މީހަކަށް 900ރ.ގެ މަގުން މުދަލު ޒަކާތް ބަހަން ފަށައިފި

ފިތުރު ޒަކާތް ބަލައި އިސްލާމީ މަރުކަޒު ކައިރިގައި ބަޔަކު މަޑުކޮށްލައިގެން؛: އިސްލާމިކް މިނިސްޓްރީން އަންނަނީ މުދަލުގެ ޒަކާތް ބަހަން ފަށައިފަ.--ފޮޓޯ:އިސްލާމީ މަރުކަޒު

އާސިމާ ނިޒާރު، މިހާރު

22 ނޮވެމްބަރ 2016 - 11:15

7 comments

ފަގީރުންގެ ގޮތުގައި ރަޖިސްޓްރީކޮށްފައިވާ ކޮންމެ މީހަކަށް 900ރ.ގެ މަގުން މުދަލު ޒަކާތް ބަހަން ފަށައިފި އެވެ.

އިސްލާމިކް މިނިސްޓްރީން ބުނީ މުދަލު ޒަކާތުގެ ގޮތުގައި މިދިޔަ އަހަރު 41 މިލިއަނަށް ވުރެ ގިނަ ރުފިޔާ ލިބިފައިވާ ކަމަށާއި އޭގެ ތެރެއިން 11 މިލިއަނަށް ވުރެ ގިނަ ރުފިޔާ ޒަކާތުގެ ގޮތުގައި ބަހަމުން އަންނަ ކަމަށެވެ. ފަގީރުންގެ ގޮތުގައި މާލޭ ސަރަހައްދުން ރަޖިސްޓްރީކޮށްފައިވާ މީހުންނަށް މިނިސްޓްރީން ފައިސާ ދޫކުރާނީ އަންނަ ބުރާސްފަތި ދުވަހުގެ ނިޔަލަށެވެ.

ރަށްރަށުގައި ދިރިއުޅޭ ފަގީރުންނަށް މުދަލުގެ ޒަކާތް ބަހާނެ ދުވަސްތަކާއި ގަޑިތައް ހަމަޖައްސާނީ އެ ރަށެއްގެ ކައުންސިލުންނެވެ. އިސްލާމިކް މިނިސްޓްރީން އަންނަނީ ޒަކާތު ފައިސާ ކައުންސިލްތަކަށް ފޮނުވަމުންނެވެ.

ފަގީރުންގެ ގޮތުގައި މިއަހަރު 12،335 މީހުން ރަޖިސްޓްރީވެފައިވެ އެވެ. އެއީ މާލޭ ސަރަހައްދުން 2،399 މީހުންނާއި އަތޮޅުތަކުން 9،936 މީހުންނެވެ.

ޒަކާތް އިސްލާމިކް މިނިސްޓްރީ ދީން ފަގީރުކަން

7 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތަކުރު

22 November 2016

ފަގީރުންގެ ލިސްޓު ފުރިހަމަވާނީ އެންޓިކޮރަޕްޝަން ކޮމިޝަނާއި، އޯޑިޓް އޮފީހުން ލިސްޓު ހޯދައިގެންނެވެ. މިރާއްޖޭގައި ލިބޭ އެއްޗަކުން ދެކޮޅުނުޖެހިގެން މުހުތާދުތައް ނުފުއްދިގެން އުޅޭ މީހުން އެންމެ ރަނގަޅަށް އެނޭނީ އެ ދެ މުވައްސަސާއަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހުމް

22 November 2016

ކިހާ ދެރަކަމެއްތޯ މީ ޒަކާތްބަލާ ގޮސް ތިބި މީހުންގެ ފޮޓޯ ދެއްކުން އެމީހުން ފޮޓޯ ދެއްކުން އެއީ ފަޟީޙަތް ކުރުމަކަށް ނުވޭތޯ އެކަމަކު މަސްތުވާތަކެތި އެތެރެކޮށްގެން އަތުލައިގަނެވޭ މީހާގެ ފޮޓޯއެއް ނުދެއްކޭ ދައްކަނީ މަސްތުވަާތަކެތި ދެނޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫ

22 November 2016

މުދަލުގެ ޒަކާތް ގެންދާނެ 70 މީހުން މިގައުމުގައި ތިބޭނީ އަހަރެމެންގެ މިވެރިކަމުގައި ފަގީރުކަން 10000 ހުން 7 ކަށް ތިރިކޮށްފައި އޮންނާނީ ހަބޭސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒުލް

22 November 2016

ތި 900 ރ ބެހުމުގެ މާނައެއް ނެތް އިސްލާމް ދީނުގަ މުއްސަދީންގެ އަތުން މުދަލު ޒަކާތް ނެގެނީ ވަރަށް މާތް މަގުސަދެއްގަ ހަގީގަތަކީ އެގޮތަށް އަމަލުކުރެވޭނަމަ ފަގީރުކަން ނައްތާލެވޭނެ ދެން ބޮލަކަށް 900 ރ މި ދެން އެތަށް މިލިއަން ރުފިޔާއެއްގެ ތެރެއިން މިހާރުގެ ޚަރަދުތަކާއި އަޅާބަލާއިރު މި ދެން ކޯއްޗެއްތޯ އެކިބައިބަޔަށް ތިއަޅަމުންގޮސް ތީ ހައްގުވެރިންނަށް 900 ރ ސަހަރޯހީވެ.