އެސްޓީއޯގެ އަހަރީ އާންމު ޖަލްސާގައި އެ ކުންފުނީގެ މެނޭޖިން ޑިރެކްޓަރު އަމުރް (މ) އަދި ބައެއް ޑައިރެކްޓަރުން: -ފޮޓޯ: ނިޝާން އަލީ/މިހާރު
11 މެއި 2021 - 22:19
3 comments
ސަރުކާރު ހިއްސާވާ އެންމެ ބޮޑު ކުންފުނި، އެސްޓީއޯ އަށް މިދިޔަ އަހަރު ލިބުނު ފައިދާއިން ހިއްސާއަކަށް 60ރ. ބަހަން ބޯޑުން ނިންމައިފި އެވެ.
ޑިވިޑެންޑްގެ ގޮތުގައި މި އަދަދު ބަހަން ފާސް ކުރީ މިއަދު ބޭއްވި އެ ކުންފުނީގެ ބޯޑު ބައްދަލުވުމުގަ އެވެ. މި އަދަދު ދޭން މުޅިން ނިންމާނީ ހިއްސާދާރުންގެ އާންމު ބައްދަލުވުމުގަ އެވެ.
އެސްޓީއޯއަކީ މިދިޔަ އަހަރު އެންމެ ބޮޑު ފައިދާ ލިބުނު އެއް ކުންފުންޏެވެ. ސަބަބަކީ ކޮވިޑްގެ މި ހާލަތުގައި އެ ކުންފުނިން ސިއްހީ ދާއިރާ އަށް ބޭނުންވާ ސާމާނާއި އެހެނިހެން ސާމާނު ވެސް ހޯދުން އިތުރު ކުރުމެވެ. މިދިޔަ އަހަރުގެ ފައިދާގެ ތަފްސީލުތައް ހާމަކޮށް އެ ކުންފުނިން ނެރޭ އަހަރީ ރިޕޯޓު ނެރުން ވަނީ ފަސްކޮށްފަ އެވެ. އަހަރީ ރިޕޯޓު ނެރުން ފަސް ކުރީ އެ ކުންފުނީގެ ސަބްސިޑަރީ ކުންފުނިތަކާ ގުޅޭ އޮޑިޓް މަސައްކަތްތަކެއް ކުރާތީ ކަމަށް އެ ކުންފުނި ބުނެ އެވެ. އެ ކުންފުނިން ބުނީ މި މަހުގެ 15 ގެ ކުރިން މިދިޔަ އަހަރުގެ އަހަރީ ރިޕޯޓު ނެރޭނެ ކަމަށެވެ.
އެސްޓީއޯގެ 2019 ވަނަ އަހަރުގެ ފައިދާއިން ހިއްސާދާރުންނަށް ބަހަން ނިންމީ ހިއްސާއަކަށް 58ރ. އެވެ. އެ އަހަރު ވެސް އޭގެ ކުުރީ އަހަރަށް ވުރެ ލިބުނު ފައިދާ 95 ޕަސެންޓް އިތުރުވެފައިވެ އެވެ. އެސްޓީއޯ ގްރޫޕަށް 2019 ވަނަ އަހަރު ފައިދާ އުޅެނީ 383 މިލިއަން ރުފިޔާގަ އެވެ. އަދި ވަކިން ބަލާ ނަމަ ސާފު ފައިދާގެ ގޮތުގައި އެ ކުންފުންޏަށް 300 މިލިއަން ރުފިޔާ ލިބިފައިވެ އެވެ. އެ ކުންފުންޏަށް އެއަހަރު 10 ބިލިއަން ރުފިޔާގެ އާމްދަނީއެއް ލިބުނެވެ.
މިދިޔަ އަހަރުގެ ހަތަރު ކުރާޓަރުގައި ވެސް އެ ކުންފުންޏަށް ލިބުނީ ފައިދާ އެވެ. އެގޮތުން މިދިޔަ އަހަރުގެ ފަހު ކުރާޓަރުގައި އެ ކުންފުންޏަށް 91 މިލިއަން ރުފިޔާގެ ފައިދާއެއް ލިބުނެވެ. އަދި މިދިޔަ އަހަރުގެ ތިން ވަނަ ކުއާޓަރުގައި 100 މިލިއަން ރުފިޔާގެ ފައިދާ އެއް ލިބުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
12 May 2021
އެސްޓީއޯއިން ހުޅުމާލޭގައި ހަދާފައިވާ ސިޓީ ހޮޓާ ހޯލްސޭލް ޓްރޭޑް ސެންޓަރަކަށް ބަދަލުކުރަންވީ ނޫންތޯ. # އަދި އެސްޓީއޯއިން އެތެރެކުރާ ސްޓޭބްލް ފޫޑްސްގެ އިތުރުން ރާއްޖެއަށް ކާބޯތަކެތީގެ ބާވަތްތައް އެތެރެކުރާ ފަރާތްތަކުގެ މުދާ (ކުންފުނިން އެޑްވާންސްކޮށް ފައިސާ ދައްކާން ނުޖެހޭގޮތަށް) އެތަނުގައި ވިއްކޭނެ އިންތިޒާމް ވެސް ހަމަޖައްސާ ރާއްޖޭގެ އެންމެ ބޮޑު ހޯލްސެލް ސެންޓަރަކަށް އެތަން ބަދަލުކޮށް "އެސްޓީއޯ މެގަ ސްޓޯރ" އެތަނުގައި ހުޅުވާންވީ ނޫންތޯ؟
ސަޓު
12 May 2021
އެސްޓީއޯގެ ފާއިދާ 2016 ހިސާބުގައި އުޅުނީ 700 މިލިއަނުން މަތީގައި ކަން ހުރިހާ ބޭފުޅުންނަށް ހަނދާންކޮށްދެން
އޮނަރަބްލް އަފީފު ދީދީ
11 May 2021
ދައުލަތާއި ރައްޔަތް ޙިއްސާވާ ޕަބްލިކް ކުންފުނި އެސްޓީއޯގެ ޕްރޮކިއުމަންޓްސް އަކީ އެންމެ ވިޔާނުދާކޮށް ކުންފުނީގައި އިސްރާފަށް ނުވަތަ މާލީ މަންފާ ކުންފުންޏަށް ނުލިބި ސަޕްލަޔަރުންގެ މަންފާއަށް ކަންކަން ކުރަމުންދާ ޑިވިޝަނެއްކަން ފާހަނގަ ކުރެވޭ. # މިގޮތުން ކަޕް ނޫޑެލްސް، ޗިކެން ރިންގްސް، އެކި ފާޑު ފާޑުގެ ސްޕައިސް އާއި މެޓާ، ވެފާރ ފަދަ ކޮންމެހެން ގެންނާން ނުޖެހޭ އެތައް ބާވަތެއްގެ ތަކެތި ގިނައަދަދަކަށް އެތެރެކޮށް އުކާލަމުންވެސް އެބަދޭ. މިކަން ހުއްޓުވާ.