އޮލިމްޕިކްސް ކޮމިޓީގެ ރައީސް މުހައްމަދު އަބްދު ސައްތާރު (ކ) ނަބާހާ އާއި މުބާލް އަށް ގައުމީ ދިދަ ހަވާލުކޮށްދެއްވަނީ --- ފޮޓޯ: އެމްއޯސީ
23 ޖުލައި 2021 - 14:14
2 comments
ޓޯކިޔޯގައި ރަސްމީކޮށް މިއަދު ފަށާ އޮލިމްޕިކް ގޭމްސްގައި ރާއްޖޭގެ ދިދަ އުފުލާނީ ބެޑްމިންޓަން ކުޅުންތެރިޔާ ފާތިމަތު ނަބާހާ އާއި ފެތުންތެރިޔާ މުބާލް އައްޒާމް އެކުގައިކަން އޮލިމްޕިކް ކޮމިޓީން ބުނެފި އެވެ.
ޓޯކިޔޯގައި ތިބި ދިވެހި ކޮންޓިންޖެންޓުންގެ ފަރާތުން ގައުމީ ދިދަ ވަނީ، ނަބާހާ އާއި މުބާލް އަށް ހަވާލުކޮށްފަ އެެވެ. އޮލިމްޕިކްގެ ހުޅުވުމުގެ ރަސްމިއްޔާތު އޮންނާނީ މިރެ އެވެ.
މިފަހަރުގެ އޮލިމްޕިކްސް އަށް ނަބާހާ އަށް ޖާގަ ލިބުނީ، ބައިނަލްއަގްވާމީ ގޭމްސްތަކާއި މުބާރާތްތަކުގައި އޭނާ ހޯދާފައިވާ ކުރިއެރުމަށް ބިނާކޮށެވެ. އަދި އޭނާ ގެންދިޔައީ އޮލިމްޕިކްސް ސްކޮލާޝިޕެއްގެ ދަށުން ޓްރޭނިން ހަދަމުންނެވެ.
މުބާލް އާއި ނަބާހާ އަށް ދިދަ ހަވާލު ކުރުމުގެ ގޮތުން ބޭއްވި ރަސްމިއްޔާތުގައި --- ފޮޓޯ: އެމްއޯސީ
ސްވިމިން އިން އޮލިމްޕިކްސް ގޭމްސް އަށް ފޮނުވަން ހޮވި އެތުލީޓުންގެ ތެރޭގައި މުބާލް އެންމެ ފުރަތަމަ ނުހިމެނެ އެވެ. އޮލިމްޕިކްސް އަށް ދާނެ އެތުލީޓުން ސްވިމިން އިން ފުރަތަމަ ހޮވީ ދުނިޔޭގެ ސްވިމިން ފެޑްރޭޝަން (ފީނާ) އިން ކަންޑައެޅި ހަތަރު ފެތުންތެރިންގެ މެދުގައި ބޭއްވި ޓްރެއަލްއަކުންނެވެ. ޓްރެއަލްގައި ކުރި ހޯދީ އައިޝަތު ސައުސަން އާއި އަލީ އިމްއާން އެވެ. ނަމަވެސް ފީނާ އިން ފަހުން ވަނީ، މުބާލް އާއި އައިޝަތު ސާޖިނާ ގޭމްސް އަށް ފޮނުވަން އަންގައިފަ އެވެ.
ގޭމްސްގައި ރާއްޖެ އިން ވާދަކުރާނީ ފަސް އެތުލީޓުންނެވެ. އެތުލެޓިކުސް އިން ވާދަކުރާ ހަސަން ސާއިދު ވަނީ ޖަޕާނަށް މިއަދު ފުރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިފާނެ
24 July 2021
އިންޑިޔާ މީހަކު ލައްވާ ދިދަ ހިފުވުން ރަގަޅު ވާނެ.
ސަމީއުއްކާ
23 July 2021
ސާބަހޭ. ވަރަށް ކަމުދޭ. ސިކުނޑިހުޅުވިފަތިބި ކުދިންކޮޅެށް. އަރަބިކޮށް ޕާކިސްތާނު ހެދުންއަޅައިގެން ނުވިސްނޭމީހަކަށް ނުވައްޗޭ. ދިވެހިންދިވެހީންގެ ގޮތުގައި ކުރިއަށް! ??