ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ރާއްޖެއަށް އާއްމު މަޖިލީހުގެ ރައީސްކަން ލިބުމަކީ ފަޚުރެއް: ރައީސް

ރައީސް އިބްރާހިމް މުހައްމަދު ސޯލިހާއި ފޮރިން މިނިސްޓަރު އަބްދުﷲ ޝާހިދު ބައްދަލުވުމެއްގައި

އާސިމާ ނިޒާރު، މިހާރު

07 ޖޫން 2021 - 21:30

އދ. ގެ އާއްމު މަޖިލީހުގެ ރައީސްކަން ފޮރިން މިނިސްޓަރު އަބްދުﷲ ޝާހިދު ކާމިޔާބުކުރެއްވުމަކީ ބޮޑު ޝަރަފެއް ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.

އެ މަނިކުފާނު ކުރެއްވި ޓްވީޓުގައި ވަނީ އދ. ގެ 76 ވަނަ މަޖިލީހުގެ ރައީސްކަން، ބޮޑު ތަފާތަކުން ކާމިޔާބުކުރެއްވި މިނިސްޓަރު ޝާހިދަށް މަރުހަބާ ވިދާޅުވެފަ އެވެ. މިއީ ރާއްޖޭގެ ތާރީހުގައި ވެސް އދ. ގެ މިހާ އިސް މަގާމަކަށް ދިވެއްސަކު އިންތިހާބުކުރި ފުރަތަމަ ފަހަރެވެ.

ރާއްޖޭގެ ގަޑިން މިރޭ 7:00 ގައި އދ. ގެ މައި މަރުކަޒުގައި ސިއްރުން ބޭއްވި ވޯޓުލުމުގައި ޝާހިދަށް 143 ވޯޓު ލިބިވަޑައިގަތެވެ. އޭނާއާ ވާދަކުރެއްވި އަފްޣާނިސްތާނުގެ ކުރީގެ ފޮރިން މިނިސްޓަރު ޑރ. ރަލްމައި ރަސޫލަށް ލިބިވަޑައިގަތީ 48 ވޯޓެވެ.

Warm congratulations to Foreign Minister @abdulla_shahid for winning the election for the Presidency of the 76th UN General Assembly by a resounding margin of 143 votes. This is a great honour for Maldives and I have no doubt Min. Shahid will do us all proud as UNGA President.
— Ibrahim Mohamed Solih (@ibusolih) June 7, 2021

ރައީސް ވިދާޅުވީ އެއީ ރާއްޖެއަށް ލިބުނު ޝަރަފްވެރި ކާމިޔާބީއެއް ކަމަށެވެ. އަދި އދ. ގެ އާއްމު މަޖިލީހުގެ ރައީސްގެ ހައިސިއްޔަތުން ޝާހިދު، ހުރިހާ ދިވެހިން ފަހުރުވެރިކޮށްދޭނެ ކަމަށް ވިދާޅުވި އެވެ.

UN ge aanmu majileehuge raees kan Shahid ah, Raajje ah thaareekhee dhuvaheh

The most trusted news source in the Maldives

Mihaaru

އެ އިންތިހާބު ކާމިޔާބުކުރަން ރާއްޖެއިން ވަރަށް ގިނަ މަސައްކަތްތަކެއްކޮށް، އެތައް ގައުމެއްގެ ތާއިދު ހޯދި އެވެ. އެގޮތުން، އދ. ގެ އާއްމު މަޖިލީހުގެ ރައީސްކަން ހޯދުމުގެ ކެމްޕެއިނަށް މި އަހަރު ރާއްޖޭގެ ބަޖެޓުން 4.3 މިލިއަން ރުފިޔާ ވެސް ކަނޑައެޅި އެވެ.

އދ. ގެ 76 ވަނަ އާންމު މަޖިލިސް ފަށަން ތާވަލްކޮށްފައި ވަނީ ސެޕްޓެމްބަރު 14، 2021 ގަ އެވެ. ކޮންމެ ދައުރަކަށް ވަކި ރައީސަކު އިންތިހާބު ކުރަން ޖެހޭއިރު އާންމު މަޖިލީހުގެ ދައުރު ފެށުމުގެ ތިން މަސް ކުރިން މަގާމުތަކަށް މެމްބަރުން އިންތިހާބުކުރަން ޖެހެ އެވެ.

ރާއްޖޭން ވަނީ އދ.ގެ އެންމެ ބާރުގަދަ ކައުންސިލް، އިންސާނީ ހައްގުތަކާ ބެހޭ ކައުންސިލްގެ ގޮނޑިއަށް ވާދަކުރަން ވެސް ނިންމައިފަ އެވެ. އެއީ 2023-2025 އަށް ދެމިގެންދާ ދައުރަށެވެ. އެ އިންތިހާބު އޮންނާނީ 2022 ގަ އެވެ.