"އެކަމަށް ފުލުހުންގެ ތެރެއިން އެންމެ ފުރަތަމަ 450 އެއްހާ އޮފިސަރުން ހާއްސަ ކުރެވި ތަހުގީގުކުރުމުގެ މަސައްކަތް ފެށި، މިއަދާ ހަމައަށް އައި އިރު އެކަށީގެންވާ ކުރިއެރުމެއް ލިބިފައި ވޭ"
ރައްޔިތުންގެ މަޖިލިހުގެ ޖަލްސާ އެއްގައި ހޯމް މިނިސްޓަރު އިމްރާން ޖަވާބުދާރީވެވަޑައިގަންނަވަނީ. އޭނާ މިއަދު ވިދާޅުވީ ނަޝީދަށް ދިން ހަމަލާގެ ތަހުގީގަށް އެކަށީގެންވާ ކުރިއެރުން ލިބިއްޖެ ކަމަށް---ފޮޓޯ: މަޖިލިސް
24 މެއި 2021 - 09:54
11 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ބޮޑުމުގެ ހަމަލާގެ މައްސަލަ ތަހުގީގުކުރަން 450 އެއްހާ ފުލުހުން ހާއްސަކޮށްފައިވާ ކަަމަށާއި އެ ތަހުގީގަށް ކުރިއެރުން ލިބެމުން އަންނަ ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި ތިމަރަފުށީ ދާއިރާގެ މެމްބަރު، އަބްދުﷲ ރިޔާޒް ކުރައްވާ ސުވާލަކަށް ޖަވާބު ދެއްވަން ވަޑައިގެންނެވުމުން، ރިޔާޒް އެދިވަޑައިގަތީ ހަަމަލާގެ ތަހުގީގާ ބެހޭ ގޮތުން އެއްޗެއް ވިދާޅުވުމަށެވެ. އިމްރާން ވަޑައިގަތީ ތިމަަރަފުށީގައި ފުލުހުންގެ މަރުކަޒެއް އެޅުމާ ބެހޭ ގޮތުން މިދިޔަ މާޗްމަހު ފޮނުއްވާފައިވާ ސުވާލަކަށް ޖަވާބު ދެއްވުމަށެވެ.
ނަމަވެސް ސުވާލުކުރައްވަން ލިބިވަޑައިގަތް ފުރުސަތުގައި ރިޔާޒް ވިދާޅުވީ މިހާރުގެ ހާލަތުގައި އެ ޓެރަރިސްޓް ހަމަލާ އާއި ކޮވިޑްގެ ބަލިމަޑުކަމާ ބެހޭ ގޮތުން މިނިސްޓަރު އެއްޗެއް ވިދާޅުނުވަނީސް އަސްލު ސުވާލައިގެން ކުރިއަށްދާން ދަތި ކަަމަށެވެ. އެހެންވެ، އެ ސުވާލު ކުރެއްވުމުގެ އިޒުނައަށް އޭނާ އެދިވަޑައިގަތެވެ.
"އެކަމަށް ފުލުހުންގެ ތެރެއިން އެންމެ ފުރަތަމަ 450 އެއްހާ އޮފިސަރުން ހާއްސަ ކުރެވި ތަހުގީގުކުރުމުގެ މަސައްކަތް ފެށި، މިއަދާ ހަމައަށް އައި އިރު އެކަށީގެންވާ ކުރިއެރުމެއް ލިބިފައި ވޭ،" އިމްރާން ވިދާޅުވި އެވެ.
ނަމަވެސް އޭނާ ވިދާޅުވީ ތަހުގީގު ކުރިއަށްދާ ސްޕީޑާ ދޭތެރޭގައި ހިތްހަމަޖެހިވަޑައިނުގަންނަވާ ކަމަށެވެ. އެއީ މިހާރު އޮތް ކޮޮވިޑްގެ ބަލިމަޑުކަމުގެ ސަބަބުންނާއި އެނޫން ގޮތްގޮތުން ހުރި ގޮންޖެހުންތަކުގެ ސަބަބުން ކަމަށް މިނިސްޓަރު ވިދާޅުވި އެވެ.
"މިހާރު ވެސް ހައްޔަރުކޮށްފައި ތިބި ހަތަރު މީހުން ތިބީ [ކޮވިޑަށް] ޕޮޒިޓިވް ވެފައި. އަދި އަދި ޓީމްގެ ވަރަށް ގިނަ އޮފިސަރުން ވެސް ތިބީ ޕޮޒިިޓިވްވެފައި،" އިމްރާން ވިދާޅުވި އެވެ.
ނަަމަވެސް ތަހުގީގަށް ހޭދަކުރަމުން އަންނަ ވަގުތާއި ލަމުން އަންނަ ހިތްވަރާ މެދުގައި ހިތްހަމަޖެހިވަޑައިގަންނަވާ ކަަމަށެވެ. އެގޮތުން ހަމަލާއަށް ފަހު އައި ފުރަތަމަ ދެތިން ދުވަހު ބައެއް ފުލުހުން މަސައްކަތްކުރަމުން ދިޔައީ 24 ގަޑިއިރު ކަމަށް ވެސް މިނިސްޓަރު ވިދާޅުވި އެވެ.
މިމަހުގެ ހަ ވަނަ ދުވަހު ރައީސް ނަޝީދު އަވަހާރަކޮށްލަން ދިން ބޮމުގެ ހަމަލާގައި އެ މަނިކުފާނު ވަރަށް ބޮޑަށް ޒަހަމްވުމުން އޭޑީކޭ ހޮސްޕިޓަލްގައި ގިނަ ސާޖަރީތަކެއް ހެދި އެވެ، އަދި ފަހުން ވަނީ އިތުރު ފަރުވާ އަށް ޖަރުމަނަށް ވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮގުބެ
24 May 2021
ކިހާވަރެއްގެ ކުރިއެރުމެއްބާ. 3 ކުދިން ނާހިސާބުން ތިކަން ނިމޭނެ. ތީ އަފުރާސިމް މައްސަލައިގެ ހެކި ހުރިމީހާ. މިހާރުވެސް ދޮގު
ޖުލެކްސް
24 May 2021
ހަމަލާ ދެވުނު ބޭފުޅާގެ ހާދިސާގެ ތަހުގީގު ކުރިއަށް ނުގޮއްސިއްޔާ މިގައުމުގަ އެއްވެސް ތަހުގީގެއް ކުރިއަކަށްނުދާނެ. އެހާވެސް މުހިއްމު ބޭފުޅެއް އެބޭފުޅާއަކީ. ކުރިން ތިބި ވެރިންގެ ފުރާނައިގެ އަގު ނައްތާލައިގެން އުޅުނަސް މިހާރު ހަމަލާ ދެވުނު ބޭފުޅާގެ ފުރާނައަކީ ރަނުން ހަދާފައިވާ އެއްޗެއް ކަމަށް ވެގެން އުޅޭނީ.
މިވަރެއްނެތް
24 May 2021
ކަލޯގެޔާ ވީޑިޔޯއިން ފެނެއެއްނުން ބޮން ގޮއްވިސޮރާއި ކުރިކަންކަން. އަދި ސައިކަލުގެ ސީރިއަލް ނަންބަރުވެސް ވަގުތުން ލިބި ޑީއެންއޭވެސް ހޯދުނެއްނޫންދޯ؟ އެހެންވާއިރު ދައުވާނުކޮށް ލަސްވާ ސަބަބު ބުނެދީބަލަ
ސަސި
24 May 2021
މާ ބޮޑު ކަމެއް ނުވާ ކަމަށް ބުނީ ވެސް ހަމަ މި އިމުރާނުދޯ
ކަރުކެހި
24 May 2021
އިމްރާނު އިސްތިއުފާ ދެއްވަންޖެހޭނެ ތިޔަ ތަހުގީގު ނިމުމުން ތިޔަ އިމްރާނަކީ މިހާރު ބަލައިގަނެވޭނެ މީހެއްނޫން
ފަރުދެއް
24 May 2021
މިގައުމުގަ އާންމު ފަރުދުންނަށް ނުލިބޭ އިންސާފެއް، އަންނި ނުވަތަ ނަޝީދު ކިޔައިގެން ލިބެންޖެހޭ ކަމަކަށް އަޅުގަނޑު ނުދެކެން.
ނަރުދަމާ
24 May 2021
އަދާކަތު ޕާޓީގެ ރައިސްކަން ލިބުނު ގޮތާމެދު ސައްކު އުފެދޭ
އޮސްކާ
24 May 2021
ގައުމުގެ ފޯކަސް އޮތީ ވަކި ސިޔާސީ ބައެއް ހިމާޔަތް ކުރުމުގައި. ދިވެހިންނަށް ވިސްނޭނެ ދުވަހެއް ނެތް. ތިމާ މައިންބަފައިންނާއީ އަނބިދަރިން ދޫކޮށްފައިވެސް ބަލަނީ ސިޔާސީ މިހާ ހިމާޔަތް ކުރުމުގައި. ވަކި ކުލައެއްގެ ފިކުރު ދެމެހްޓުމަށް. ވަނީ ގެއްލުމެއް ތޯ ފައިދާ އެއްތޯ ބެލުމެއްނެތް. ތިމާ ރުހޭމީޙާ މިނިސްޓަރުކަމުގައި ރައިސްކަމުގައި ހުރީމާ ކަމެއް ފުދި ނިމުނީ.
އަސަރެއް
24 May 2021
މަރުޙޫމް ޑރ. އަފްރާޝީމްއާއި ނޫސްވެރިޔާ ރިޟުވާނުގެފަދަ އެތަކެއްމައްސަލަ ނުނިމި، ވާނުވާގައިވަނިކޮށް މިކަހަލަވާހަކަ ސަރުކާރުންދެއްކީމަ ލަވަނީހޮޑު! މިނިސްޓަރޫ......އަމިއްލައަށް ތިވެވަޑައިގަންނަވަނީ އޮރިޠާން! ހޭބަލިވެދާނެ!
އެދުރުކަލޭގެފާނު
24 May 2021
ތިޔަކަމުގެ ދާއިމީ ހައްލަކީ ހޯމް މިނިސްޓަރާއި ޑިފެންސް މިނިސްޓަރުކަމަށް ދާއިރާގެ ތަޖުރިބާ ހުރި ސިޔާސީ ފަރާތްތަށް އައްޔަން ކުރުމެވެ. ހުރިހާ އައްޔަންކުރާ މަޤާމަކީ ހަމައެކަނި ސިޔާސީ ވިސްނުމަށް ބަލައިދޭ މަޤާމުކަމަށް ނަހައްދަވާށެވެ. މިހާކަށް ހާވަރަށް ވިސްނޭނެ ކަމަށް ބަލައި ރައީސްކަމަށް ބޭފުޅަކަށް ރައްޔިތުން ވޯޓްދިނީ!