ނަޝީދަށް ދިން ހަމަލާއާ ގުޅޭ ގޮތުން މަޖިލީހުގެ ސަލާމަތީ ހިދުމަތްތަކާބެހޭ (241) ކޮމިޓީން ހިންގާ އިންކުއަރީގައި ހޯމް މިނިސްޓަރު އިމްރާން އަބްދުﷲ ވާހަކަދައްކަވަނީ.-- ފޮޓޯ: ރައްޔިތުންގެ މަޖިލިސް
19 ޖޫން 2021 - 13:25
13 comments
ކުރީގެ ރައީސް އަދި ރައްޔިތުން މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލާއާ ގުޅޭ ގޮތުން ރައްޔިތުންގެ މަޖިލީހުން ކުރިއަށް ގެންދާ އިންކުއަރީ އަށް ހޯމް މިނިސްޓަރު އިމްރާން އަބްދުﷲ ހާޒިރުކޮށް، މިއަދު ސުވާލުކޮށްފި އެވެ.
ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) އިން ހިންގާ މި ޕާލިމެންޓަރީ އިންކުއަރީ އަކީ ނަޝީދަށް ދެމުން ގެންދާ ސަލާމަތާއި ރައްކާތެރިކަން ބްރީޗުވި ގޮތް ބެލުމަށް ކުރިއަށް ގެންދާ ތަހުގީގެކެވެ.
މި އިންކުއަރީގެ ކޮމިޓީ ހުރިހާ ބައްދަލުވުންތަކެއް ކުރިއަށް ގެންދަނީ ސިއްރުންނެވެ.
ރައްޔިތުންގެ މަޖިލީހުގެ ރައީސަށް ދެމުން ގެންދާ ސަލާމަތާއި ރައްކާތެރިކަން ބްރީޗްވިގޮތް ހޯދުމަށް 241 ކޮމިޓީން ކުރިއަށް ގެންދާ ޕާލަމެންޓަރީ އިންކުއައިރީގައި މިނިސްޓަރ އޮފް ހޯމް އެފެއާޒް އައްޝައިޚް ޢިމްރާން ޢަބްދުﷲ އާ ސުވާލުކުރުން pic.twitter.com/vb9mPyDn1R
— People's Majlis (@mvpeoplesmajlis) June 19, 2021
މަޖިލީހުގެ އިންކުއަރީ އަށް ސިފައިންނާއި ފުލުހުންގެ އިސްވެރިންގެ އިތުރުން، އެ ހަމަލާދިން ވަގުތު ނަޝީދުގެ އަރިހުގައި ތިބި ސެކިއުރިޓީ އޮފިސަރުން މީގެ ކުރިން ހާޒިރުކޮށްފައިވެ އެވެ. އަދި އެމްއެމްއޭގެ ގަވަރުނަރު އަލީ ހާޝިމް ވެސް މީގެ ދެ ދުވަސް ކުރިން ހާޒިރުކުރި އެވެ.
މިިދިޔަ މަހުގެ ހައެއްގައި ނަޝީދަށް ދިން ޓެރަރިސްޓް ހަމަލާގެ ތަހުގީގު ފުލުހުން އަންނަނީ ހިންގަމުންނެވެ. އޭގެ ތެރޭގައި އެ ހަމަލާ އަށް ބަޔަކު ފަންޑުކުރި ނަމަ އެ ބަޔަކު ހޯދުން ވެސް ހިމެނެ އެވެ. ފުލުހުން ކުރި ތަހުގީގުން، މި ހަމަލާ ދިނުމަށް ރާވާއި އަމަލީ ގޮތުން ބައިވެރިވި ކަމަށް ތުހުމަތުކުރެވޭ ހަތަރު މީހަކު ހައްޔަރުކޮށްފައިވެ އެވެ.
"މި މައްސަލައިގެ ތަހުގީގުގައި އޮސްޓްރޭލިއާގެ ފެޑެރަލް ޕޮލިސް އާއި އެމެރިކާގެ މިކަމުގެ ފަންނީ މާހިރެއް އެހީ ވެސް އަންނަނީ ލިބެމުން. އަދި މި ތަހުގީގަށް ބޭނުންވާ ފޮރެންސިކް ތަހުލީލުތައް ކުރުމުގައި ވެސް އެ ފަރާތްތަކުގެ އެހީ އަންނަނީ ލިބެމުން،" މި ހަމަލާ އަށް މަސް ދުވަސް ވީ ފަހުން ބޭއްވި ނިއުސް ކޮންފަރެންސްގައި ފުލުހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހީމާއިބުރޭ
20 June 2021
ތިޔަ އިންކުއަރީއަށް ރައީސް އ.މުޙަންމަދު ސޯލިޙް ހާޒިރު ނުކޮށް ތިޔަކަން ނިމޭނެބާ ؟ ހިޔެއްނުވޭ . ތުނބުޅި ދިގު އެންމެންނާ ، ފަޓުލޫނުގެ ފައިކުރި ކުރުމީހުންވެސް ހާޒިރު ކޮށްފާނޭ ހިތްބުނަނީ
ސއ2
20 June 2021
ސުޕޭނުގެ މޮރާޓާ ނޫނަސް މީ ވެސް ހަމަ ބޭކާރު ބޮލެއް
ޝޮކްތެރަޕީ
19 June 2021
އަޅުގަނޑު އަދާލަތު ޕާޓީޔަ ބުނެލަން އޮތީ ދުބުރިއެއް ކިތަމްމެވަރަކައް ދޮންކުރިޔަސް ދުބުރިއެއް އަބަކައް ނުވާނޭ. އޭތި ވާނީ އެއްޗަ
ޙަބީބު
19 June 2021
މީދެންކޮންކަމެއް ރައްޔިތުންނައް ކަމެއްކޮއްދެވޭތޯބަލާބަލަ ކޮންއަންނިޔެއް ވަންނިޔެއް
ގެދާނޯމޮސް
19 June 2021
މި ތަހުގީގަށް ބޭނުންވާ ފޮރެންސިކް ތަހުލީލުތައް ކުރުމުގައި ވަަޑައިގެން ތިއްބެވި ބޭފުޅުން ނަށް ޗެނަލް 13 އިން އެފެންނަ ( ނުދައްކާ ވާހަކަ) އިން ކުރީގެ ނަޝީދަށް ކުރާ ތުހުމަތު ތަކުގަ ވާ ބައިވެރިން މިހާރު އެނގި އެމީހުންގެ ބަޔާން ނެގޭތޯވެސް ބަލާފާނެއެވެ.
ޝޮކްތެރަޕީ
19 June 2021
އަދާލަތު ޕާޓީ ބުނީ އިބޫއަކީ އަންނިއެއްނޫނޭ އަންނި އަކީ އިބޫއެއްނޫނޭ ކިޔާފަ ރައްޔިތުންނަ އޮޅުވާލާފަ އެމްޑީޕީޔަ ވެރިކަން ހޯދަދިނީ. މިހާރު މުޅި ރާއްޖެ މިވަނީ ނުރައްކަލުގެ ރައްޖެއަކަ ބަދަލުވެފަ. މިނިވަންކަން ދިވެހިންނަ އިހުސަސް ނުވޭ.
އިބްރ
19 June 2021
މީނަގެ ރޭވުމަކާއި ވައްތަރީމިކަން. ރަނގަޅަށް ކޮނެލަބަލަ. ނަޝީދަށް ވަރަށް އެއްޗެތި ގޮވާފަހުރި މީހެއް މީނައަކީ.
އިމޫ
19 June 2021
މިފަހަރު އަބުރު ކަތިލެވޭނެ ޝޭޚެއް!
ކޮރަލް
19 June 2021
އިންތިހާބުގެ ކުރީން އެމްޑީޕީ ނޫން އެންމެން މިނިސްޓަރު ކަމުން ވަކި ކުރާނެ ކަމަށް ބެލެ ވެ އެވެ.
ބޮޑުމީހާ
19 June 2021
މީ މިނިސްޓަރުންތަ، ގާސިމުގެ އަންހެނުން، މައުމޫންގެ ދަރި، 70 އަހަރުން މަތީ މީހުން، އެމްއެމްޕީއާރުސީގެ ޚިޔާނާތުގަ ބައިވެރިން، ގިނަ ދުވަހު އދ ގަ ތިބޭ މީހުން، މުޅިން ޕްލޭން ހަދާ މިނިސްޓަރުން، މިވަރުގެ ޓީމެެއް ގޮވައިގެން އިބޫ ކަހަލަ ސްލޯ މީހަކު ކިހިނެއް ގައުމު ހިންގާނީ