރިމިނަލް ކޯޓުން ހުކުމްކުރީ ނޮވެމްބަރު 28، 2019 ގަ އެވެ.
ޔާމީންގެ މައްޗަށް ދައުލަތުން މަނީ ލޯންޑްރިންގެ ދައުވާކުރީ އެ މަނިކުފާނުގެ ނަމުގައި އޮތް އެކައުންޓަކަށް އެމްއެމްޕީއާރުސީގެ ޚިޔާނާތުގެ ފައިސާ ދައުރުކުރި އެސްއޯއެފް ކުންފުނިން އެއް މިލިއަން ޑޮލަރު ޖަމާކުރި މައްސަލައިގަ އެވެ. އެ ފައިސާ އެންޓި ކޮރަޕްޝަން ކޮމިޝަން (އޭސީސީ) އާ އެކު ހަދާ އެސްކްރޯ އެކައުންޓެއްގައި ބަހައްޓަން އެއްބަސްވެ ވަޑައިގަތުމަށް ފަހު، އެހެން ފައިސާތަކެއް އެސްކްރޯ އެކައުންޓަށް ޖަމާކޮށް އަދި އެސްއޯއެފުން ޖަމާކުރި ފައިސާ އިސްލާމިކް ބޭންކްގެ ޖެނެރަލް އިންވެސްޓްމަންޓް އެކައުންޓަކަށް ބަދަލުކޮށް އެ ފައިސާގެ އަސްލު އޮޅުވާލި ކަމަށް ޔާމީންގެ މައްޗަށް ވަނީ ސާބިތުވެފަ އެވެ.
ޔާމީން، ގެ އަށް މި ބަދަލުކުރީ، އެ ކަމަށް އެދި އެ މަނިކުފާނުގެ އާއިލާ އާއި ޕީޕީއެމްގެ އިސްވެރިން ރައީސް އިބްރާހިމް މުހައްމަދު ސޯލިހުގެ އަރިހުގައި އެދޭތާ އެތައް ދުވަހެއް ފަހުންނެވެ. އަދި އެކަމަށް އެދި ޕީޕީއެމް/ޕީއެންސީ ކޯލިޝަނުް މަގުމަތީގައި އިހުތިޖާޖުތައްކޮށް، ސަރުކާރަަށް ފިއްތުންތައް ކުރިމަތި ކުރާތާ ވެސް އެތައް ދުވަހެއް ވެއްޖެ އެވެ.
މި މަހުގެ 12 ގައި ރައީސް ބޭއްވެވި މީޑިއާ ބްރީފިންގައި، ޔާމީން މި ރޯދަމަހު ގެ އަށް ބަދަލުކުރާނެތޯ ނޫސްވެރިއަކު ސުވާލު ދެންނެވުމުން ވިދާޅުވީ، ޔާމީނަށް "ދެރަގޮތެއް" ނުވާނެ ކަމަށެވެ.
ރައީސް އެ ދުވަހު ވިދާޅުވީ، ޔާމީން ގެއަށް ބަދަލުކުރުމާ ގުޅޭގޮތުން އެ މަނިކުފާނުގެ އަނބިކަނބަލުން ފާތިމަތު އިބްރާހިމްގެ ސިޓީފުޅެއް ލިބިވަޑައިގެންފައިވާ ކަަމަށެވެ. އަދި ޕީޕީއެމް/ޕީއެންސީ ކޯލިޝަންގެ އިސްބޭފުޅުން ވެސް ކުރީ ހަފުތާގައި އެ މަނިކުފާނާ ބައްދަލުކުރައްވައި ޔާމީނަށް ލުޔެއް ދިނުމަށް އެދިވަޑައިގެންފައިވާ ކަމަށެވެ.
ޔާމީންގެ މައްޗަށް ކޮރަޕްޝަންގެ އިތުރު ތުހުމަތުތައް ވެސް ކުރެ އެވެ. އަދި ބައެއް މައްސަލަތައް މިހާރު ވެސް އޮތީ ކޯޓު މަރުހަލާގަ އެވެ. ބައެއް މައްސަލަތަކުގެ ތަހުގީގު އަދިވެސް ކުރިއަށް ދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
01 May 2021
ސިޔާސީ ޚަތުރުން ގެންގުޅެވިދާނެ ޖަލުގައި އަބަދުވެސް. ޚުދުމުޚުތާރު ނާއިންސާފު ގައުމުތަކުގައި ވަރަށް އާންމުކަމެއް. ނަމަވެސް ވެރިކަމުގައި ތާއަބަދު ބަގުޑިބައްދައިގެން އުޅެން ބޭނުންވާ ބަޔަކަށް އެކަމެއްވެސް ނުވޭ. ވަގުތުޖެހުމުން ނިމިގެން ދޭ.
އެޗްއެމް
30 April 2021
ޔާމީނު ވެރިކަމުން ފައިބަން ޖެހުނީމަވެސް ޝުކުރު، ޖަލަށް ލީމަވެސް ޝުކުރު، ވަގުތީގޮތުން ގޭބަންދަށް ބަދަލު ކުރީމަވެސް ޝުކުރު، އެބުރި ޖަލަށްދާ ދުވަހަކުން ވެސް ޝުކުރު. މި ވެދާނެ ތަފާތު ކެޓެގަރީތަކުގެ ޝުކުރުތައް ކަމަށް!
ގެދާނޯމޮސް
30 April 2021
الحمد لله ما شاء الله ހުރިހާޝުކުރެއް ހުރީ ﷲ ސުބުޙާނަހޫ ވަތަޢާލާގެ ޙަޟުރަތަށެވެ. އަދި އެބޭފުޅަކާއި މެދު ހިތުގަ ބޭއްވި ގަދަލޯތްބެއްގެ އަޙުލުން ކަމުގަވާ އަންހެން ސަޕޯޓަރުންގެ ހިތްތަކުގެ ދުޢާގެ އިޚްލާސްތެރި ކަމަށްޓަކައި ހުރިހާ ބޭފުޅުންނަށް ޝުކުރުއަދާ ކުރަމެވެ. ޅާއްްސަކޮށް ޔާމިންގެ ލޮބުވެތި ބޭބެ މައުމޫނަށްވެސް ޝުކުރު ދަންނަވަމެވެ. " އަޅުގަނޑުމެން ކޯޅޭނެ ގޯސްހަދާނެ " އެކުން މިކުޑަ ޖަޒީރާގައި ނެތި ވަޅުލެވިގެން ދާނީ އިޚްލާސް ތެރިންގެ ގޮތުގައެވެ.
ބުލްބުލާ ހަސަނު
30 April 2021
އަޅުގަނޑު ހީކުރިވަރަށްވުރެ މިޚަބަރަށް ލިބިފާމިއޮތީ ފިނި ތަރުޙީބެއް. ހިތަށް އެރީ ކޮމެންޓު ނަންބަރުތައް 100 ފޫދުއްވާލާނެކަމަށް.
ބަގުޑި
30 April 2021
މާފުށީގައި ދުވަސްވީ ހައިރިސްކް ކުއްވެރިން ބައިވަރު އެބަތިބި. ސޯލިހު ޔާމީނު ގެޔަށް ގެންނަން ދޭއުޒުރަކީ ކޯޥިޑް ފެތުރޭތީ ކަމަށް ވާނަމަ މިއީ ވަރަށް ބޭއިންސާފް ނިންމުމެއް. ދެން މޭގެ ފަހުން ޒީރޯޓަލަރެންސޭ އިންސާފޭ ކިޔާފަ މ.ޑ،ޕ ވެސް އަދި ސޯލިހު ވެސް ނާންނާތީ. ސޯލިހު އަކީ ޒީރޯޓަލަރެންސް ގެ މާނަވެސް ނޭނގޭ މީހެއް. މީހަކު ތަބަކަކަށް ލާފަ ވެރިކަން ދީނީމަ ހިފީ. ކޮންމެ މީހަކު ބުންޏަސް މިއަދު އެބަ ހީވޭ ތީހަމަ ޅޮސްގަހެއް ހެން.
ށަވިޔަނި
30 April 2021
ޔާމީނުއަށް ކޮށްފައިވާ ހުކުމާމެދު އެއްޗެއް ބުނާކަށް ނެތިން. އެކަމަކު ޔާމީނު މިވަގުތު ގެއަށް ބަދަލުކުރިކުރުން އެއީ ވަރަށް ރަނގަޅު ނިންމުމެއް.
ރޯޒަސް
01 May 2021
ހައްތަހާވެސް ރަނގަޅު ކަންތައް.. މައުމޫނުވެސް ރޯދަމަހު ގެއަށް ބަދަލުކުރިނަމަ ރަނގަޅުވީސް.. އެކަމަކު އޭރު ވެރިކަމުގައި ހުރި ކަލޭގެ ނުލަފާކަމުން އެކަންވެސް ވިޔަކަ ނުދިން.
ފާރިހަތު ޖަލީލު
30 April 2021
ފާރިގެ ނަޒަރުގައި ރާއްޖޭގައި ވެރިކަން ކުރެއްވި ފަރާތްތަކުގެ ތެރެއިން އެންމެ ޤާބިލް އެއް ލީޑަރަކީ ރައީސް ޔާމީން. އެމަނިކުފާނުގެ ޒަޢާމަތުގައި ހަލުވި ސްޕީޑުގައި ތަރައްޤީ ގެނައި. އަދި ކޮރަޕްޓް މީހުންނާއި ސްލޯ މީހުންނާއި ބޭކާރު ފަރާތްތަށް ސަރުކާރުން ވަކިކުރުމުގައި ފަސްޖެހިވަޑައިނުގަންނަވާ. ފާރިދެކެން ބޭނުންވާ ހުވަފެނަކީ 2023 ގައި ރައީސް ޔާމީނު ވެރިކަންކުރާތަން!
ނީއްކު
30 April 2021
ތީ ތިކުއްޖާގެ ހިޔާލުތާ. ހިޔާލަށް ކަންކަން ކޮށްގެން ކަމަކުނުދާނެ. ކަންކަންކުރަންޖެހޭނީ ހަގީގަތަށް ބިނާކޮށް.
ސަމަރޭ
30 April 2021
ދެންވެސް އަހަރުމެން ބުރާންތި ކަމުން ކިއުގައި ގަދަ އަވީގައި ތިބެގެން ގޮސް ވޯޓުލާނެއެވެ.. މޮޅުމީހާއަށް މޮޅުގޮތް ދެރަ މީހާއަށް ދެރަގޮތް.. ވޯޓުލުން މި ހިސާބުން ނިމުނީ.. އިބްރާހިމް މުހައްމަދު ސޯލިހުއާ ދޭތެޜޭ ދެކެވުނު އުއްމީދުގެ ހުޅުކޮޅުވެސް ނިވުނީ... ހުސް އަމިއްލަ ފައިދާއާ ޕާޓީ ޕްރޮޕެގެންޑާ ބަލާލި ކޮންމެ ދިމާލަކުންވެސް.. .ރިހާކުރު ފުޅި ނެގި މީހާ އުމުރު ދުވަހު ޖަލުގަ.. ގައުމުގެ ބައިތުލްމާލު އެއްނޭވާއިން ފެންފޮދަކާވެސް ނުލާ ދިރުވާލި މީހާ އާއިލާއާއެކު ގޭގަ... ކޮންފަދަ ބޭއިންސާފަކާ ހިތާމައެއްތޯ ވޯޓުލީ ރައްޔިތުންނަށް....
ނަންނި
30 April 2021
އުނބަށް ޖެހީ ދޯ! ހަހަހަަހަ
ތުއްތޮންބެ
30 April 2021
ﷲއަކުބަރު އޯގާވުމެއްނެތި ދޫތަކާއަތް ބަންދުކޮއްލިޔަކަސް ތަގުދީރުގާ ތިގޮތައްއަތުން ހިފެހެއްޓިދާނޭތޯ ކަށިތައް ހިތާއިފުރާނަޔައްހެރި ރޫހުނެތިދިޔަޔަސް ހަށިގަނޑުގަ ވިންދުޖަހާއަސަރު ފޮހެލެވޭނޭތޯ އެތަކެއް އަހަރުވޭތުވެދިޔަސް ފެނިވެސްނުލާ ޔާމިން ފެހިގަސްތަކެއްހެދި ރީތިމާތައް ފަހެނުފޮޅިދާނޭތޯ.