ވިޔަފާރި / އެސްޓީއޯ

އެސްޓީއޯއިން ރާއްޖެއަށް "ގްރީން ކޮންކްރީޓް" ތައާރަފު ކުރަނީ

އެސްޓީއޯގެ ސައިޓެއްގައި ސިމެންތި މިކްސް ކުރުމުގެ މަސައްކަތް ކުރަނީ--ފޮޓޯ:ނިޝާން އަލީ/މިހާރު

އިދުހާމް ނައީމް، މިހާރު

05 ޖޫން 2021 - 22:50

3 comments

އެސްޓީއޯ ކޮންސްޓްރަކްޝަން ސޮލިއުޝަންސް އިން ރާއްޖެއަށް "ގްރީން ކޮންކްރީޓް" ތައާރަފު ކުރަން ތައްޔާރުވެއްޖެ އެވެ.

ގްރީން ކޮންކްރީޓަކީ ތިމާވެއްޓާއި ރައްޓެހި ކޮންކްރީޓެކެވެ. މި ކޮންކްރީޓުން ޖައްވަށް ބެރުކުރާ ކާބަންޑައޮކްސައިޑް 30 ޕަސެންޓަށް ކުޑަކޮށްދެ އެވެ.

އެސްޓީއޯއިން ބުނީ މި ކޮންކްރީޓަކީ އެހެން ކޮންކްރީޓާ ހިލާފަށް ގުދުރަތީ ބާވަތްތަކާއި ރިސައިކަލް މާއްދާތައް ބޭނުންކޮށްގެން އުފައްދާފައިވާ ކޮންކްރީޓެއް ކަމަށެވެ. އަދި މި ކޮންކްރީޓު މިއަހަރުގެ ސެޕްޓެމްބަރު މަހު ތައާރަފު ކުރެވޭނެ ކަމަށް ވެސް އެ ކުންފުނިން ބުންޏެވެ.

މި ކޮންކްރީޓް ސަޕްލައި ކުރާނީ އެސްޓީއޯގެ ރެޑީމިކްސް ކޮންކްރީޓް ސަޕްލައި ކުރާ ވެހިކަލްތައް ބޭނުންކޮށްގެންނެވެ.

އެސްޓީއޯއިން މިހާރު ވެސް އަންނަނީ ތިމާވެއްޓާ ރައްޓެހި އިމާރާތް ކުރުމުގެ ސާމާނު ވިއްކަމުންނެވެ. މީގެ ތެރޭގައި "ރެނާކޮން" ގާ ހިމެނެ އެވެ. ދެ ހާސް ނަވާރަ ވަނަ އަހަރު ބާޒާރަށް ނެރުނު މި އުފެއްދުމަކީ މިހާރު ރާއްޖޭގެ އިމާރާތް ކުރުމުގެ ދާއިރާގެ ގިނަ ބައެއްގެ މެދުގައި މަގުބޫލުކަން ހޯދާފައވާ އުފެއްދުމެކެވެ. ރެނަކޮން ގަލަކީ "އީކޯ ފްރެންޑްލީ" ދަރަޖަ ލިބިފައިވާ ރީސައިކަލް މާއްދާތައް އެކުލަވައިގެން އުފައްދާ ގަލެކެވެ.

ކޮންސްޓްރަކްޝަން ދާއިރާ އެސްޓީއޯ އިމާރާތްކުރާ ސާމާނު

3 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ ބުހައިރީ

06 June 2021

ތިޔަ ފޮޓޯއިން ވެސް ދައްކުވައިދެނީ ތިމާވެއްޓާއި ރައްޓެހިކަން. ޖަމްބޯ ބޭގް ފަޅާނުލާ ހުސްކުރެވޭނަމަ ދެވަނަ ފަހަރު ބޭނުންކުރެވޭނެހެން ހީވަނީ. ތުމާވެށި ކިޔައިގެން ލޯނުހޯދަން މަސައްކަތް ނުކޮށް ޒިންމާދާރުކަމާއިއެކު ވިޔަފާރިކިރުން ކިހިނެއްވާނެތޯ