ކުރީގެ ޓޫރިޒަމް މިނިސްޓަރު އަލީ ވަހީދު ފުލުހުންގެ މައި އޮފީހުގެ ބޭރުގައި އޭނގެ ވަކީލާއެކު -- ފޮޓޯ: އަހުމަދު އަވްޝަން އިލްޔާސް/ މިހާރު
11 ޖުލައި 2021 - 11:58
11 comments
ކުރީގެ ޓޫރިޒަމް މިނިސްޓަރު އަލީ ވަހީދު ރާއްޖެއިން ބޭރުގައި ހުންނަވައިގެން އޮންލައިންކޮށް ޝަރީއަތުގައިި ބައިވެރިވުމުގެ ފުރުސަތު ކްރިމިނަލް ކޯޓުން ދީފައިވާ މައްސަލަ ހައި ކޯޓުން ބޭރުކޮށްލުމުން ދައުލަތުން އެ މައްސަލަ ސުޕްރީމް ކޯޓުގައި އިސްތިއުނާފުކުރަން ނިންމައިފި އެވެ.
ޖިންސީ ގޯނާ އާއި ރޭޕްގެ ދައުވާތަކެއް އުފުލާފައި ވަނިކޮށް އަލީ ވަހީދު މިދިޔަ ފެބްރުއަރީ މަހު ބޭސްފަރުވާ އަށް ރާއްޖެއިން ބޭރަށް ވަޑައިގަތުމަށް ފަހު މިހާތަނަށް އެނބުރި ވަޑައިގެންފައި ނުވާ ނަމަވެސް، ރާއްޖެއިން ބޭރުގައި ހުންނަވައިގެން އޮންލައިންކޮށް ޝަރީއަތުގައި ބައިވެރިވުުމުގެ ފުރުސަތު ކްރިމިނަލް ކޯޓުން ވަނީ އޭނާއަށް ދީފަ އެވެ.
އަލީ ވަހީދު މިވަގުތު ހުންނެވީ އިނގިރޭސިވިލާތުގަ އެވެ. އެއީ ރާއްޖޭގެ ގާނޫނު ނުހިނގާ ތަނެއް ކަމުން އެފަދަ ތަނެއްގައި އަލީ ވަހީދު ހުންނަވައިގެން ޝަރީއަތް ކުރިއަށް ގެންދާތީ އެއީ ގާނޫނާ ހިލާފު ކަމެއް ކަމަށް ބުނެ ކްރިމިނަލް ކޯޓުގެ އެ ނިންމުން ދައުލަތުން ވަނީ ހައި ކޯޓުގައި އިސްތިއުނާފްކޮށްފަ އެވެ. ނަމަވެސް، ހައި ކޯޓުން ނިންމާފައި ވަނީ އެ މައްސަލަ ބަލާނެ ގާނޫނީ ހަމައެއް ނެތް ކަމަށެވެ.
ޕީޖީ އޮފީހުގެ ޕަބްލިކް ޕްރޮސެކިއުޓާ އަހުމަދު ޝަފީއު މިއަދު ވިދާޅުވީ، އެ މައްސަލަ ސުޕްރީމް ކޯޓުގައި އިސްތިއުނާފު ކުރަން މިއަދު ނިންމާފައިވާ ކަމަށެވެ.
ކްރިމިނަލް ކޯޓުގެ ނިންމުމުގެ މައްސަލަ ނުބެލޭނެ ކަމަށް ބުނެ ހައި ކޯޓުން ނެރުނު ހުކުމުގައި ވަނީ އެފަދަ އިޖުރާއީ މައްސަލަތައް ދަށު ކޯޓުގައި ކުރިއަށް ދަނިކޮށް އިސްތިއުނާފު ނުކުރެވޭނެ ކަމަށެވެ. އެ ހުކުމުގައި ފާހަގަ ކުރީ ޝަރީއަތް ކުރިއަށްދަނިކޮށް އިސްތިއުނާފު ކުރެވޭނީ ޝަރީއަތުގެ ކުރިން ހުށަހަޅާ ހުށަހެޅުންތަކާ ބެހޭ މައްސަލަ ކަމެވެ.
މި މައްސަލަ ސުޕްރީމް ކޯޓާ ހިސާބަށް ގެންދަން ދައުލަތުން ނިންމާފައިވާއިރު، މިއަދު ވެސް އަލީ ވަހީދުގެ ޝަރީއަތުގެ އަޑުއެހުމެއް އޮންލައިންކޮށް ކުރިއަށް ގެންދަން ވަނީ ތާވަލުކޮށްފަ އެވެ.
އަލީ ވަހީދު ބޭރުގައި ހުންނަވައިގެން ޝަރީއަތް ކުރިއަށް ގެންދާ މައްސަލަ މާދަމާ ހައި ކޯޓުގައި ފަށާއިރު، އޭނާގެ ޕާސްޕޯޓް ހިފެހެއްޓުމުގެ އަމުރެއް ނެރެދެވެން ނެތް ކަމަށް ކްރިމިނަލް ކޯޓުން ނިންމި ނިންމުން ވެސް ހައި ކޯޓުގައި އިސްތިއުނާފް ކުރަން ދައުލަތުން ވަނީ ނިންމައިފަ އެވެ.
އަލީ ވަހީދު ރާއްޖެއިން ބޭރަށް ވަޑައިގަތުމަށް ކްރިމިނަލް ކޯޓުން ހުއްދަ ދިން މައްސަލަ ވެސް ދައުލަތުން ކުރިން ހައި ކޯޓުގައި އިސްތިއުނާފް ކުރި އެވެ. އެކަމަކު އެ މައްސަލަ ކުރިއަށް ގެންދަން އޭރު ބެލިއިރު، އަލީ ވަހީދު ރާއްޖެއިން ބޭރުގައި އުޅުއްވާ ތަނެއް ނޭނގުމުން ހައި ކޯޓާއި ސުޕްރީމް ކޯޓުން ވެސް ނިންމީ އޭނާގެ ޣައިރު ހާޒިރުގައި އެ މައްސަލަ ކުރިއަށް ނުގެންދެވޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖިމޯ
11 July 2021
ދެން އިތުރަށް ކޮން ޑްރާމާއެއް ތޯ މި ކުޅެނީ. ސަރުކާރުން މީނަ ފުރުވީ. ދެން މުޅި ދައުލަތުގެ މުއައްސަސާތަކުގެ އަގު ވައްޓާ ނުލާ. އޭނާ ހުރިތާކު ބަހަޢްޓާ.
އިހުމާލު
11 July 2021
ތިޔަ ކަމެއް ކުރާނެކަން އަހަރެމެންނަށް މާކުރިންވެސް އިނގޭ. އެވާހަކަ މިދިޔަ ބުރާސްފަތީގައި ވެސް ބުނިން. އަސްލު މައްސަލަތއް ނުބަލާ އެއްކަމެއް ފަހާ ހުރިހާ ކޯޓަކަށް މިދުވަނީ އަދި އެވެސް ބޮޑު ފްރޭމްކުރުމެއްގަ. ކޮބާތޯ ސަފާރީ ރޭޕް، ވެންޓިލޭޓަރު ކޮރަޕްޝަން، އެމްއެމްޕީއާރްސީ ހިޔާނަތް، މެންބަރެއްގެ ގެވެށިއަނިޔާ މައްސަލަ، ޑްރަގް އަދި 13 އހަރު ކުއްޖާގެ މައްސަލަ. މާލެ މެދުގައި ބޮމެއްވެ ގޮއްވި ޓެރަރިޒަމްގެ މައްސލަ؟
ލާމުގަން
11 July 2021
ހެޔޮނުވާނެ ދެން މިވާހަކަ ނޫސްތަކުގައި ނުޖަހަބަލަ. ކޮންމަ ބަޔަކުވެސް ބަލަނީ ޕާޓީ ހަދައިގެން ވެރިކަން ހޯދައިގެން ދައުލަތުގެ ހަޒާނާ ލޫޓުވަން. ކޯބާތަ މިހާރު ވެންޓިލޭޓަރު ގެ ހަބަރަކީ. ދެން 2023 ގައި އަނެއްކާވެސް ޕޕ ދެން އަނެއްކާވެސް މޑޕ .... ހުސް ވގގނނނ .
ސީރީޒް
11 July 2021
ކޮބާ ހަފްތާ ބަންދުގެ މެދުކެނޑުމަކަށް ފަހު ޑްރާމާގެ އެޕިސޯޑުތައް މިހަފްތާގައި ފެށުނީދޯ؟
މަރިޔަންދީ
11 July 2021
އަދި އިސްތިއުނާފްނުކުރޭ އެކަމަކު އެކަން ކުރަން މި ނިންމީ. ދެން އިސްތިއުނާފްކުރަން ކޯޓަށް ހުށަހަޅުއްވާފައި ކޯޓުގެ ރެޖިސްޓާރަށް ފާޑު ވިދާޅުއްވާފައި. ފަނޑިޔާރުން ވަރަށްރަނގަޅު ވާހަކަ މިސްޓަރ އުންސުރު ވިދާޅުއްވާނެ. ނުވަތަ ކޯޓުން އަދިވެސް ވަކި ގޮތެއް ނުނިންމވައޭކިޔާފައި ހަބަރެއް ލިޔާނެ. އެއްގޮތކަށްވެސް ނުފޫޒެއް ނުފޯރުވާނެ.
ބައިރޯ
11 July 2021
ގައުމު ހިންގާނީތަ މިމީހުން ކަރުގައި އަޅައިގެން އުޅޭނީތަ؟
އިސްތިއުނާފް
11 July 2021
އޯކޭ! އެކަމަކު ސުޕްރީމްކޯޓުން އޮންލައިންކޮށް ޝަރީއަތް. ގެންދެވޭނެކަމަށް އެއްއިރެއްގައި ބުނެފައިވަނިކޮށް ހަމަ އެ ސުޕްރީމްކޯޓަށް މި ހުށައަޅަނީ އަލީ ވަހީދުގެ ޝަރީއަތް އޮންލައިންކުރި މައްސަލަ ސުޕްރީމް ކޯޓުގައި އިސްތިއުނާފުކުރަން؟ މި ޖެހުނީ ކޮންތާކު؟ އިރުއިރުކޮޅާ އިސްތިއުނާފް މިކުރަނީ ތިމަން ވަރަށް މަސައްކަތް އެބަ ކުރަމޭ ނަމަކު ބުނަންތަ؟
ފަލަސުރުހީ
11 July 2021
ރާއްޖޭގެ ކޮވިޑްގެ އޕްޑޭޓްސްއަށްވުރެ ގިނައިން ކޮންމެ ދުވަހަކު މި އައްޔަގެ ހަބަރުތައް ނޫސްތަކަށް އެބައަރާ.
އެހެންތާވާނީ
11 July 2021
މިހާރު ކޮވިޑް މަދުވެއްޖެ. ބަދަލުގަ އަލީވަހީދު ގިނަވަނީ.
ބަނބޫ
11 July 2021
މިސްޓަރ އިސްތިއުނާފްގެ ވާޖިބު އަދާކޮށްފިއެވެ. އަދި ބޭކާރުގޮތުގައި އެތަކެއް ވަގުތުތަކެއް ދުއްވުމުގައި ހުންނަވައެވެ. އެތަކެއް އެހެން މައްސަލަތަކެއް ބެލުމުގައި ބޭނުންހިފޭނެ ވަގުތުވެ. މިއަދު ހަބަރެއްގައި އޮތް މަސްުވާތކޭތީގެ މައްސަލައެއްގައި ދައުވާއުފުލި މީހަކު ޕޖގެ ވެސް އިހުމާލުން ދޫވެގެން ދިޔަ ވާހަކަ. ހެދޭ ގޯސްތައް މަތި ޖަހަން ގެންގުޅޭ ހަތިޔާރުތޯ އިސްތިއުނާފްއާއި އައްޔަގެ ކޭސްއަކީ؟
ކަރީމުއްދީން ބާޝާ
11 July 2021
މީދެން ކިހާވަރުގަދަ ފިލިވަހީދެއް!