ބޭންކް އޮފް މޯލްޑިވްސްގެ 2019 ވަނަ އަހަރުގެ އަހަރީ އާންމު ޖަލްސާގެ ތެރެއިން: މިދިޔަ އަހަރު ލިބުނު ފައިދާ އިން ހިއްސާއަކަށް 15ރ. ގެ މަގުން 80.7 މިލިއަން ރުފިޔާ ބަހަން ވަނީ ނިންމާފައި.
15 ޖުލައި 2021 - 11:42
3 comments
މިދިޔަ އަހަރު ލިބުނު ފައިދާ އިން ހިއްސާއަކަށް 15ރ. ގެ މަގުން 80.7 މިލިއަން ރުފިޔާ ހިއްސާދާރުންނަށް ބަހަން ބޭންކް އޮފް މޯލްޑިވްސް (ބީއެމްއެލް) އިން ނިންމައިފި އެވެ.
ވާޗުއަލްކޮށް މިއަދު ބޭއްވި އަހަރީ އާންމު ޖަލްސާގައި މިގޮތަށް ފާސްކުރީ ހިއްސާދާރުންގެ އަަޣުލަބިއްޔަތުންނެވެ. މި ޖަލްސާގައި ބޭންކްގެ 58 ޕަސެންޓް ހިއްސާދާރުން ބައިވެރިވި އެވެ.
ކޮވިޑް-19 ގެ ސަބަބުން ބީއެމްއެލްގެ މިދިޔަ އަހަރުގެ ވިޔަފާރިއަށާއި އާމްދަނީ އަށް ވަނީ ނޭދެވޭ އަސަރު ކޮށްފަ އެވެ.
އެ ކުންފުންޏަށް މިދިޔަ އަހަރުގެ ފައިދާގެ ގޮތުގައި 325 މިލިއަން ރުފިޔާ ލިބުނު ނަމަވެސް އެއީ 2019 ވަނަ އަހަރާ އަޅާބަލާއިރު 68 ޕަސެންޓަށް ވުރެ ބޮޑު ދަށްވުމެކެވެ. މިދިޔަ އަހަރު 2019 ގެ ފައިދާ އިން ހިއްސާއަކަށް 26ރ. ގެ މަގުން 139 މިލިއަން ރުފިޔާ ބަހާފައިވެ އެވެ.
މިއަދުގެ ޖަލްސާގައި ކުރިއަށް އޮތް އަހަރަށް ބީއެމްއެލްގެ އޮޑިޓަރެއްގެ ގޮތުގައި ޕްރައިސްވޯޓާހައުސްކޫޕާ ހޮވިއިރު، އެ މީހުންނަށް 1.4 މިލިއަން ރުފިޔާ ދޭން ކަނޑައެޅި އެވެ.
ބީއެމްއެލްގެ 62.2 ޕަސެންޓު ހިއްސާ އަކީ ސަރުކާރެވެ. އަދި 4.1 ޕަސެންޓް ހިއްސާކުރަނީ ސަރުކާރު ހިއްސާވާ ކުންފުނިތަކުންނެވެ. ބާކީ 33.7 ޕަސެންޓަކީ އާންމު ހިއްސާދާރުންނެވެ. އެހެން ކަމުން ހިއްސާގެ ފައިދާގެ ދެބައިކުޅަ އެއްބަޔަކަށް ވުރެ ބޮޑު ބައެއް ލިބޭނީ ސަރުކާރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިދާބޮޑުވާނެއޭ
15 July 2021
ބީއެމްއެލުން ހިއްސާއަކަށް 15ރ. ބަހަން ނިންމައިފި ނަމަ އެއީ އުފާ ކުރަން ޖެހޭނެ ކަމެކޭ އިންޑިއާ ބޭންކަށް މިސަރުކާރުން ހުރިހާ ލޯނެއް ނަގާ ރައްޔިތުން ދައްކާ ޓެކްސް އިން އިންޑިއާ ބޭންކަށް އެފައިސާ ދޭއިރު ބީއެމްއެލް އަށް ޗައިނާގެ ނުވަތަ ޖަޕާނުގެ ނުވަތަ ސިންގަޕޯރގެ ބޭންކަކުން 2 ބިލިއަން ޑޮލަރުގެ ލޯނެއް ނަގައިގެން އެފައިސާ އިން ބީއެމްއެލް އިން މާލެ ސަރަހައްދުން ބޮޑު ފަޅެއް ހިއްކާ އެތަނުން ގޯތި ތައް އަކަފޫޓަކަށް މަހަކު 1 ރުފިޔާ އަށް ކުއްޔަށް ދޭނަމަ
އޮނަރަބްލް އަފީފު ދީދީ
15 July 2021
ޖަލްސާގައި ކުންފުނީގެ ޙިއްސާދާރުންގެ ތެރެއިން %58 ޙިއްސާދާރުން ބައިވެރިވިކަމަށް ލިޔެފައިވަނީ އޮޅުމަކުންތޯ ނުވަތަ ޙަޤީގަތުގައިވެސް މިއަދަދަށް ޙިއްސާދާރުން ބައިވެރިވީތޯ؟ މިކަން ސާފުވާންޖެހޭ.
ޙަބީބު
15 July 2021
އަހަރެންބޭނުމެއްނޫން އަހަރެންނައް ދޫކުރި ލުއިލޯނުގެ އިންޓްރަސްޓަކީ %18 ޕަސަންޓް މުސާރަޖަމާވަނީ ސާވިސްޗާޖާ އެކު ޑޮލަރުން ކަމައްވާތީ މިބުނި ލޯނައް ކަނޑާލަނީ 15 ގެޜޭޓުން ޑޮލަރު އެކައުންޓުން މަހަކު 275 ރުފިޔާގެ ގެއްލުންވޭ ހަމައެކަނި މިކަމުން އަދިކޮބާ ފައިދާޔައް %18 އިންޓްރަސްޓް ތީކޮންކަހަލަ މަކަރުވެރިބައެއް