އިޖުތިމާއީ ފޭރާން ރަނގަޅުކުރަން ހިންގާނެ ޕްރޮގްރާމްތަކާ ގުޅޭގޮތުން ނައިބު ރައީސް މަޝްވަރާކުރައްވައިފި
ނައިބު ރައީސް ފައިސަލް، ސޯޝަލް އެތިކްސް ކޮމިޓީއާ މިއަދު މަޝްވަރާކުރައްވަނީ.-- ފޮޓޯ: ރައީސް އޮފީސް
07 ޖުލައި 2021 - 13:48
6 comments
އިޖުތިމާއީ ފޭރާން ރަނގަޅުކުރުމަށް ހިންގާނެ ޕްރޮގްރާމްތަކާ ގުޅޭގޮތުން ނައިބު ރައީސް ފައިސަލް ނަސީމް މިއަދު މަޝްވަރާކުރައްވައިފި އެވެ.
ރައީސް އޮފީހުން ބުނީ މުޖުތަމައުގައި ހުރި ނޭދެވޭ އާދަކާދަތައް ނައްތާލައި އެ ކަންކަން ރަނގަޅުކުރުމަށް ކުރެވިދާނެ ކަންތައްތަކާ ގުޅޭގޮތުން ސޯޝަލް އެތިކްސް ކޮމިޓީއާ މަޝްވަރާކޮށްފައިވާ ކަމަށެވެ.
އެ މަޝްވަރާގައި ސްކޫލުތެރެ އާއި ސްކޫލުން ބޭރުން ދަރިވަރުންނަށް ހާއްސަކޮށްގެން ހިންގޭނެ ޕްރޮގްރާމްތަކާ ގުޅޭގޮތުން އެ ބޭފުޅުން ވާހަކަދެއްކެވި އެވެ.
ނައިބު ރައީސް ވިދާޅުވީ ގައުމުގެ އިޖުތިމާއީ ފޭރާން ރަނގަޅުކުރުމަށް އެންމެން ގުޅިގެން ގިނަ މަސައްކަތްތަކެއް ކުރަންޖެހޭކަމަށް އެންމެން ވެސް ގަބޫލުކުރާ ކަމަށެވެ. އެހެންވެ، ގައުމުގައި ހުރި އިޖުތިމާއީ މައްސަލަތައް ރަނގަޅުކުރުމަށް ސަރުކާރުގެ ހުރިހާ ދިމާލަކުން ވެސް އެއްބާރުލުންދީ މަސައްކަތްކުރެއްވުމަކީ ރައީސް އިބްރާހިމް މުހައްމަދު ސޯލިހުގެ ހާއްސަ އެދިވަޑައިގަތުމެއްކަމަށް ނައިބު ރައީސް ވިދާޅުވި އެވެ.
އެ ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައިވަނީ ސްކޫލްތައް މެދުވެރިކޮށް ކުދިންނާއި ބެލެނިވެރިންނަށް އަމާޒުކޮށްގެން ރީތި އަދަބާއި އަހުލާގު އަދި ހަމަތަކާއި އުސޫލުތައް ކުދިންގެ ގައިގައި އަށަގެނުވުމަށް ކުރެވިދާނެ ކަންކަމާއި ހިންގާނެ ހަރަކާތްތަކާ ގުޅޭގޮތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަބީލާ
08 July 2021
“ އިޖުތިމާއީ ފޭރާން ރަނގަޅުކުރަން ” ލޮލް! މިއުޅެނީ ސިޔާސީ ބުލީސް (ނަޝީދު ކަހަލަ) ގެ އުނދަގުލާ ހުރެ ގައުމު ހިނގާ ނުގަނެވިގެން! ތިޔަ ތާގަައި ތިޔަ ތިބި ތައުލީމީ ވަޒީރު ކަހަލަ މީހުންނަކީ ނަޝީދުގެ ޕަޕެޓުން!
ރާއްޖެތެރޭމީހާ
07 July 2021
އިޖްތިމާއީ ފޭރާން ރަނގަޅުކުރާނީ ކިހިބަކުންތޯ? ކޮވިޑްގެ ބަލިމަޑުކަމާހެދި އަހަރެމެންގެ ޅަދަރިންގެ ކިޔެވުން ހަލާކުވެ ސިއްހީގޮތުންނާއި ނަފްސާނީ ގޮތުން ބަލުކަށިވެ ރަށުބަންދާއިގޭބަންދުގައިތިބޭތާ 2އަހަރުވީއެވެ. މައިންބަފައިންނަށް ދަރިންގޮވައިގެން އެއްވެސް ރަށަކަށް ދެވޭގޮތެއްނުވިއެވެ. މިބޮޑުބަންދުގައިވެސް އެކުދިންނަށް ކަރަންޓީން ނުވެ އެއްވެސް ތަނަކަށްދެވޭގޮތެއްނުވިއެވެ. ޗުއްޓީގެ ދެބައިކުޅައެއްބައި ކަރަންޓީން ވާންޖެހެއެވެ
ސިމްޕަލް
07 July 2021
އިޖުތިމާއީ ފޭރާން ހަލާކުވާން ފެށީ 2000ގެ ކުރީއަހަރުތަކުގައި. ސަބަބަކަށްވީ މާލެ ތޮއްޖެހުން، އާއިލާތައް 1 ކޮޓަރީގައި ދިރިއުޅުން މަޖުބޫރުވުން. އާއިލާ އެންމެން ކުލިދައްކަން މަސައްކަތް ކުރަން ފެށުން. ސްކޫލްތަކުގެ ޓީޗަރުން ކުރަންޖެހޭ މަސައްކަތް އިތުރުވެ، ވަޒީފާއިން ލިބޭ މުސާރައިން ދިރިއުޅުމުގެ ކަންތައް ހަމަޖައްސަން އުދަގޫވުން.
ސީޒަން ޖެކުހަން
07 July 2021
އިޖުތިމާއީ ފޭރާން ރަނގަޅުކުރާންވެސް މިހިފަނީ އެވީދިމީހުން. އެހެންގޮތަކަށްބުނާނަމަ ވައްކަންނުކުރާށޭ މިގޮވަނީވެސް ހަމަ ވަގުން. މިއޮތީ ވާ ދުނިޔެއެއް.
އަލިކޮއި
07 July 2021
އެންޑީޕީން މިގައުމުގެ އިޖްތިމާއީ ފޭރާން ބާލާ، އިރާ ކުދިކުދިކޮށް، އެފޭރާން އެއީ އަގެއް، އިހްތިރާމެއްނެތް އެއްޗަކަށް ހަދައި އެކަން މަޝްހޫރުކޮށް، ޒުވާނުންގެ ބޮލަށް ޗިޕްޖެހީ. ފައިސަލްއަށްވެސް ނިކަން ރަގަޅަށް މިކަން އެގޭނެ. އަދި، ތިބުނާ ފޭރާމެއް، އެންޑީޕީއޮތްހާދުވަހަކު މިގައުމުގެ ރައްޔިތަކަށް ލޮލަށްވެސް ނުފެންނާނެ. ފޫނެތްފަޔަށް ފެންފުރާފައި ބަހައްޓާ. ދައުރުވެސް މިނިމިދަނީތާ
ތަޖުރިބާ
07 July 2021
ޜަނގަޅު ވާހަކައެއް!