އެސްޓީއޯ އަހަރީ އާއްމު ޖަލްސާގައި އެ ކުންފުނީގެ ބޯޑު މެމްބަރުން ބައިވެރިވެލައްވަނީ-- ފޮޓޯ: އެސްޓީއޯ
31 މެއި 2021 - 19:38
1 comments
އެސްޓީއޯ އަށް މިދިޔަ އަހަރު ލިބުނު ފައިދާއިން ހިއްސާއަކަށް 60ރ. ބަހަން މިއަދު ފާސްކޮށްފި އެވެ.
އެ ކުންފުނީގެ "އީ ވޯޓިން" ޕޯޓަލް މެދުވެރިކޮށް ބޭއްވި އެސްޓީއޯގެ މިދިޔަ އަހަރުގެ އަހަރީ އާއްމު ޖަލްސާގައި ހިއްސާއަކަށް 60ރ. ބަހަން ފާސްކޮށްފައިވަނީ ހާޒިރުވި ހިއްސާދާރުންގެ އަޣުލަބިއްޔަތުންނެވެ. މި ޖަލްސާގައި އެ ކުންފުނީގެ 682 ހިއްސާދާރުން ބައިވެރިވި އެވެ.
މިދިޔަ އަހަރުގެ ފައިދާ އިން ހިއްސާއަކަށް 60ރ. ބަހަން އެސްޓީއޯ އިން ފާސްކޮށްފައިވާއިރު 2019 ވަނަ އަހަރު އެ ކުންފުނިން ހިއްސާ އަކަށް ބަހާފައިވަނީ 58ރ. އެވެ.
މިދިޔަ އަހަރު އެސްޓީއޯ އަށް އާމްދަނީގެ ގޮތުގައި 8.5 ބިލިއަން ރުފިޔާ ލިބުނުއިރު، ސާފު ފައިދާއަކީ 127 މިލިއަން ރުފިޔާ އެވެ.
މިއަދުގެ ޖަލްސާގައި އެ ކުންފުނީގެ ހިއްސާދާރުން ވަނީ އާއްމުންގެ ތެރެއިން ބޯޑަށް މެމްބަރަކާއި ކުރިއަށް އޮތް އަހަރުގެ އެ ކުންފުނީގެ އޮޑިޓަރުން ވެސް ހޮވައިފަ އެވެ. ވޯޓު ލީ ހިއްސާދާރުންގެ އަޣުލަބިއްޔަތުން އާއްމުންގެ ފަރާތުން ބޯޑަށް އާމިނަތު ރުޝްމާ އައްޔަން ކޮށްފައިވާއިރު، އޮޑިޓަރުންގެ ގޮތުގައި ފާސްކުރީ ޕްރައިސް ވޯޓާ ހައުސްކޫޕާސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްބެ
31 May 2021
ތިޔަކުންފުންޏަކީ މައުމޫން ދައުރުގައި ހިއްސާއަކަށް 70-77 ރުފިޔާ ބަހާފައިވާ ކުންފުންޏެއް. މިއަދު ކުންފުނީގެ ފައިދާ މިދަނީ ދަށަށް. ހަޤީގަތުގައި މިހާރު ހިއްސާއަކަށް 100 ރުފިޔާއަށްވުރެ މަތިން ލިބެންވާނެ.