ވިޔަފާރިތަކަށް ހާއްސަ ދިރާގު ބިޒް ފައިބަ ޕެކޭޖުތަކަށް ބޮޑެތި ބަދަލުތަކެއް

ދިރާގު ހެޑް އޮފީސް: ބިޒް ފައިބަ ޕެކޭޖުތަކުން 40 ޕަސެންޓާއި 150 ޕަސެންޓާ ދެމެދުގެ އަދަދަކަށް އިތުރު ޑޭޓާ ލިބޭނެ-- ފައިލް ފޮޓޯ/ މިހާރު

އިދުހާމް ނައީމް، މިހާރު

05 ޖުލައި 2021 - 13:26

ވިޔަފާރިތަކަށް ހާއްސަކޮށްގެން ދިރާގުން ތައާރަފުކުރި ބިޒް ފައިބަ ބްރޯޑްބޭންޑުގެ ޕެކޭޖުތަކަށް ބޮޑެތި ބަދަލުތަކެއް ގެނެސްފި އެވެ.

މި މަހުން ފެށިގެން ގެނައި ބަދަލާ އެކު އިތުރު ހަރަދަކާ ނުލައި ބިޒް ފައިބަ ޕެކޭޖުތަކުން 40 ޕަސެންޓާއި 150 ޕަސެންޓާ ދެމެދުގެ އަދަދަކަށް އިތުރު ޑޭޓާ ލިބޭނެ އެވެ. އަދި ބައެއް ކަސްޓަމަރުންނަށް 100 ޕަސެންޓާ ހަމައަށް އިތުރު ސްޕީޑު ވެސް ލިބޭނެ ކަމަށް ދިރާގުން ބުންޏެވެ.

ދިރާގު ބިޒް ފައިބަ ހިދުމަތަކީ ވިޔަފާރިތަކަށް ހާއްސަކޮށްގެން އެންމެ ރަނގަޅު ސްޕީޑާއި އެންމެ ގިނަ އެލަވަންސް އަދި އަގުހެޔޮ އިންޓަނެޓް ހިދުމަތެކެވެ. މި ޕެކޭޖުތަކަކީ އެންމެ ކުދި ވިޔަފާރިތަކުން ފެށިގެން އެންމެ ބޮޑު ވިޔަފާރިތަކުގެ އިންޓަނެޓް ބޭނުންތަކަށް އެށީގެންވާ ގޮތަށް ފަރުމާކޮށްފައިވާ ޕެކޭޖެތަކެކެވެ.

ބިޒް ފައިބަ ބްރޯޑްބޭންޑް ޕެކޭޖުތަކަށް އައިސްފައިވާ ބަދަލުތައް ދިރާގު ވެބްސައިޓުގައިވާ "ޕެކޭޖް ޗެކާ" އިން ބަލައިލެވޭނެ އެވެ.

Biz Fibre Package Checker - Biz Fibre Broadband

Bringing changes to our Biz Fibre packages for a better experience with greater value

ޕެކޭޖުތަކަށް އައިސްފައިވާ ބަދަލުތައް ބެލޭ "ޕެކޭޖް ޗެކާ" ގެ ލިންކް

ދިރާގުން ވަނީ އެ ކުންފުނިން އާއްމުކޮށް ދޭ ފައިބަ ހިދުމަތަށް ވެސް މި މަހުން ފެށިގެން ބަދަލުތައް ގެނެސްފަ އެވެ. އެގޮތުން، ޕެކޭޖުތައް އަގުހެޔޮކޮށްފައިވާއިރު އެލަވެންސް ހުސްވުމުން ތްރޮޓަލް ސްޕީޑު ވެސް ވަނީ އިތުރުކޮށްފަ އެވެ.

ދިރާގު ފައިބަ ބްރޯޑްބޭންޑް ހިދުމަތަކީ ރާއްޖޭގެ އެންމެ ބޮޑު ފައިބަ ނެޓްވޯކެވެ. އެގޮތުން ރާއްޖޭގެ ގޭބިސީގެ 80 ޕަސެންޓަށް ދިރާގުން ވަނީ މި ހިދުމަތް ފޯރުކޮށްދީފަ އެވެ.