އެމްޓީޑީސީގެ އަހަރީ އާންމު ޖަލްސާއެއްގެ ތެރެއިން
15 މެއި 2021 - 12:07
19 comments
އެމްޓީޑީސީން ހިއްސާއަކަށް 80 ލާރި ބަހަން އެ ކުންފުނީގެ ބޯޑު ޑިރެކްޓަރުން ނިންމައިފި އެވެ.
އެމްޓީޑީސީން މިދިޔަ މަހުގެ 29 ވަނަ ދުވަހު ބޭއްވި ބޯޑު ބައްދަލުވުމުގައި މިގޮތަށް ނިންމި ނަމަވެސް ހިއްސާގެ ފައިދާ ބެހުމާ މެދު ގޮތެއް ނިންމައި ފާސްކުރާނީ އެ ކުންފުނީގެ އަހަރީ އާންމު ޖަލްސާގަ އެވެ. ހިއްސާ ބަހާނީ މިމަހުގެ 25 ކުރިން ކުންފުނީގައި ރަޖިސްޓްރީ ވެފައިވާ ހިއްސާދާރުންނަށެވެ.
މިދިޔަ އަހަރަކީ 11 އަހަރަށް ފަހު އެ ކުންފުނިން ހިއްސާގެ ފައިދާ ފުރަތަމަ ބެހި އަހަރެވެ. ހިއްސާގެ ފައިދާގެ ގޮތުގައި އެ ފަހަރު ބެހީ ހިއްސާއަކަށް 50 ލާރި އެވެ.
އެމްޓީޑީސީ އަށް މިދިޔަ އަހަރު 50.9 މިލިއަން ރުފިޔާގެ ފައިދާވި އެވެ. މާލީ ބޮޑެތި މައްސަލަތަކެއްގައި އޮތް ކުންފުންޏަކަށް މިއީ 2019 ވަނަ އަހަރާ އަޅާބަލާއިރު 115 ޕަސެންޓުގެ އިތުރުވުމެކެވެ.
އެމްޓީޑީސީން ބުނީ މިއީ ޓެކްސް އަށް ނުކަނޑައި އެންމެ ބޮޑު ފައިދާއެއް ލިބުނު އަހަރު ކަމަށެވެ.
އެމްޓީޑީސީން އެންމެ ފުރަތަމަ ހިއްސާ ވިއްކަން ފެށީ 2007 ވަނަ އަހަރު އެވެ. އެ އަހަރުން ފެށިގެން 2014 ވަނަ އަހަރާ ހަމައަށް ހިއްސާއެއް ވިއްކަމުން އައީ 100ރ. އަށެވެ. ނަމަވެސް 2014 ވަނަ އަހަރުން ފެށިގެން ހިއްސާއެއްގެ މޫނުމަތީ އަގު 10ރ. އަށް ވަނީ ދަށްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޫމަން
15 May 2021
ތިއޮތީ ރަގަޅު ބޯޑެއް ހޮވާފަ. ސުކުރިއްޔާ
ކޮރަލް
15 May 2021
އަހަރަކު އެތެރޭގެ ހަރަދު ތަކަށް ދާވަރު ހާމަކޮށްލަބަލާށެވެ.
ސޯލިހު
15 May 2021
15 އަހަރުން ދެފަހަރު ހިއްސާބެހުނީމަ ހާދަބޮޑުވަރެކޭތީ. ދެފަހަރު ބެހިއިރު .50 ލާރި އަނެއްފަހަރު 80 ލާރި. ކަލޯގަޔާ މިއޮތީވާ ކަމެއް.
ކުޑބެ
15 May 2021
2007 ކުން 2021 ދެފަހަރު ހިއްސާބެހުނީމަ ތިޔަވީ. ރާއްޖޭގެ ހާލަތު މީ. ގޯހެއްނޫން ތިވަރު.
ކުޑަބެ
15 May 2021
އަދި އެންމެ ދެފަހަރުތަ ހިއްސާބެހީ. 2007 ކުން 2012. ދެފަހަރުވެސް ހާދަ ބައިވަރެކޭ މިބަހާލީ. ތި ބޯޑުގަ ތިބި އެންމެން ބާލަން ފެންނަނީ. ތީ ބޮޑުވަރު . ތި ޖަލްސާގަ ބައިވެރިވާ އެންމެން ކާލާ ތިވެސް. އެއީ ގައުމުގެ ހާލަތު
80 ލާރި
15 May 2021
މަށަށް ލިބެން އޮތް 80 ލާރިއެއް އޮތިއްޔާ ކަލޯމެންނަށް! ?
ރަނގަޅު
15 May 2021
100 ޙިއްޞާ ހުރި މީހަކަށް މިހާރު 1000 ޙިއްޞާ ލިބޭ ގޮތަށް ޝެއަރ ވަނީ ސްޕްލިޓް ކޮށްފައި، އެހެންވެ 80 ލާރި ބެހުމުން 100 ހިއްސާ ގަތް މީހަކަށް 800ރ ލިބޭނެ. އެއްޗެއް ނުލިބި ހުރެފައި މިވަރު ލިބުނީމަވެސް އުފާވޭ
ާމަންޖެ
16 May 2021
ކޮން ކަހަލަ ހިސާބެއް! 0.80*100=8
އެސޮރު ކޮއި
16 May 2021
މަންޖެގެ ހިސާބު ރަނގަޅު ނޫން ކަމަށް ފެނޭ.. 0.80*100=80 އަދި "ރަނަގަޅު" ބުނަން އެއުޅެނީ 0.80*1000=800ރ.
ޢަލީބެ
16 May 2021
އެމްޓީޑީސީގެ ގިނަ ޙިއްސާ ދާރުންނަށް ޙިއްސާގެ އަގު ވަނީ އަނބުރާ ލިބިފައި ،
ބޮކި
15 May 2021
އަހަރެންނަމަ ދޭނީ އެންމެ 1 ލާރި....
މަބުނީ
15 May 2021
ތިތާ ތިބީ މީހުން ޑިވިޑެންޑް ޑިކްލެއަރ ކޮށް އެ ދުވަހަކުވެސް ނުބަހާ. ކީއްތަ ޥާނީ ޝެއަރހޯލްޑަރުންގެ އެކައުންޓްތައް ހޯދާ އެ ބަހަން އުޅެބަލަ. ޑިވިޑެންޑް ދިންކަމަށް ބުނެ އެ ލާރިކޮޅުވެސް ބޭނުން ކުރަނީ.
ގުދުގާބެއްޔާ
15 May 2021
މިއީ ރާއްޖޭގެ ސްޓޮކް މާކެޓްގެ ފެންވަރު. މަގޭ ރައްޓެއްސެއް ގަޔަށް ހިނިއަރައިގެން އުޅޭހެން ހިއްސާ ދަރިންނައް ގަނެދޭށޭ މިއުޅެނީބުނީމަ މަބުނީ ތިޔައީ ބޭކާރު ކަމެކޭ! ފައިސާ ގިނަވެންހޭ ތިޔައުޅެނީ! މިއޮތީ މަބުނިތަން އައިސްފަ!؟ ކީއްކުރާ 80 ލާރިއެއް!